Kinh tế Yên Bái huôv tsar jông đhâu moz Covid-19 huôv xênhz

Zos doanh nghiệp tsiv uô têx ntông chos muôs trâu ciêz đrôngs Nhật Bản, têx shông đhâu, moz Covid-19 tưz uô Công ty tsiv uô ntông muôs trâu luôs 2 chas têz qơưk Yên Bái li phênhv sâu tâu trâul txo grêk xar 30 tyv đeiv iz shông. Muôx kênh ntu, trâul nduô tsês tsi uô hâux lưv. Nzênh trâu shông 2022, lar heik txix iz đraz hli 3, thâuv moz Covid-19 tâu tir thêir, Công ty tưz sir jos uô hâux lưv, chiê 100 lênhx lox tôngv ntơưv taz viv li phênhv sâu tâu tsar ndê txix 5-5,5 tsov đeiv iz lênhx nênhs iz hlik lok 3 luz hlik txix hli 4-6 shông no. Zơưv Nguyễn Quốc Trung, Phưv Giám đốc công ty heik pâuz:

“Pêz muôx txâuk têx shôngz ntông chiê thâuv tưs muôx lênhx nênhs đas cir txos mak bax cơư, tsiv uô têx ntông xưz. Pêz cux krêz đar tênhx qơư huôv tsar uô nox, sir jos tuôr truôx têx lênhx kruô thâuv nzor li: Nhật Bản….. Txos nhiv no txơưv tsênhv yuôr ntâu phiv liv, taz sik taz viv tưz uô tâu jông têx luôs hâux lưv huv đros trâu ntu nhiv nor”.

Công ty muôv muôs Thủy Ngân  nhoz phường Hợp Minh, TP Yên Bái zos taz viv lês car uô đreiv têx nuv zuôr cxuô zav chuôz zênhx uz no côngz trâu chor tsêr meir tsiv uô têx qir zuôv NPK, qir đơưz hâur tas nro têz qơưk, hâur co muôx têx taz viv lox nhoz faz Bắc li: Supe phốt phát thiêz Hóa chất Lâm Thao, qir đạm Hà Bắc….. Tiv moz Covid-19 uô ruôr hiêv txos, đros trâu gri cxuô zav tsar ndê siêz; muôx kênh zav li: Qir đơưz ndê txos 250%, uô taz viv têx nuv uô njiz tsi tsơưs phiv liv. Taz sik, taz viv thâuv tưs tưz muôx tsưr ziv cxiv kho chiê huv đros, taz por têx hâux lưv uô tâu jông. Zơưv Nguyễn Hải Quang, kế toán hâur Công ty heik

“Pêz uô hâux lưv trơưk li yênhx hux thôngx, kruô đas cir zuôr huv lok six tsênhz mênhx chiê muôx txâuk cxuô zav chuôz zênhx trâu chor tsêr meir tsiv uô qir zuôv. Pêz cux cxiv kho gri muôs cov huv đros chiê taz por muôx liv. Seiz lok zuk li hâux lưv uô, têx nhiêx txiêx taz por chor huv muôx nhoz hâur qơư cov huv đros, tsi chiê sênhv ntâu hênhr. Cxiv kho đuô têx hâux lưv uô chiê txo grêk tsơưs iz phênhv tưs têx nhiêx txiêx”.

Thôngz sâu lok chuôz tsar hur si têx xiv huv (GRDP) hâur thax tsav tỉnh Yên Bái 6 luz hlik hâur shôngk shông no njuôk xav tax zuôr xar 8%, sơưr tiv 25 hâur tas nro têz qơưk. Hâur 6 luz hlik hâur shôngk song no, Yên Bái tưz tok muôx 800 cxênhz ntâu lênhx kruô tuôx ndis shuôs têz qơưk uô si; phênhv sâu tâu txix ju lix tax 524 tyv đeiv, tsar ndê zuôr xar 100% pir li shông uô ntêx. Têx qơư ju lix nhoz Yên Bái li: Liêx tơư ntêir Mù Cang Chải, ju lix côngv thôngx Nghĩa Lộ-Văn Chấn, pak đêx Thác Bà….puôr lênhx muôx lok six chôngz kruô tuôx ndis seiz uô si. Uô tâu têx li heik co zos khov cxuô cấp, ngênhx thiêz cxuô thax tsav qơư nhoz Yên Bái li têx sir jos, sik côngv têk txix ciês têx hnuz xuz thơưx hâur shôngk shông. Zơưv Nguyễn Thành Lê, Phưv Chủ tịch Ủy ban huyện Trấn Yên, tỉnh Yên Bái heik pâuz:

“Huyện Trấn Yên sir jos uô jông đêx anr hlôngr yiêz ngênhx kôngz nuv reik đros cxiv tsa jêx jok yiêz; đêx anr huôv tsar uô têx xiv huv OCOP hâur thax tsav, cxiz piêr kriê têx xiv huv chênhr; iz chas co đros chor doanh nghiệp, HTX, hlôngr yiêz têx ntâuz ntơưr, cxiv kho tênhx qơư chiê hu zâuv lênhx nênhs yưv pênhr trâu thax tsav”.

Shông no, tỉnh Yên Bái tso tơưv 32 hâux lưv huôv tsar kinh tế-xã hội. Chiê uô tâu têx luôs hâux lưv co thiêz đhâu tsưr ziv tso tơưv, txix co tax tâu xiv huv tsar ndê 7,5%, hâur 6 luz hlik kaz shôngk shông, tỉnh li têx xiv huv tsuv tax tsơưs yax zos 7% ntâu. No zos iz hâux lưv lox thiêz phiv liv hâur ntu ntux khênhr txơưr txar, muôx moz gênhk huôv xênhz phi liv; gri têx hax huv uz no hâur ciêz đrôngs têz qơưk thiêz sâuv ntiêx têz tsi truôx tuk.

Chênhr viv li, lơưr Chủ tịch Ủy ban tỉnh Yên Bái Trần Huy Tuấn, hâur têx luz hlik kaz shôngk shông, ntơưv qơư zuôr sir jos uô jông trơưk têx chei, cui tinhv, tror hlôngr yiêz tsưr ziv chox car, kriê uô cxuô luôs hâux lưv, truz lur six hơưv, hnuz nhôngs uô, lar heik zos đros thiêz têx ntâuz ntơưr cik txos ar têz, yưv pênhr, cxiv tsa…. Sir jos uô cov tâu thiêz đhâu têx luôs hâux lưv tso tơưv lok huôv tsar kinh tế-xã hội./.

                                  (Trịnh Xuân-Riê Lâux cxeik, nhênhv)

Nhoz qơư lênhx tov, Đảng viên yênhx hnuz kaz ciêz lok paz trâu cxuô thax tsav qơư

Tsik so têis cik thưr 7 yênhx ciêz, zơưv Lê Chí Dũng, Chủ tịch Ủy ban thị trấn Tằng Loỏng, huyện Bảo Thắng, tỉnh Lào Cai ho iz lênhx chêix yêz mêir muk trâu têx jêx jok, tổ dân phố sâuv thax tsav sêiz car: Têx thâuv mak chox kriê uô têx hâux lưv sêiz đrơưv; Têx thâuv ho zos hêik pêx xênhv kriz uô têx luôs hâux lưv cxiv tsa jêx jok yiêz; Têx thâuv mak tsuôk zos muk sêiz nus, thav pêv đros pêx xênhv.

“Hâur 5 hnuz uô hâux lưv ntơưv qơư uô hâux lưv chiê xưv lik cxuô kror hâux lưv thiêz têx ntâuz ntơưr hành chính mak cux tsik muôx ntâu six hơưv chiê thav đros pêx xênhv. Hnuz thưr 7 muk tâu trâu cxuô thax tsav qơư, mak zuk cux pâuz nzir ntâu kror. Đhâu co, pox nhuôs pov canr bôv hnuz so lok cux tsik nhoz hâur tsêr mak cux shir phaz đros. Zuk pov tâu tiêk cux tsuv sir jos đuô thiêz”.

Hâur hli 7 no, tas nro huyện Bảo Thẳng tsênhv tsêx trung kriz đar têx cêr muk lok hâur jêx jok, hlôngr trâu chor cêr bê tông zâu tsuôk đar muôx 3-4 thiêr. Ciês đhâu thâuv tso tơưv kriz uô, pov canr bôv, Đảng viên sir jos paz trâu pêx xênhv, pox nhuôs cux sir jos đros uô. Niêv tix Phàn Mùi Mấy Yến, mênhx cxưx Cho, nhoz jok Chát 2, thị trấn Tằng Loỏng – iz hâur chor chuôz zis uô ntêx hlo muôz ar chiê uô cêr cov đar đuô hêik:

“Cur tsêr mak nhoz đêz trâu puôs pêv lơưv, kuôk 6 cêik cêr, tas nro jok thâuv 6 six sơưr nzor tưz tuôx ntơưv no lơưv, sơưr đơưk sik đros luôx kho đuô uô cov tiêx thiêz hur oz saz ntus cêr, lov jêv hênhr viv li cux tsik hnor gênhk hlo. Cur vav tiêk zuôr uô tiêr tâu sêi chiê muôx tâu cêr lox đar cov muk lok hâur jêx jok zôngx ziv đuô, chiê thâuv njiz yêz lox mak tsik tsuv đrêk yêz, ntos yêz thiêz yêz tsik trâus puôk tsik jông”.

Đhâu yênhx ciêz, chor cêr bê tông đar 6 thiêr muôx ntâu jux juk, Bảo Thắng sir jos cov tas shông no zuôr uô tâu muôx 100 cêik cêr yiêz, txâuk trâu oz luz yêz lox siz jav. Lơưr zơưv Trần Minh Sáng, Bí thư Huyện ủy Bảo Thắng, txix hâur shôngk shông 2021 txos nhiv no, iz ciêz huyện ho hêik tas nro canr bôv, đảng viên thiêz pêx xênhv sik đros uô lox tôngv lơưr têx tsưr ziv sik txơưr:

“Bảo Thắng li tsưr ziv zos tsês têis cik hnuz thưr 7 lok trâu cxuô thax tsav qơư, tas nro chor lênhx tov tâu phêiz côngz sêiz shuôk chor xar puôk lênhx tuôx đros uô lox tôngv, paz trâu pox nhuôs. Chênhr txix tsưr ziv uô tsênhv tsênhz li co, ciês thâuv tso tơưv kriz uô pêx xênhv tưz pâuz tâu thiêz pov tâu tiêk têx hâux lưv uô no puôr lênhx zos paz muôx tâu kror liv trâu zuk viv li lơưr cux thôngx ziv thiêz sir jos đros uô”.

Khov tsưr ziv no, txos nhiv no tas nro huyện tưz uô tiêr muôx 3500 ntâu cêik cêr chos pax, 420 ntâu cêik cêr tênhv tênhz, kriz đar tâu muôx 40 cêik cêr, khơưk sâu tsês tâu xar muôx 300 tấn vuôz tsuôz. No zos têx kror zov chênhr hâur sir jos uô chiê paz trâu Bảo Thắng uô tiêr tâu tsưr ziv cxiv tsa jêx jok yiêz jông trâu shông 2025./.

(An Kiên-Lik Thox cxêik nhênhv)