Lai Châu: Sir jos cxiv uô tsêr cơưv ntơưr thax tsav ntus đriv cov huv zos luôs hâux lưv tso tơưv

           Ntơưv côngz trinhx Tsêr cơưv ntơưr Phôv thông nội trú Cxênhx iz thiêz Cxênhx oz Pa Tần, tỉnh Lai Châu, 7 six ntâu sơưr nzor, công trường tưz đror nxê ntưk têx suôz mêir. Yênhx paz công nhân sêi đrơưv njêis yêv têx chuôz lov, nquôr bê tông, uô cov tiêr têx hâux lưv. Khov trâu chor hnuz yar ntux muôx ntux kruôr, xav tas nro têx hnuz jêx tưv đrâuv jôngr ndê txos 40 tưv, têx taz viv cux tsưr tsix uô hâux lưv yênhx hnuz hmo chiê uô cov tâu tiêr li tsưr ziv tso tơưv. Kỹ sư Lê Thành Khẩn, Tôv tsar tôv uô Côngz trinhx tsêr cơưv Phôv thông nội trú cxênhx iz thiêz cxênhx oz Pa Tần hêik pâuz: “Uô thâuv đruôz hnuz tsik txâuk mak pêz uô nzir trâu thâuv hmo ntux. Thâuv uô mak pêz uô jông sêiz txos ngaz tuk lox tôngv. Tiv zix, taz viv sir jos uô cov tâu jông tsơưr lươngv côngz trinhx”.

           Chor côngz trinhx Tsêr cơưv Phôv thông nội trú cxênhx iz thiêz cxênhx oz ntơưv Lai Châu puôr lênhx zos uô trâu ntơưv chor xar ntus đriv nhoz đêz, thax tsav phiv liv, cêr muk lok đaz tuôs. Iz jiês thâux xa têx chuôz lov, chuôz zênhx muk trâu qơư uô puôr lênhx tas ntâu six hơưv thiêz nhiêx txiêx. Taz sik, cux tsik uô phiv liv trâu chor nênhs tsênhv hnuz hmo cxiv tsa chor tsêr cơưv trâu têx tuz nhuôs nhoz thax tsav tox siêz. Txos nhiv no, chor côngz trinhx tâu kriz uô hâur shông 2026 puôr lênhx tưz uô tiêr têx plas thiêz cxuô kror chênhr. Ciês 5 côngz trinhx kriz uô shông 2025 tsênhv tâu têx taz viv kriz uô, sir jos cov uô tiêr tâu nzor đuô tsưr ziv tso tơưv txix iz txos oz hli. Zơưv Nguyễn Văn Đoán, Phưv Ban Sêiz car dưv anr, Công ty Cổ phần Huôv tsar yưv pênhr cxiv tsa Việt Nam, puz pâuz: “Nênhs thầu li pêz tâu choz uô 4 tsêr cơưv zos Dào San, Hua Bum, Bum Nưa thiêz Pa Tần. Nhiv no ntơưv chor công trường puôr lênhx sir jos kriz uô. Pêz huiz tôngv ntâu zav mêir, chuôz zênhx thiêz lênhx nênhs chiê kriz uô. Tsưr ziv uô nhiv no cux tsênhv tâu uô trơưk tsưr ziv yưv pênhr. Ntu zuôr txos zuôr tror cxaz nzir lênhx nênhs, chuôz zênhx chiê cê paz uô tâu li tsưr ziv tso tơưv, cê uô tâu jông lok tsơưr lươngv thiêz ngaz tuk lox tôngv”.

           Chiê chor dưv anr uô tâu tiêr li tsưr ziv tso tơưv, Công an tỉnh Lai Châu zos tsưr yưv pênhr 10 hâur 11 dưv anr cxiv tsa tsêr cơưv nội trú oz cấp nhoz Lai Châu tưz tso tơưv côngz xưv 100 hnuz hmo sâuv tas nro chor công trường. Đại tá Cao Thế Quang, Trưởng phòng Tham mưu, Công an tỉnh Lai Châu puz pâuz ntơưv chor công trường, yênhx cxênhz lênhx canr bôv, công nhân tsênhv sir jos uô têx hâux lưv cov tiêr: “Tsưr yưv pênhr zos Công an Lai Châu tưz tsưr tsix iz jiês cơưv sêi đrơưv, chiê hêik pâuz Thủ tướng li têx tsênhv njiêz chox kriê. Đros co, Công an tỉnh cux tso tơưv côngz xưv 100 hnuz hmo sir jos uô, chiê hêik chor nênhs thầu, taz viv uô sir jos uô cov uô tâu tiêr têx dưv anr kriz uô shông 2025 uô cov tiêr li tsưr ziv tưz tso tơưv”.

           Đros sir jos paz trâu shux xênhz tox siêz muôx tâu têx luz tsêr cơưv ntơưr lox jông, cxix cxuô, têx taz viv uô côngz trinhx nhoz Lai Châu tsênhv sir jos yênhx hnuz, chiê uô cov tiêr tâu sêi. Têx chor gạch tâu cxiv tsa hnuz no tưz tsik zos cxiv tsa iz luz tsêr cơưv yiêz xưz, mak tsênhv cxiv tsa ntu nênhx zuôr txos, paz cxơưz cxiz trâu têx tuz nhuôs tsôngv box cxuô mênhx cxưx tsơưs nênhs nhoz thax tsav ntus đriv sir jos cơưv ntơưr cov muôx tâu luz nênhx jông đuô./.

Khắc Kiên-Lik Thox cxêik nhênhv