Zơưv Cầm Vui, lênhx tuôr tâu tsês jông zuk heir nênhs têx txux chi sênhr suôz heik cưr cxiêx

Đros thiêz ntâu lênhx nênhs nhiêv nênhs Poz Ziz nhoz Sơn La têx suôz sênhr cưr cxiêx, lênhx tưs cux pâuz txos zơưv Cầm Vui, nhoz huyện Mường La, tỉnh Sơn La, đros trâu zơưv têx suôz jông sênhr heik cưr cxiêx Poz Ziz. Zơưv Tòng Văn Hịa, nhoz jok Mòng, xã Hua La, TP Sơn La, tỉnh Sơn La heik:“Muôx lok six ntâu lênhx nênhs pâuz heik cưr cxiêx, iz lênhs nhiêk muôx nhiêk luz suôz sênhr jông tsi siz thôngx. Taz sik têx txưv cưr cxiêx, cux iz zav li sênhr suôz heik mak zơưv Cầm Vui lâus tâu suôz sênhr heik lok six jông. Têx txưv cưr cxiêx txos trâu luz suôz zơưv sênhr heik uô trâu lênhx nênhs mnôngs zôngx ziv ndo tâu, zôngx ziv shâuv thiêz sênhr heik trơưk. Zơưv cux zos lênhx muôx tsưr ziv txơưx xar tơưv têx txưv cưr cxiêx uô pax lul heik lol luz nênhx xênhz huôx, cêr uô nox uô hnar…. Viv li cur cux loks ix nhiêv zơưv Cầm Vui têx jax cưr cxiêx, cux iz zav li mnôngs chênhr zơưv sênhr suôz heik”.

Xênhz thiêz hloz lox hâur iz chuôz zis muôx lênhx niêv txơưx heik cưr cxiêx Poz Ziz, txir zos cưk kriê ntơưr ntơưr Poz Ziz lâul hâur xã Mường Trai, huyện Mường La, tỉnh Sơn La, txix ciês thâuv zâu tsênhv pâuz muk seiz nhux tưv ntơư, zơưv Cầm Vui tưz cơưv shâuv lênhx niêv têx txux chi sênhr suôz heik cưr cxiêx, yuôz trax, yuôz kênhx thiêz jux juk uô trâu zơưv nhiêv txos zuk heir nênhs têx txux chi cêr lov jêv co thâuv tưs lok cux tsi pâuz. Zơưv sir jos đros nthuôr uô têx cêr lov jêv hâur jok, hâur xã, gra zuk têx suôz sênhr cưr cxiêx, suôz trax heik, yuôz trâu sơưr đơưk mnôngs uô si lov jêv chiê cxơưz sơưr đơưk sir jos khưr huôv tsar uô nox, cxiv tsa jêx jok, qơư nhoz cov truôx njês, huôv tsar, vav mênhx.

Six hơưv, hnuz nhôngs uô hâux lưv ntơưv Phongx vênhx huôv huyện Mường La, zơưv Cầm Vui tâu phênhz côngz seiz car phôngz yaox vênhx huôv, vênhx ziv ntơưv qơư. Đros thiêz txơưx jênhv, siêz nhiêv zuk heir nênhs têx txux chi vênhx huôv, zơưv Vui muk cxuô xã hâur huyện chiê cxiv kho phôngz yaox vênhx huôv, vênhx ziv, chiê luz xã, jok tưs cux muôx têx paz tuz nxeik nthuôr uô lov jêv phưx vưv tsôngv cưr tix nênhx tsa sơưr đơưk thâuv hâur jok muôx lov jêv uz no…. Muk txos tưs zơưv cux kriê chor tuz nxeik nthuôr uô lov jêv sênhr chêr heik cưr cxiêx, đhiê uô lov jêv, tus tưs xar cơưv ntơưr Poz Ziz, nhiêv cơưv zuk heir nênhs têx txux chi li: Yuôz trax, yuôz kênhx, ntâuk trax….zơưv cux shir phaz, jông siêz hlo kriê trâu chor hluôk. Trơưk li zơưv Cầm Vui: Cơưv heik cưr cxiêx Poz Ziz, lok sik yuôz kênhx, kox trax mak tsi phiv liv cơưv, taz sik tsuv nhiêv thiêz siêz truôx li cơưv tâu. Iz zav li heik cưr cxiêx Poz Ziz, tsuv pâuz lâus suôz, uô pa huv đros thiêx heik tâu jông:“Tsi zos lênhx tưs cux pâuz sênhr chêr, lâus suôz heik tâu jông, uô trâu lênhx nênhs mnôngs tsi đhuôr. Chênhr viv li, lênhx sênhr suôz heik cux tsuv nhiêv, muôx suôz jông, pâuz uô pa siz luôs trơưk li têx txưv cưr cxiêx thiêz thiêx heik tâu jông trơưk li sơưr đơưk siêz nhiêv”.

Cux qir txix têx nhiêv cưr cxiêx Poz Ziz, zơưv ho xar tsưr ziv sênhr suôz heik zuk heir nênhs têx suôz gâux, cưr cxiêx. Chor cưr cxiêx zos xar tơưv phênhv ntâu zos heik lol têz qơưk, cêr uô nox uô hâuk, ndo txos Đảng, têz qơưk, Lâul Hôx côngz. Tov kaz no, zơưv tsês ntâu six hơưv, hnuz nhôngs xar tơưv têx cxiêx heik lol tsôngv box luz nênhx xênhz huôx hâur niêx hnuz li: Nox yôngz cok, gâux đrâul, uô nhaz….. Chênhr viv li, têx jax cưr cxiêx zos zơưv xar tsưr ziv sênhr suôz heik thâuv tưs tưz tâu tsôngv box Poz Ziz nhoz cxuô thax tsav qơư nhiêv mnôngs.

Txos nhiv no, zơưv Cầm Vui tưz xar tơưv tâu 350 jax cưr cxiêx nhiêk txơưr nhiêk tsi siz thôngx. Đhâu têx jax cưr cxiêx zos zơưv Cầm Vui xar tơưv, sênhr suôz heik sâuv Đeix nta suôz VIệt Nam, Đeix nta suôz xa đuôz tỉnh Sơn La, chor nênhs nhiêv txux chi vênhx huôv, nthuôr uô cêr lov jêv zos tsôngv box Poz Ziz nhoz Điện Biên, Yên Bái, Lai Châu, Sơn La, hâur thax tsav Tây Bắc tsi so hu xor tôngx thor txos zơưv têx suôz cưr cxiêx lok sik cov zơưv sênhr suôz heik ciês sâuv Đeix trâu sơưr đơưk mnôngs. Thiêz zơưv Vui thâuv tưs cux shir phaz, jông siêz uô trơưk li têx lênhx nhiêv cêr lov jêv zoz qơưx, luk thor txos. Zơưv Nguyễn Văn Sáng, Tsar phongx Vênhx huôv-Thôngz xor mông huyện Mường La, tỉnh Sơn La heik pâuz: Nhiv no, huyện Mường La muôx nhos 300 paz tuz nxeik hluôk, têx lâul nthuôr uô lov jêv, phênhv ntâu zos chor hluôk nênhs, iz đraz nênhs, têx lâul hnuz nhôngs siêz, nhoz cxuô jêx jok hâur tas nro huyện. Thôngz đhâu chor nthuôr uô lov jêv, têx lênhx muôx tsưr ziv, pâuz sênhr chêr uô têx cêr lov jêv li zơưv Cầm Vui tưz paz tuôr tsês, por hưv thiêz huôv tsar tsôngv box li têx txux chi vênhx huôv jông thâuv nzor tsi chiê pôngz plox, sir jos cxơưz paz phôngz yaox cxiv tsa luz nênhx vênhx huôv yiêz nhoz thax tsav tsôngv box, cxuz cêr yeiz pluôs ntơưv qơư.

Đros thiêz zuk têx côngz đas jos paz trâu ngênhx vênhx huôv heir nênhs, shông 2016, zơưv Cầm Vui tâu Chủ tịch têz qơưk thiêz têx ngênhx vênhx huôv-thêv thao, ju lix tỉnh Sơn La muôz ntơưr kruôs:“Zơưv Cầm Vui zos iz lênhx pâuz ntâu zav txux chi, muôx têx xar tơưr têx cưr cxiêx, sênhr chêr heik tâu nênhs Poz Ziz li ntâu zav txux chi uô si lov jêv.  Zơưv lok six sir jos đros cxaz chuôz huyện li têx luôs hâux lưv, lar heik zos hâur yax kriê tso tsês tsôngv box têx cêr nênhx pôngz kaz. Thôngz đhâu sênhr suôz heik cưr cxiêx trâu sơưr đơưk mnôngs, tsôngv box lok six shir phaz thiêz zôngx ziv jênhv pâuz tâu zuk heir nênhs têx txux chi vênhx huôv jông”.

Zơưv Cầm Vui li luz tsêr nhoz thị trấn Ít Ong, huyện Mường La seiz njiê xưk li iz qơư trâu tsês têx ntâuz ntơưr vênhx huôv, viv tuv tsês ntâu fâu ntơưr sâu têx jax cưr cxiêx, ntơưr Poz Ziz sâu tsês ntâu phôngz cxưx, cêr nênhx vênhx huôv, chei đaz kruôs, pax huôv uz no…..zos zơưv cxiv sâu, khơưk tsês trâu cxênhx hluôk tâu cơưv, pâuz txos. No chênhr zos têx jông, muôx grik zơưv Cầm Vui tưz thiêz tsênhv sir jos por hưv, tuôr tsês trâu cxênhx tuz nhuôs zar tov kaz tsi chiê pôngz plox./.

                                                               (Đức Anh-Riê Lâux cxeik, nhênhv)

Laox Cai muôx ntâu zav hax huv du lix

          9 luz hli hâur shông 2022, muôx 3,6 triệu lênhx kruô tuôx ndis shuôk têz qơưs txos Laox Cai, phênhv sâu tâu nhiêx txiêx txix muôs cxuô zav hax huv trâu tsôngv kruô tax tâu 12.800 tỷ đêiv. Ntơư cux zos têx luôs hâux lưv ngênhx du lix tỉnh Laox Cai uô tâu truôx đhâu hâur ntu muôx caz moz Covid-19 huôv xênhz phiv.

          Txix caz moz Covid-19 txo grêk tsơưs, cxuô tsênhv qơư tưz tsiv uô tâu ntâu zav hax huv du lix yiêz, huv đros tsôngv kruô siêz nhiêv. Pir li chêix câuk za sêiz shuôk têx qơư jông jav hâur thax tsav…. Vũ Đoàn Thuỳ Dương, iz lênhx kruô nhoz Hà Nội tuôx ndis shuôk têz qơưs shir phaz lul hêik pâuz:“Chêix câuk za cux jông hênhr, zos tiêk uô si hâur têx pak đêx, cux sêiz pov têx tox trônz câuv har, blêx liêx tơư ntêir jông jav. Ntơư cux zos iz thax tsav qơư jông jav chiê tsôngv kruô tuôx sêiz shuôk”

          Iz zav hax huv du lix yiêz, cux uô trâu tsôngv kruô siêz nhiêv, thâuv tsôngv kruô tuôx sêiz shuôk txos Sa Pa hâur ciêz feti va thax tsav faz Bắc hâur ntu đhâu, ntơư zos Sa pa thax tsav qơư jông jav. Zos tsôngv kruô tuôx txos trâu Sa Pa, cux tâu sêiz pov tsôngv px Hmôngz têx txux chi, vênhx huôv jông cxôngx nzor. Đhâu co, cux pâuz tâu tsôngv px cxuô hêir nênhs tsơưs hâur thax tsav huyện Sa Pa luz nênhx nox nhoz muk lok hâur niêx hnuz đros têx têx suôz trax, suôz ndak, suôz kênhx, suoz sênhr cưr cxiêx….Ntơư zos iz hâur yênhx puô zav hax huv du lix muôx nhoz trâu 35 qơư du lix tỉnh Laox Cai hâur ntu nhiv no. Pos Cà Thị Vượng, tsar phôngx vênhx huôv thị xã Sa Pa shir phaz lul hêik pâuz:“Cxuô zav hax huv du lix, lar hêik zos  cxuô zav hax huv yiêz huv đros tsôngv kruô siêz nhiêv hâur ntu nhiv no. Chênhr zos li hêik ntơư, tsuv sir jos hlôngr yiêz tsiv uô cov tâu ntâu zav hax huv yiêz, thiêx muôx chôngz lênhx kruô tuôx sêiz shuôk cxuô tsênhv qơư hâur thax tsav tnhr Laox Cai”

          Nhiv no tỉnh Laox Cai muôx 6 zav hax huv du lix nto bê, ntơư zos du lix tsês trâu tsôngv kruô so ndis uô si; du lix vênhx huôv-côngv thôngx; du lix jôngr ntông; du lix kôngz nuv-tsiv uô cxuô zav hax huv; du lix uô si. Chênhr zos li hêik ntơư, tỉnh Laox Cai tưz tso tơưv luôs hâux lưv huôv tsar cxuô zav hax huv du lix ntu 2021-2025 thiêz njuôk xav huôv tsar uô txos ntu 2030, tok cov tâu 12 triệu lênhx kruô tuôx sêiz shuôk têz qơưs txos Laox Cai. Zơưv Hà Văn Thắng, Giám đốc sở du lix tỉnh Laox cai shir phaz lul hêik pâuz:“Loax Cai tsênhv taz tov huôv tsar, tsiv uô cxuô zav hax huv du lix hâur thị xã Sa Pa txuôk đros Bát Xát; faz Nam Văn Bàn txuôk đros Bảo Yên; faz Đông Bắc muôx Bắc Hà, Mường Khương txuôk đros têx ciêz Bắc Hà, Cán Cấu, Pha Long, cxuô zav hax huv jông txơưr tsik siz thôngx”

          Xav tâu truôx hâur luôs hâux lưv huôv tsar, tsiv uô cxuô zav hax huv du lix yiêz, nto bê muôx nhoz tỉnh Laox Cai chiê paz ngênhx du lix iz thênhv jux juk huôv tsar, hlôngr yiêz-huôv tsar kinh tế xã hội nhoz cxuô tsênhv qơư./.

                                                          Tsu cxêik nhênhv-VOV1