Sir jos chox chor liệt sĩ trâus tuôs saz têz qơưk Lào lok Việt Nam

Thượng úy Hờ Xênhv Shôngx, nhân viên Đội zok nriêr têx nza liệt sĩ, Cục Chinhr triv Quân khu 2 txos nhiv no tưz muôx 10 ntâu shông uô hâux lưv zok nriêr nza chor liệt sĩ nhoz saz têz qơưk Lào lok Việt Nam. Uô kror hâux lưv no, tix lâus thiêz sơưr đơưk tsik so muôx chor jiês muk uô hâux lưv ntêr hnuz, têx thâuv tsênhv nhoz trâu saz têz qơưk Lào txos oz pêz luz hli. Tix lâus Hờ hêik: Tix lâus Đôiv tâu choz jênhv vưv zok nriêr nza chor liệt sĩ quân zos nênhs Việt Nam trâus tuôs ntơưv 6 tỉnh Bắc Lào. Thax tsav lox đar, phiv liv, hâux lưv zok nriêr cux njiz tsik tsơưs têx cêr txov. “Thâuv pêx txêik tâu xor mông txix pêx xênhv hêik pâuz tiêk muôx xor mông lok têx nza chor liệt sĩ mak tas nro đôiv zuôr piz muk chiê zok nriêr nza chor liệt sĩ co. Iz jiês muk zok nriêr mak truz ntêr txix 7-10 hnuz, têx thâuv tsênhv ntêr đuô thiêz viv li cxuô kror hâux lưv bax uô ntêx zos kror lok six zov chênhr. Thâuv pov tâu têx kror cik txos chor zênhz shôngx liệt sĩ mak lênhx tưs cux jông siêz tsuôk xar sir jos zok nriêr cov tâu thiêz chox lơưr tror lok trâu zuk têz qơưk, txix co tsuv  uô jông khơưz, xuôk têk thoz huk ar jux juk cov khơưk tâu tas lơưr têx poz cxa tsik chiê sênhv kror tưs hlo txơưv tiêk zos têx tuk hniêr xưz”.

Xav txix thâuv yênhx lix trâu kaz shông 1994 txos nhiv no, Đôiv côngz xưv tiv zix Quân khu 2 uô jênhv vưv sâuv thax tsav 6 tỉnh Bắc Lào tưz xav jênhv, nriêr pâuz tâu 4.200 ntâu xor mông lok nza chor liệt sĩ; zok nriêr, chox tâu lok Việt Nam zuôr xar 1.800 nza chor liệt sĩ. Ciês hâur chêix ntu chêix ntux kruôr shông 2021-2022, lưx lươngv tưz zok nriêr pov tâu 20 nza liệt sĩ, hâur co muôx 8 liệt sĩ xav jênhv tâu bê thiêz qơư nhoz thiêz tưz choz zok trâu chor nênhs cxênhz jê nhoz 6 tỉnh, thành phố hâur têz qơưk Việt Nam. Thiếu tướng Trần Ngọc Tuấn, Phưv Chính ủy Quân khu, Trưởng Ban Chox kriê lok zok nriêr nza chor liệt sĩ Quân khu 2 (Ban chox kriê 515) puz pâuz: “Pêz tsênhv uô hâux lưv sik thav, chuôr yuô, uô tsâus Ban côngz xưv tiv zix têx tỉnh Bắc Lào thiêz chor nênhs hâur Ban côngz xưv tiv zix têx tỉnh puôr lênhx sir jos uô zuk txơưx jênhv chiê nros Ban chox kriê 515 Quân khu 2 thôngx ziv têx tsênhv njiêz zov chênhr. Tiv zix zos hâux lưv yax kriê đêz đar nriêr pâuz xor mông txix chor bôv đôiv lâul nhoz bôv đôiv Pathet-Lào, chor lâul jok, tsar jok, pêx xênhv têx tỉnh Bắc Lào. Txix co thôngx ziv phuôx huiz siêz tiv zix txơưx jênhv chiê uô lơưr 2 Đảng, 2 têz qơưk têx tsưr ziv, cêr chêi”.

Ntơưv tỉnh Điện Biên, ntu 2013-2020, thax tsav qơư tưz txêik jênhv, uô đaz uô kruô trâu 270 ntâu lênhx liệt sĩ zos nênhs Việt Nam trâus tuôs ntơưv Lào zos Đội zok nriêr nza liệt sĩ (Cục Chinhr triv Quân khu 2) chox lok choz zok. Ciês shông 2021 thiêz 7 luz hli hâur shôngk shông no, Điện Biên tưz txêik jênhv, uô đaz uô kruô trâu 25 lênhx liệt sĩ tâu chox lok têz qơưk tso trâu ntơưv qơư kuô nza Liệt sĩ Tông Khao. Lơưr zơưv Bằng Xênhv Vưx, Phưv Chủ tịch Ủy ban tỉnh Điện Biên, Trưởng Ban Chox kriê 515 tỉnh puz pâuz: “Tỉnh tưz xav jênhv têx tsưr ziv, jênhv vưv tsênhv tsênhz chiê sik côngv đros têx taz viv, ban, tiv zix zos đros 6 tỉnh Bắc Lào chiê paz tâu jông tiv zix trâu chor nênhs nhoz đôiv zok nriêr uô tâu jông jênhv vưv tâu choz. Txix xav jênhv tâu qơư, nriêr pâuz têx xor mông, txix co zuôr sik côngv jông đros Bôv Tư lệnh Quân khu 2 li chor taz viv uô hâux lưv cux xưk li Bôv Côx phax muôx têx tsưr ziv uô jông, huv đros, cê taz por tâu jông hâux lưv zok nriêr têx nza, cê taz por xav jênhv tsênhz mênhx tâu qơư ntâuk tros châuz nhoz cxuô ntu cách mạng chiê zok nriêr cov tâu chor nza têx liệt sĩ”.

Tỉnh Điện Biên sir jos uô cov txos shông 2030 zuôr uô tâu tiêr Chính phủ li Đề án lok hâux lưv zok nriêr nza chor liệt sĩ./.

(Vũ Lợi-Lik Thox cxêik nhênhv)

Lênhx nxeik hluôk tox siêz qir huôv tsar uô nox txix têx muôx jông ntơưv qơư nhoz

Xênhz thiêz hloz lox nhoz tox siêz Đồng Văn hâur tỉnh Hà Giang, Lưu Thị Hòa, xênhz shông 1992 zos iz hâur têx lênhx hmôngr jông tâu muk cơưv txux chi. Cơưv tas ntơưr hâur tsêr cơưv Đại học Khoa học Xã hội thiêz Nhân văn, Đại học Quốc gia Hà Nội, đhâu 2 shông uô hâux lưv trâu têx tập đoàn hâur thiêz đrâuv luôs 2 chas têz qơưk, Hòa cux tso hâux lưv tsês, xeir tror lol zuk qơư nhoz chiê huôv tsar uô nox. Zos lênhx xênhz thiêz hloz lox nhoz thax tsav txov nhêv, Lưu Thị Hòa pâuz tsênhz txos tsôngv pêx xênhv khưr uô liêx têz li têx cêr txov. Taz sik Hòa cux seiz pov hâur zuk thax tsav qơư jông huôv tsar chos ntâu zav tsoz chos. Đros trâu têx pâuz tsênhz txos uô liêx têz, zuôr muôs têx kôngz hur đhâu ntâu shông uô nênhx nhoz cơưv txux đrav đrôngs, Lưu Thị Hòa quyết tinhv yênhx lix HTX uô kôngz, chiê paz ngênhx kôngz nuv ntơưv qơư huôv tsar: “Nhoz no mak cux muôx têx jông chiê cur huôv tsar uô nox reik đros trâu têx txux chi vênhx huôv ntơưv no. Kror uô cur xar njôngr zos tuôr tâu tsês heir nênhs Pu Péo li txux chi vênhx huôv jông, iz chas co cux uô tâu iz qơư muôx têx sik côngv đros lơưr, muôz hâu cêr trâu chênhr tsôngv cưr tix nênhx tsa zuk heir nênhs huôv tsar uô nox”.

Đhâu iz ntuk sir jos uô cov tâu trơưk li tsưr ziv, siêz xar, iz chas ntơư uô lơưr huyện ủy Đồng Văn li Nghị quyết chuyên đề lok huôv tsar uô nox uô hnar, txos shông 2017, HTX kôngz jôngr nuv thiêz dịch vụ muôv muôs cxuô zav hax huv Po Mỷ tâu yênhx lix, muôx 17 lênhx nênhs, zos Lưu Thị Hòa uô thơưx seiz car. HTX qơư uô hâux lưv đar xar muôx 3 cxênhz xưv phaz, muôx xor thêir hur tiz si, chos, tsiv uô, zuôr muôs iz cxiê zav kôngz nuv li: Jiz mur, tsoz chos ntông nox txir, têx jâuz tâuv…. Têx shông đhâu, HTX tưz sir jos muk trâu têx ntênhs ciêz muôs huv, piêr kriê têx xiv huv nhoz ntâu thax tsav qơư chiê qênhz shuôs, heik kriê, krêz đar tênhx qơư muôs têx huv uz no. Zơưv Dinh Chí Thành, Phưv Chủ tịch Ủy ban huyện Đồng Văn, tỉnh Hà Giang heik: “Têx li hluôk nênhs lok hâur huyện huôv tsar uô nox zos iz kro jông trâu huôv tsar kinh tế xã hội hâur thax tsav qơư. Hluôk nênhs nhiv no cux muôx ntâu tsưr ziv jông, lar heik zos uô ntêx nyuôs thiêz muôx txux chi, viv li thâuv uô têx luôs hâux lưv mak phênhv ntâu tưz uô tâu. Tiv 2 zos lơưr chor hluôk siêz truôx viv li txơưv uô tsi tâu, trâul pôngz iz, oz jiês lok lơưr cux tror sir jos uô cov tâu. Chênhr viv li lok six jông cxiz xã hội huôv tsar, sik đros thôngx siêz, côngv têk uô, lar heik zos muôz hâux lưv uô trâu têx cưr tix nênhx tsa sơưr đơưk hâur thax tsav”.

Nhiv no HTX kôngz jôngr nuv thiêz dịch vụ muôv muôs cxuô zav Po Mỷ tưz hu zâuv, txuôk tâu đros ntâu chuôz zis nênhs Hmôngz thiêz Pu Péo uô têx xiv huv jông, jâuz tâuv kaz li: Jâuz krưr, jâuz njuôz Hmôngz, kriêr, jâuz ntus hâur pâuk…, chos trơưk tsưr ziv yiêz. Txix Hòa heik kriê đros trâu têx HTX uô tâu jông, gra lok têx muôx liv tsênhv tsênhz, tsôngv box sơưr đơưk tưz seiz njiê pov muôx phênhv sâu tâu trâu chuôz zis, cê paz tuôr truôx, tsưx phưv têx muôx jông ntơưv qơư. Zơưv Thào Mý Thò, nhoz xã Sủng Là, huyện Đồng Văn heik: “Sik côngv đros HTX, thâuv sâu têx kôngz mak zuk sâu tso ntơưv liêx têz, HTX lơưr mav tuôx thâux gra ntơưv qơư”.

Txix têx uô tâu yênhx côngz xuz thơưx, Lưu Thị Hòa thiêz têx lênhx sik đros hux jos tưz cxaz chuôz tưr thik dưv anr qir têk huôv tsar uô nox jiês tiv 4, zos Tsênhv qơư nhênhz chơưv uô lax luôv thiêz paz max doanh nghiệp, Hội doanh nghiệp hax huv Việt Nam tsơưr lươngv siêz tsưr tsix. Hòa dưv anr zos fuô uô têx nuv chos jâuz truôx tuk thiêz têx tsoz chos lur hnuz nhôngk ntơưv xã Phố Là, Sủng Là, xuz thơưx zos sik côngv đros tsôngv pêx xênhv, uô lơưr tsưr ziv yiêz chos thiêz tu, khưx phưx têx phiv liv hâur uô nox uô hâuk, zok nriêr qơư muôs têx huv kaz, hur jông trâu chor ciêz đrôngs lox đuô.  Hòa tưz xav tinhv tâu 2 ntuk chiê uô zuk têx hâux lưv, xuz thơưx zos txuôk đros tsôngv lax pêx xênhv, cưr tix nênhx tsa thiêz phênhz, kriê sơưr đơưk uô trơưk têx tsưr ziv uô nox yiêz, qir uô têx xiv huv jông, truôx tuk muôs trâu luôs 2 chas tỉnh. Tiv 2 zos hu zâuv kruô tuôx ndis uô si ntơưv Phố Là, Sủng Là thâuv tuôx txos tox siêz Đồng Văn. Co cux zos ntu sir jos krêz nthuôr uô têx txux chi vênhx huôv ju lix. Cxiz têx muôx jông ntơưv qơư huôv tsar, cê zos đas jos cxơưz Hòa thiêz têx lênhx đros uô hâux lưv uô cê sir jos đuô hâur cxuô cêr nuv niêx hnuz: “Cur têx nuv uô, zos tsi uô ruôr hiêv li chas txos chiv xênhz đrox tsuôs. Hur tiz si cxuô tsar zav puôr lênhx por hưv jông tsês tas nro, tsi ntor luôx uô ruôr hiêv, tsi cxiv puôz uô li chas hlo chiê kruô muôx têx ndis seiz, pov tâu chiv xênhz đrox tsuôs têx jông jav”.

Lưu Thị Hòa têx tsưr ziv, siêz xar huôv tsar uô nuv tưz thiêz tsênhv krêz hâu cêr trâu ntâu lênhx hluôk nênhs nhoz suôv qơư no cơưv shâuv, uô trơưk thiêz huôv tsar uô bluô nux sâuv chênhr zuk qơư nhoz./.

(VOV4-Riê Lâux cxeik, nhênhv)