Đắc Lắc: Uô jông Đảng viên li pưs txux hâur thax tsav tsôngv box heir nênhs tsơưs

Hâur têx hnuz no, tsôngv box xã Ea Tiêu, huyện Cư Kiun, tỉnh Đắc Lắc tsênhv taz tov đê sâu têx txir hưx txoz. Tiv ntux txơưr tsar phiv liv thâuv ntu têx txir hưx txoz nhiv kruôr qir txi txir; viv li shông no hưx txoz njuôk xav zuôr đê sâu tsi yuô tâu bâuv li chiv uô ntêx, taz sik tsôngv box hâur xã cux shir phaz lus muk đê sâu têx txir hưx txoz. Viv tsi yuô muôx lênhx nênhs chos zav tsoz chos ntêr shông co, phênhv ntâu tsôngv box tưz hlôngr chos lưv zav tsoz chos txơưr đuô chiê muôx phênhv sâu tâu truôx tuk hâur niêx shông. Đros iz đeiv liêx têz uô kôngz, 2, 3 shông tror lok no, tsôngv box li phênhv sâu tâu tưz tsar ndê 30-40%. Luz nênhx hlôngr yiêz jux juk, paz txo grêk tsơưs têx chuôz zis pluôs hâur thax tsav. Chiê uô tâu têx li heik co, khov muôx chor đảng viên nhoz cxuô chi bộ jok li têx sir jos yax kriê, chiê tsôngv pêx xênhv hlôngr yiêz tsưr ziv uô kôngz, sir jos khưr huôv tsar uô nox. Zơưv Y Bom Byă, Bí thư chi bộ jok Ê Bung, xã Ea Tiêu, huyện Cư Kiu heik pâuz:

“Hâur iz jiês cơưv chi bộ muôx ban seiz car jêx jok, cxix luôs chính trị zos puôr lênhx yax kriê trâu pêx xênhv tsưr ziv huôv tsar uô nox li: Zuôr têx qir zuôv, cơưv shâuv, uô trơưk têx tsưr ziv uô nox yiêz. Pêz jok nưk chos nưk têx cà phê, hưx txoz, sầu riêng mak tsi muôx, hur si  puôr lênhx chos shơư trâu lưv zav tsoz chos txơưr đuô chiê muôx tsơưr lươngv siêz. Yax kriê chiê huôv tsar kinh tế chuôz zis”.

Zos xưk li đảng viên lâul iz zav li zơưv Y Bom, muôx ntâu tsưr ziv hâur yax kriê tsôngv niêv txir lax pêx xênhv huôv tsar uô nox mak têx lênhx đảng viên hluôk zos heir nênhs tsơưs ho sir jos uô ntêx nyuôs hâur cxuô luôs hâux lưv, car xar car uô. Tix lâus Y Khăn Niê, xênhz shông 1991, Bí thư chi bộ jok Knir zos iz lênhx xưk li heik co. Txix thâuv tâu bâux xeir uô Bí thư chi bộ, tix lâus pâuz tsênhz txos zuk li hâux lưv tâu zok muôz. Tsi tiêk moz siêz lês uô jông cxuô luôs hâux lưv, tix lâus thâuv tưs tưz sir jos uô nênhx jông, tsiv txiêx chiê tsôngv niêv txir lax pêx xênhv njênhs njôngr, uô trơưk. Jok Knir, muôx 90% zos tsôngv box heir nênhs tsơưs, 98% njênhs tsưr, taz sik têx shông đhâu thâuv tưs hâur thax tsav qơư sơưr đơưk cux nox nhoz truôx tuk, sir jos khưr huôv tsar uô nox uô hnar, sik thôngx siêz…. Têx li tsi truôx tuk li: Uô tuz saz tuz nhiês, chor hluôk siz zâuv uô têx hâux lưv tsi trơưk chei, hâuk chơưr bia…..tưz txo grêk tsơưs. Lar heik, ntâu lênhx hluôk nênhs hâur jok lơưr sir jos cơưv shâuv têx cêr uô nênhx jông, khưr huôv tsar uô nox uô hâuk tâu chor chi hội, đoanx thêv moz siêz txos, kriê têx txux chi chiê lơưr yênhx nênhs jông, tsiv txiêx, uô tâu jông têx nuv uz no, tâu heik kriê chiê tso nhoz hâur đảng. Tix lâus Y Khăn Niê, Bí thư chi bộ jok Knir, xã Ea Tiêu, huyện Cư Kiun heik:

“Chi bộ jok Knir hâur six hơưv đhâu cux sir jos huôv tsar têx lênhx đảng viên, nhiv no cux muôx tâu iz cxiê lênhx đảng viên hluôk. Sir jos heik tsôngv pêx xênhv huôv tsar uô nox uô hnar, canr bôv đảng viên zos têx lênhx uô ntêx nyuôs chiê tsôngv niêv txir lax pêx xênhv uô trơưk, yax kriê chiê sơưr đơưk pâuz tsênhz thiêz uô lơưr Đảng, têz qơưk têx chei kriê”.

Zơưv Y Min Enuôl, Bí thư Đảng ủy xã Ea Tiêu, huyện Cư Kiun heik pâuz: Tas nro xã muôx 37 chi bộ, nhoz 24 jok, 645 lênhx đảng viên. Hâur co, muôx 125 lênhx đảng viên zos tsôngv box heir nênhs tsơưs. Đros thiêz 100% têx jêx jok puôr lênhx muôx tsôngv box heir nênhs tsơưs uô nênhx nhoz, viv li đảng viên heir nênhs tsơưs zos têx lênhx tuz nhuôs, cưr tix fôngx zưs đros đreiv tsôngv box heir nênhs hâur huôv tsar uô nox, jux juk cxuz cêr yeiz pluôs, cxiv tsa jêx jok yiêz. Chiê paz max chor đảng viên heir nênhs tsơưs thiêz sưv jông đros pêx xênhv, Đảng ủy xã tưz phênhz côngz têx lênhx ủy viên muk xênhz huôx ntơưv têx jêx jok. Txix sưv jê, mnôngs pêx xênhv heik têx tsưr ziv, siêz xar, đơưk tu zênhx max têx tsi jông, tsi thôngx ziv, chor đảng viên tưz yênhx qơư yax xa tsôngv niêv txir lax pêx xênhv têx lul heik, siêz xar ntơư txos trâu chor hloz thênhv siêz, muôz Đảng cêr njênhs njôngr trâu pêx xênhv. Zơưv Y Min Enuôl, Bí thư Đảng ủy xã Ea Tiêu heik pâuz:

“Đảng viên seiz car thax tsav xênhz huôx hâur jok, pêx xênhv lok six jông siêz, shir phaz hênhr. Têx tus tsi pêx xênhv tsi jông siêz mak tâu đơưk tu zênhx max, viv đảng viên zos lênhx uô ntêx nyuôs. Thâuv tưs pêx xênhv xar chuôs njiz canr bôv lok sik muôx đaz tsi xar sik thav lok sâuv têx cêr txov, phiv liv uz no hâur jok co, lok sik chi bộ uô li chas, đảng viên hâur thax tsav muôx đaz tsi li uz li no mak lơưr heik trâu pêz pâuz, lok sik pêz uô zuôv kror tưs mak lơưr tsuv heik chiê pêz pâuz, pêz cxiv kho”.

Txix têx cêr sik thôngx siêz, sir jos lês uô jông cxuô luôs hâux lưv zok muôz, chor đảng viên heir nênhs tsơưs nhoz xã Ea Tiêu, huyện Cư Kiun, tỉnh Đắc Lắc tưz khav tinhv thiêz uô tâu jông têx luôs hâux lưv paz Đảng ủy, hâu nov ntơưv qơư fuô uô lơưr jông têx tsưr ziv, tsênhv chei, lar heik zos têx chei cik txos huôv tsar kinh tế-xã hội thax tsav tsôngv box heir nênhs tsơưs. Đảng viên heir nênhs tsơưs chênhr zos qơư chiê uô trâu cxuô heir nênhs sơưr đơưk muôx cêr sik thôngx siêz truôx jông, paz tsưx phưv truôx chính trị, ngaz tuk xã hội, cxiz kinh tế-xã hội ntơưv qơư huôv tsar./.

(VOVTN-Riê Lâux cxeik, nhênhv)

Hli 3 chos zav jâuz tưs thiêx huv đros faz Bắc

Iz hâur têx mak tsôngv box nôngx mênhx nhoz faz Bắc tsov cưv thâuv chos jâuz zos qiv hơưv hâur ntu chos. Hâur co, hli 3 nhoz faz Bắc zos ntu qiv hơưv qir hlôngr txix cheix ntux yiêz trâu cheix ntux sor.

          Viv li, jêx tưv faz Bắc zuôr qir sor đuô tuôx, yar ntux thiêz ntux kruôr đuô. Đrâuv co, faz Bắc cux muôx têx jiês lok nas yâur.

          Chênhr viv li, no zos ntu huv đros chiê chos têx zav jâuz cheix ntux sor, zôngx ziv tsoz phưz. Jâuz cux huôv tsar jông. Viv li, tsôngv box nhuôs tsuv nriêr pâuz hli 3 chos jâuz tưs nhoz faz Bắc chiê xeir jâuz chos cov huv đros.

          Jâuz nox blôngx zos iz hâur têx zav nox coaz tsôngv hâur nênhs Việt li pluôk nox. Chênhr viv li, lok six ntâu chuôz zis khênhr xeir chiê chos nox. Đros têx zav jâuz nox blôngx, tsuv chos iz cxiê zav jâuz li: jâuz bliêk, jâuz yar ntux, jâuz liêx, jâu ntông; têx zav jâuz tsư kaz, jâuz njuôz...

          No puôr lênhx zos têx zav jâuz khênhr tâu chos tiv zix hâur hli 3 nhoz faz Bắc. Têx zav jâuz co zôngx ziv tsoz phưz, muôx ntâu vitamin jông trâu đas jos. Pox nhuôs tsuv xeir tsêz nôngz lok sik chos zuz cux tâu.

          Uô ntêx tsuv uô ar cov jông, txos thâuv jâuz tuôx mak zuôv qir thiêz zưs đêx cxix cxuô trâu jâuz. Li ntơưv, jâuz zuôr hloz lox jông thiêz sei tâu sâu đê.

Đrâuv hâux lưv xeir zav jâuz chos huv đros, pox nhuôs cux tsuv pâuz tâu têx tsuv tsov cưv hâur ntu tsêz chos, tsoz phưz jâuz. Hâux lưv no gôngr phênhv coaz tsôngv seiz jâuz huôv jông lok tsi jông?

          - Thâuv xeir ar nông chiê tsêz nôngz jâuz.

          - Thâuv tsêz tas tsuv muôz xuô blêx puô trâu sâuv cov ar tsi trâus kruôr.

          - Thâuv tsêz yax six zưs đêx cov ar nông txos thâuv nôngz jâuz tuôx câus, taz sik tsi cxoz zưs ntâu đêx.

          - Thâuv jâuz tuôx, pox nhuôs tsuv đoz chiê uô yênhx hax lok sik chos jông li chos têx zav kok.

          Thâuv tsoz phưz tsuv cxax six zưs đêx, tuô caz moz thiêz zuôv qir trâu jâuz.

          Thâuv nriêr pâuz tâu tiêk hli 3 nhoz faz Bắc chos zav jâuz tưs, pox nhuôs cux tsuv nriêr pâuz iz cxiê zav kok chos huv đros, zôngx ziv tsoz phưz. Khov co, cê tsik pôngz ntâu côngz thiêz six hơưv tsoz phưz./.

(Tòng Anh-Txâur Vax cxeik nhênhv)