Njuôk hov Điện Biên yênhx tỉnh huôv tsar jông hâur thax tsav

Luôs hâux lưv njuôk hov zos tas nro tập thể, sơưr đơưk hâur tỉnh Điện Biên têx sir jos, sik thôngx siêz đhâu 3 shông sir jos hla đhâu phiv liv xav txix hnuz Thủ tướng Chính phủ cir tso tơưv hâux lưv njuôk hov tỉnh.

Hâux lưv uô no tâu cxiv tsa txix têx nuv zov chênhr uô tâu jông hâur ntu uô ntêx thiêz huôv tsar kinh tế xã hội hâur ntu nhiv no, iz chas ntơư cux taz por cêr thôngx ziv, sik thôngx siêz, lar heik zos lok sâuv hu zâuv têx pênhr jos yưv uô. Zơưv Lê Thành Đô, Chủ tịch ủy ban tỉnh Điện Biên heik pâuz, ntơưv qơư zuôr zênhx max cxiv tsa tsưr ziv fuô uô têx luôs hâux lưv njuôk hov, iz chas ntơư, cxiz yax kriê đêz đar têx hâux lưv co hâur tas nro cxix luôs chính trị, côngv thôngx doanh nghiệp thiêz tsôngv pêx xênhv:

“Hâur ntu zuôr txos, hâu nov tỉnh chos luk zuôr sir jos, hlôngr yiêz tsưr ziv, hâux lưv chox kriê, seiz car thiêz fuô uô jông cxuô luôs hâux lưv chiê sơưr đơưk sik đros sir jos hla đhâu phiv liv, cxiv tsa thiêz huôv tsar tỉnh Điện Biên yênhx tỉnh huôv tsar jông hâur thax tsav”.

Txix nhiv no txos shông 2030, tỉnh Điện Biên cux tâu njuôk hov chiê yênhx iz hâur têx tsênhv qơư ju lix, dịch vụ, y tế hâur thax tsav, reik đros têx luôs hâux lưv chênhr cxiv uô cêr muk lol jông, huôv tsar kinh tế.....

Phưv Thủ tướng Chính phủ Trần Hồng Hà heik, njuôk hov tỉnh zuôr cxơưz Điện Biên huôv tsar jông lok cxuô zav. Taz sik, co nhiv kruôr zos têx xuz thơưx, Điện Biên tsuv moz siêz, uô jông luôs hâux lưv njuôk hov ndar txos huôv tsar truôx vênhk, tsiv nhos trâu têx muôx jông ntơưv qơư.

“Tsuv moz siêz chiê txuôk đros thiêz uô tâu têx muôx jông hâur thax tsav tỉnh, lar heik zos cêr muk lol, tênhv tênhz, yê tế, zoz zux, vênhx huôv...thiêz txix co chiê fuô kriê, hu zâuv pênhr yưv uô, tiv zix zos têx dưv anr lox, zov chênhr, buôk ti phưx vưv hâux lưv tso tơưv njuôk hov tỉnh cux li Nghị quyết 11 njuôk hov têx tỉnh tox siêz faz Bắc”.

Hâur Phưv Thủ tướng Chính phủ li seiz njiê pov njôngr, tỉnh Điện Biên tưz choz Quyết tinhv yưv pênhr trâu 5 dưv anr, xav hur si pênhr uô tas xar muôx 2 cxênhz tyv đeiv. Têx dưv anr co puôr lênhx huv đros trâu njuôk hov tỉnh; phênhv ntâu zos krêz uô Điện Biên têx muôx jông li: Chos jôngr ntông, chos têx yuôx đrox njuôz thiêz chos luôv zênhz; tsêr meir uô hmôngr kok ntông, qơư txeik tok kruô tuôx nhoz so, ciêz đrôngs....../.

Hạnh Kiên-Riê Lâux cxeik, nhênhv

Cêr 166 trâus puôk tsuôx ntâu, tsôngv box Yên Bái trâus zênhr shar ntâu tiv “môngr ar pâus kiêk nênhs”

          Tuôx ntơưv jos Đắng Con thiêz jos Châu Giang, xã Âu Lâu, TP Yên Bái- qơư muôx têx cei cêr xuz thơưx nhoz niêv cêr 166 đhâu têx hnuz ntux lok nas thiêx li pov tsôngv box nhoz no li luz nênhx njiz ntâu phêv liv. Cêr tsuôk đar 3,5 yiv taz sik cêr lok six pluô ar, ntâu yêz lox thâux môngr jêz siz muk lok đhâu, 2 saz ntus cêr trâus liêv tas. Ntâu ntu jênhv pov tsi tâu co zos cêr luôv trox cxeik thiêz viv tsuôk zos têx ar shiz bluô.

          Niêv lâuk Nguyễn Thị Hà muôs txir ntông nhoz trôngx vas Qơư công nghiệp Âu Lâu puz pâuz, qênhx shênhx no tưz muôx txix nzor, uô zênhr shar ntâu txos tsôngv box li luz nênhx xênhz huôx thiêz muk lok.

          “Yêz muk lok sei, môngr ar pâus tas lok hâur tsôngv box li tsêr nhoz, uô tsi pâus pa hlo. Têx hnuz ntux lok nas mak cêr lok six bluô ar”

          Zơưv Chu Tiến Trường, nhoz uô nênhx buôk niêv cêr 166 ntâu shông no puz pâuz, têx hnuz yar ntux zơưv chuôz zis cơư kror trôngx yênhx hnuz viv môngr ar lok six pâus lok hâur tsêr, têx hnuz ntux lok nas mak tsi car tơưv muk tov cêr viv lok six bluô lax muk lok tâu:

          “Tsôngv box muk lok đhâu txox cêr no chiê zuôr muôs hax huv cux chôngz taz sik cêr mê, yêz mak muôx ntâu yêz lox muk lok, tsi taz por zaoz thôngz jêx jos; cêr bluô, têx mê nhuôk muk cơưv ntơưr lok six khênhr trâus ntos. Tsôngv box nhoz no li siêz xar njôngr zos cêr tâu kho đuô, krêz đar đuô”

          Zơưv Lê Ngọc Huỳnh, Bí thư chi bộ jos Thanh Giang, xã Âu Lâu tsi nhoz uô nênhx buôk txox cêr no taz sik yax six muk lok đhâu ntu cêr no puz pâuz, cêr 166 yêz lox muk lok ntâu thiêz tưz trâus puôk tsuôx ntâu, tsôngv box muk lok njiz ntâu phêv liv. Zos xã nôngx cxênhz yiêz, têx cêr muk lok hâur jêx jos phênhv ntâu zos tsôngv box gôngr côngv cxiv uô lox đar, hur si; taz sik, cêr lox 166 mak lok six zâu, greiv thiêz trâus puôk tsuôx ntâu. Tsênhz mênhx tso pov, txox cêr no lok six zuôr trâus tâu nzor kho đuô.

          “Nhoz cur jêx jos huiz tôngv tsôngv box gôngr ar krêz cêr đar 7 yiv, no tsuôk zos iz jos muk lok xưz, txox cêr no mak ho zos cêr lox, muk lok thâux hax huv cxuô zav mak ho chiê cêr puôk tsuôx li no mak tsi jông seiz ciês hlo; đrâuv co tsôngv box nhoz 2 saz ntus cêr luz nênhx cux njiz lok six ntâu phêv liv tiv môngr ar pâus, cêr bluô”

          Cêr 166 txix xã Âu Lâu, TP Yên Bái muk xã Đông An (huyện Văn Yên) yêz muk lok ntâu. Tsôngv box xã Âu Lâu, TP Yên Bái puz pâuz, lơưr tưz thix ziv trâu hâu nov ntâu jiês lok hâux lưv kho đuô txox cêr no taz sik txos nhiv no tsi tâu pov uô tul tsi.

          Zơưv Hoàng Văn Dưỡng, tsar jos Châu Giang, xã Âu Lâu thix ziv tsuv yưv pênhr kho đuô cov huv đros, ntêr ntêr thâux têx yêz ar lok lâuz trâu têx qơư trâus puôk tsuôx cux tsi car chêx tâu tul tsi, tsuôk ziv pâus thiêz cêr bluô đuô xưz:

          “ Yêz lox yêz zâu muk lok ntâu, tsôngv box muk lok đhâu chôngz mak cêr tsuôk đar 3,5 yiv, lok six zâu. Thâuv yêz muk lok cux phêv liv, nhiv no yar ntux mak cêr pâus hênhr, têx chuôz zis nhoz no trâus kiês nênhs lok six ntâu, thâuv ntux lok nas mak cêr bluô li uô liêx. Pox nhuôk ntâu shông no lok six phêv liv, viv li thix ziv tỉnh tsuv tror cxiv uô đuô txox cêr no”

          Lơưr xor mông txix Sơr zaoz thôngz tỉnh Yên Bái, txox cêr 166 tsênhv tâu yưv pênhr chiê kho đuô, taz sik ntu đhâu xã Âu Lâu nhiv no tsi nhoz hâur dự án no, tiv ntu thơưx txox cêr no zuôr kho đuô txuôk đros IC13, cêr muk chênhr Nội Bài-Lào Cai. Taz sik, chiê tuôv zênhv tsôngv box li zoz qơưx muk lok, njuôs xav hâur tsưr ziv yưv pênhr shông zuôr txos, Sở zuôr muôz lok chiê muôz trâu cấp muôx qênhx seiz shuôk, kho đuô./.

(Tuấn Xuân-Txâur Vax cxeik nhênhv)