Yên Bái: Pêx xênhv jông siêz, thôngx ziv đros hâu nov ntơưv qơư chaz uô xor tênhv 500kV

Pâuz tsênhz tâu têx muôx ar chiê khơưz, cxiv uô hâur pâuk ndêx tênhv truôx khor zos iz hâur têx hâux lưv zov chênhr fuô uô dưv anr, chênhr viv li, đhâu tâu yax kriê, vênhv tôngv, tsôngv pêx xênhv hâur thax tsav dưv anr heik cxuô, tỉnh Yên Bái heik taz tưz jông siêz, thôngx ziv muôz têx ar têz muôx xor tênhv zuôr muk đhâu co trâu têz qơưk uô dưv anr.

Tix lâus Đỗ Văn Khương nhoz jok Cây Tre, xã Xuân Lai, huyện Yên Bình, tỉnh Yên Bái chuôz zis zos iz hâur têx ziv zuôr trâus tâu yêik txar chiê tsês qơư chaz uô xor tênhv, txơưv txeik tâu tâu têx nhiêx pâux nzir, taz sik cux jông siêz hlo choz ar trâu taz viv cxiv tsa: “Côngz trênhx no uô ruôr hiêv txos tas nro chuôz zis têx ar nhoz thiêz ar têz. Taz sik, cur 2 niêv txir pâuz tsênhz, co zos têz qơưk côngz trênhx zov chênhr thiêz tưz tâu cxuô cấp tuôx yax kriê, qênhz shuôs, thôngz sâu cxix cxuô viv li pêz cux jông siêz, thôngx ziv xưz”.

Ntơưv xã Vĩnh Kiên, huyện Yên Bình-thax tsav muôx 29 chuôz zis pêx xênhv trâus uô ruôr hiêv txos, xav hur si têx liêx têz trâus sâu zuôr uô dưv anr muôx 15 cxênhz xưv phaz, đhâu hlo thâuv muôx tsưr ziv lok cxiv txox xor tênhv lox no, hâu nov huyện, xã tưz hux jos truôx đros tsưr yưv pênhr uô cơưv pêx xênhv jêx jok, yax kriê lok dưv anr têx jông thiêz muôx liv. Khov co, tsuôk hâur iz ntuk tsi ntêr, pêx xênhv tưz jông siêz choz tas nro têx ar zuôr cxiv uô hâur pâuk ndêx tênhv trâu taz viv cxiv tsa côngz trênhx. Zơưv Nguyễn Văn Chiến, Chủ tịch Ủy ban xã Vĩnh Kiên heik pâuz: “Chiê uô tâu jông luôs hâux lưv li no, pêz tưz cơưv pêx xênhv chiê yax kriê dưv anr tênhv têz qơưk têx zov chênhr. Lok sâuv pâux nzir, paz max cik txos ar têz, shôngz ntông, tsoz chos, têx vax tsêr uz no....puôr lênhx tâu uô tsênhz mênhx, paz bâuv li chas, paz li chas. Khov li co, pêx xênhv pâuz tsênhz txos têx jông thiêz thôngx ziv, jông siêz đros xưz”.

Xav txos nhiv no, 100% qơư uô ndêx tênhv hâur thax tsav huyện Yên Bình tưz uô tiêr choz trâu dưv anr. Cxuô taz viv cxiv tsa côngz trênhx tsênhv nzaz nzơưv têx luz six hơưv, hnuz nhôngs jông chiê cxiz uô sei, uô tiêr têx hâux lưv heik sâuv uô ntêx cheix ntux nas. Zơưv Đỗ Văn Hạnh-Đội trưởng đội cxiv tsa côngz trênhx ntơưv xã Xuân Lai, huyện Yên Bình heik: “Heik cxuô, tsôngv pêx xênhv sơưr đơưk jông siêz, muôz jông six hơưv trâu cxiv tsa, tsi njiz trâus iz kro phiv liv tưs hlo. Khov hâu nov ntơưv qơư thiêz pêx xênhv paz max, pêz tsênhv sir jos uô tiêr têx hâux lưv co uô ntêx cheix ntux nas”.

 Zơưv Lã Tuấn Hưng-Phưv Chủ tịch Ủy ban huyện Yên Bình, Chủ tịch Hội đồng pâux nzir, paz yêik txar tsôngv pêx xênhv muk qơư yiêz zuôr qơư uô dưv anr hâur thax tsav huyện Yên Bình heik pâuz: Txox xor tênhv lox co muk đhâu 13 xã, thị trấn hâur huyện; uô ruôr hiêv txos 10 tsưr tsix thiêz 191 chuôz zis pêx xênhv. Tas nro têx ar liêx têz trâus sâu zuôr chiê cxiv uô 91 tus ndêx tênhv zos zuôr xar 135 cxênhz xưv phaz, hâur co xar muôx iz cxênhz xưv phaz ar nhoz, yuôr đuô li zos ar uô kôngz, ar har jôngr thiêz ar chos têx tsoz chos hâur niêx shông.....

Khov uô jông luôs hâux lưv yax kriê, vênhv tôngv; zuôr ar uô qơư chaz xor tênhv taz por côngz fênhx, tsênhz mênhx, huv đros, txix ntơư tâu tsôngv pêx xênhv jông siêz, thôngx ziv đros, viv li tsi tâu muôx 2 hlik, huyện tưz choz zok tas 100% têx ar têz trâu tsưr yưv pênhr uô côngz trênhx. Nhiv no, huyện tsênhv sir jos fuô uô têx hâux lưv zuôr qơư chaz xor tênhv muk đhâu: “Pêz tsênhv qênhz shuôs 38 chuôz zis muôx ar nhoz, ar têz zuôr chaz xor tênhv muk đhâu chiê pâux nzir trâu pêx xênhv thiêz yêik txar sơưr đơưk muk nhoz qơư yiêz, zok nriêr ar têz trâu pêx xênhv uô nox. Trơưk li tỉnh cui tinhv, iz chuôz zis hâur xã tâu paz 250 tsov đeiv, hok têx chuôz zis hâur thị trấn mak iz ziv tâu paz 300 tsov đeiv. Tsênhv chei no tâu sơưr đơưk jông siêz, thôngx ziv đros. Huyện cir ntơưr, chos luk txos hnuz 30/4 zuôr choz zok tas nro qơư trâu taz viv cxiv tsa côngz trênhx”.

Dưv anr xor tênhv 500 kV Lào Cai-Vĩnh Yên muk đhâu 4 tỉnh zos: Lào Cai, Yên Bái, Phú thọ thiêz Vĩnh Phúc; qir txix qơư tuô tênhv 500kV Lào Cai txos trâu qơư tuô tênhv 500kV Vĩnh Yên. Dưv anr xor tênhv lox xav hur si ntêr zuôr xar 230 cêik, xav tas nro pênhr yưv uô muôx 7.410 tyv đeiv. Dưv anr fuô uô lok hli 3/2025 thiêz njuôk xav zuôr uô tiêr uô ntêx hnuz xiêz 02/9/2025. Ciês ntu muk đhâu tỉnh Yên Bái ntêr 90 ntâu cêik, đhâu 02 huyện Lục Yên thiêz Yên Bình. Đros trâu hâu nov têx sir jos thiêz tsôngv pêx xênhv jông siêz, thôngx ziv, txos nhiv no phênhv ntâu tưz choz zok tas têx qơư zuôr khơưz kror, cxok ndêx tênhv muk đhâu./.

Đinh Tuấn-Riê Lâux cxeik, nhênhv

Njuôk xav têx kôngz lôngk zuôr sâu tâu ntâu, Sơn La đơưk kho sâu zuôr muôs jông li chak?

PV: Thor cox puz pâuz, 3 luz hli hâur shôngk shông no, tas nro chor hax huv sâuv thax tsav (GRDP) tỉnh Sơn La tâu njuôk xav zuôr tsar ndê siêz tiv zix hâur 3 shông tror lok no; tsiv gri muôs têx hax huv kôngz nuv tơưv saz đrâuv têz qơưk cux tsar ndê. Thor cox puz pâuz tsênhv tsênhz zos li chak?

Zơưv Phong: Tỉnh Sơn La li hâux lưv sâu zuôr muôs têx kôngz nuv hêik cxuô cux li sir zôngv hax huv hâur 3 luz hli hâur shôngk shông muôx ntâu kror jông. Tsênhv tsênhz zos tas nro zuôr muôs têx hax huv zâu tax tâu xar muôx 10.000 tiv đêiv, hâur co tas nro chor hax huv sir zôngv, dịch vuv xar hôiv sâuv thax tsav tsar ndê muôx 10,26%, Hâur 3 luz hli hâur shôngk shông, tỉnh li chor hax huv muôs tơưv saz đrâuv têz qơưk tax tâu xar muôx 87,61 triệu USD, ndê 17,6%, đros têx hax huv chênhr li kok ntông, kaz tsiz lok zos kuôr njuôk, yuôx zêx, cà phê, hmôngr kok ntông thiêz thax njêr… Yuôr cxuô zav hax huv kôngz nuv mak phênhv ntâu zos têx hax huv kriz uô thiêz chor jâuz.

PV: 6 luz hli  hâur đrak shông zuôr zos ndax trâu chêix sâu tỉnh Sơn La têx txir ntông chênhr li txir lưv tsiz, txir mo môngk, txir khơưz đuz… Đros njuôk xav chor txir ntông zuôr tsar ndê ntâu đuô pir li shông uô ntêx, tax tâu xar muôx 400 cxênhz tấn, viv li Sơn La xav jênhv têx tsưr ziv sâu zuôr muôs zos li chak, cov tsik chiê sâu tâu kôngz lôngk ntâu ho trâus pôngz gri?

Zơưv Phong: Xar sâu zuôr muôs , muôs têx kôngz nuv tơưv saz đrâuv têz qơưk cov tâu truôx jông mak côngz xưv paz thơưz zuôr muôs tsuv tâu sir jos kriz uô. Hnuz 4/3/2025, tỉnh Sơn La tưz muôx Tsưr ziv sôr 63 tso tơưv têx tsưr ziv tsênhv tsênhz lok paz thơưz zuôr muôs shông 2025. Tsưr ziv nhiv kruôr tso tơưv thâuv hli 3, taz sik, chor huôx tôngv paz thơưz zuôr muôs tưz tâu kriz uô txix ciês chor hli thâuv hâur shôngk shông.

Lok têx tsưr ziv mak Sơn La xav jênhv, uô ntêx chor qơư muôs hax huv tsuv nriêr pâuz tsênhz têx xor mông sâuv ciêz đrôngs, xor mông têx qơưk zuôr muôs ntiêx têz cux li hâur têz qơưk. Tiv oz zos tsuv chuôz cxaz côngz xưv sik côngv nhoz cxuô cấp, cxuô nganhx, nhoz chor doanh nghiệp, hợp tác xã cux li qơư uô chiê buôs ti tâu ciêz đrôngs cov jông tiv zix. Tiv pêz zos cxuô cấp, cxuô nganhx txix cấp tỉnh, nhiv no cấp huyện cux tsênhv uô hâux lưv, taz sik ntu zuôr txos zuôr tsik yuôr cấp huyện lơưv, viv li cấp xar tsuv pâuz tâu tsưr ziv uô txix cungz mã thax tsav chos, nriêr pâuz qơư uô, cxiv tsa côngz bê, thax tsav qơư… chiê sêiz car têx hax huv txix qơư uô. Đros co zos cxaz chuôz siz njiz sik thav zuôr muôs đros têx têz qơưk, hâur tỉnh thiêz saz đrâuv têz qơưk chiê pâuz tâu têx xor mông lok ciêz đrôngs. Txix têx tsưr ziv uô li co mak hâux lưv sâu zuôr muôs têx kôngz nuv thiêx zuôr kriz uô tâu jông.

PV: Uô li chak cov pêx xênhv pâuz uô têx tsưr ziv muôs hax huv sâuv chor qơư muôs điện tử, thor cox puz pâuz nzir?

Zơưv Phong: Shông nhiv kruôr đhâu, Sở Công thương Sơn La tưz sik côngv cơưv shâuv, kriê trâu 1.000 ntâu lênhx nênhs zos chor tsưr HTX, nênhs chos ntông nox txir nhoz cxuô thax tsav qơư lok tsưr ziv livestream muôs hax huv sâuv tiktok, sâuv zalo, Facebook… Nhiv no chor nênhs pâuz zuôr paz kriê trâu chor nênhs tsik tâu pâuz; li niêv pâuz mak kriê trâu mê nhuôv, chor fôngx zưs siz kriê cov sơưr đơưk đros pâuz hur si… uô li co mak hâux lưv muôs hax huv sâuv chor qơư muôs điện tử zuôr zos kror zôngx ziv xưz.

PV: Sơn La zuôr sir jos muôs têx txir ntông hâur têz qơưk lok zos sir jos muôs tơưv saz đrâuv têz qơưk, chiê paz uô tiêr tsưr ziv chuôz ndê 8% lơưr tsưr ziv tso tơưv, cux li tsưr ziv mak Chinhr phuv choz trâu tỉnh hâur shông no?

Zơưv Phong: Đros qênhx shênhx li nhiv no, Bôv Công thương cux nhiv kruôr muôx chox kriê lok hâux lưv chuôz cxaz sir zôngv hâur têz qơưk. Iz chas co cux tau tuôr truôx thiêz huôv tsar đuô têx hâux lưv muôs tơưv saz đrâuv têz qơưk. Tsưr ziv tâu tỉnh Sơn La tso tơưv shông no zos muôs tơưv saz đrâuv têz qơưk tsuv tax tâu muôx 215 triệu USD thiêz zuôr muôs hâur têz qơưk tsuv tsar ndê tsơưs tiv zix 2 tuk sôr tror sâur thiêz tsuv tax tâu xar muôx 21% tror sâur mak thiêx tax tâu tsar ndê 8%

Thor uô cox tsâus ntâu!

Thu Thùy-Lik Thox cxêik nhênhv