Shông yiêz sâuv thax tsav jêx jos tox siêz

Jok Thèn Pả hâur têx hnuz no, kror tưs cux hnor tsôngv box sơưr đơưk suôz luôs, heik lul shir phaz luk bax tok shông yiêz. Trơưk li cêr phôngz cxưx, chei đaz kruôs, hnuz xiêz 01 tsiêz mak nênhs Xạ Phang lơưr nhoz hâur tsêr uô têx chei đaz kruôs txi hu chor lâul, têx lênhx tâu tas siv nênhx lok đros nox tsiêz, por hưv por zơưv trâu iz tsêr nênhs thiêz phôngv côngz hmôngr trâu têx lênhx nênhs hâur tsêr. Txix hnuz xiêz 02 tror zar muk, sơưr đơưk thiêx tâu muk đros luôs lưv tus hâur jêx jok nox tsiêz, phôngv tsiêz uz no.

Tok shông yiêz shông no, niêv lâul Thàn Chấn Hóa nhoz jok Thèn Pả cux bax xơưs uô têx chêr tsôngk yo yiêz thiêz khâu trâu chor txir tuz hnar, trâu hâur hnuz tsiêz. Tus nhuôv nxeik mak tâu lênhx niêv xơưs, uô iz luz yo jông nênhs Xạ Phang lok jông trâu . Lênhx txir thiêz tus nhuôv tuz, niêv lâul xơưs uô iz lênhs iz gơưv khâu ntâuz trâu muk uô si tsiêz. Têx tsôngk hnar, khâu trâu co zos nênhs Xạ Phang li txux chi vênhx huôv chor lâul iz txưv xơưs uô hnar txix thâuv nzor lok. Niêv lâul Thàn Chấn Hóa heik: “Hâur têx hnuz tsiêz nênhs Xạ Phang khênhr hnar zuk heir nênhs têx tsôngk tril yo. Gơưv khâu ntâuz, chêr tsôngk tril yo no zos têx cur tưz bax thiêz xơưs uô hâur 2, 3 luz hlik uô ntêx lok, Seiz njiê chor txir tuz hnar thiêz muôx khâu yiêz trâu hâur têx hnuz tsiêz, cur lok six shir phaz thiêz pov zuk têx côngz đas jos bax xơưs trâu têx txir tuz hnar cux tsiv nhos”.

Đros trâu têx tsôngk tril yo hnar li heik sâuv, sâuv trôngx mor hnuz tsiêz nênhs Xạ Phang thâuv tưs tưz zuôr tsuv muôx zav nox grêix buô lak njêr, caz puôz. Zav nox co tưz yênhx nênhs Xạ Phang iz kro jông hâur hnuz tsiêz nhoz thax tsav qơư đêz đrôngs Thèn Pả no. Têx grêix tâu nênhs Xạ Phang tuô buô, muôz lak njêr uô ntêx 2, 3 hnuz, muôx têx hâur yênhx hli chiê txi hu pos zơưs têx lênhx tâu tas siv nênhx thiêz gra muk krưr puz trâu têx cưr tix nênhx tsa, pox chuôk zơưv chuôk hâur têx hnuz tsiêz, lok sik zôngv chiê tâu nox thâuv muôx kruô, têx cưr tix fôngx zưs cxênhz jê tuôx shuôs hâur hnuz tsiêz.

Zơưv Sần Lao Ngai, lâul jok Thèn Pả, xã Sa Lông, huyện Mường Chà heik pâuz: Tuô buô hâur hnuz tsiêz, thâuv tưs tuô tsênhr tâu, muôz têx grêix lak njêr chiê kra tsês tâu nox, jux juk tưz yênhx nênhs Xạ Phang nhoz Thèn Pả li iz cêr cor cav jông, uô nox thâuv nzor lok. Cux seiz chuôz zis ntơư li chas, taz sik phênhv ntâu cxuô ziv chuôz zis hâur jok puôr lênhx tuô buô nox tsiêz: “Shông no muôx moz Covid-19, viv li têx tuz nhuôs muk uô tsi tâu hâux lưv cux phiv liv, taz sik zuk heir nênhs chei phôngz cxưx shông tưs cux tsuv tuô iz tus buô nox tsiêz chiê hu tsôngv cưr tix nênhx tsa sơưr đơưk tuôx đros nox. Cux seiz yênhx chuôz zis, taz sik tuô buô tok tsiêz mak khênhr tuô trâu têx hnuz zuôr luôs txos tsiêz têz qơưk ntơư, đhâu co chuôz zis tưs cux muôx grêix lak njêr đei sâuv kaz nthaz chiê tsês tâu nox jux juk. Hok luz tâuz hâu buô thiêz iz cxeik tơư, iz cxeik têk đhâu ntơư muôz tsês chiê txi hu pos zơưs, têx lâul tâu tas siv nênhx lok đros nox tsiêz hâur hnuz 30. Têx chei uô li heik co tưz yênhx zuk heir nênhs iz txux chi, chei đaz kruôs jông thiêz tâu tuôr tsês, uô đreiv iz cxênhx đhâu iz cxênhx, iz tiêv đhâu iz tiêv tsi chiê pôngz plox”.

Tix lâus Sần Seo Ngấn, tsar jok Thèn pả heik: Tsiêz zos six hơưv chiê tsôngv box heir nênhs Xạ Phang tâu hnar têx tsôngk tril yo jông thiêz yiêz muk siz shuôs. Hâur sơưr đơưk têx cêr shir phaz lus  tok shông yiêz, lơưr siz phôngv côngz têx luk jông, uô tâu nox tâu hnar, iz shông tsi muôx moz gênhk, uô tâu ntâu luôs hâux lưv trơưk tsưr ziv, siêz xar. “Pêz heir nênhs Xạ Phang cux nox tsiêz đros trâu nênhs Choz Tsiz luz tsiêz. Tsiêz mak pêz muôx têx txux chi uô si lov jêv li: Muôz ntông txuô uô tux luz chiê siz tưr tso cir, ntâuk tux luz….. Uô ntêx tsiêz mak pêz heir nênhs zuôr bax iz tus buô chiê tuô, hu tsôngv cưr tix nênhx tsa sơưr đơưk tuôx đros nox, côngv tsiêz 30, bax xơưs têx gơưv khâu trâu chor nhuôv nxeik, nhuôv tuz mak xơưs uô khâu ntâuz xưz, thiêz hâur hnuz tsiêz pêz heir nênhs cux krưr, tuôr nduôr hur si”.

Têx chei phôngz cxưx, cêr nênhx vênhx huôv jông hâur hnuz tsiêz cux tsênhv tâu tsôngv box heir nênhs Xạ Phang nhoz Thèn Pả por hưv, tuôr tsês chiê. Zos lênhx tưs tưz muôx iz jiês tuôx txos trâu thax tsav đêz đrôngs no muôx têx puôr lênhx ndo njôngr hâur đruôz siêz chiê têx txux chi cêr nênhx xênhz huôx jông co, lar heik zos thâuv txos tsiêz, shông yiêz ntơư./.

(Vũ Lợi-Riê Lâux cxeik, nhênhv)

Lênhx nxêik shuv xênhz poz ziz faz Bắc cơưv học viện ngoại giao muk cơưv oz chas têz qơưs chiê hêik kriê zuk heir nênhs têx txux chi, vênhx huôv jông trâu fôngx zưs oz chas têz qơưs pâuz

          PV: Đros Lò Thảo Vy jông siêz, viv tưz tâu vụ zoz zux-vênhx huôv, Bộ ngoai giao Hoa Kỳ muôz học bổng hur si ngênhx khoa học xã hội puz. Chiê uô cov tâu trơưk tsưr ziv siêz xar, têx jiês Lò Thảo Vy cux muôx phênhv cxơưz cxiz nưk thiêx uô tâu tiêr?

          Cur uô cưr tưz tâu đros cơưv lịch sử ntơưv cưk kriê Nguyễn Thái Yên Hương thiêz cur cux pâuz tâu lênhx cưk kriê ntơưr thâuv ntêx tưz muk cơưv iz ntu ntêr trâu têz qơưs Mỹ. Chênhr zos li hêik ntơư, cur tâu cưk kriê thav lok hâur ntu muk cơưv trâu oz chas têz qơưs, muk cơưv trâu ntâu thax tsav qơư, cux pâuz tâu ntâu zav. Đhâu co, cur thiêx uô siêz truôx bo muk cơưv trâu têz qơưs Mỹ thiêz hmôngr jông, cur cux tâu phênhv nhiêx học bổng tsês trâu shuv xênhz.

          PV: Chiê cơưv cov tâu Bộ ngoại giao Hoa Kỳ phênhv nhiêx học bổng muôz puz trâu shuv xênhz cux tsik zôngx ziv pok zos Thảo Vy?

          Học bổng no muôx 4 phênhv: Ntơư zos phênhv cơưv, tsưr ziv sêiz car, zuk nhiêv thiêz truôx siêz uô trâu côngv thôngx; kror tiv 4 zos sik thav lok txux chi, vênhx huôv. Đhâu iz ntu xar, cur tưz sâu tâu iz jax sâu chiê trâu hội đôngx sêiz shuôk muôz học bổng puz. Chênhr zos li ntơư, cur thiêx li sâu lok zuk heir nênhs poz ziz li têx txux chi, vênhx huôv jông.

          PV: Uô li luôs hâux lưv cơưv no tsês trâu chor hluôk, iz chas cơưv tâu ntơưr txơưx, tsênhv muôx tsưr ziv thav lok zuk heir nênhs têx vênhx huôv jông trâu têx fôngx zưs oz chas têz qơưs li chas?

          Muôx oz phênhv hâur zuk heir nênhs poz ziz, cur xar hêik kriê; ntơưz zav nox thiêz têx tsôngk tiêz tsông yo. Cur gra zuk heir nênhs têx tsôngk tiêz tsôngk yo muk trâu têz qơưs Mỹ chiê hêik kriê trâu tsôngv fôngx zưs oz chas têz qơưs pâuz txos. Đuô li zuk heir nênhs poz ziz zav nox cux zos iz zav nox kaz jông txơưr tsik siz thôngx thiêz cur xar kriê cov tsôngv fôngx zưs oz chas têz qơưs tuôx sêiz shuôk txos VN têx txux chi, vênhx huôv jông.

          PV:Cox pok xar li chas đhâu suôx câuv cơưv trâu têz qơưs Mỹ tror lok trâu zuk qơư nhoz?

          Đhâu cơưv tas tror lok trâu VN, cur zuôr sir cov tas đas jos tsưr ziv sir zôngv têx txux chi cơưv tâu chox lok huôv tsar uô, viv côngv thôngx sđ đros trâu siêz xar njôngr paz phênhv huôv tsar du lix trâu ntơưv tỉnh Sơn La. Viv hâur thax tsav Sơn La tsênhv muôx ntâu qơư zôngx ziv huôv tsar du lix, ndis shuôk têz qơưs uô si thiêz hêik kriê zuk heir nênhs poz ziz thiêz cxuô heir nênhs txơưr trâu tsôngv fôngx zưs cxuô têz qơưs pâuz txos.

          PV: Uô Lò Thảo Vy tsâus, phôngv jông trâu Thảo Vy hâur ntu nhoz cơưv têz qơưs Mỹ, zuôr hêik kriê zuk heir nênhs têx txux chi, vênhx huôv jông đêz đar trâu têx fôngx zưs oz chas têz qơưs pâuz txos./.

                                    Tsu cxêik nhênhv-Bích Thuỷ-VOV Tây Bắc