Niêv đrôngs Lào Cai cxơưz tiês huôv tsar ju lix

   Nhiv no niêv đrôngs Lào Cai tsênhv muôx iz cxiê xiv huv ju lix jông li: ju lix vênhx huôv, muôv muôs, zav nox… tsênhv zaz zâuv tâu chôngz tsôngv kruô nhoz đêz nhoz jê nhiêv txos đros têx huôx tôngv jông, tsưr tsix hâur ntâu ntu, ntâu qơư txơưr.

          Phuôx huiz tsiv grê lix xưv, vênhx huôv, huôx tôngv ntênhs phêv reik đros têx qơư di tích thâuv tưs cux tâu niêv đrôngs Lào Cai tsov cưv, tiv zix zos ju lix tâm linh. Thôngz đhâu huôx tôngv ju lix gôngr phênhv heik kriê lix xưv, heik kriê vênhx huôv jông, tsôngv box têx mênhx cxưx sâuv thax tsav niêv đrôngs thiêz tỉnh Lào cai li zav nox kaz.

Xiv huv ju lix vênhx huôv niêv đrôngs Lào Cai tsênhv tâu pâuz txos đros têx jêx jos nhoz thax tsav muôx trôngz jôngr chiv xênhz đrox tsuôk jông, muôx têx mênhx cxưx li vênhx huôv jông tâu tsôngv box truôx siêz tuôr tsês. Đhâu tsưr ziv huôx tôngv ju lix côngv thôngx reik đros tsôngv box tiv phaz li vênhx huôv tưz paz tsôngv box nhuôk heik kriê, tuôr tsês zuk mênhx cxưx li vênhx huôv, muôx cxaz phênhv sâu ngaz tul luz nênhx. Pos Phạm Thị Vinh, nhoz jos Tượng 2, xã Hợp Thành, niêv đrôngs Lào Cai heik:“Pêz muk piêr kriê mak cux muôx phênhv sâu chiê paz têx pox niêv vir ndâus iz phênhv nhiêx txiêx, đhâu co pêz cux yax six huôx tôngv CLB chiê pêz tuôr tsês vênhx huôv jông no”

          Zơưv Trịnh Văn Biên, phưv Chủ tịch UB xã Hợp Thành, niêv đrôngs Lào Cai puz pâuz:“Đros muôx trôngz jôngr chiv xênhz đrox tsuôk jông li tsas đêx, đras liêx thiêz tsôngv box xã Hợp Thành li têx vênhx huôv jông tsênhv tâu tuôr tsês jông…co zos têx mak paz pêz sir jos huôv tsar ju lix côngv thôngx”.

          Đros têx vênhx huôv jông, niêv đrôngs Lào Cai tsênhv zos tsênhv qơư muôv muôs, jix vuv ju lix huôv tsar đros têx qơư li trôngx đriv ntiêx têz, ciêz Cốc Lếu, ciêz pax ntux yiêz, qơư piêr muôs zav nox. Nhiv no niêv đrôngs Lào Cai muôx 281 qơư so ju lix, đros 60 tsêr so tuôv zênhv tsôngv kruô li zoz qơưx so uô si. Pos Đàm Thị Huỳnh Mai, iz lênhx kruô puz pâuz:         “Lok six jông siêz thiêz xar njôngr zuôr tuôr truôx thiêz hlôngr yiêz đuô lok tsơưr lươngv tsi cxoz chiê txu grês, tiv zix zos cơ sở cxuô zav. Niêv đrôngs mak tsênhv huôv tsar, đhâu moz Covid thiêx pov muox ntâu hlôngr yiêz, lok six jông shir phaz, thâuv niêv đrôngs huôv tsar zos kinh têr huôv tsar thiêz cxuô zav puôr lênhx sik đros huôv tsar”.

          Đros têx muôx jông chiê huôv tsar ju lix, niêv đrôngs Lào Cai thâuv sik côngv yưv pênhr thiêz têz qơưk li paz max chiê nganhx ju lix huôv tsar jông tiv zix. Hlôngr yiêz njuôs xav cxuô niêv đrôngs Lào Cai thiêz thax tsav nhoz buôk co txos shông 2040, ndar txos shông 2050 tso tơưv tsưr ziv huôv tsar ju lix yênhx iz hâur têx nganhx kinh têr tsênhv thiêz tsav phênhv lox hâur niêv đrôngs li cơ cấu kinh têr, gôngr phênhv hlôngr yiêz kinh têr lơưr saz “Jix vuv-công nghiệp, cxiv tsa-kôngz nuv”. Zơưv Ngô Vũ Quốc, Phưv chủ tịch UB niêv đrôngs Lào Cai puz pâuz:“Niêv đrôngs Lào Cai tsênhv truôx siêz sir jos chêx chôngk cxiv tsa têx dự án ju lix thiêz huôv tsar cxix luôk niêv đrôngs, zaoz thôngz, têx tsêr so, tsêr nox hâuk, thax tsav qơư uô si, muôv muôs….Cur xar zos yênhx trus muôz siêz tâu têx jix vuv ju lix mak zuôr jông đuô…Đrâuv co niêv đrôngs cux tsênhv muôz siêz thiêz phuôx huiz têx xiv huv ju lix chax chês thiêz chuôz tsar sik côngv ju lix, cxiv tsa tsưr ziv heik kriê ju lix”./.

(Mạnh Phương-Txâur Vax cxeik nhênhv)