Lai Châu sir jos tsik chiê muôx têx hâux lưv uô tsik tiêr txix pênhr nhiêx  têz qơưs

Côngz trinhx dự án cxaz nzir vax tsêr cxuô zav trâu Tsêr cơưv cxênhx iz sôr 1, thị trấn Tân Uyên, huyện Tân Uyên (Lai Châu) muôx tas nro pênhr yưv uô zos 6 tiv đêiv ntâu, tâu cxiz uô txix hli 10/2021, zos chor phongx uô hâux lưv, phòng hành chính, qơư tso đêx ntưk muk thiêz iz cxiê kror côngz trinhx txơưr đuô. Njuôk xav, côngz trinhx zuôr tâu uô tiêr, choz zok sir zôngv trâu hli 11 shông no. Txơưv tiêk njiz tsik tsơưs têx phiv liv tiv gri têx chuôz lov ndê siêz; ntux lok nas ntâu, taz sik nênhs thầu cux tso nênhs sir jos uô. Tix lâus Pờ Mìn Sơn, hlôngr njêx muôs nênhs thầu Công ty TNHH Thành Nam-taz viv uô côngz trinhx hêik:“Sêiz kaz tsưr yưv pênhr tsênhv hêik cov nênhs thầu sir jos uô cov sêiz chiê uô tiêr tâu côngz trinhx. Lơưr hux thôngx tưz cir jênhv, côngz trinhx zuôr tâu uô tiêr trâu hli 11/2022, taz sik nhiv no cux muôx ntux paz, viv li nênhs thầu tưz sir jos uô sêi thiêz njuôk xav zuôr uô tiêr trâu hli 7 no thiêz zuôr choz zok trâu taz viv muôz lok sir zôngv”.

Ban Sêiz car dự án huyện Tân Uyên, tỉnh Lai Châu nhiv no tsênhv sêiz car, sêiz shuôk uô 39 dự án, đros tas nro chor pênhr yưv uô zos xar muôx 67 tiv đêiv. Chiê hla đhâu têx phiv liv tiv qiv hơưv txơưr txar, txix ciês thâuv hâur shôngk shông, lưx lươngv uô hâux lưv Ban sêiz kaz công trường, sêiz kaz chor nênhs thầu kriz uô chor dự án, taz por uô tâu huv zos li tsưr ziv thiêz tsơưr lươngv côngz trinhx. Zơưv Nguyễn Văn Kiều, Phưv Trưởng Ban sêiz car dự án yưv pênhr cxiv tsa huyện Tân Uyên puz pâuz: “Nhiv no pêz cux tsênhv chox kriê cxuô taz viv thầu tsêx trung uô têx hâux lưv zov chênhr li chuôz lov, chuôz tav, nhân công lok têx chuôz zênhx thiêz khov trâu qiv hơưv jông, huv đros chiê kriz uô sêiz têx côngz trinhx. Đuô li, Ban sêiz car dự án cux sik côngv đros têx taz viv thầu, chor taz viv hêik pâuz sêiz kaz công trường, chiê thâuv nênhs thầu kriz uô mak tsưr tsix qênhz yuôx, sâu jênhv thiêz thêv têx nhiêx pênhr trơưk li tsưr ziv”.

Đros huyện ntus đriv Phong Thổ, shông 2022 no tâu choz sêiz car yưv pênhr 32 côngz trinhx, đros tas nro pênhr yưv uô zos 78 tiv đêiv ntâu. Chiê kriz uô tâu sêi thiêz taz por muôz sêi têx nhiêx pênhr, thax tsav qơư tưz choz jênhv vưv trâu nênhs sơưr thơưx muôx txơưx jênhv trâu Chủ tịch Ủy ban huyện thiêz ntâuk gri trâu hâur sik tưr yênhx shông. Zơưv Vương Thế Mẫn, Chủ tịch Ủy ban huyện Phong Thổ, tỉnh Lai Châu puz pâuz:“Thâuv choz pênhr mak pêz uô đros trâu nênhs sơưr thơưx li txơưx jênhv hâur kriz uô têx jênhv vưv co. Pêz ntâu gri yênhx hli hâux lưv muôz nhiêx uô têx dự án thiêz nênhs sơưr thơưx li txơưx jênhv hâur hâux lưv sêiz car, kriz uô cxuô kror hâux lưv. Zos tiêk pov uô tsik tiêr li tsưr ziv mak pêz zuôr hêik, muôx phê bình thiêz kaz shông muôx sik tưr, khơưk kruôk”.

Zos iz hâur pêz taz viv nhoz Ủy ban tỉnh uô lơưr hâux lưv sêiz car chor côngz trinhx cxiv tsa sâuv thax tsav, shông 2022, Ban Sêiz car dự án yưv pênhr cxiv tsa chor côngz trinhx Dân dụng thiêz Công nghiệp tỉnh Lai Châu tâu choz sêiz car xar muôx 214 tiv đêiv pênhr nhiêx txix sâu xổ số, pênhr cxiv tsa cơ bản tsêx trung thiêz pênhr nhiêx têz qơưk Trung ương. Hâur 10 sự án yưv pênhr cxiv tsa mak taz viv sêiz car, nhiv no hâux lưv muôz pênhr nhiêx uô nhiv kruôr tâu muôx 40% ntâu. Zơưv Nguyễn Quang Khoa, Giám đốc Ban sêiz car dự án yưv pênhr chor côngz trinhx Dân dụng thiêz Công nghiệp tỉnh Lai Châu puz pâuz:“Shông no têx hli thâuv hâur shôngk shông iz phênhv tiv phiv liv txix moz Covid-19, tiv zix zos gri têx chuôz lov ndê siêz, uô trâu chor nênhs thầu li hâux lưv zok zuôr têx chuôz lov cux njiz trâus ntâu phiv liv. Lok saz tsưr yưv pênhr mak pêz cux hêik, njiz chor nênhs thầu chiê đơưk kho têx phiv liv, nzor muôx têx tsưr ziv kho đuô chiê nênhs thầu muôx tsưr ziv uô cov huv đros. Đhâu ntu hêik pâuz, chor nênhs thầu cux sir jos uô cov sêi thiêz tsênhv nhoz trâu ntu uô cov tiêr têx ntâuz ntơưr chiê thêv nhiêx”.

Xav jênhv dự án uô vax tsêr cxuô zav muôx pưk txux zov chênhr hâur huôv tsar kinh têr-xar hôiv ntơưv thax tsav qơư, chor tsưr yưv pênhr thiêz taz viv uô nhoz Lai Châu tsênhv sir jos đơưk kho têx phiv liv chiê sir jos uô cov tâu sêi têx côngz trinhx. Đros trâu taz por muôz têx pênhr nhiêx trơưk cêr chêi têz qơưk li cui tênhv, chor taz viv muôx vax huôv ntơưv thax tsav qơư cux tsênhv sik côngv kriz uô hâux lưv qênhz yuôx, sêiz kaz, chiê taz por tsơưr lươngv trâu chor côngz trinhx, cux xưk li phuôx huiz tâu truôx jông têx côngz trinhx đhâu yưv pênhr uô tâu tiêr./.

(Khắc Kiên-Lik Thox cxêik nhênhv)

Phax tar moz suôz liêz trơưk li WHO têx luk heik kriê

          1. Ruôr por tsês zôngr, caz veiv li têx qơư ntês kê

          Shông tưs, cux muôx yênhx cxênhz lênhx nênhs trâus moz, tiv zix zos txix hli 4 txos hli 5 thiêz hli 8-9 zos têx luz hlik chuôz ndê siêz, moz huôv xênhz zov chênhr tiv zix txix hli 10-11 yênhx shông. Moz khênhr huôv xênhz ntơưv têx thax tsav muôx ntâu tsêr puz ntiêr nhoz, qơư shux xênhz nhoz, thax tsav tsi muôx txâuk đêx hur, vêv xênhz tênhx qơưk tsi jông lok sik muôx ntâu pas đêx, têx qơư por vuôz tsuôz kiês nênhs, công trưởng tsênhv cxiv tsa. Chênhr viv li, ruôr por tsês zôngr li qơư ntês kê, tuô caz veiv zos hâux lưv zuôr trâus uô xuz thơưx. Ntơưv têx chuôz zis tsuv uô tsưr ziv li đrav kaz:

          - Vor jông têx chuôz zênhx tsâu đêx chiê zôngr tsi muôx qơư ntês kê.

          - Nzuôr têx fiêz, chuôz zênhx tsâu đêx hur si hâur yênhx ciêz.

          - Sâu por tsês têx vuôz tsuôz kiês nênhs iz ndis tsêr nhoz, uô vêv xênhz tênhx qơư, khuz têx chuôz zênhx tsi zôngv txos chiê đêx tênhr tsi tâu hâur co, zôngr tsi muôx qơư ntês kê.

          - Đros têx chuôz zênhx tsâu đêx, têx teik, ntiv....mak tsôngv box tso njêr lok sik trox nox trâu hâur chor đêx co mak zôngr zuôr tsi ntês kê.

          - Têx hưx pax mak tsuv cxax six hlôngr đêx.

          - Cxuz pa chiê lơưr zôngr.

          - Têx pas đêx tsuv zôngv ar lok sik poz jêz vôngz, lok sik tso đêx ntưs muk tsi chiê tênhr đêx.

          - Luôx đrox hur đu chiê zôngr tsi muôx qơư ntês kê thiêz huôv tsar.

          - Yưr lir hâur đêx, krêz thôngz njưk đêx cưx đês.

Nhạc cắt

          2. Phax tar zôngr tov

          Phax tar moz suôz liêz txix tsưr ziv phax tar zôngr tov li đrav kaz:

          - Hnhar tsôngs yo ntêr tês.

          - Pư hâur vix tsav txơưv đruôz hnuz lok sik hmo ntux.

          - Tsuôk yuôx tuô zôngr, hlơưr shaz lơưr zôngr....paz txu grês trâus zôngr tov.

          - Zôngv vix tsav, ntâuz tsâus yuôx tuô zôngr, zôngv điều hòa nhiệt độ puôr lênhx paz lơưr zôngr lok hâur tsêr thiêz tov sđ hâur chuôz zis.

          - Muk qơư y tế thâuv pov muôx têx moz yưv njuôs xav zos moz suôz liêz chiê tâu seiz njuôs thiêz heik kriê, tsi chiv chir kho moz hâur tsêr.

          Đros mê nhuôs zâu, chiê phax tar moz suôz liêz muôx chêx cuk mak têx lênhx uô niêv uô txir tsuv yax six heik kriê mê nhuô, tsi chiê mê nhuôs uô si ntơưv têx qơư tsi yuô pov cêr, muôx ntâu đrox, ntông....Đrâuv co tsuv đei vix tsav thâuv pư, hnhar tris yo ntêr tsês trâu mê nhuôs chiê phax tar moz./.

(Tòng Anh-Txâur Vax cxeik nhênhv)