Thax tsav txov nhêv Chiềng Nơi- Sơn La xar njôngr muôx têx txox cêr jông muk lok

        Ntu cêr tsuôk ntêr muôx nhos 16 cei cêr, taz sik xar muk txos tsênhv qơư xã, tsôngv box jos Phiêng Khôm, xã Chiềng Nơi, huyện Mai Sơn, tỉnh Sơn La tsuv muk pôngz lơưv 1 six hơưv ntâu. Thâuv ntux lok nas, cêr lok six bluô. Ntâu ntu cêr, tsôngv box tsuv grês yêz chaz muk đhâu têx ntu cêr bluô lok sik đơưv siêz.

          Zơưv Cầm Văn Doan, Bí thư chi bộ jos Phiêng Khôn heik pâuz, ntâu shông đhâu, tsôngv box hâur jos cux xar jôngr muôx tâu têx txox cêr bê tông chiê muk lok taz por đuô. Têx shôngk đhâu, tsôngv box li phênhv sâu phênhv ntâu tsuôk khov txos hâux lưv chos kok ntông thiêz mê njik blêx têz; jê ntơuv no zos chos txir lưv tsiz zâu, txir trâuv nhux, txir khơưz…taz sik tsi muôx cêr muk lok, lax muôv tâu hax huv, viv li luz nênhx tsênhv six fênhx yeiz pluôk tsi so:

          "Tsi muôx cêr bê tông muk lok, cêr ar no mak tsuôk muk tâu hâur cheix ntux kruôr. Txos cheix ntux lok nas mak xiv huv kôngz nuv trâus tuz luôv zuôv grê, viv li pox nhuôs tsênhv six fênhx txov nhêv. Jos muôx 64 ziv chuôz zis mak muôx txos 56 ziv zos chuôz zis pluôk. Têx hnuz ntux lok nas lox, muôx lênhx nênhs trâus moz gênhs zuôr trâus muk tsêr kho moz, cêr bluô, lax muk lok, tsi taz por trâu tsôngv box".

          Kuôk tsênhv qơư xã Chiềng Nơi muôx nhos 10 cei cêr, tsôngv box jos Huổi Sàng tsi taz muk lok sâuv txox cêr ar, mak tsênhv muk đhâu iz tul đêx lox, đêx pưr siêz txos lênhx nênhs đuôr. No cux zos txox cêr mak iz cxiê mê nhuôk shux xênhz nhoz 3 jos muk cơưv ntơưr.

          Tix lâuk Lường Văn Phiu, Bí thư Chi bộ, tsar jos Huổi Sàng, xã Chiềng Nơi, huyện Mai Sơn puz pâuz, tsôngv box hâur jos lok six xar njôngr têx cấp, têx nganhx tsov cưv paz txưv tsôngv box uô cêr thiêz muôx tâu iz tul qox muk lok chiê khưx phưx têx phêv liv no:

          "Zos đêx pur siêz, muk yêz meir đhâu mak tsuv cưr yêz đhâu, tsuv muôx 4 lênhx nênhs thiêx li cưr tâu đhâu đêx. Xiv huv kôngz nuv chiê thâux tâu txix tsênhv qơư xã lok mak cux lok six phêv liv, tiv zix zos cheix ntux lok nas, yêz meir muk tsi tâu, yêz ô tô ziv lax muk tâu".

          Phiêng Khôm thiêz Huổi Sàng nhiv kruôr zos 2 hâur 13 jêx jos tsênhv yuôr muôx cêr muk lok zos cêr ar nhoz Chiềng Nơi. Zos xã thax tsav txov nhêv tiv zix nhoz huyện Mai Sơn, Chiềng Nơi muôx 1 cxênhz 100 ntâu ziv chuôz zis, mak muôx txos 75 phênhv puô zos ziv chuôz zis pluôk, pox nhuôs luz nênhx lok six txov nhêv.

          Zơưv Lường Văn Lập, Phưv Chủ tịch UB xã Chiềng Nơi puz pâuz: hâux lưv yưv pênhr cxiv tsa cêr muk lok zuôr trâus muôx lok six ntâu pênhr chiê yưv txix têx chính sách chiê uô, nhiv no tsi tâu muôx pênhr tuôv zênhv tâu zoz qơưx tsênhv tsênhz thiêz huiz tôngv txix xã hội cux lok six phêv liv:

          "Hâur cheix ntux nas, thâuv tsi muôx pênhr chiê cxiv tsa, kho đuô têx côngz tsinhx zaoz thôngz, UB xã tưz chox kriê têx jos huiz tôngv tsôngv box hâur jos gôngr côngv hnuz côngz chiê kho đuô cêr, paz chiê muk lok zôngx ziv đuô. Lok lêx ntêr, xar njôngr Đảng, têz qơưk tsov cưv đuô thiêz chiê muôx têx txox cêr jông muk muk lok têx jêx jos".

          Tâu pâuz, chính quyênx huyện Mai Sơn nhiv no cux seiz shuôk phênhv pênhr chiê muôx tsưr ziv yưv pênhr cxiv uô têx côngz tsinhx zuôr trâus, paz xã Chiềng Nơi heik taz, têx xã txơưr sâuv thax tsav heik cxuô muôx cxaz têx theox chênhv cxơuz tiês huôv tsar KTXH.

          Pos Tòng Thị Chung, phưv tsar phongx Tài chính- tsưr ziv huyện Mai Sơn, tỉnh Sơn La heik:

          "Hâur ntu cxiv tsa tsưr ziv yưv pênhr hâur niêx shông, phongx tưz heik thiêz thix ziv trâu cấp muôx qênhx seiz shuôk yưv pênhr trâu xã Chiềng Nơi, tiv zix zos têx côngz tsinhx zaoz thôngz muk lok. Đros têx cêr muk lok hâur jêx jos, heik huyện yưv pênhr uô lơur six hơưv. Đrâuv co, heik krêz uô tsưr ziv " Doanh nghiệp sik côngv tês đros cấp ủy, chính quyênx paz têx xã thax tsav III sir jos hla đhâu xã txov nhêv tiv zix"; seiz shuôk, ntâuk grê têx jông, têx phêv liv, thix ziv tsưr ziv sik côngv đros têx doanh nghiệp chiê paz txưv trâu tsôngv box".

          Iz txox cêr zaoz thôngz tâu cxiv uô yiêz tsi taz zos tsôngv box li siêz xar njôngr chiê muk lok taz por, zôngx ziv đuô mak tsênhv gôngr phênhv chuôz tsar sik côngv đros têx jêx jos đros xã, đros huyện thiêz tỉnh./.

Lê Hạnh- Txâur Vax cxeik nhênhv

Viv li chas Yên Bái ho hlôngr yiêz tâu yênhx côngz thax tsav phiv liv?

Tiếng động tuyên truyền tại cuộc họp

Tsi xav têx hnuz fênhx yax lok zos hnuz so, txâuk ntux lok sik đruôz hnuz, nhoz tsêr lok sik mul liêx têz…., thâuv tưs shênhx, muôx six hơưv, muôx chôngz nênhs, chor canr bôv, chiến sĩ công an xã Túc Đán, huyện Trạm Tấu, tỉnh Yên Bái ho yax kriê txos tsôngv pêx xênhv lok chei têz qơưk têx cui tinhv.

Iz txưv zos xã txov nhêv, zuôr xar 100% tsôngv box heir nênhs tsơưs uô nênhx nhoz, hâur co 90% ntâu zos Hmôngz. Chênhr viv li, chor nênhs fêv liv zôngv têx phiv liv, cêr txov, tsôngv pêx xênhv tsi yuô muôx txux chi tsưr ziv jênhv pâuz chiê hâuz nziêk, zâuv uô têx nuv tsi trơưk chei, lar heik zos cik txos zax zênhz, uô tsưr tsi trơưk chei. Têx li heik no uô xã Túc Đán yênhx qơư phiv liv, muôx ntâu cêr cuz nxor hâur iz ntuk ntêr, tâu Bộ Công an sox seiz, qênhz shuôs njôngr.

Trơưk li thôngz sâu, Túc Đán tsuôk muôx 2.600 lênhx nênhs, taz sik muôx txos 40 ntâu lênhx trâul muôx zênhk zax zênhz muôx ntâu seiz car, yênhx châuv lênhx nênhs tâu xav zos zôngx ziv trâul muôx zênhk zax zênhz.

Thâuv tâu choz thax tsav, lưv lươngv Công an tưz xav tinhv, muôz thax tsav cuz nxor, phiv liv seiz zos iz hâur têx hâux lưv zov chênhr zuôr trâul lês uô ntêx hlo. Chor canr bôv, chiến sĩ Công an Túc Đán tưz sir jos nhoz trơưr ntơưv qơư hâur niêx hnuz hmo qênhz yuôx shuôs, đros pêx xênhv nhoz, pêx xênhv nox, uô hâux lưv thiêz đros heik lơưr luk. Txix ntơư, têx tsi siz thôngx lok luz nênhx vênhx huôv xênhz huôx, cux iz zav li lul heik ….jux juk tâu tso tsês; công an, pêx xênhv muôx cêr sik thôngx siêz. Thiêz tsôngv pêx xênhv cux tưz muôz tâu têx mông jông, sik đros yơưz phơưz chor nênhs fêv uô cxâuv chei, tso tsês jux juk cêr nênhx pôngz kaz. Thượng uý Sa Đình Hiển, Phưv Tsar Công an xã Túc đán heik:

“Nhoz no pêz muôx 2 lênhx canr bôv zos nênhs Hmôngz. Gơưk zuôr tsi so đros muk thiêz đros cxuô ban, ngênhx, đoanx thêv hâur xã yax kriê txos trâu pêx xênhv pâuz lok Đảng, têz qơưk, ntơưv qơư thiêz Công an…..li cui tinhv, đhâu co 2 tus canr bôv Hmôngz no zuôr cxeik uô luk Hmôngz heik trâu pêx xênhv pâuz tsi uô cxâuv têx chei têz qơưk, lar heik zos zax zênhz. Iz chas ntơư, heik pêx xênhv sir jos huôv tsar khưr uô nox uô hnar-cxuz cêr yeiz pluôs”.

Txix thâuv tâu tso lok uô hâux lưv ntơưv xã txos nhiv no, Công an xã Túc Đán tưz sơưr tơưv txênhz, ntêk tâu 13 txuz, 25 lênhx nênhs zuôr muôs, uô luôv zax zênhz tsi trơưk chei; qênhz shuôs, ro por tsês yênhx puô xưv phaz liêx têz tsêz chos tsoz zênhz; đơưk tu tâu yênhx châuv txuz nuv, lênhx nênhs muôx cêr cuz nxor, siz txênhz liêx têz uz no phiv liv….; ntêk cxov iz lênhx nênhs uô cxâuv chei têz qơưk tâu tso chei đros yơưz phơưz; yax kriê, heik tsôngv pêx xênhv nhoz truôx qơư, tsi muk lol đhâu têz qơưk tsi trơưk chei…..Têx txuz li: Uô tuz saz tuz nhiês, siz ntâuk tsiv thâuv ntêx ntơư tsôngv pêx xênhv khênhr heik thiêz tu trơưk li hâur jêx jok cui tinhv, nhiv no zos muôx yưv têx li co, Công an puôr lênhx qênhz yuôx, nus txos, txix ntơư jux juk hlôngr yiêz, thax tsav qơư nhoz truôx tuk, njiês to. Niêv lâul Mè Thị Nhại, nhoz xã Túc đán, huyện Trạm Tấu shir phaz heik:

“Thâuv ntêx lok six phiv liv cơưk, nhoz kror tưs, suôv qơư tưs cux muôx tuz saz tuz nhiês. Uô tsâus ntâu chor canr bôv tưz đros moz siêz txos, viv li nhiv no cux njiês to, truôx tuk lơưv, tsi muôx đaz tsi”.

Zơưv Nov Ziêk Xênhv Vax, Phưv Chủ tịch Uỷ ban xã Túc Đán, huyện Trạm Tấu mak heik pâuz li no:

“Txos iz jiês no pir li shông 2018 thâuv ntêx ntơư, tsôngv box cux hlôngr yiêz ntâu, txix cêr nênhx xênhz huôx txos trâu huôv tsar uô nox uô hnar. Thâuv ntêx muôx ntâu tuz saz tuz nhiês, chor nênhs trâul muôx zênhk zax zênhz cux chôngz viv li ntâu chuôz zis trâul yeiz, tsiêz tưz tsi muôx nox. Muôx Công an lok uô hâux lưv hâur xã, tưz qênhz yuôx, seiz shuôs njôngr chor nênhs uô cxâuv chei li heik sâuv, têx lênhx uô tsưr tsi trơưk chei, nhiv no sơưr đơưk luz nênhx tưz truôx tuk, muôx nox muôx tsês. Pir li thâuv shông 2018 co, tsôngv niêv txir lax pêx xênhv luz nênhx hlôngr yiêz lok six ntâu”.

10 ntâu shông zos qơư cuz nxor, phiv liv, tsi truôx tuk, taz sik đros thiêz lưv lươngv Công an li têx sir jos thâuv tâu tso lok lês uô têx luôs hâux lưv hâur thax tsav, nhiv kruôr đhâu, xã Túc Đán, huyện Trạm Tấu tưz tâu Bộ trưởng Bộ Công an quyết tinhv tso tơưv tsi zos xã cuz nxor, phiv liv viv uô tâu jông cxuô luôs hâux lưv lok sâuv tsưx phưv truôx tuk thax tsav qơư. Thiếu tá Lương Ngọc Tuấn, Tsar Công an xã Túc Đán heik pâuz:

“Tsôngv pêx xênhv zos zov chênhr đuô hur si, khov muôx pêx xênhv paz, pêx xênhv đros qênhz pov, yơưz phơưz, muôz têx mông trâu công an. Hur tiz si puôr lênhx zos tsôngv niêv txir lax pêx xênhv, chênhr viv li pêz thâuv tưs tưz xav tinhv, tsuv sir jos sưv jê đros pêx xênhv, uô trâu pêx xênhv njênhs, pêx xênhv nhiêv, sik đros thôngx siêz li uô tâu têx luôs hâux lưv zok muôz”.

Txix thâuv lưv lươngv Công an tâu tso lok cxuô xã, thị trấn lês uô têx luôs hâux lưv, tưz paz uô tâu jông hâux lưv tsưx phưv truôx tuk thax tsav qơư nhoz tỉnh tox siêz Yên Bái./.

(Đinh Tuấn-Riê Lâux cxeik, nhênhv)