Sir jos tir tar chor nênhs phamv cxâuv zax zênhz sâuv thax tsav tox siêz Sơn La

Tưz xar muôx 1 shông xav txix hnuz Công an huyện Thuận Châu đros têx taz viv Công an Sơn La ruôr  tâu yênhx côngz chuyên anr lênhx nênhs zuôr muôs, thax gra, tsês chiê ntâu zênhz đơưz muôx fov chiê tir thêir chor lưx lươngv công an-zos iz jiês sir jos phax tir thêir, por vêv ngaz tuk jông trâu pox nhuôs thiêz chor canr bôv, chiến sĩ.

Txuz hâux lưv no muôx thâuv zar hnuz kêix 23/12/2022 sâuv txox cêr lox 6A, ntu đhâu thax tsav xar Phổng Lăng, huyện Thuận Châu. Nguyễn Văn Long, zus shông 1977, nhoz ntơưv TP Phúc Yên, tỉnh Vĩnh Phúc, thâux gra 22 đêiv zênhz đơưz thiêz 17 poz njiêr yuôx shơư zax zênhz, tưz đrâu zuk luz yêz lox trâu cảnh sát luz yêz thiêz gra fov khiêr, huôz pêx xênhv yêz mêir chêix cov khiêr điv tâu. Thiếu tá Phương Đăng Cường, Đội tsar Đội Cảnh sát Qênhz yuôx nênhs phamv cxâuv lok hình sự, kinh têr, zax zênhz, Công an huyện Thuận Châu, tỉnh Sơn La puz pâuz:

“Lênhx nênhs co khiêr gâuv muôx fov đros viv li hâur ntu zok cxov, Ban Chuyên anr tưz bax trâu chor lưx lươngv zok cxov têx chuôz zênhx paz li yo tir thêir triêv fov thiêz fov cxuô zav; phêiz uô ntâu paz, txix 10-15 lênhx nênhs chiê kriz uô qênhz yuôx. Ban Giám đốc Công an tỉnh thiêz Công an huyện hêik chor canr bôv chiến sỹ xuz thơưx tsuv uô jông cov ngaz tuk trâu chor nênhs zok cxov thiêz pêx xênhv sâuv thax tsav”.

Hâur xar muôx 30 six hơưv, zuôr xar 300 lênhx canr bôv, chiến sỹ têx taz viv tưz sir jos qênhz yuôx, thêir jor têx cêr muk lok, cêr zâu muk pêv têx trôngz; chor nênhs zok cxov co tưz sir jos zok nriêr thiêz cxov tâu lênhx nênhs co gâuv hâur iz luz kror tsuô nhoz sâuv thax tsav huyện Thuận Châu. Thiếu tá Phương Đăng Cường puz pâuz nzir:

“Thâuv muôx xor mông hêik pâuz lok Long, lưx lươngv cux  tưz kriz uô ntâu tsưr ziv chiê zok cxov, taz sik chiê ngaz tuk trâu pêx xênhv, zơưv Trần Thanh Sơn, Phưv Giám đốc Công an tỉnh cux tưz muôx tsưr ziv thiêz hêik Nguyễn Văn Long txir, đhâu co tso loa hêik lox cov Long hnoz tâu chuôz zis têx luk hêik, txix co Long tưz tso fov tsês thiêz tơưv lok trâu chor lưx lươngv công an cxov”.

Txuôk lơưr txuz cxov tâu Nguyễn Văn Long, txix hâur shôngk shông 2023 txos nhiv no, Công an huyện Thuận Châu tưz pov, cxov muôx 212 txuz zax zênhz, cxov tsês 270 lênhx nênhs, khởi tố 200 ntâu txuz, 254 lênhx nênhs cik txos kror cxâuv lok zax zênhz. Đại uý Đào Trọng Hưng, Đội Qênhz yuôx tổng hợp, Công an huyện Thuận Châu, tỉnh Sơn La puz pâuz:

“Chiê qênhz yuôx zok cxov chor nênhs uô cxâuv zuôr muôs zax zênhz, pêz tưz uô jông côngz xưv sêiz car thax tsav, sêiz car chor nênhs muôx zênhk zax zênhz thiêz chor nênhs uô cxâuv lok zax zênhz, thôngx cxix kriz uô têx tsưr ziv qênhz yuôx đros têx tsưr ziv uô hâux lưv chiê uô cov tsênhz mênhx chor nênhs uô cxâuv li têx kror cxâuv. Đros co zos kriz đar qênhz yuôx chiê xưv lik chor nênhs co lơưr cêr chêi têz qơưk”.

Tưz muôx ntu zos qơư phiv liv lok zax zênhz, xar Thôm Mòn, huyện Thuận Châu, tỉnh Sơn La nhiv no tưz hlôngr yiêz lok six ntâu. Uô tâu li co zos khov muôx cấp ủy, chinhr quyền, lưx lươngv công an sir jos uô đros muôx pêx xênhv thôngx ziv đros, hêik pâuz têx nênhs phamv cxâuv, sir jos phax tar zax zênhz. Zơưv Quàng Văn Chính, jok Hợp Nhất 1, xar Thôm Mòn hêik:

“Thâuv ntêx no zax zênhz hâur luz jok no lok six phiv liv, txix zax zênhz uô muôx tuz saz tuz nhiês, tâu công an cấp tỉnh, cấp huyện chox kriê, xar, jêx jok kriz uô tôv chiv chir sêiz car txix shông 2012, nênhs muôx zênhk mak chox muk chiv zênhk, nênhs uô cxâuv mak chox muk cơư chiê kruôz kriê… nhiv no pêx xênhv luz nênhx tưz truôx tuk lơưv”.

Tỉnh Sơn La li Đề anr hlôngr yiêz, cxiv tsa xar, phường, thị trấn tsik muôx zax zênhz tưz tâu kriz uô txos yênhx jêx jok, tiểu khu nhoz 29 xar, thị trấn sâuv thax tsav huyện Thuận Châu. Txos nhiv no, Thuận Châu tsik yuôr têx xar phiv liv lok ngaz tuk xar hôiv; oz xar uô tiêr tsik muôx zax zênhz; 9 xar muôx txiêz nanv zax zênhz tsơưs, tsik yuô phiv liv; yuôr 18 xar, thị trấn phiv liv lok zax zênhz. Thượng tá Nguyễn Đình Khiêm, Phưv trưởng Công an huyện Thuận Châu, tỉnh Sơn La puz pâuz:

“Pêz zuôr tso nênhs muk trâu cxuô thax tsav qơư chiê nriêr pâuz qênhx shênhx, qênhz shuôk chor nênhs cik txos zax zênhz, uô ntâuz ntơưr sêiz car; chox kriê têx taz viv uô hâux lưv, choz trâu yênhx lênhx canr bôv sêiz car thax tsav tsik so qênhz yuôx, tsik chiê muôx yưv têx qơưk muôs zax zênhz zâu sâuv thax tsav”.

Đros uô jông têx tsưr ziv uô hâux lưv, canr bôv, chiến sỹ công an Thuận Châu tsik so uô jông tsưr ziv sưv jê, nhoz jê thiêz pâuz tsênhz txos pêx xênhv, khov trâu pêx xênhv chiê tir tar chor nênhs uô cxâuv lok zax zênhz, paz uô cov hlôngr yiêz jông nhoz thax tsav tox siêz no./.

Lê Hạnh-Lik Thox cxêik nhênhv

Hla đhâu cêr pluôs txix huôv tsar uô qơư tu zus njêl nhoz Bắc Yên

Xênhz zus hloz lox hâur xã nhoz jê oz saz ntus đêx lox ntơưv huyện Bắc Yên, txix thâuv tsênhv zâu, tix lâus Đinh Văn Hoàng tưz đros đreiv têx lâul muk uô liêx têz, lar heik zos ntâuk muôz shuôz njêl hâur đêx. Txos shông 2018, tix lâus sir jos zok nriêr tsưr ziv huôv tsar uô nox truôx.

“Sâuv tus đêx Sông đax muôx ntâu têx jông, muôx fuôx gox sâu zuôr shuôz njêl, têx mê nhuôv hmoz njêl, chưk tuôs cux ntâu, viv li tưz xar tsưr ziv uô qơư huôv tsar tu zus njêl. Thâuv co cur zus tsơưs xưz”.

Chiê huôv tsar truôx luôs hâux lưv co thiêz muôx nôngz njêl grêix, tix lâus chuôz zis tưz khơưz pak đêx tso njêl zus. Niêx shông thâuv hli 6, hli 7 chuôz zis yêik chor njêl hâur đêx lox lok zus hâur pak; txos cheix đêx tsi yuô lox ho yêik tror mul zus hâur đêx. Têx njêl tix lâus chuôz zis khênhr tu zus co zos: Njêl chên, njêl lăng, njêl kar...... Njêl têx zav nox phênhv ntâu zos chor hmoz njêl mê tuôs chuôz zis ntâuk muôz tâu, đros trâu têx blôngx tsơưz, blôngx kok ntông....., viv li chor nox lok six kaz grêix, iz zav li njêl chiên, njêl lăng muôs hâur ciêz đrôngs muôx kênh ntu tâu gri mak ndê txos 600 cxênhz đeiv iz cir.

“Hâur ntu zuôr txos chuôz zis zuôr huôv tsar uô nzir 1-2 qơư chiê zus nzir njêl lăng, nzaz nzơưv têx hmoz njêl, hmoz chưk trâu chor njêl co nox”.

Qir huôv tsar uô nox txix xor thêir uô 02 qơư tu zus njêl sâuv đêx lox, txos nhiv no, tix lâus Hoàng luôs hâux lưv co thâuv tưs cux muôx đreiv 04 qơư zus njêl; zuôr iz fâuv njêl nôngz puôr lênhx tas txix 40-50 tsov đeiv. Iz jiês chor tuz luôv txix Hòa Bình, Phú Thọ tuôx zuôr, lơưr puôr lênhx zuôr txix 1-7 puôk njêl grêix, taz por trâu chuôz zis muôx phênhv sâu tâu truôx.

Iz chas tu zus njêl li heik sâuv, tix lâus Hoàng chuôz zis tsênhv zus muôx 40 tus yis thiêz 8 tus nhux. Yưx tas têx nhiêx txiêx zuôr krâur puz, ntiêr nênhs đros tu...., xav tas nro iz shông cux sâu tâu txix 150 tsov đeiv tror zar sâuv. Zơưv Đinh Văn Hiếu, Chủ tịch hội nôngx mênhx xã Song Pe heik pâuz:

“Tix lâus Hoàng zos iz lênhx nênhs uô ntêx nyuôs huôv tsar uô qơư tu zus njêl. Co cux zos iz hâu cêr huôv tsar uô nox uô hâuk, uô hlôngr yiêz tsưr ziv, siêz xar trâu luôs lưv tus txơưr đuô cơưv shâuv, uô trơưk. Hâur ntu zuôr txos, Hội zuôr tror yax kriê trâu cxuô thax tsav qơư, lar heik zos têx jêx jok nhoz jê ntus đêx lox xor thêir qơư huôv tsar tu zus njêl”.

Zơưv Đinh Văn Lan, Bí thư chi bộ, Tsar jok Mong, xã Song Pe cux heik mênhx:

“Đinh Văn Hoàng luôs hâux lưv xor thêir qơư huôv tsar tu zus njêl tâu chi bộ ntâuk grê siêz, viv uô tâu trơưk siêz xar, muôx phênhv sâu truôx. Chi bộ muôz tso hâur Nghị quyết, hâur ntu zuôr txos nthuôr uô đar trâu tsôngv pêx xênhv sơưr đơưk sik đros cơưv shâuv,uô trơưk”.

Tâu pâuz, chiê huôv tsar uô tâu luôs hâux lưv xor thêir qơư tu zus shuôz njêl, huyện Bắc Yên muôx tsưr ziv sir jos kriê cxaz têx txux chi tsưr ziv yuôr trâul trâu tsôngv pêx xênhv chiê huôv tsar uô truôx luôs hâux lưv co lơưr VietGAP; muôx ntâu zav njêl muôs, phênhv ntâu huôv tsar tu zus têx njêl muôs tâu gri li: Njêl lăng......

Iz chas co zos cxiz muôv muôs têx xiv huv, cxiv tsa suôz bê, cxơưz doanh nghiệp thiêz lênhx nênhs tu zus sik paz, sik đros huôv tsar uô nox; lok sik yênhx lix têx HTX, tổ hợp tác chiê huôv tsar luôs hâux lưv xor thêir qơư tu zus njêl ntâu, tsar ndê gri xiv huv, reik đros trâu ciêz đrôngs sâu zuôr./.

CTVVOVTB-Riê Lâux cxeik, nhênhv