HÀ GIANG PAZ TSÔNGV BOX MÊNHX CXƯX TSƠƯS NÊNHS PÂUZ TÂU XOR MÔNG SEI, JÔNG ĐUÔ

Ntơưv iz jiês khiêz phêv jêx jos nhoz jos Khung Nhung, xã Quản Bạ. Tsar jos xeir six hơưv khiêz phêv zos thâuv 7 six 30 phênhz tsâus ntux thiêz thâuv khiêz phêv phênhv ntâu thav luk mênhx cxưx. Co zos tsưr ziv jông tiv zix chiê chinhr quyênx chêx chôngk tâu cxix cxuô tsôngv box hâur jos chiê thôngz xor mông, thôngx cxix, no cux zos tsưr ziv chiê mnôngs têx ziv chênhv txix tsôngv box chiê heik trâu cấp chinhr quyênx.

          Pos Cư Thị Sông, tsôngv box jos Khung Nhung, xã Quản Bạ cxaz chuôz jiês khiêz phêv puz pâuz: “Khov khiêz phêv jêx jos, cxuô lênhx nênhs puôr lênhx pâuz tâu têz qơưk li têx chủ trương chính sách chiê uô lơưr. Cux khov muk mnôngs yax mông mak tsôngv box pâuz tâu tsưr ziv uô nox yiêz chiê cxiv tsa jêx jos tsâu sor, ngaz tul”.

          Cux xưk li ntâu lênhx tsôngv box mênhx cxưx tsơưs nênhs nhoz jos Khung Nhung. Txơưv tsi pâuz thav luk choz tsiz, yênhx tưv vênhx huôv kis, taz sik siêz xar nriêr tsưr ziv chiê uô bluô nux thâuv tưs cux nhoz trơưr hâur siêz tsi plox, đhâu ntâu jiês muk khiêz phêv jêx jos thiêz tâu mnôngs tsar jos, phưv tsar jó heik lok tsưr ziv uô bluô nux, tix lâuk Lý Tà Bâu nhoz jos Trúc Sơn, xã Quản Bạ tưz truôx siêz muk UB xã chiê nriêr pâuz trâur nuv huôv tsar cêr uô nox, sir jos hla đhâu cêr pluôs. Ntơưv xã, tix lâuk Bâu tâu cán bộ xã jông siêz heik kriê tsưr ziv zôngv internet sâuv meir tính, paz nriêr têx njiêz luv zuk xar nriêr thiêz tsov cưv txos, đhâu co tix lâuk Bâu lok six jông siêz thâuv pauz tâu têx xor mông lok têx trâur nuv tu zus yik sâuv mạng internet. “Cur chuôz zis xar huôv tsar tu zus yik. Cur mnôngs fôngx zưs heik nhoz xã muôx trâur nuv tu zus sâuv mạng meir tính, thiêz cur tưz muk xã nus cán bộ xã mak nưs paz kriê cur zôngv meir tính, pov trâur nuv lok six muôx chêx cuk viv li cur lok six xar seiz thiêz lok huôv tsar tu zus yik xưk li sâuv meir tính kriê”.

          Lơưr tix lâuk Lệnh Thế Tú, cán bộ phưv txơưx cxiv tsa nôngx cxênhz yiêz xã Quản Bạ, huyện Quản Bạ, tỉnh Hà Giang, txix thâuv tix lâuk jênhv jênhv vưv uô côngz xưv ntơưv xã, tix lâuk khênhr jênhv tâu tsôngv box li zoz qơưx puz lơưr seiz têx trâur nuv tu zus muôx chêx cuk sâuv meir tính. Tix lâuk Tú jênhv pov pox nhuôk mênhx cxưx hâur xã tsi pâuz luk choz tsiz taz sik lơưr lok six xar huôv tsar cêr uô nox chiê hla đhâu cêr yeiz pluôk. Viv li, thâuv muôx lênhx tưs heik tix lậuk paz krêz meir tính chiê lơưr seiz, tix lâuk puôr lênhx lok six jông siêz heik kriê pox nhuôk tsưr ziv zôngv meir tính, zôngv mạng internet.

          Hà Giang zos iz hâur têx tỉnh pluôk tiv zix tas nro têz qơưk, thôngx cxix cux zos tiv phaz muôx txos 22 mênhx cxưx tsơưs nênhs zuôr xar bâuv 800 cxênhz lênhx nênhs, hâur co 90% ntâu zos tsôgnv box mênhx cxưx nhoz truôx qơư sâuv 2 cxênhz ntâu jêx jos. Đros thax tsav qơư nhoz tsi chêx chôngk, tox trôngz siêz, viv li hâux lưv thôngz xor mông txos tsôngv box thâuv tưs cux zos vênhv thix têx cán bộ nhoz tiv phaz xar lok six ntâu txos. Zơưv Thào Thái Tâm, hlôngr njêx muôk UB xã Quản Bạ puz pâuz: “Hâur têx shôngk đhâu, côngz xưv yax mông sâuv thax tsav xã Quản Bạ tâu tsov cưv jông, tiv zix zos yax mông ciês ntơưv qơư. Đros tsưr ziv uô co, pêz pheiz côngz têx ban, nganhx, đoanx thêv sik côngv đros UB MTTQ xã yax mông txos têx jêx jos, têx ziv chuôz zis. Đrâuv co pêz yax mông sâu têx phaz pênhv thôngz xor mông xã txos têx jêx jos”.

          Đros têx tsưr ziv ntơưv cấp xã mak ntơưv cấp huyện, đros têx chuôz zênhx thôngz xor mông yiêz đuô, chính quyênx huyện cux tsênhv muôx têx tsưr ziv coar lik xor mông thiêz tsưr tsix têx zav thôngz xor mông huv đros zuk tiv phaz, chiê cungz xor mông cxaz txos tsôngv box sei thiêz tsênhz mênhx tiv zix. Tsưr ziv thôngz xor mông nhoz tox siêz phênhv ntâu sir zôngv luk tiv phaz, khov txos phongz cxưx nhoz tiv phaz, hlôngr yiêz tsôngv box mênhx cxưx tsơưs nênhs pluôk nhoz tox siêz li siêz xar zos lok six lax. Taz sik, chiê têx lênhx nênhs uô côngz xưv yax mông muôx txâuk xor mông cux zos têx chiz coaz coar lik nhoz yênhx cấp tỉnh Hà Giang li txơưx jênhv. Zơưv Nguyễn Văn Hưng, Phưv tsar Ban tuyên giáo tỉnh ủy Hà Giang puz pâuz: “Tỉnh Hà Giang tsênhv tror sir jos paz têx tiv phaz uô li chas chiê yưv pênhr muôz siêz têx zav meir, thôngz xor mông txos jêx jos muôx chêx cuk thiêz cux tưz thix ziv Chính phuv, têz qơưk tror tsov cưv txos Hà Giang yưv pênhr chiê chox côngz xưv thôngz xor mông txos jêx jos ziv hnuz ziv uô muôx chêx cuk”.

          Chiê khưx phưx têx phêv liv, chính quyênx têx cấp, tiv zix zos têx taz viv thôngz xor mông sâuv thax tsav tỉnh Hà Giang cux ndaz ndơưv tas nro lênhx nênhs, chuôz zênhx muôx ntơưv qơư, uô ntâu tsưr ziv thôngz xor mông huv đros tiv phaz. Đrâuv co, iz tsưr ziv cux tâu Hà Giang tsov cưv co zos sik côngv đros têx lưx lươngv vũ trang nhoz sâuv thax tsav tỉnh, tiv zix zos bộ đội pênhz phax nhoz sâuv têx thax tsav tox siêz ntus đriv chiê thôngz xor mông tsênhz mênhx thiêz sei tiv zix txos tsôngv box./.

(VOV4-Txâur Vax cxeik nhênhv)

Ntâu luz xar tox siêz Lào Cai njiz phiv liv lok xor mông thiêz yax mông hâur cxiv tsa jêx jok yiêz

Qơư uô hâux lưv một cửa xar Liêm Phú, huyện Văn Bàn, tỉnh Lào Cai tsênhv tsuv tror tuôx uô đuô têx ntâuz ntơưr ntơưv chor mêir scan, mêir tính tưz kuz tsik jông, lok sik tsik muôx têx phần mềm yiêz. Li co mak hâux lưv uô zuôr kênhz thiêz zuôr tas ntâu six hơưv. Zơưv La Văn Chinh, Phưv Chủ tịch Ủy ban xar puz pâuz: “Canr bôv uô côngz xưv hlôngr yiêz sôr tsênhv njiz ntâu kror phiv liv, txux chi tsik tâu txâuk. Tiv oz zos têx mêir chuôz zênhx uz no cux tưz kuz tas viv li chuê uô têx ntâuz ntơưr trâu pêx xênhv mak têx thâuv cux lok six lax uô”.

Hok ntơưv xar Nậm Đét, huyện Bắc Hà, cxiv luôs mạng di dộng thiêz 3g, 4g tsik tâu jông tsênhv zos kror phiv liv, uô trâu têx zor mông chox kriê txix xar txos trâu jêx jok njiz ntâu phiv liv. Kror no tsênhv uô phiv liv txos trâu chor tsưr tsix Công nghệ sôr li têx huôx tôngv cux xưk li cxiv luôs zoz zux ntơưv thax tsav qơư. Cưk kriê ntơưr Giàng Thị Kim, Tsêr cơưv nhuôs zâu Nậm Đét, huyện Bắc Hà hêik pâuz: “Phiv liv tiv zix zos thâuv cur xar hu tênhv trâu shux xênhz niêv txir, tsêr cơưv ntơưr mak hu tsik tau hlo viv tsik muôx sóng. Lok six vav tiêk zuôr muôx sóng, muôx mạng chiê shux xênhz niêv txir, chor shux xênhz pâuz tâu zôngx ziv đuô txos internet”.

Thôngz sâu puz pov, tas nro tỉnh Lào Cai nhiv no cux tsênhv yuôr muôx nhos 50 jêx jok tsik tâu muôx sóng 3G, 4G; 300 ntâu jêx jok tsik tâu muôx cxiv luôs cáp quang thiêz lok six ntâu thax tsav qơư tsik muôx sóng. Huôx tôngv bưu chính nhoz têx qơư tox siêz, đêz đrôngs tsênhv njiz ntâu phiv liv tiv vax tsêr cxuô zav muôx tsik tâu txâuk, đaz tuôs, muôx tsik txâuk nênhs uô hâux lưv, dịch vụ tsênhv pôngz kaz. Chor canr bôv cux tsênhv muôx tsik tâu txâuk têx txux chi chiê uô hâux lưv. Pêx xênhv li jênhv pâuz lok sir zôngv internet tsênhv kik. No cux zos iz kror uô trâu lax uô tiêr tâu luôs hâux lưv cxiv tsa jêx jok yiêz truôx jông. Zơưv Vũ Hùng Dũng, Giám đốc Sở Thôngz mông thiêz Yax mông tỉnh Lào Cai puz pâuz: “Hâur ntu zuôr txos, Lào Cai zuôr sir jos yưv pênhr trâu huôv tsar chor dịch vụ viễn thông; nhênhz chơưv cxiv tsa têx tsênhv chêi chiê zaz zâuv, hêik têx doanh nghiệp công nghệ thôngz mông trâu yưv pênhr; tsêx trung thox cxov, kruôz kriê, hlôngr yiêz đuô jênhv pâuz. Pêz cux vav tiêk tas nro cxiv luôs chinhr triv thiêz tas nro pêx xênhv, doanh nghiệp Lào Cai sik đros côngv đas jos, côngv siêz chiê cov muôx  tâu iz luz nênhx jông đuô”./.

(An Kiên-Lik Thox cxêik nhênhv)