Têx uô tâu txix chor Nghị quyết chuyên đề nhoz Lào Cai

Zos thax tsav muôx 3/4 dân sôr, cux zos tiêk chor lưx lươngv lox tôngv phênhv ntâu nhoz ntơưv têx jêx jok, taz sik kôngz nuv ntâu shông lok no cux tsênhv tâu uô tsơưs, tsik truôx jông zos hâu nov cấp ủy tỉnh Lào Cai li tsik so xar njôngr txos.

Xav jênhv huôv tsar kôngz nuv hax huv zos kror tsuv tâu uô, tsuv muôx tsưr ziv uô cov truôx jông. Đhâu thâuv sêiz lax tập thể, hli 8/2021, Nghị quyết sôr 10 Ban Thường vụ Tỉnh ủy Lào Cai tsêx trung trâu jênhv vưv no tưz tâu tso tơưv, đros têx tsưr ziv txos shông 2030, tsưr ziv uô txos shông 2050.

Nhiv kruôr đhâu 2 shông kriz uô, xuz thơưx thax tsav uô hax huv tsêx trung tỉnh tưz tâu kriz uô đêz đar ndê muôx 75.000 ntâu héc ta, đros uô 5 zav tsoz chos chênhr zos yuôx zêx, txir tsơưz, txir pôngr lux, cuêv fix thiêz yuôx đrox njuôz; yênhx puô tsưr ziv uô nox tu zus lox, tsêx trung trơưk sik côngv, sir zôngv kỹ thuật yiêz tưz tâu yênhx lix, kriz uô. Shông 2023, Lào Cai li tsiv gri uô kôngz nuv hax huv tâu muôx 4.500 tiv đêiv ntâu, tsav iz đraz tsiv gri tas nro nganhx kôngz nuv. Txix thax tsav qơư kik txos tox siêz, kror tưs ntơưv Lào Cai cux pov muôx Nghị quyết 10.

Lơưr zơưv Giàng Quốc Hưng, Bí thư Huyện ủy Mường Khương, đhâu thâuv sir jos kriz đar thax tsav thiêz hlôngr xar muôx 3.000 héc ta ar đaz tuôs tsik jông chiê chos têx tsoz chos lơưr saz hax huv, tsoz chos kaz jông nto bê ntơưv thax tsav qơư, nhiv no tas nro huyện tưz muôx nhos 10.000 héc ta thax tsav chos tsêx trung, zaz zâuv tâu chor doanh nghiệp lox lok yuôx zêx, txir ntông tuôx yưv pênhr cxiv tsa tsêr mêir chiê uô: “Txix thâuv uô Nghị quyết 10 txos nhiv no, pêz kriz uô tâu têx kror jông hâur Têz qơưk têx Tsaz yênhx, tiv zix zos Hôiv đôngx li Nghị quyết paz trâu uô kôngz nuv hax huv, no zos kror pênhr jos lox paz trâu thax tsav qơư uô tâu truôx thax tsav hax huv hur jông. Ciês shông 2023, tas nro nganhx Kôngz nuv Mường Khương tưz gôngr côngv muôx nhos 800 tiv trâu kinh têr-xar hôiv ntơưv thax tsav qơư, paz truôx tuk pêx xênhv sâuv thax tsav luz nênhx”.

Đrâuv Nghị quyết 10, Ban Chấp hành Đảng bôv, Ban Thường vụ Tỉnh ủy Lào Cai tsênhv tso tơưv ntâu Nghị quyết chuyên đề txơưr, tsêx trung trâu têx kror zov chênhr li hlôngr yiêz sôr; sêiz car khoangr yax; zaz zâuv pênhr jos; gra siêz tsơưr lươngv dân sôr; huôv tsar vênhx huôv, lênhx nênhs; huôv tsar du lịch… Lok sik tsêx trung trâu têx thax tsav qơư zov chênhr li chor Nghị quyết huôv tsar thành phố Lào Cai, thị xar Sa Pa thiêz huyện Bát Xát.

Lơưr zơưv Dương Đức Huy, Trưởng Ban Tuyên giáo Tỉnh ủy Lào Cai, đhâu ciês thâuv yênhx Nghị quyết tâu tso tơưv, hâux lưv tsưr tsix cơưv shâuv, hêik pâuz puôr lênhx tâu kriz uô nzor, đêz đar hâur tas nro tỉnh: “Hâux lưv piêr pâuz lok Nghị quyết tsuv tâu kriz uô tsik so, đros trâu qênhz yuôx sêiz kaz, txix co thiêx pov tâu têx kror uô tsik tâu tâu nhoz cxuô thax tsav qơư chiê muôx tâu tsưr ziv uô nzir, kriê chor Chi, Đảng bôv uô cov huv zos zuk jênhv vưv. Tsưr ziv uô kaz ciês zos Nghị quyết tsuv tâu uô jông hâur luz nênhx”.

Lơưr zơưv Nguyễn Duy Hòa, Bí thư Huyện ủy Bắc Hà, txix hâur six  cxiv txos nhiv no, cấp ủy ntơưv qơư tưz tso tơưv 13 Nghị quyết, 30 Chỉ thị thiêz 6 kết luận chuyên đề, cê uô tsênhz mênhx trung ương, tỉnh têx chủ trương, cê uô huv zos tsênhv tsênhz ntơưv thax tsav qơư, tas nro zos uô lơưr tsưr ziv zov chênhr tiv zix, paz trâu Bắc Hà tơưv đhâu huyện pluôs trâu shông 2025: “Tiv zix zos têx vênhv thix phiv liv muôx yưv nhoz huyện Bắc Hà. Hâur ntu zuôr txos, pêz tror cxiv tsa Ban chấp hành Đảng bôv huyện li Nghị quyết lok hlôngr yiêz đuô têx phongx cxưx pôngz kaz hâur xênhz huôx, hâur uô nox chiê paz gra siêz pêx xênhv li jênhv pâuz, huôv tsar kinh têr-xar hôiv, paz txo grêk tsơưs yêiz pluôs sâuv thax tsav”.

Txix shông 2020 txos nhiv no, Ban Chấp hành Đảng bôv, Ban Thường vụ Tỉnh ủy Lào Cai tưz tso tơưv tas nro muôx 16 Nghị quyết chuyên đề. Đhâu ntâuk gri, chor Nghị quyết hâur six cxiv no tưz paz khưx phưx tâu cxuô kror. Lơưr zơưv Đặng Xuân Phong, Bí thư Tỉnh ủy Lào Cai, têx Nghị quyết txơưv nhiv kruôr tâu tso tơưv taz sik tưz paz uô tâu ntâu kror. Kror co paz khav tênhv tâu têx kror yiêz jông txix Đảng nhoz ntơưv thax tsav qơư li chox kriê, sêiz car: “Hâur tsưr ziv chox kriê, sêiz car txix chủ trương, Tỉnh ủy tưz chox kriê tso tơưv lok six ntâu Nghị quyết chuyên đề mak txix thâuv ntêx tsos nhiv no tsik tâu muôx hlo, tsik zos uô hâur six cxiv 5 shông xưz, mak 10 shông, 20 shông, 30 shông thiêz zuôr txos no tsênhv zuôr muôx ntâu Nghị quyết chuyên đề tâu kriz uô thiêz”.

Đros trâu tso tơưv têx chủ trưởng, tsưr ziv uô jông, Đảng li têx tsưr ziv txơưr cux zuôr tâu Lào Cai kriz uô cxix cxuô. Tiv zix, hâur côngz xưv canr bôv, Lào Cai tsik so uô jông phêiz cấp sêiz car, qênhz shuôk, tso lênhx nênhs uô hâux lưv. Hâur uô ntêx hlo, Bí thư Tỉnh ủy uô ciês kror hâux lưv zos Trưởng Ban chox kriê 2 Nghị quyết lok huôv tsar kôngz nuv hax huv thiêz hlôngr yiêz sôr. Đhâu iz đraz six cxiv, têx Nghị quyết chuyên đề tưz paz jông trâu Lào Cai uô tâu jông 18 Đề anr tsênhv njiêz, jux juk tâu trơưk Đại hôiv Đảng bôv tỉnh jiês tiv 16 li tsưr ziv tưz tso tơưv. Txos nhiv no, hâur tas nro Đại hôiv li 24 luôs hâux lưv, Lào Cai muôx 18 luôs hâux lưv uô tâu muôx 70% ntâu, tsênhv yuôr mak uô tâu txix 50-70%./.

An Kiên-Lik Thox cxêik nhênhv

Phax tar hluôr tơưs chis cuz por vêv jôngr nhoz tox siêz Sơn La

Iz jiês jiês khiêz phêv hâur jos, xênhz huôx tsôngv box nhoz xã tox siêz Phiêng Cằm, huyện Mai Sơn, tỉnh Sơn La cux zos jiês tsôngv box tâu yax mông, muôz siêz jênhv pâuz lok por vêv jôngr, phax tar cuz tox cuz jôngr. Chiê tsôngv box zôngx ziv to tâuz thiêz ndo, cán bộ xã, jêx jos, hạt qênhz jôngr tsênhv yax mông txix luk Thái, luk Hmôngz; đros têx cxeix laov đuôz shav jông lok jôngr li têx liv zix, tsưr ziv phax tuô cuz tox cuz jôngr, têx hâux lưv trâus txưr cux xưk li têx cui tênhv xưv bluô….Tix lâuk Lò Văn Tiên, nhoz jos Nong Tàu Thái, xã Phiêng Cằm, huyện Mai Sơn, tỉnh Sơn La pheiz kênh: “Cur thiêz tas nro pox nhuôk nhoz no por vêv jôngr li tsi ntor luôx jôngr, tsi uô hluôr tơưs cuz jôngr, por vêv jôngr, chos jôngr ntơưv têx qơư tsi muôx ntông. Cheix ntux kruôr tsi chiv chir luôx, hlơưr têz tsi trơưk chei”

          Hâur 58 cxênhz 200 hecta ntâu jôngr nhiv no muôx nhoz huyện Mai Sơn mak jôngr lâuk tsav 85% ntâu, chor tsênhv yuôr zos jôngr chos yiêz. Qir lok trâu cheix ntux kruôr shông no, Hạt qênhz jôngr huyện Mai Sơn tưz heik chính quyênx têx cấp, yênhx lix 24 ban chox kriê lok phax tar cuz tox cuz jôngr, têx tuêv tsôngv box por vêv jôngr. Tsưr tsix cir cam kết seiz car por vêv jôngr thiêz phax cuz tuô cuz jôngr hâur Chủ tịch UB xã, thị trấn thiêz têx ban seiz car jêx jos, tiểu khu, hâur tsar jos thiêz tsôngv box. Zơưv Trịnh Vinh Hiển, Hạt tsar Hạt qênhz jôngr huyện Mai Sơn thôngz xor mông: “Jôngr sâuv thax tsav huyện Mai Sơn phênhv ntâu zos jôngr chos yiêz, jôngr muôx ntâu shôngz ntâu…zôngx ziv trâus cuz siêz. Viv li Hạt qênhz jôngr sik côngv đros phongx kôngz nuv heik trâu UB huyện tsưr ziv por vêv jôngr hâur cheix ntux kruôr, hâur co heik UB têx xã, thị trấn thiêz têx tsưr jôngr chuv tôngv krêz uô muôx chêx cuk côngz xưv phax cuz tuô cuz jôngr, taz por tsưr ziv 4 ntơưv qơư, phax tar zos hâux lưv tsênhv, đros chinhz yênhx por vêv thiêz huôv tsar jôngr zos tas nro cxix luôk chính trị, thiêz xã hội li txơưx jênhv”

          Sâuv thax tsav ntus đriv Chiềng Khương, huyện Sông Mã, tuêv seiz car por vêv jôngr têx jos khênhr muk qênhz yuôx, seiz car têx thax tsav jôngr, chungz fênhx 2 jiês iz luz hlik, hâur cheix ntux kruôr mak chuôz tsar ntâu đuô. Tsi taz por vêv jôngr ntông, shông đhâu, pox nhuôk jos Chiềng Khương tsênhv tâu thêv 40 tsov đeiv ntâu nhiêx txiêx jix vuv tênhx qơư jôngr, khov seiz car jông 360 hecta ntâu jôngr, chuôz cxaz pox nhuôk li đas jos, txơưx jênhv chiê por vêv jôngr, phax cuz tuô cuz jôngr. Zơưv Quàng Văn Giới, Bí thư Chi bộ, Tsar jos Chiềng Khương, xã Chiềng Khương puz pâuz: “Hâur tuêv por vêv jôngr pêz muôx 32 lênhx nênhs, thâuv muôx cuz jôngr mak pêz huiz tôngv muk tuô hluôr tơưs, tsi chiê chis cuz lox. Pêz sik côngv đros lưx lươngv pênhz phax, yax six luôx cêr cêv kuôk hluôr tơưs txeik cuz, uô hâur niêx shông, thiêz sik pheiz côngz muk qênhz yuôx”.

          Tỉnh tox siêz Sơn La nhiv no muôx zuôr xar 677 cxênhz hecta jôngr, lơưr têx nganhx muôx txơưx jênhv, hâur qênhx shênhx qiv hơưv li nhiv no, Sơn La tâu njuôs pov cuz tox cuz jôngr cấp 3, cấp 4, njuôs xav cuz jôngr zuôr muôx yưv thâuv tưs cux tsi pâuz.

          Tsi taz bax lưx lươngv qênhz jôngr phưv txơưx thax tsav taz por nhoz têx thax tsav, Sơn La cux tsov cưv chuôz tsar sik côngv đros lưx lươngv qênhz jôngr, công an, quân đội thiêz chính quyênx tiv phaz, tsưr jôngr thiêz tsôngv box uô tsưr ziv “por vêv jôngr txos qơư”. Zơưv Trần Dũng Tiến, Phưv giám đốc Sở kôngz nuv thiêz huôv tsar nôngx cxênhz tỉnh Sơn La heik: “Pêz chêx chôngk uô ntêx zos yênhx lix Ban chox kriê por vêv jôngr têx cấp, têx tuêv seiz car por vêv jôngr, yax six pheiz côngz jor, yênhx shông pâuz tâu qênhx shênhx; uô tiêr têx tsưr ziv seiz car, por vêv jôngr trâu tas nro têx tsưr jôngr, têx cấp chiê ciêr chênhr huôx tôngv thâuv muôx cuz jôngr, ciêr chênhr huiz tôngv lưx lươngv tuô cuz jôngr cux xưk li por vêv mênhv chêx jôngr nhiv no muôx”./.

Lê Hạnh-Txâur Vax cxeik nhênhv