Yên Bái chox xiv huv OCOP trâu sâuv sàn muôv muôs điện tử, jav tâu qênhx shênhx tuz luôv zuôv grê

  Qơư muôv muôs hax huv Việt Nam ntơưv số 58, cêr Nguyễn Văn Cừ, TP Yên Bái zos Tsênhv qơư cxiz kôngz thiêz cxơưz cxiz muôv muôs, Sở công thương côngv đros Công ty TNHH TN Yên Bái tâu krêz uô txix hli 11/2021. Hax huv muôs ntơưv no 100% zos têx xiv huv kôngz nuv tâu tsiv uô hâur têz qơưk đros 70% ntâu zos têx xiv huv zos têx doanh nghiệp hâur tỉnh tsiv uô thiêz ntâu xiv huv nto bê tâu côngz jênhv OCOP li: cxur blâuv Tú Lệ, yuôx zêx Suối Giàng, cuz thaz Giới Phiên, njês kruôr pas Thác Bà, jiz mu Mù Cang Chải, têx siv huv txix ciêv fix...

          Jênhv pov têx kror jông lok hâux lưv muôv muôs hax huv online sâuv têx trang mạng xã hội thiêz sàn muôv muôs điện tử viv li đrâuv muôv muôs hax huv, lênhx nênhs uô hâux lưv ntơưv qơư muôv muôs cux chuv tôngv đăng têx hax huv trâu sâuv sàn muôv muôs điện tử. Khov co, doanh số muôv muôs hax huv thâuv tưs cux tâu taz por; ntâu hax huv OCOP hâur tỉnh cux viv li mak tâu lênhx nênhs sir zôngv pâuz thiêz zôngx ziv zuôr. Niêv lâuk Đỗ Kim Oanh, qơư muôs hax huv OCOP số 58 cêr Nguyễn Văn Cừ, TP Yên Bái puz pâuz:

          “ Pêz qơư muôs huv cux muôs online đhâu têx mạng tiv zix zos sàn muôv muôs điện tử li: Shopee, Lazada, Voso...Co zos têx kênh muôv muôs hax huv jông, paz pêz muôx chôngz kruô tsov cưv thiêz pâuz txos pêz li xiv huv”.

          2 shôngk ntâu đhâu, moz Covid-19 huôv xênhz phêv liv uô zênhr shar ntâu txos huôx tôngv muôv muôs. Chiê shưv đros qênhx shênhx tsênhv tsênhz, taz por phax tar moz, nênhs sir zôngv tưz uô ntâu tsưr ziv zuôr hax huv trực tuyến hlôngr trâu hâux lưv muk tov têx ciêz đrôngs, qơư muôs hax huv chiê zuôr. Tuôv zênhv hâux lưv no ntâu qơư muôs hax huv tưz chuv tôngv huôv tsar kênh muôs huv online sâuv têx sàn muôv muôs điện tưv Potsmart.vn, tiki, Lazada, Shopee...

          Lơưr thôngz sâu, txos nhiv no, tưz muôx 100 ntâu xiv huv OCOP tâu têx doanh nghiệp, ziv chuôz zis muôv muôs nhoz Yên Bái muôs sâuv têx sàn muôv muôs điện tử, têx sở, nganhx, taz viv nhoz Yên Bái cux tưz krêz uô ntâu tsưr ziv. Zơưv Lê Huy Hoàng, Giám đốc Bưu chính Viettel nhoz Yên Bái puz pâuz:

          “Paz pox nhuôs nôngx mênhx, têx doanh nghiệp, HTX krêz đar niêv ciêz mak Viettel Post cux muôx têx paz txưv pox nhuôs heik kriê thiêz tsưr ziv đăng bài, sâu bài...chiê heik kriê, krêz đar niêv ciêz”

          Tsênhz mênhx tso pov, pir đros tsưr ziv muôv muôs chax chês, kênh muôv muôs trực tuyến tsi taz krêz cxaz têx paz nôngx mênhx heik kriê xiv huv txos nênhs sir zôngv sâuv tas nro têz qơưk mak tsênhv paz sâu zuôr xiv huv kôngz nuv jông đuô, tsi trâus tuz luôv zuôv grê hâur ntu moz huôv xênhz. Đrâuv co, ntâu lênhx nênhs sir zôngv cux tâu pâuz thiêz zuôr tâu xiv huv tax tsơưr lươngv. Niêv lâuk Trịnh Thị Quyền, nhoz xã Lương Thịnh, huyện Trấn Yên puz pâuz:

          “Têx hax huv li kok liêz Trạm Tấu lok sik cxur blâuv Tú lệ...thâuv ntêx tsuv heik lênhx nênhs paz zuôr lok sik xa yêz ô tô, taz sik nhiv no ntâu hax huv mak lơưr gra tuôx txos ciês zuk tsêr nhoz, hax huv tax tsơưr lươngv jông”

          Xav txix hâur shông 2021 têx doanh nghiệp, ziv chuôz zis muôv muôs sâuv thax tsav tỉnh Yên Bái tưz chox yênhx cxênhz đơn hax huv kôngz nuv sâuv têx sàn muôv muôs điện tử. Hâur co, 46/120 xiv huv OCOP tâu chox muôs sâuv Potsmart.vn đros 2 cxênhz ntâu đơn hax huv tax phênhv sâu 400 tsov đeiv ntâu; 72/120 xiv huv OCOP tâu muôs sâuv Voso.vn cux muôx 5 cxênhz 100 đơn, tax phênhv sâu 1,1 tỷ đeiv./.

(Đinh Tuấn- Txâur Vax cxeik nhênhv)

Kror tưs cux muôx chôngz lênhx ntâu tus trâul muôx moz, ngênhx y tế Sơn La tưz sir jos lês uô luôs hâux lưv chơưv kho moz trâu chor nênhs

trâul moz Covid-19

Têx hnuz đhâu, bác sĩ Gâuz Xênhv Vưx, Khoa cxeik đuôz seiz njuôk shuôs moz, tsêr kho moz đa khoa huyện Thuận Châu, tỉnh Sơn La tưz tsi muôx iz hnuz tâu so hlo, thâuv tưs cux uô hâux lưv seiz njuôk shuôs, kho moz trâu chor nênhs trâul moz Covid-19 hâur qơư kuôk cêv têx lênhx nênhs moz li heik sâuv ntơưv tsêr kho moz.

Txơưv tâu bax cxix cxuô, muôx hur si têx tsôngk tril yo hnar por hưv zuk, taz sik tsi so buôk ti, nhoz jê đros têx lênhx nênhs moz, bác sĩ Gâuz cux tưz trâul cik tâu caz moz SARS-CoV-2. Txơưv li ntơư, taz bác sĩ cux tsi so hlo, bax tsưr ziv heik trâu tsêr kho moz chiê tâu nhoz hâur qơư co uô hâux lưv, cê seiz njuôk shuôs, kho moz trâu têx lênhx nênhs moz, cê chiv chir kho moz trâu zuk ciês ntơưv qơư no:

“Cur lok uô hâux lưv ntơưv no phênhv ntâu zos chiê cxeik đuôz seiz njuôk shuôs moz trâu chor nênhs trâul moz Covid-19, zos cxeik seiz njuôk shuôs moz mak cur  cux paz max lơưr chor kỹ thuật viên kriê nênhs moz nhoz jâuv li chas cov jông cxeik thiêz seiz pov kror moz thiêz cur cux paz chơưv kho moz, tsoz phưz chor nênhs moz”.

Txix ciês hâur shôngk shông, tsêr kho moz đa khoa huyện Thuận Châu tưz fuô uô qơư kho moz trâu chor nênhs trâul moz Covid-19, muôx 15 luz txax trâu nênhs moz tuôx nhoz, pư, hâur co muôx 5 luz txax ICU trâu têx lênhx trâul moz hnhar, muôx cxix cxuô têx chuôz zênhx uz no trơưk li cui tinhv chiê chơưv kho moz gênhk trâu têx lênhx trâul moz hnhar ntơư.

Hâur nhos 2 ciêz jê lok no, chor nênhs trâul moz Covid-19 tuôx nhoz chơưv kho moz ntơưv tsêr kho moz tsar ndê chôngz lênhx, muôx kênh hnuz ndê txos 70 ntâu lênhx nênhs moz, phênhv ntâu chor nênhs moz co, zos têx lênhx lơưr tưz zênhx muôx moz hâur đros chêr, trâul moz hnhar uô trâu muôx chôngz lênhx ntâu tus nênhs moz tuôx nhoz chơưv kho moz gênhk.

Trơưk Thạc sĩ, bác sĩ Trần mạnh Đức, Phưv thơưx seiz car tsêr kho moz đa khoa huyện Thuận Châu, txix têx muôx ntâu tus nênhs trâul moz Covid-19 tuôx nhoz kho moz gênhk li no, tsêr kho moz tưz fuô uô huv đros têx tsưr ziv tsênhv tsênhz, muôz nzir 2 qơư hâur khoa kho têx moz txơưx siz cik, khoa kho moz mê nhuôv zâu chiê uô qơư kuôk cêv, kho chor nênhs trâul moz Covid-19; iz chas ntơư tso nzir lênhx nênhs, têx chuôz zênhx uz no nhiv no muôx hâur tsêr kho moz phưx vưv luôs hâux lưv co, sir jos chơưv kho moz trâu têx lênhx nênhs trâul moz:

“Hâur iz cxiê lênhx canr bôv  y tế nhoz têx khoa trâul moz Covid-19, lênhx cưk yuôx, bác sĩ tưs muôx đas jos jông, tsi trâul muôx têx moz li chas yưv siv mak pêz heik cov lơưr uô hâux lưv ntơưv 2 qơư: Iz zos qơư kho moz Covid-19, 2 zos qơư seiz njuôk shuôs, kho têx moz txơưx siz cik hâur tsêr kho moz”.

Zos qơư  chơưv kho moz trâu chor nênhs trâul moz Covid-19 txix trâul moz tsi yuô lox txos trâu moz hnhar, hâur ntu moz huôv xênhz phiv liv, chor nênhs trâul moz hnhar tuôx nhoz kho moz ntơưv tsêr kho moz đa khoa tỉnh Sơn La ziv hnuz ziv chôngz lênhx, muôx kênh jiês ndê txos zuôr xar 100 lênhx nênhs moz, uô trâu têx qơư kuôk cêv, chơưv kho chor nênhs trâul moz Covid-19 lok six chôngz nênhs moz.

Thạc sĩ, bác sĩ Trần Quốc Khánh, Phưv thơưx seiz car tsêr kho moz đa khoa tỉnh Sơn La heik pâuz: Tsêr kho moz tâu choz 60 luz txax chơưv kho chor nênhs trâul moz Covid-19, taz sik, nhiv no tsênhz tiês zos muôx 86 luz txax trâu chor nênhs moz Covid-19 tuôx nhoz, pư chơưv kho moz gênhk. Têx lênhx nênhs moz Covid-19 tuôx nhoz kho moz ntơưv no, lơưr muôx đros iz cxiê têx moz li: Moz hnhur yax, liv trâuv, têx nhuôv mok…. Taz sik têx chuôz zênhx muôz phưx vưv chơưv kho moz gênhk ntơưv no tsênhv muôx tsi txâuk pir li Bộ Y tế cui tinhv, taz tập thể têx lênhx cưk yuôx, bác sĩ hâur tsêr kho moz tsênhv sir jos khưx phưx têx phiv liv co, lênhk tok thiêz chơưv kho moz trâu chor nênhs moz:

“Thâuv muôx tsi txâuk têx chuôz zênhx phưx vưv seiz njuôk shuôs, kho moz mak xuz thơưx tưz phênhz têx moz, zos kror tưs zuôr trâul txos, zuôr muôz têx chuôz zênhx ntơư chiê phưx vưv chơưv kho têx moz zov chênhr uô ntêx. Muôx têx moz cik txos meir paz uô pa. meir liv trâuv lok sik têx cik txos fêis kho moz mak thâuv qơư kho moz Covid-19 no muôx heik pâuz, tsêr kho moz tsuv huiz tôngv, muôz chor meir co ntơưv tsêr kho moz yiêz (nhoz kuôk đêz qơư kho moz Covid-19 muôx 15 cêik ntâu) tuôx no chơưv paz”./.

(Trấn Long-Riê Lâux cxeik, nhênhv)