Qơư por hưv tsês chiê têx chuôz zênhx tir ntâuk zênhx trol châuz Điện Biên Phủ-“Qơư lịch sử jông” ntơưv Điện Biên

Uô hâux lưv tsi so đros têx đoanx kruô lok sâuv piêr kriê têx chuôz zênhx, qơư tir ntâuk trol châuz trâu tsôngv kruô pâuz txos, tưz tsi yuô muôx six hơưv nhoz so, tsuôk huôk mê njik thâuv têx đoanx kruô lơưr uô ntâuz ntơưr muk trâu chor qơư ndis seiz uô si xưz, taz sik niêv lâul Nguyễn Thị Hằng thiêz chor canr bôv, viên chức hâur qơư por hưv tsês chiê têx chuôz zênhx tir ntâuk zênhx trol châuz Điện Biên Phủ lênhx tưs cux jông siêz, shir phaz lus piêr thiêz tơư kriê têx chuôz zênhx, tsưr ziv pêz chor tuz lênhv thiêz tsôngv pêx xênhv sir zôngv tir ntâuk trol châuz kuôk no 70 shông đrav ntêx, tsi pov gênhk hlo:

“Pêz chor nênhs uô hâux lưv hâur qơư por hưv tsês chiê têx chuôz zênhx tir ntâuk trol châuz Điện Biên Phủ no thâuv tưs tưz xar piêr kriê txos trâu tsôngv kruô sơưr đơưk lol têx muôx jông thiêz uô tâu thâuv ntu tir ntâuk zênhx trol châuz Điện Biên Phủ thôngz đhâu têx chuôz zênhx, jax pêv thav kriê lok chor tuz lênhv, tsôngv pêx xênhv thâuv ntêx sir tsưr ziv, đas jos tir ntâuk trol châuz. Chênhr viv li, pêz thâuv tưs tưz jông siêz lus uô hâux lưv phưx vưv têx lênhx kruô thâuv lơưr tuôx txos Điện Biên ndis shuôs têz qơưk uô si”.

Qơư por hưv tsês chiê têx chuôz zênhx tir ntâuk zênhx trol châuz Điện Biên Phủ nhoz jê txox cêr Võ Nguyên Giáp, hâur phường Mường Thanh, TP Điện Biên, thiêz jê chor tuz lênhv tâu tas siv nênhx thâuv ntu tir ntâuk trol châuz tsưx phưv têz qơưk li qơư nda A1, jê têx qơư di tích li: Qơư txi chor tuz lênhv tâu tas siv nênhx thâuv ntu tir ntâuk trol châuz trôngz F; A1; kror tâuz De Castries, qơư txi côngv ntâuk zênhx trol châuz.....

Côngz trênhx co tâu cxiv uô thâuv shông 2012 thiêz uô tiêr lok shông 2014 ndax chiv nhênhv 60 shông ntâuk zênhx trol châuz Điện Biên Phủ. No zos côngz trênhx jông; tâu cxiv uô khor truôx xưk li chor tuz lênhv thâuv ntêx têx yo hnar tir ntâuk trol châuz. Saz hâur đar muôx iz cxênhz ntâu xưv phaz, cxiv puôz têx đuôz jông, tso chor chuôz zênhx thâuv ntêx pêz têx tuz lênhv, tsôngv pêx xênhv sir tir ntâuk trol châuz, tsưx phưv têz qơưk hâur 56 hnuz hmo tir yar tir nas txov nhêv njuôr tho trôngz, pư kror tâuz chiê tir ntâuk trol châuz, uô zênhx tsav Điện Biên Phủ. Tâu seiz njiêv pov têx chuôz zênhx, triêv fov, txuôk hlâu thâuv ntêx; tâu mnôngs piêr lok chor tuz lênhv, têx lâul đrav ntêx cêr tir ntâuk trol, tsưx phưv qơư nhoz, tsôngv kruô lênhx tưs cux kruôs nziês lok pêz chor tuz lênhv têx tsưr ziv jông, hâux lưv uô. Zơưv Nguyễn Văn Đạo, tuz lênhv lâul nhoz TP Hải Phòng tuôx heik pâuz:

“Hnuz no tuôx Điện Biên, pêz lok six shir phaz, tâu ndis seiz têx qơư di tích lịch sử; tâu pov tas nro chor chiến sĩ, tuz lênhv Điện Biên kuôk no 70 shông têx đuôz, pov lok six jông siêz thiêz shir phaz lok pêz têx tuz lênhv thâuv ntêx cêr tir ntâuk zênhx trol châuz Điện Biên Phủ, tsưx phưv truôx tuk têz qơưk”.

Kror lar heik đuô hur si hâur qơư por hưv tsês chiê têx chuôz zênhx tir ntâuk trol châuz Điện Biên Phủ, zos qơư đar muôx 4 cxênhz ntâu xưv phaz hâur đros tsêr, tsês chiê tso đeiv đuôz Panorama tôngx heik lol têx cêr tir ntâuk trol châuz Điện Biên Phủ thâuv ntêx. Đeiv đuôz co tâu cok sâu uô jông, siêz muôx 20 ntâu thiêr, ntêr 132 thiêr, đar 42 thiêr, đros trâu ntâu tsar zav shôngz ntông, chiv xênhz đrox tsuôs, lênhx nênhs......; hur tiz si puôr lênhx tror tâu cxiv uô, puôz jông xưk li têx muôx tsênhz tiês thâuv ntêx tir ntâuk trol châuz Điện Biên, uô trâu lênhx nênhs seiz njiê pov cxix thiêz tsênhz cxuô tsar zav txix: Tsôngv pêx xênhv sơưr đơưk sik thôngx siêz tir ntâuk trol châuz; hu tuz lênhv, tsôngv pêx xênhv sơưr cêr tir ntâuk tsav txos trâu thâuv sơưr đơưk jông siêz, shir phaz lus tir ntâuk zênhx tâu trol châuz......

Pos Vũ Thị Tuyết Nga, Giám đốc qơư por hưv tsês têx chuôz zênhx tir ntâuk zênhx trol châuz Điện Biên Phủ heik pâuz, têx shông đhâu, thâuv tưs pêz qơư uô hâux lưv no tưz sir jos uô jông cxuô luôs hâux lưv zok muôz, paz tsưx phưv jông qơư di tích ntâuk zênhx trol châuz Điện Biên Phủ têx jông thiêz muôx liv, đros paz kriê trâu cxênhx hluôk Việt Nam, ntâu tus chôngz lênhx nênhs sâuv ntiêx têz xar cov luz têz luz qơư tiêx tuk, thax zênhz pâuz lok chor lâul thâuv ntêx cêr sir jos tir ntâuk trol châuz tsưx phưv têz qơưk.

“Shông no zos shông chiv nhênhv 70 shông ntâuk zênhx trol châuz Điện Biên Phủ; iz chas ntơư cux zos shông krêz uô shông ju lix Điện Biên. Pêz qơư por hưv tsês têx chuôz zênhx ntâuk zênhx trol châuz Điện Biên Phủ zos qơư txeik tok thiêz phưx vưv ntâu tus chôngz lênhx kruô muk lol ndis shuôs thâuv tuôx txos Điện Biên Phủ, mak pêz cux tưz muôx têx tsưr ziv uô tsênhv tsênhz, huv đros, kriê cxaz têx txux chi yuôr trâul trâu chor nênhs uô hâux lưv phưx vưv kruô, cxiv kho têx qơư lịch sử cov truôx jông, qêz suô, tu nyis chor qơư trâu, tsês têx chuôz zênhx uz no....chiê txeik tok tsôngv kruô sơưr đơưk tuôx ndis seiz uô si”./.

VOVTB-Riê Lâux cxeik, nhênhv   

Chêix pax txir tuôz ziz tơưs yiêz thax tsav faz Bắc

        Jos Nậm Nghiệp, xã Ngọc Chiến, huyện Mường La, tỉnh Sơn La nhoz siêz 2.000 thiêr pir li niêv đêx hiêr thiêz zos qơư muôx ntâu tsoz chos tuôz ziz. Co zos iz hâur thax tsav qơư chos ntâu tsoz chos tuôz ziz nhoz tỉnh Sơn La, zos yênhxx cxênhz ha; hâur ntơư muôx 800 ha tsoz chos tuôz ziz lâuk muôx yênhx puô shông. Hâur têx hnuz hli 3 no zos chêix pax txir tuôz ziz tơưs yiêz, jông jav, uô trâu têx tox trôngz câuv har thiêz thax tsav qơư co ziv jông jav đuô. Zos tsôngv kruô tuôx ndis uô si, sêiz shuôk têz qơưs txos thax tsav qơư co cux zênhx sêiz pov têx pax txir tuôz ziz tơưs yiêz jông huv đros pêz heir nênhs Hmôngz nhoz thax tsav qơư co luz nênhx nox nhoz muk lok hâur niêx hnuz. Pos Lã Thị Bích Diệp, iz lênhx kruô nhoz đrôngl Thái Nguyên tuôx sêiz shuôk têz qơưs shir phaz lul hêik pâuz:

        “Zos jiês xuz thơưx cux tuôx trâu Sơn La ndax trâu hnuz kriz ntênhk hội, cur sêiz pov thax tsav qơư co jông jav hênhr thiêz sưv đros tsôngv px hâur thax tsav qơư no. Cur tuôx trâu thax tsav faz Bắc ntâu jiês, taz sik thax tsav qơư no jông jav txơưr, huv đros tsôngv kruô siêz nhiêv”

           Hâur ntu đrav ntêx, tsoz chos tuôz ziz nưk tuôx nưk trâu têx har jôngr. Taz sik, hâur ntu nhiv no, iz chas tơưs pax jông jav cxơưz cxiz trâu tsôngv kruô tuôx ndis uô si, sêiz shuôk têz qơưs thiêz cxêik đuôz; txir tuôz ziz cux tsênhv muôs tâu grê, muôx phênhv sâu tâu nhiêx txiêx chox lok cxiv kho chuôz zis hâur thax tsav xã Ngọc Chiến muôx luz nênhx truôx tuk, tsâu sor. Co chênhr zos iz kro cxơưz cxiz trâu pêz heir nênhs Hmôngz nhoz jos Nậm Nghiệp muôx cêr shir phaz tsưx phưv thiêz huôv tsar truôx tsoz chos tuôz ziz chiê tsôngv kruô tuôx sêiz shuôk, ndis uô si hâur chêix pax tuôz ziz tơưs yiêz. Zơưv Phar Nzơưs nhoz Nậm Nghiệp, xã Ngọc Chiến shir phaz lul hêik pâuz:

        Hâur ntu tsoz chos tuôz ziz tơưs pax tsuv tu tsưx phưv jông, txiêr têx chês kruôr, têx chês muôx nhiv kruôr hlar blôngx, pax thiêx tơưs yiêz jông jav. Shông no huyện kriz ntênhk hội pax txir tuôz ziz trâu hâur jos, tsôngv px sđ jông siêz thiêz shir phaz lul, tsôngv kruô cux muôx chôngz lênhx tuôx ndis uô si trâu ntơưv no

           Hâur niêx shông, txos trâu chêix pax txir tuôz ziz tơưs cux zos hâur ntu huyện Mường La kriz hnuz ntênhk hội pax tuôz ziz tơưs yiêz đros trâu kriz nthuôr uô ntâu cêr lov jêv, đhiê pax vuôs, sênhr chêr, cxơưz cxiz trâu tsôngv kruô tuôx ndis uô si, sêiz shuôk têz qơưs. Hâur jiês huyện Mường La, tỉnh Sơn La kriz hnuz hội pax tuôz ziz tơưs hâur têx hnuz nhiv kruôr đhâu tsik ntêr no, xã Ngọc Chiến tâu xav zos thax tsav qơư muôx ntâu tsoz chos tuôz ziz nhoz pêz têz qơưs Việt Nam, cxơưz cxiz tsôngv kruô đêz, jê tuôx ndis uô si, sêiz shuôk têx tox trôngz câuv har thax tsav faz Bắc pêz têz qơưs./.

                                                      Tsu cxêik nhênhv-Lê Hạnh- VOV Tây Bắc