Lai Châu hôx phưx nênhs Poz Ziz đuz ntênhk hội Kin Pang

Ntênhs hội Kin Pang zos txi côngv Then thor phôngv trâu tsôngv box muôx jông đas jos, muôx tâu chiv cheix jông, jêx jos tsâu sor. Đhâu co zos tsôngv box Poz ziz đuz sik đros nthuôr uô cêr lov jêv, đhiê pax vuôs...Tòng Văn Chức, nhoz xã Tà Hừa, huyện Than Uyên, tỉnh Lai Châu pheiz kênh:

          “Phongz cxưx muôx cxôngx nzor li ntênhs hội Kin Pang, shông tưs têx txir nênhz cux uô. Ntênhs txi côngv cux zôngx ziv uô, pox nhuôs tsuv bax tul keiz, tul buô, cxur, mor blâuv đơưz, liêz gra muk txi côngv. Txi côngv thor trâu jêx jos, tsôngv box nhoz uô nênhx shir phaz, muôx đas jos uô tâu nox tâu hnar”.

          Ntênhs hội Kin Pang tso pov mênhx cxưx Poz zi đuz li têx tsiv grê jông li: heik cưr cxiêx siz lưr, têx luk heik, vênhx huôv chax chês jông. Lok vênhx huôv chax chês muôx têx jax pax vuôs, tsưr ziv uô si trâur lâuk...

          Zơưv Lò Văn Hương, Chủ tịch UB huyện Than Uyên tỉnh Lai Châu puz pâuz: Hâux lưv hôx phưx Ntênhs hội Kin Pang zos chiê tuôr tsês, phuôx huiz nênhs Poz ziz đuz li tsiv grê vênhx huôv jông, paz tsôngv box tuôr tsês têx phongz cxưx jông; đhâu co paz pox nhuôs tuôr tsês têx jax pax vuôs, tsưr ziv uô si trâur lâuk. No zos hâux lưv uô tsênhz mênhx uô Ban chấp hành Đảng bộ huyện li Nghị quyết lok “Phuôx huiz têx mênhx cxưx li vênhx huôv chax chês jông reik đros ju lix côngv thôngx ntu 2020-2025”.

          “Hâux lưv tuôr tsês vênhx huôv zos iz hâur têx njiêz luv coaz tsôngv tưz tâu Đại hội Đảng bộ huyện tso tơưv yênhx Nghị quyết thiêz UB huyện tưz krêz uô lok six ntâu njiêz luv thiêz jênhv vưv. Iz hâur têx jênhv vưv zov chênhr zos pêz xav tênhv zuôr krêz uô têx huôx tôngv tuôr tsês vênhx huôv nhoz têx jêx jos, hâur co tsôngv box zos tsênhv. Hâur shông 2022 pêz xav tênhv zuôr yênhx lix qơư tuôr tsês vênhx huôv trâur lâuk mênhx cxưx Hmôngz thiêz mênhx cxưx Poz ziz. Cxaz chuôz têx qơư no zuôr zos têx lênhx txir ndâux txir luk, nênhs pâuz lok vênhx huôv nhoz têx jêx jos”.

          Chiê uô jông thiêz muôx chêx cuk nênhs Poz ziz đuz li Ntênhs hội Kin Pang thiêz têx mênhx cxưx li têx di sản vênhx huôv txơưr, huyện Than Uyên zuôr chuôz tsar yax mông chiê muôz siêz tsôngv box li jênhv pâuz hâur hâux lưv tuôr tsês, phuôx huiz têx mênhx cxưx li vênhx huôv jông.

          Huyện cux zuôr tsov cưv tuôr tsês vênhx huôv reik đros huôz tsar ju lix; hlôngr yiêz muôz siêz tsơưr lươngv tsưr tsix têx hâux lưv vênhx huôv, ju lix; phuôx huiz vênhx huôv jông, cxuôv por tsês têx phongz cxưx pôngz kaz nhoz têx qơư ju lix côngv thôngx. Hâur co, huyện zuôr tsưr tsix jông têx huôx tôngv heik kriê têx tsiv grê vênhx huôv, tiv phaz li têx muôx jos, xiv huv ju lix vênhx huôv jông..../.

(Khắc Kiên-Txâur Vax cxeik nhênhv)

 Huôv tsar du lix nhoz Yên Bái tưz tror muôx cêr shir phaz

          Txơưv tsik tâu zos qơư huôv tsar du lix hâur têz qơưs, taz sik Yên Bái cux muôx ntâu qơư huôv tsar jux lix jông jav txơưr tsik siz thôngx, uô trâu tsôngv kruô nhiêv ndis uô si, sêiz shuôk têz qơưs. Ntơư zos thax tsav qơư trôngz siêz, pak đêx Thác Bà, đras liêx Mường Lò, “Blêx liêx tơ ntêir” Mù Cang Chải; lar hêik zos muôx txox cêr muk chênhr Nội Bài-Laox cai; tsôngv kruô nhoz Hà Nội tsuôk muk tas oz six hơưv tưz txos Yên Bái chiê muk ndis uô si, sêiz shuôk têz qơưs. Chênhr zos li hêik ntơư, txix ciêz cxuô qơư ndis uô si, sêiz shuôk têz qơưs tror kriz kror trôngx, cxuô qơư ndis uô si hâur thax tsav faz Bắc no tưz muôx chôngz lênhx kruô hâur têz qơưs thiêz oz chas têz qơưs tuôx ndis uô si. Zơưv Đỗ Nam Bình, zos iz lênhx kruô nhoz Hà Nội tuôx sêiz shuôk têz qơưs shir phaz lul hêik pâuz:

          Băng: “Hnuz no zos thơưx jiês cur tuôx ndis uô si trâu thax tsav qơư no thiêz cur cux tênhv têx fôngx zưs tsênhv zuôr tror tuôx ndis uô si, sêiz shuôk têz qơưs trâu hnuz 30/4”

          Đhâu tror kriz têx qơưs ndis uô si, sêiz shuôk têz qơưs, muôx chôngz lênhx kruôr cux xar njôngr tuôx trâu têx qơư jông jav jôngr ntông, đhâu so iz ntu ntêr, viv caz moz Covid-19 huôv xênhz phiv liv.

          Ntơưv luz jos ndis uô si An Bình, Xã Tân Hương, huyện Yên Bình hâur luz chêix no, cux pov chôngz lênhx kruô tuôx sêiz shuôk têz qơưs. Viv thax tsav qơư co, muôx chuô lax nziês huv đros tsôngv kruô siêz nhiêv. Pos Lương thị Hiền, iz lênhx kruô nhoz Hà Nội đros chuôz zis tuôx sêiz shuôk têz qơưs shir phaz lul hêik pâuz:

          Băng “Txix Hà Nội tuôx trâu ntơưv no cux tsik đêz pês tsơưs thiêz thax tsav qơư no jôngr ntông jông jav, nziv tsôngv kruô siêz nhiêv”

          Iz chas tsôngv kruô zuôr tuôx ndis uô si, sêiz shuôk têz qơưs trâu hnuz 30/4 thiêz xiêz 1/5; txix ciês caz moz Covid-19 txo grêk tsơưs jux juk; du lix Việt Nam tưz tror kriz kror trôngx, cxuô qơư tok kruô, ndis shuôk têz qơưs hâur thax tsav tỉnh Yên Bái tưz bax tâu cxuô zav shir phaz lul tok tsôngv kruô tuôx uô si.

          Công ty zuôr muôs hax huv thiêz du lix Hưng Việt, tưz kriz uô luôs hâux lưv txuôk đros cxuô tsênhv qơư huôv tsar, cxiv kho đuô cxuô qơư uô si hâur thax tsav. Zơưv Nguyễn Việt Hưng, thơưx sêiz car công ty hêik pâuz:

          Băng: “Chor kruô tênhv uô ntêx tuôx sêiz shuôk têz qơưs đhâu công ty Hưng Việt cux muôx chôngz lênhx nhoz trâu cxuô qơư li faz Nam, Hà Nội thiêz iz cxiê tỉnh hâur thax tsav”

          Zơưv Hoàng Hưng Bình, phưv sêiz car công ty yưv pênhr-huôv tsar cxuô zav nhoz Yên Bái cux hêik pâuz tiêk: Doanh nghiệp no đros zok nriêr cxuô vênhx huôv jông; cxuô zav nox ntơưv qơư, tsưx phưv đas jos, huôv tsar uô txuôk đros cxuô tsênhv chêi, kriz uô têx qơư zuôr muôs hax huv txix 10-50%; uô huv đros tsôngv kruô siêz nhiêv. Chênhr zos li hêik ntơư, hâur têx hnuz so txi côngv huôz têik Hùng nhiv kruôr đhâu tsik ntêr no tưz muôx chôngz lênhx kruô tuôx so, sêiz shuôk têz qơưs thiêz chor kruô tênhv uô ntêx zuôr tuôx uô si trâu hnuz so 30/4 cux muôx chôngz lênhx:

          Băng: “Tus grê huv đros thiêz cxuô qơư ndis uô si jông jav, zos luôs hauax lưv tsuv uô cov tâu truôx uô ntêx hâur huôv tsar du lix”

          Muôx njiêz luk shông 2022,  Yên Bái “Huôv tsar truôx cxuô qơư ndis uô si, sêiz shuôk têz qơưs, huv đros tsôngv kruô siêz nhiêv”; ngênhx vênhx huôv thiêz du lix Yên Bái tưz chox car cxuô qơư, fuô uô truôx luôs hâux lưv huôv tsar du lix thiêz tsiv uô ntâu zav hax huv yiêz chiê tsôngv kruô oz chas têz qơưs pâuz txos./.

                                           Tsu cxêik nhênhv-Đinh Tuấn VOV Tây Bắc