Sơn La khưx phưx qênhx shênhx muôx tsik txâuk cưk kriê ntơưr, bax hla trâu shông cơưv yiêz

Nhoz sâuv thax tsav xar thax tsav 3 tsênhv yuôr ntâu txov nhêv, tsêr cơưv Cxênhx iz-Cxênhzz oz Tạ Bú, huyện Mường La, tỉnh Sơn La tsênhv muôx tsik tâu txâuk cưk kriê ntơưr chiê kriê môn tin học thiêz ngoại ngữ nhoz cxênhx iz. Muôx tsik txâuk cưk kriê ntơưr tưz uô phiv liv txos gra siêz tsơưr lươngv kriê ntơưr cux xưk li chor huôx tôngv ngoại khóa…

Lơưr cưk kriê ntơưr Nguyễn Lương Xuyên, Hiệu trưởng tsêr cơưv, shông cơưv 2023-2024, tsêr cơưv muôx 36 lớp, đros muôs 1.000 ntâu lênhx shux xênhz thiêz 58 canr bôv, cưk kriê ntơưr. Tsêr cơưv tưz thiêz tsênhv muôx têx tsưr ziv uô ntêx chiê khưx phưx têx phiv liv, taz por tsơưr lươngv kriê thiêz cơưv ntơưr: “Shông cơưv 2023-2024 tsêr cơưv tror tso cưk kriê ntơưr cxênhx oz kriê ntơưr ntơưv tas nro oz cxênhx cơưv thiêz lôngx phòng mêir chiê cưk kriê ntơưr kriê ngoại ngữ kriê ntơưv chor lớp no thiêz têx lớp txơưr mak zuôr kriê cơưv đhâu ti vi, chiê khưx phưx têx phiv liv uô ntêx. Đros chor tsêr cơưv nhoz đêz, tsêr cơưv chiê chor cưk kriê tin học, ngoại ngữ muk kriê trâu chor tsêr cơưv kriê ngoại ngữ, tin học chiê kriê trâu chor shux xênhz cov taz por huv lơưr tsaz yênhx zoz zux phôv thông yiêz”.

Huyện Mường La nhiv no muôx 44 tsêr cơưv nhoz chor cxênhx cơưv đros xar muôx 28.000 lênhx shux xênhz thiêz 1.650 ntâu lênhx canr bôv sêiz car, cưk kriê ntơưr. Tiv thax tsav đar, zoz thôngz muk lok njiz ntâu phiv liv, huyện tsuv muôx ntâu luz tsêr cơưv zâu, lớp cơưv ntơưv têx jêx jok, viv li yưv pênhr uô vax tsêr cxuô zav ntâu, chor cưk kriê ntơưr muôx tsik txâuk, phiv liv txos tsơưr lươngv kriê thiêz cơưv ntơưr, tiv zix zos cxênhx nhuôs zâu thiêz cxênhx iz.

Zơưv Bùi Việt Cường, Trưởng phòng Zoz zux huyện Mường La phêiz kênh: Têx shông đhâu, hâux lưv kriz uô chox shux xênhz ntơưv têx tsêr cơưv zâu, jêx jok lok trâu ntơưv tsêr cơưv chênhr tưz paz đơưk kho tâu qênhx shênhx muôx tsik txâuk chor cưk kriê ntơưr. Taz sik, shông cơưv nhiv kruôr đhâu, tas nro huyện tsuôk xêir zuôr tâu muôx 41 hâur 110 lênhx cưk kriê ntơưr lơưr tsưr ziv: “Huyện Mường La li phiv liv cux jông xưk li ntơưv iz cxiê huyện txơưr đuô zos xêir zuôr chor cưk kriê ntơưr njiz ntâu phiv liv, ntâuz ntơưr thor tâu xêir zuôr muôx tsơưs đuô pir li tsưr ziv tâu choz. Nganhx cux tưz hêik trâu huyện hâur qênhx shênhx muôx tsik txâuk cưk kriê ntơưr, tiv zix zos kriê môn luk Anh, tin học. Đuô li cux muôx ntâu tsưr ziv txơưr đuô, hâur co muôx tsưr ziv pêz kriz uô txix chor shông uô ntêx, co zos tsưr tsix lớp cơưv trực tuyến chiê paz txo grêk tsơưs chor cưk kriê ntơưr six hơưv sơưr kriê pêv lớp, taz por cưk kriê ntơưr kriê pêv lớp huv zos lơưr cui tênhv, đros co cux zuôr kriê tâu trâu ntâu lớp, co zos tsưr ziv uô ntêx hlo chiê khưx phưx muôx tsik txâuk cưk kriê ntơưr”.

Six hơưv no, tỉnh Sơn La txơưv tsênhv muôx tsik tâu txâuk 2.600 ntâu lênhx cưk kriê ntơưr taz sik chor nênhs chiê xêir zuôr cux muôx tsik txâuk, muôx têx kror hâux lưv uô tsênhv tsik muôx nênhs chiê xêir zuôr hlo, tiv zix zos cưk kriê ntơưr kriê cxênhx iz thiêz nhuôs zâu.

Qir tiv chênhr zos đrâuv nhiêx hli tsik siêz, uô hâux lưv ntâu, tsênhv zos tiv iz cxiê kror hâur njuôk xav, tsưr ziv thox cxov trâu tsaz yênhx phôv thôngz yiêz… uô muôx tsik txâuk nênhs chiê xêir zuôr. Đros co zos qênhx shênhx cưk kriê ntơưr thor so hâux lưv, tơưv đhâu nganhx lok sik yêv muk trâu têx qơư kinh têr-xar hôiv huôv tsar đuô.

Chiê khưx phưx qênhx shênhx no, zơưv Nguyễn Huy Hoàng, Giám đốc Sở Zoz zux Sơn La puz pâuz: Sở tưz sik côngv đros Sở Nội vụ chox kriê, hêik kriê Ủy ban têx huyện, thành phố cxiv tsa tsưr ziv xêir zuôr viên chức cưk kriê ntơưr lơưr tsưr ziv tso tơưv, chiê muôx cưk kriê ntơưr trâu shông cơưv yiêz 2023-2024.

Đros chor qơư zoz zux, Sở tưz kriz uô hêik pâuz xêir zuôr cưk kriê ntơưr, nhân viên trâu chor tsêr cơưv cxênhx pêz, Tsênhv qơư Zoz zux thường xuyên thiêz chor tsêr cơưv Phôv thông Mênhx cxưx Nội trú, cxênhx oz thiêz cxênhx pêz sâuv thax tsav: “Nganhx Zoz zux đros têx huyện, thành phố cux zuôr sir jos kriz uô xêir zuôr cưk kriê ntơưr trơưk tsưr ziv tâu choz. Hâur qênhx shênhx iz cxiê tsêr cơưv, thax tsav muôx tsik txâuk cưk kriê ntơưr mak zuôr tso nzir chor cưk kriê ntơưr muk paz cov uô tâu jông tsaz yênhx zoz zux. Iz chas co, muôx tsưr ziv paz sir jos hlôngr yiêz sôr, sir zôngv công nghệ thôngz mông hâur kriz uô tsaz yênhx zoz zux, đhâu co zuôr kriê tâu têx jax cơưv, txux chi txos trâu chor shux xênhz đhâu tsưr ziv kriê cơưv online…”

Đros muôx ntâu tsưr ziv đơưk kho, huv đros trâu tsênhv tsênhz, six hơưv no, chor tsêr cơưv nhoz Sơn La tưz phênhv tưs bax tâu cxix cxuô cxuô kror chiê piz hla trâu shông cơưv yiêz 2023-2024 đros tsưr ziv tror sir jos hlôngr yiêz, xar tơưv, thôngx cxix gra siêz tsơưr lươngv kriê thiêz cơưv ntơưr, paz muôx tâu tênhv qơư cơưv ntơưr jông trâu chor shux xênhz./.

Trấn Long-Lik Thox cxêik nhênhv

Têx lênhx nênhs muk seiz njuôk shuôs moz tsi zos li qơư đas cir cux tâu sơưv BHYT 100% hâur shông 2023

Seiz njuôk shuôs moz tsi zos qơư đas cir zos li chas?

Muk seiz njuôk shuôs, kho moz tsi zos qơư đas cir zos têx lênhx  nênhs tâu cui tinhv ntơưv Bộ Y tế li Grê 6 Thông tư 30 shông 2020.

Têx lênhx nênhs muk muk seiz njuôk shuôs moz tsi zos qơư đas cir tâu sơưv BHYT 100%:

Chei Bảo hiểm y tế nhiv no cui tinhv têx lênhx nênhs thâuv muk seiz njuôk shuôs moz tsi zos qơư đas cir cux tâu BHYT paz thêv 100% têx nhiêx txiêx seiz njuôk shuôs moz gênhk iz zav li muk seiz njuôk shuôs moz trơưk qơư đas cir, tsênhv tsênhz zos têx lênhx li đrav kaz:

Tiv iz: Lênhx nênhs moz muk seiz njuôk shuôs, kho moz tsi zos qơư đas cir ntơưv têx tsêr kho moz huyện tâu BHYT thêv 100% nhiêx seiz njuôk shuôs, kho moz trơưk iz zav li qơư đas cir seiz njuôk shuôs moz.

Đros co, lênhx nênhs moz muôx têx muk seiz njuôk shuôs, kho moz ntơưv hur si têx tsêr kho moz huyện hâur tas nro têz qơưk cux puôr lênhx tâu cuiv nhiêx BHYT thêv 100%, 95% lok sik 80% nhiêx thêv kho moz trơưk li qơư đas cir.

Tiv 2: Lênhx nênhs moz muk seiz njuôk shuôs, kho moz tsi zos qơư đas cir ntơưv tsêr kho moz tỉnh, tsuv nhoz chơưv kho moz gênhk cux tâu BHYT thêv 100% lok sik 95%, 80% nhiêx kho moz gênhk trơưk li cui tênhv.

Tiv 3: Tsôngv box zos heir nênhs tsơưs thiêz chuôz zis pluôs tsênhv uô nênhx nhoz thax tsav txov nhêv, lok six txov nhêv lok sik xã poz hiêr, huyện poz hiêr, muôx ntơưr seiz njuôk shuôs moz mak thâuv muk seiz njuôk shuôs, kho moz tsi zos qơư đas cir ntơưv têx tsêr kho moz huyện, tâu cuiv nhiêx BHYT paz thêv 100% nhiêx txiêx kho moz gênhk trơưk li cui tinhv.

Tiv 4: Tsôngv box zos heir nênhs tsơưs thiêz chuôz zis pluôs tsênhv uô nênhx nhoz thax tsav txov nhêv, lok six txov nhêv lok sik xã poz hiêr, huyện poz hiêr, muôx ntơưr seiz njuôk shuôs moz mak thâuv muk seiz njuôk shuôs, kho moz tsi zos qơư đas cir ntơưv têx tsêr kho moz tỉnh tâu cuiv nhiêx BHYT paz thêv 100% nhiêx kho moz thâuv nhoz hâur tsêr yuôx kho moz gênhk lơưr cui tinhv.

Tiv 5: Tsôngv box zos heir nênhs tsơưs thiêz chuôz zis pluôs tsênhv uô nênhx nhoz thax tsav txov nhêv, lok six txov nhêv lok sik xã poz hiêr, huyện poz hiêr, muôx ntơưr seiz njuôk shuôs moz mak thâuv muk seiz njuôk shuôs, kho moz tsi zos qơư đas cir ntơưv têx tsêr kho moz T.Ư zuôr tâu cuiv nhiêx BHYT paz thêv 100% nhiêx kho moz thâuv nhoz hâur tsêr yuôx chơưv kho moz gênhk.

Tiv 6: Lênhx nênhs muôx ntơưr seiz njuôk shuôs moz đas cir seiz njuôk shuôs moz gênhk ntơưv qơư y tế xã hâur luz tỉnh no, taz sik zos muk seiz njuôk shuôs moz ntơưv qơư y tế xã hâur luz tỉnh nhoz jê tỉnh co cux tâu cuiv nhiêx BHYT paz thêv 100% nhiêx kho moz lơưr cui tinhv./.

Thu Thùy-Riê Lâux cxeik, nhênhv