Cưk kriê ntơưr nhoz Điện Biên siêz xar uô ntêx shông cơưv yiêz

Têx hnuz đhâu, yênhx châuv lênhx cưk kriê ntơưr kriê têx môn li: Luk Anh, Âm nhạc huyện Điện Biên Đông, tỉnh Điện Biên tưz tsêx trung ntơưv tsêr cơưv Phôv thôngz mênhx cxưx niêv txir zus mor Cxênhx iz Xam Măn, xar Keo Lôm chiê cơưv nzir txux chi, sik thav chênhz zênhv, tsưr ziv kriê ntơưr chiê tax tâu trâu iz shông cơưv yiêz tâu xav jênhv zuôr tror njiz trâus ntâu phiv liv no.

Cưk kriê Phạm Thị Luyến, kriê luk Anh, Tsêr cơưv cxênhx iz thị trấn Điện Biên Đông, huyện Điện Biên Đông puz pâuz: Iz lênhx cưk kriê ntơưr luk Anh tsơưs tiv zix tsuv kriê nzir trâu iz luz tsêr cơưv txơưr đuô txix tsưr ziv kriê trực tuyến: “Cưk kriê ntơưr luk Anh hâur thax tsav huyện tsênhv muôx tsik tâu txâuk lok six chôngz. Nhiv no cur tsênhv kriê trâu oz luz tsêr cơưv ntơưr thiêz cux tsuv sir jos njuôk xav six hơưv kriê thiêz tsuv muôx jông đas jos chiê kriê tâu ntơưr. Viv chor shux xênhz cxênhx iz tsuôk cơưv luk Anh muôx 35 phênhz iz tiết xưz”.

Cưk kriê Phạm Thị Thảo, kriê Luk Anh, Tsêr cơưv Phôv thôngz Mênhx cxưx niêv txir zus mor cxênhx iz, cxênhx oz Na Son, xar Na Son, huyện Điện Biên Đông nhiv no tsênhv tsuv kriê 20 tiết iz ciêz ntơưv tsêr cơưv chênhr thiêz 24 tiết iz ciêz lơưr tsưr ziv trực tuyến ntơưv Tsêr cơưv Phôv thôngz mênhx cxưx niêv txir zus mor Cxênhx iz, Cxênhx oz Suối Lu, xar Phì Nhừ. Cưk kriê Thảo puz pâuz: “Kriê trực tuyến mak tsơưr lươngv zuôr tsik bâuv li kriê ciês trâu chor shux xênhz. Thâuv kriê ciês trâu chor shux xênhz mak cưk kriê ntơưr zuôr muk tâu txos yênhx lênhx shux xênhz, kriê cov zos trâu cxuô lênhx shux xênhz, hok kriê trực tuyến mak tsuôk khov trâu chor cưk kriê ntơưr sêiz car paz kriê nzir xưz. Zos xar thav đros iz lênhx shux xênhz mak tsuv hêik cov lênhx shux xênhz co sơưr ntơưv camera chiê cưk kriê thiêz shux xênhz sik thav pêv đhâu camera xưz”.

Lơưr Sở Zoz zux tỉnh Điện Biên, shông cơưv no nganhx zoz zux thax tsav qơư muôx tsik tâu txâuk zuôr xar 2.076 canr bôv. Hâur co phiv liv tiv zix zos muôx tsik tâu txâuk zuôr xar 300 lênhx cưk kriê têx môn cơưv, ciês môn luk Anh muôx tsik tâu txâuk 110 lênhx cưk kriê. Qir tiv chênhr tâu xav tiêk tsik tâu muôx tsưr ziv jông chiê zaz zâuv chor cưk kriê ntơưr tuôx kriê ntơưr ntơưv chor thax tsav ntus đriv. Shux xênhz tâu kriê chiê kriê chor môn no thâuv cơưv tiêr tsuôk xar uô hâux lưv ntơưv têx thành phố lox muôx phênhv sâu siêz đuô xưz.

Zơưv Nguyễn Văn Đoạt, Giám đốc Sở Zoz zux tỉnh Điện Biên puz pâuz: Txơưv Sở thiêz têx huyện puôr lênhx sir jos chiê xêir zuôr chor cưk kriê ntơưr kriê têx môn cơưv no, cux tso đoanx côngz xưv muk iz cxiê qơư thox cxov kriê chor cưk kriê no, taz sik chor nênhs chiê xêir zuôr cux muôx lok six tsơưs. Chiê đơưk kho qênhx shênhx no, uô ntêx Sở Zoz zux tỉnh Điện Biên tưz chox kriê qênhz yuôx, tso chor cưk kriê ntơưr kriê luk Anh nhiv no muôx ntơưv têx tsêr cơưv đros nhoz hâur huyện kriê lơưr tsưr ziv: 1 lênhx cưk kriê ntơưr zuôr kriê tâu trâu 2 luz tsêr cơưv, cưk kriê ntơưr cxênhx oz mak kriê trâu chor shux xênhz cxênhx iz. Hêik cxuô thax tsav qơư yưv pênhr zuôr chuôz zênhx chiê paz trâu kriê ntơưr trực tuyến, thêv nzir nhiêx kriê cxaz six hơưv trâu chor cưk kriê ntơưr co. Đuô li, cux thôngx ziv đros Sở Zoz zux thành phố Hồ Chí Minh paz lok tsưr ziv, phần mềm kriê luk Anh trực tuyến hâur chor Tsêr cơưv cxênhx iz sâuv thax tsav tỉnh Điện Biên txix shông cơưv 2024-2025. Tsưr tsix thox cxov luk Anh trâu 32 lênhx nênhs cơưv lơưr tsưr ziv cê uô hâux lưv cê cơưv thiêz xêir tsov, tso 45 lênhx shux xênhz muk cơưv đại học sư phạm luk Anh lơưr tsưr ziv cử tuyển: “Viv muôx tsik txâuk cưk kriê ntơưr luk Anh viv li pêz tsuv muôx têx tsưr ziv uô ntêx thiêz muk ntêr. Uô ntêx mak hêik têx huyện zôngx ziv đuô paz trâu têx huyện njiz phiv liv chiê kriê ntơưr trực tuyến. Iz zav li Điện Biên Đông muôx 11 tsêr cơưv tsik tâu txâuk chor cưk kriê ntơưr mak hêik thành phố Điện Biên Phủ paz chiê kriê trực tuyến. Iz chas co zos xêir tsov shux xênhz chiê tso muk cơưv lơưr cử tuyển. Đros tsưr ziv co mak zuôr txos no cux zuôr muôx tâu chor cưk kriê ntơưr chie kriê luk Anh ntơưv tỉnh”.

Shông cơưv no, nganhx zoz zux Điện Biên zuôr tror njiz trâus tsik tsơưs têx phiv liv viv muôx tsik txâuk chor cưk kriê ntơưr. Chor cưk kriê ntơưr tsuv tror sir jos chiê uô tâu jông tsaz yênhx cơưv nhoz têx cấp cơưv, tsêr cơưv ntơưr tâu choz lơưr tsưr ziv kriê ntơưr trực tuyến, txơưv tiêk kriê li co zuôr kriê tsik tâu jông têx txux chi trâu chor shux xênhz tiv zix zos môn luk Anh./.

Vũ Lợi-Lik Thox cxêik nhênhv

Iz cxiê tsưr ziv chiê txuôs tênhv

Tsôngv box...! Hâur phênhv nriêr pâuz lok chei têz qơưk ciêz uô ntêx, pêz tưz kriê trâu sđ iz cxiê tsưr ziv txuôs tênhv hâur qơư uô hâux lưv, văn phongx, tsêr cơưv ntơưr, qơư muôv muôs.... Ciêz no pêz tror xa txos sđ mnôngs iz cxiê tsưr ziv txuôs tênhv hâur ziv chuôz zis thiêz tơưk tâus cêr

Tênhz tơưk pov cêr ntơưv têx cêr, qơư côngv thôngx tsuv uô trơưk iz cxiê tsưr ziv chiê txuôs tênhv 50% niêx hli pir li ntu uô ntêx.

-Tso tênhv lis đuô 30 phênhz thiêz tuô tênhv nzor đuô 30 phênhz pir li tsưr ziv nhiv no.

-Ntơưv têx txox cêr, ntu cêr yuôv muôx yêz muk lol tsơưs, tsuv txo grêk tsơưs 50% chor tênhz  tơưktxix 10 six tsâuk ntux.

Têx tênhz tơưk pov cêr đrâuv jôngr

-Tuô lok sik tơưk tsơưs 50% têx tênhz saz đrâuv jôngr thâuv hmo ntux, chiê txuôs tênhv, txo grêk tsơưs sir zôngv tênhv thâuv muôx taz viv tênhv tênhz ntơưv qơư heik pâuz lok têx muôx tsi txâuk tênhv.

-Tuô lok sik tơưk tsơưs 50% têx tênhz tơưk quảng cáo saz đrâuv jôngr txix 10 six tsâuk ntux.

-Tuô hur si têx tênhz tơưk uô si txix 10 six tsâuk ntux.

Cxuô ziv chuôz zis

-Yax kriê cxuô chuôz zis sir zôngv tênhv chiê sơưr đơưk sir zôngv tsơưs tênhv,  tsi tso meir nzuôx chuô txiêk lox.

-Uô jông lơưr têx tsưr ziv txuôs tênhv hâur ziv chuôz zis, tuô têx tênhz tơưk, chuôz zênhx tênhv thâuv tsi zôngv txos.

-Sir zôngv meir nzuôx chuô txiêk huv đros, tsi tâu tso lox hênhr.

-Kriz têx kror trôngx, kror trêi cov pov cêr saz hâur tsêr, thiêx tsi tơưk tênhv ntâu.

Tsôngv box sđ nhiv kruôr mnôngs tas iz cxiê tsưr ziv kriê txuôs tênhv lơưr Ủy ban tỉnh Sơn La ntâuz ntơưr sôr 1917./.

Thanh Thủy-Riê Lâux cxeik, nhênhv