Nênhs M’Nông Rlăm li phongz cxưx hu plis chơưr xênhz trâu

chor lâus

    Nênhs Mnông Rlăm nhoz huyện Lăk, tỉnh Đăk Lăk khênhr tsưr tsix ntênhs hu plis chơưr xênhz thâuv niêv thiêz txir muôx 60 shông ntâu hnuz nhôngs chiê heik tơưv siêz ndo txos niêv txir côngz lox tu hloz. Ntênhs hu plis chơưr xênhz khênhr tâu tsưr tsix thâuv hli 1 txos hli 2 yênhx shông, thâuv tưz uô liêx têz tas. Lơưr txir nênhz Y-Krai Cil, nhoz jos Jiê Yuk, xã Đăk Phơi, huyện Lăk, thâuv ntêx, tsuôk nhuôv nxeik hloz hâur chuôz zis tâu sơưr tsưr tsix uô ntênhs hu plis chơưr xênhz, taz sik nhiv no tas nro têx tuz nhuôk hâur chuôz zis puôr lênhx tâu tsưr tsix hu plis chơưr xênhz trâu niêv txir. Chiê uô ntênhs hu plis chơưr xênhz tsuv bax iz tul buô lok sik keiz, 3 ntiv mor, 1 luz fluôx tâuz thiêz chơưr xơưk. Txir nênhz Y-Krai Cil heik: “Têx lênhx nênhs muôx hnuz nhôngs txix 70-80 shông khênhr tâu tsưr tsix ntênhs hu plis chơưr xênhz. Cur khênhr zôngv keiz, chơưr, buô chiê hu. Thâuv tas nro têx co tâu bax cxix cxuô mak qir hu plis. Txir nênhz hu plis trôngz plis jôngr, plis đêx chiê thor tâu tsưr tsix ntênhs hu plis chơưr xênhz”.

          Thâuv muôx chuôz zis tsưr tsix ntênhs hu plis chơưr xênhz no, txix thâuv sơưr nzor pox nhuôk hâur jos sik đros iz lênhx uô iz hâux lưv, txir nênhx mak bax chơưr kaz, pox niêv mak đê jâuz, cưr đêx, sik côngv đros chuôz zis uô mor chiê tsưr tsix ntênhs. Nênhs Mnông Rlăm li ntênhs hu plis chơưr xênhz muôx cxix cxuô têx lênhx nênhs cxênhz jê hâur chuôz zis thiêz jêx jos sik đros cxaz chuôz. No zos jiês chiê cxuô lênhx nênhs tâu sik njiz, sik thav, zuôr chênhz zênhv hâur uô kôngz uô lông, sik côngv siêz, cxơưz cxiz tuôr tsês zuk mênhx cxưx li vênhx huôv jông, sik đros kruôz kriê nhoz uô nênhx lơưr têz qơưk li cêr chei thiêz xar njôngr muôx tâu luz nênhx jông đuô đhâu ntênhs hu plis chơưr xênhz. Txir nênhz Y-Krai Cik, nhoz jos Jiê Yuk, xã Đăk Phơi, huyện Lăk, tỉnh Đăk Lăk puz pâuz cxaz:“Thâuv tsưr tsix ntênhs hu plis chơưr xênhz, pox nhuôk xar njôngr nênhs tâu hu plis chơưr xênhz muôx jông đas jos, nhoz uô nênhx shir phaz đros tuz nhuôk xênhz nzưr, zos đeiv iêr chi cax luk kruôz kriê tuz nhuôk hâur jos uô nox uô hâuk, sir jos cơưv ntơưr chiê muôx luz nênhx jông đuô, sik đros cxiv tsa jêx jos bluô nux đuô”

          Thâuv hu plis tas, nênhs tâu hu plis zuôr lâuz chơưr hâuk thiêz xar njôngr muôx tâu têx môngr jông trâu zuk thiêz tuz nhuôk, jêx jos. Lơưr co, đros têx lo luk phôngv jông, luk uô tsâus txos niêv txir tưz muôx côngz lox tu hloz zuk yênhx lênhx nênhs jông, têx tuz nhuôk zuôr khơưk muôz huv trâu lênhx nênhs tâu hu plis. Têx phênhv huv đros têx huz chơưr xơưk, tsôngs yo, pav.

          Uô ntêx thâuv suôv câuv ntênhs hu plis, pos zơưs, niêv txir zuôr sik đros tuz nhuôk jâuv uô cê chiê kruôz kriê sđ hâur jos sik đros huôv tsar cêr uô nox, tuôr tsês mênhx cxưx li vênhx huôv jông.

          Nênhs Mnông Rlăm nhoz huyện Lăk li ntênhs hu plis chơưr xênhz tâu tsưr tsix muôx têx ziz njiêz lok six jông. Ndax six hơưv no, tuz nhuôk tâu heik tơưv zuk li siêz uô tsâus ntâu txos pos zơưs, niêv txir muôx côngz tu hloz. No zos iz phongz cxưx muôx đros đreiv hâur nênhs Mnông li luz nênhx, zos iz côngv thôngx li iz cêr chax chês jông, tsi chiê pôngz plox./.

                                                                (VOVTN-Txâur Vax cxeik nhênhv)

                                   CM Cxuô hêir nênhs VN têx vênhx huôv jông

Huôv tsar truôx hêir nênhs poz ziz nhoz Điện Biên têx txux chi, vênhx huôv jông

Pos Bạc Thị Luyện nhoz jos Tông Khao, xã Thanh Nưa, huyện Điện Biên, tỉnh Điện Biên zos iz lênhx tsênhv tuôr tâu truôx zuk hêir nênhs poz ziz têx txux chi, vênhx huôv jông cxôngx nzor đhâu têx suôz sênhr cưr cxiêx, suôz trax, sênhr chêr thiêz iz cxiê cêr đaz cêr kruô. Txơưv tưz lâuk, shông siêz, taz sik pos Luyện tưz cxiv tsa tâu qơư tsês, cơưv shâuv zuk hêir nênhs têx txux chi, vênhx huôv jông trâu ntơưv jos Mường Thanh Điện Biên, muôx 12 paz tuz nxêik nhoz trâu 2 huyện Tuần Giáo thiêz Điện Biên tuôx đros cơưv shâuv, khơưk tsês zuk hêir nênhs têx txux chi, vênhx huôv jông cxôngx nzor. Kror qơư no, tưz paz phênhv tuôr tâu truôx thiêz kriê cơưv zuk hêir nênhs poz ziz têx txux chi, vênhx huôv jông cxôngx nzor tsik chiê pôngz plox. Pos Bạc Thị Luyện hêik pâuz: “Cur nhiêv khơưk tsês zuk hêir nênhs poz ziz têx txux chi, vênhx huôv jông cxôngx nzor; têx vênhx huôv, txux chi co zos zuk pos côngz zơưv côngz tsês trâu zuk, zuk tsuv khơưk tsês chiê cov muôx đros đrêiv hâur luz nênhx niêx hnuz. Chênhr zos li hêik ntơư, cur thiêx kriê trâu chor hluôk cơưv shâuv sênhr suôz hêik cưr cxiêx”

Thị xã Mường Lay tâu xav zos thax tsav qơư muôx hêir nênhs poz ziz đơưz huôv tsar uô nênhx nhoz chôngz thiêz tsênhv tuôr tâu tsês hêir nênhs co têx txux chi, vênhx huôv jông cxôngx nzor li: Nthuôr uô cêr lov jêv đhiê pax vuôs, suôz trâux, suôz sênhr hêik cưr cxiêx, cxuô ntênhk hội cxôngx nzor. Zơưv Vàng Văn Thức, zos iz lênhx sir tas ntâu đas jos tsưr ziv zok nriêr, khơưk tsês hêir nênhs poz ziz têx txux chi, vênhx huôv jông nhoz huyện Mường Lay cux hêik pâuz tiêk: Txix thâuv tsênhv zâu tưz tâu chor lâuk thav txos zuk hêir nênhs poz ziz têx txux chi, vênhx huôv jông  co; thâuv hloz lox cux tâu đros chor niêv, chor txir muk txi côngv ntênhk hội trâu côngv thôngx hêir nênhs poz ziz nhoz cxuô luz jêx jos. Txix ntơư, zơưv Thức ziv pâuz thôngz zuk hêir nênhs têx vênhx huôv jông cxôngx nzor: “Hêir nênhs poz ziz đơưz chax chêk, cêr đaz cêr kruô, cur zuôr sir jos tuôr tsês thiêz kriê trâu chor hluôk cơưv shâuv,khơưk tsês. Lar hêik zos têx suôz gâux Then cov muôx đros đrêiv hâur luz nênhx tsik chiê pôngz plox”

Hâur ntu nhiv no, tsôngv px cxuô hêir nênhs luz nênhx muôx ntâu hlôngr yiêz, chuôs li hêir nênhs poz ziz têx txux chi, vênhx huôv jông cxôngx nzor tưz plox tas iz cxiê; hâur ntơư muôx hêir nênhs poz ziz têx ntơưr sâu. Chênhr zos li hêik ntơư, zơưv Tòng Văn Hân, nhoz jos xã Noong Luống tưz tror zok nriêr khơưk tsês tâu 15 fâu ntơưr, sâu bê ntơưr poz ziz: “Thâuv cur tưz sâu thiêz cxêik tâu cux pâuz to tâuz zuk hêir nênhs poz ziz têx njiêz  luk hêik. Txix ntơư, cur thiêx kriz lớp kriê cơưv ntơưr poz ziz trâu chor hluôk sđ. Chênhr zos kriz lớp kriê cơưv no, muôx ntâu jax cưr cxiêx, bê ntơưr cxôngx nzor, chôngz lênhx tuz nxêik  tưz pâuz hêik cưr cxiêx thiêz pâuz nhênhv zuk hêir nênhs poz ziz bê ntơưr”

Cơưv shâuv zơưv Hloz Hôx têx luk hêik kriê-tuôr tsês, huôv tsar truôx cxuô hêir nênhs têx txux chi, vênhx huôv jông cxôngx nzor; chênhr zos paz cxơưz cxiz côngv thôngx hêir nênhs poz ziz nhoz tỉnh Điện Biên tuôr tsês zuk hêir nênhs têx txux chi, vênhx huôv jông muôx đros đrêiv hâur luz nênhx niêx hnuz thiêz cxơưz cxiz tâu côngv thôngx huôv tsar uô nox, muôx luz nênhx tsâu sor./.  

                               Tsu cxêik nhênhv-Vũ Lợi, CQTT Tây Bắc