Sơn La uô huv đros hâux lưv kriê ntơưr trâu shux xênhz

Trơưk li sâu jênhv ntơưv tsêr cơưv cxênhx 2 Quyết Thắng, TP Sơn La, hâur 2 ciêz đhâu lok no, shux xênhz tưz tror tuôx tsêr cơưv, cơưv ntơưr đhâu nox tsiêz tas, tsêr cơưv tưz  uô đreiv luôs hâux lưv kriê ntơưr trâu shux xênhz. Đros ntơư, cux kriê ntơưr đhâu hâur meir hu xor tôngx lok sik meir tính trâu iz cxiê lênhx shux xênhz. Chor shuv xênhz cơưv đhâu máy hu xor tôngx lok sik máy tính ntơư, tsuôk zos têx lênhx shux xênhz cik txos têx moz Covid-19, thax tsav trâul kuôk cêv, tsêr cơưv tưz uô jông hâux lưv phax tir thêir tsik chiê caz moz Covid-19 cik trâu cxuô lênhx hâur tsêr cơưv ntơưr. Pos Phạm Thị Hương Giang, Phưv thơưx seiz car tsêr cơưv cxênhx 2 Quyết Thắng, TP Sơn La heik pâuz:“Pêz tsêr cơưv nhiv no muôx 20 hâur 23 lớp têx shux xênhz tuôx cơưv ntơưr hâur tsêr cơưv, taz por phax tar moz gênhk. Muôx 3 lớp cơưv, shux xênhz cik txos chor nênhs trâul moz thiêz iz cxiê lênhx shux xênhz zos tâu nhoz jê đros lênhx nênhs moz mak so nhoz hâur tsêr cơưv đhâu meir hu xor tôngx lok sik meir tính. Têx chuôz zênhx phưx vưv kriê ntơưr đhâu hâur meir tính, meir hu xor tôngx phênhv ntâu muôx txâuk. Têx lênhx cưk kriê ntơưr cux uô huv đros trâu tsưr ziv kriê. Cưk kriê thiêz têx shux xênhz puôr lênhx sir jos, tax tâu luôs hâux lưv tso tơưv”.

Tsi thôngx li chor tsêr cơưv hâur đrôngs, têx tsêr cơưv nhoz tox siêz đêz đrôngs hâur tỉnh Sơn La, phênhv ntâu puôr lênhx njiz trâul phiv liv hâur luôs hâux lưv kriê thiêz cơưv đhâu meir hu xor tôngx, meir tính. Chiê uô huv đros trâu ntu muôx moz Covid-19 huôv xênhz, têx tsêr cơưv tưz cxiv tsa cxuô faz tsưr ziv nhiêk txơưr nhiêk tsi siz thôngx hâur luôs hâux lưv kriê cơưv ntơưr tâu trơưk tsưr ziv tso tơưv. Cưk kriê Đèo Thị Thu Huyền, Thơưx seiz car tsêr cơưv cxênhx iz Ngọc Chiến, xã Ngọc Chiến, huyện Mường La heik pâuz, txos nhiv no, tsêr cơưv cux uô đreiv luôs hâux lưv kriê cơưv ntơưr trâu shux xênhz ntơưv 10 luz tsêr cơưv ntơưr, muôx 1.400 ntâu lênhx shux xênhz. Tiv tsênhv yuôr ntâu phiv liv, viv li luôs hâux lưv kriê cơưv ntơưr đhâu hâur meir hu xor tôngx, meir tính mak tsêr cơưv uô tsi tâu. Tsêr cơưv tưz gra siêz tsưr ziv phax tar thiêz bax jông cxuô faz tsưr ziv phax tir thêir moz gênhk:“Tiv iz zos shux xênhz li niêv txir tsi muôx têx chuôz zênhx trâu chor nhuôs cơưv ntơưr; tsêr cơưv tsi tâu muôx qar cơưv meir tính; shux xênhz li ntâu niêv txir txov nhêv, muk uô nox đêz, chor nhuôs cêr cơưv ntơưr zos tas nro tsêr cơưv cxơưx, chênhr viv li txơưv muôx tâu têx xor tôngx jông lok phưx vưv cơưv ntơưr lok cux tsi muôx nênhs seiz shuôs têx nhuôv cơưv. Zos li heik ntơư, tsêr cơưv thâuv tưs tưz gra siêz tsưr ziv phax tar moz, uô li chas cov têx nhuôs tâu tuôx cơưv cxix cxuô hâur tsêr cơưv. Têx lênhx shux xênhz tsênhv nhoz hâur tsêr sox seiz đas jos, cưk kriê ntơưr muôz jax cơưv trâu têx nhuôv cơưv hâur tsêr”.

Đros trâu tsưr ziv kriê muôz jax cơưv trâu shux xênhz cơưv uô hâur tsêr, tsêr cơưv phênhv ntâu zos muôz 2 jax: Xav fax thiêz lul Choz tsiz xưz. Chor cưk kriê seiz car lớp cơưv zuôr cxiv uô tsênhv njiêz cơưv trơưk hnuz, muôz jax cơưv txos trâu shux xênhz cơưv thiêz seiz shuôs, paz max têx chuôz zis muôx mê nhuôv cơưv hâur tsêr. Cưk kriê Lò Văn Hặc, uô hâux lưv kriê ntơưr ntơưv  tsêr cơưv jok Lướt, nhoz tsêr cơưv cxênhx iz Ngọc Chiến heik:“Pêz zôngv tsưr ziv kriê zos muôz jax cơưv trâu shux xênhz, chiê shux xênhz cơưv thiêz uô hâur tsêr. Tsênhv tsênhz, cưk kriê muôz jax cơưv txos trâu têx lênhx seiz car jêx jok, lơưr mav muôz trâu têx shux xênhz thâuv zar tas cik sơưr nzor. Txos zar hnuz kêix, shux xênhz niêv txir mav gra chor nhuôv têx jax cơưv tuôx trâu ban seiz car jok, cưk kriê ntơưr li muk gra lok, qênhz shuôs, hu xor tôngx đros shux xênhz niêv txir thav lok mê nhuôv têx cêr cơưv ntơưr”.

Txix moz Covid-19 huôv xênhz phiv liv, hur tiz si cxuô luz tsêr cơưv hâur thax tsav tỉnh Sơn La tưz seiz kaz, uô jông trơưk tỉnh, ngênhx, ntơưv qơư chox kriê lok têx tsưr ziv phax tar moz gênhk. Têx tsêr cơưv puôr lênhx uô hâux lưv kriê ntơưr huv đros trâu tsênhv tsênhz, bax têx tsưr ziv kriê đhâu hâur meir hu xor tôngx, meir tính, ti vi, muôz têx jax cơưv kriê shux xênhz uô thiêz cơưv sâuv mạng xã hội…. Iz chas ntơư, tror hux jos đros ngênhx y tế cxax yuôx vắc xin trâu shux xênhz, taz por cov muôx chôngz lênhx ntâu tus shux xênhz tâu cxax yuôx phax phôngz moz Covid-19, đhâu ntơư cxaz nzir đas jos tir têx moz gênhk hâur tsêr cơưv./.

(Lê Hạnh-Riê Lâux cxeik, nhênhv)

Điện Biên sir jos phax tar caz moz Covid-19 hâur tsêr cơưv ntơưr

Thâuv tror tuôx cơưv ntơưr đhâu jiês so tsiêz, tsêr cơưv Cxênhx iz xar Thanh Xương, huyện Điện Biên pov muôx 1 lênhx cưk kriê ntơưr thiêz iz lênhx shux xênhz trâus cik caz moz Sát-Covi-2. Đhâu ciês co, chor nênhs nhoz jê nênhs moz tưz tâu cêv kuôk ntơưv chuôz zis tsêr chiê paz ngaz tuk trâu chor shux xênhz thiêz cưk kriê hâur tsêr cơưv ntơưr. Tsưr ziv kriê ntơưr đhâu máy hu xor tôngx lok sik máy tính cux tưz sêi đrơưv tâu tsêr cơưv ntơưr kriz uô chiê kriê ntơưr trâu chor lớp cơưv muôx nênhs trâus moz Covid-19 thiêz nhoz jê chor nênhs moz. Cưk kriê ntơưr Hoàng Ngọc Vĩnh, Nênhs sêiz car Tsêr cơưv ntơưr cxênhx iz xar Thanh Xương, huyện Điện Biên puz pâuz:“Tsêr cơưv ntơưr kriz uô tsưr ziv kriê ntơưr cov huv đros trâu chor shux xênhz hâur yênhx lớp cơưv. Têx lớp ngaz tuk mak tsêr cơưv kriê ciês ntơưv ntơưv lớp cơưv. Lớp tsik ngaz tuk muôx nênhs nhoz jê chor nênhs moz mak tâu kriê ntơưr trực tuyến trâu shux xênhz nhoz ntơưv tsêr chiê cov ngaz tuk trâu chor shux xênhz, cưk kriê ntơưr”.

Hok ntơưv thành phố Điện Biên Phủ, têx hnuz đhâu cux tưz pov muôx chor nênhs  trâus moz Covid-19 zos shux xênhz ntơưv iz cxiê luz tsêr cơưv ntơưr. Uô ntêx co, chor tsêr cơưv ntơưr tưz nriêr pâuz chor shux xênhz lok kuz qơư chiê nox tsiêz ntơưv iz cxiê tỉnh, thành thiêz têx huyện chiê muôx tsưr ziv taz por ngaz tuk phax, tar caz moz đhâu thâuv tror tuôx cơưv nơưr. Cưk kriê ntơưr Phạm Thị Hà, phưv Hiệu trưởng Tsêr cơưv cxênhx pêz thành phố Điện Biên Phủ, tỉnh Điện Biên puz pâuz:“Uô ntêx tsiêz mak pêz lok six sir jos yax kriê sik tưr nhoz têx tập thể lớp, sik tưr nhoz têx lớp cơưv ngaz tuk hâur ntu muôx caz moz. Yax kriê txos trâu shux xênhz niêv txir pâuz uô ntêx thâuv zuôr lok muk trâu kuz qơư nox tsiêz ntơưv têx thax tsav qơư txơưr, qơư muôx caz moz pâuz thiêz uô ntâuz ntơưr cir jênhv”.

Lơưr Sở Zoz zux tỉnh Điện Biên, txix hnuz 7/2 (zos hnuz chor shux xênhz tror tuôx cơưv ntơưr đhâu jiês so tsiêz)  txos hnuz 15/2, tas nro tỉnh tưz pov muôx 236 lênhx nênhs trâus moz Covid-19 zos cán bộ cưk kriê ntơưr thiêz shux xênhz hâur têx tsêr cơưv ntơưr. Nhiv no nganhx Zoz zux tỉnh Điện Biên cux tsênhv tsưr tsix kriê ntơưr ciês trâu chor shux xênhz ntơưv têx lớp cơưv.Taz sik tiv chor nênhs trâus moz Covid-19 hâur côngv thôngx sâuv thax tsav tỉnh chuôz ndê chôngz lênhx. Đros njuôk xav tiêk chor nênhs trâus moz Covid-19 ntơưv têx tsêr cơưv ntơưr zuôr chuôz ndê chôngz lênhx, Sở Zoz zux tỉnh Điện Biên cux chox kriê chor qơư zoz zux bax kriz uô têx tsưr ziv phax, tar caz moz ntơưv zuk taz viv, tsik chiê njiz trâus phiv liv thâuv muôx caz moz huôv xênhz; bax zuôr têx chuôz zênhx y têr; bax uô têx tsưr ziv kriê ntơưr cov huv đros. Thôngx cxix sik côngv đros nganhx y têr sir jos uô sêi hâux lưv tsưr tsix cxax yuôx vắc xin phax, tar caz moz Covid-19 trâu chor cán bộ cưk kriê ntơưr, nhân viên thiêz shux xênhz. Zơưv Cù Huy Hoàn, Phưv Giám đốc Sở Zoz zux tỉnh Điện Biên hêik:“Choz vax huôv thiêz khov trâu qênhx shênhx caz moz ntơưv thax tsav qơư chiê kho đuô têx tsưr ziv kriê ntơưr cov huv đros, đros tsưr ziv uô truôx jông, zos thiêz huv đros trâu têx tsưr ziv phax, tar caz moz chiê uô chak lok txơưv shux xênhz tsik tuôx tsêr cơưv ntơưr taz sik cux tsik so ntơưr, chiê taz por cơưv tâu li six hơưv cơưv tsaz yênhx tưz tâu tso tơưv txix thâuv hâur shôngk shông cơưv”./.

(Vũ Lợi-Lik Thox cxêik nhênhv)