Chor cưk kriê ntơưr thiêz shux xênhz tox siêz Sơn La “sir jos kriê thiêz cơưv cxaz têx txux chi bax trâu jiês cơưv thik cơưv tiêr ntơưr lớp 12”

 
Nền hướng dẫn ôn thi

 
Six hơưv kriê cơưv môn văn lớp 12 hâur tsêr cơưv Phổ thông dân tộc nội trú tỉnh Sơn La muôx ntâu jax thik đros trâu ntâu tsưr ziv uô jax thik nhiêk txơưr nhiêk tsi siz thôngx tâu lênhx cưk kriê tiz jông kriê iz kro jux juk, zôngx ziv pâuz thiêz ndo tâu. Cưk kriê Nguyễn Thị Huyền, kriê môn văn hâur tsêr cơưv heik pâuz: Txos nhiv no, chor shux xênhz tưz cơưv thiêz shâuv uô tâu 2/3 tsênhv njiêz tsaz yênhx cơưv. Txix zuk li têx moz siêz thiêz sir jos, pêz chor cưk kriê thâuv tưs tưz bax jông têx tsưr ziv chiê paz max thiêz gra siêz txux chi trâu shux xênhz: “Iz kro jông zos chor shux xênhz nox nhoz, xênhz huôx hâur tsêr cơưv, viv li iz chas six hơưv chênhr, zar hnuz kêix thiêz tsâuk ntux, pêz têx lênhx cưk kriê cxaz chuôz kriê nzir trâu shux xênhz tưr thik cơưv tiêr ntơưr lớp 12 thâuv tưs tưz moz siêz, tsês six hơưv paz max, đros kriê, đơưk têx phiv liv trâu shux xênhz”.
Đhâu 3 shông cơưv đros ntâu têx phiv liv tiv muôx moz Covid-19, têx hnuz no 170 ntâu lênhx shux xênhzlớp 12 hâur tsêr cơưv ziv moz siêz, sir jos đuô hâur cêr cơưv txux. Shux xênhz Lò Thị Phong heik, jiês thik cơưv tiêr ntơưr lớp 12 zos iz phênhv lok six zov chênhr paz tax tâu zuk têx tsưr ziv xar muk cơưv Đại học, viv li cur tưz thiêz tsênhv sir jos bax jông têx txux chi tsưr ziv trâu zuk chiê tưr thik tâu jông trơưk siêz xar: “Cur xar thik muk cơưv trâu tsêr cơưv Đại học sư phạm Hà Nội, viv li cur lok six sir jos thiêz cux tâu chor cưk kriê paz lok six ntâu. Cur pâuz tâu tsưr ziv đhâu têx jiês tưr thik siv, txix tsưr ziv uô jax thik, sâu….chiê tax tâu điểm siêz trơưk li tsưr ziv xar”.
Hâux lưv phênhz têx shux xênhz cơưv trơưk li txux chi, pênhr xưv hâur kriê cxaz têx txux chi yuôr trâul chiê bax tưr thik cơưv tiêr ntơưr lớp 12 zos tsưr ziv tâu ntâu luz tsêr cơưv cxênhx 3 hâur tỉnh Sơn La uô lơưr; paz gra siêz tsơưr lươngv têx lênhx shux xênhz cơưv txơưx thiêz kriê cxaz nzir têx txux chi trâu chor shux xênhz cơưv tsi yuô tâu ntơưr…. Cux tso tơưv tsưr ziv chor shux xênhz tưr thik cơưv tiêr ntơưr lớp 12 tax 100%, Tsêr cơưv cxênhx 3 Tân Lập, huyện Mộc Châu, Sơn La têx hnuz no cux tsênhv sir jos uô luôs hâux lưv bax trâu shux xênhz tưr thik cơưv tiêr ntơưr đros têx tsưr ziv jông, huv đros. Cưk kriê Trần Trung Chính, thơưx seiz car tsêr cơưv heik pâuz: “Pêz phênhz shux xênhz ciês hâur shôngk shông cơưv, txix têx lênhx shux xênhz cơưv tsi yuô tâu ntơưr, cơưv fênhx yax, cơưv coz chiê uô têx lớp. Thâuv chor nhuôv shux xênhz cơưv đros iz lớp ntơư muôx txux chi, cơưv tâu iz zav mak zuôr zôngx ziv đuô hâur cêr cơưv txux. Iz chas co, tsêr cơưv cux cxiv tsa tsưr ziv hlôngr yiêz tsơưr lươngv zoz zux txix ntâu faz tsưr ziv, kriê nzir têx txux chi yuôr trâul trâu chor shux xênhz cơưv tsi yuô tâu ntơưrr…..”
Shông cơưv 2020-2021, tỉnh Sơn La muôx 200 ntâu lênhx shux xênhz tưr thik tsi tâu ntơưr lớp 12, hâur co 70% ntâu zos shux xênhz Tsênhv qơư zoz zux thường xuyên cxuô huyện, TP. Chênhr viv li, Sở Zoz zux tỉnh Sơn La tưz chox kriê cxuô tsênhv qơư uô uô cê ntâu faz tsưr ziv chiê gra siêz chor shux xênhz tưr thik tâu ntơưr lớp 12 nhoz têx cxênhx cơưv li heik sâuv hâur shông no. Zơưv Hoàng Lê Quốc Thắng, Giám đốc Tsênhv qơư Zoz zux thường xuyên huyện Yên Châu, tỉnh Sơn La heik pâuz: “Chiê taz por uô tâu tiêr thiêz đhâu tsưr ziv tso tơưv hâur jiês thik cơưv tiêr ntơưr lớp 12 zuôr txos, tsênhv qơư sir jos kriê cxaz nzir têx txux chi yuôr trâul trâu chor shux xênhz cơưv tsi yuô tâu ntơưr lok zar hnuz kêix thiêz tsâuk ntux; tiv 2 zos phênhz têx jax thik uô ntêx, txix ntơư cxaz nzir têx txux chi, tsưr ziv yiêz trâu cưk kriê, kriê trâu shux xênhz. Lar heik zos muôz ntâu têx jax thik nhiêk txơưr nhiêk, mê njik zôngx ziv jênhv pâuz, uô tâu  ntơư chiê kriê shux xênhz, tso shux xênhz shâuv uô uô ntêx”.
Ngênhx zoz zux Sơn La tsênhv sir jos sik tưr uô jông cxuô luôs hâux lưv bax trâu jiês tưr thik cơưv tiêr ntơưr lớp 12 shông 2022. Têx tsêr cơưv, cưk kriê thiêz shux xênhz tsênhv sir jos moz siêz, uô jông hâux lưv kriê thiêz cơưv txux chi chiê bax tưr thik tâu truôx tuk, jông thiêz trơưk tsưr ziv, lar heik zos gra siêz tỉnh Sơn La li qơư sơưr lok sâuv điểm thik pir li cxuô tỉnh, TP txơưr đuô hâur tas nro têz qơưk./.
(Lê Hạnh-Riê Lâux cxeik, nhênhv)