12 tsưr ziv, hâux lưv uô hlôngr yiêz iz thax tsav tox siêz

Ntơưv ndâux cêr muk trâu cxuô jêx jok, muôx tênhv tênhz tơưk pov cêr lul, zos iz kro muôx liv jông trâu tsôngv pêx xênhv nhoz xã Hát Lót, huyện Mai Sơn, tỉnh Sơn La. Viv co zos tsôngv pêx xênhv têx cêr sik thôngx siêz đros têz qơưk chei fuô kriê, uô huv pêx xênhv. Zơưv Đào Xuân Yết, nhoz jok Nà Cang, xã Hát Lót shir phaz lul heik:“Pêz lok six jông siêz thiêz shir phaz, muôx tênhv tơưk pov cêr, muk lol uô hâux lưv uz no zôngx ziv đuô, tiv 2 zos txo grêk tsơưs tuz saz tuz nhiês, jêx jok truôx tuk đuô. Cêr muk lol jông, muôx tênhv tơưk pov cêr, vav mênhx lok six ntâu pir li 2, 3 shông uô ntêx”.

3 ha tsoz chos ntông nox txir, đros trâu tu zus yis, buô txix 100-200 tus iz shông, muôx phênhv sâu tâu 300 tsov đeiv, zơưv Lường Văn Thanh, Bí thư chi bộ, tsar jok Ngồ Hén, xã Hát Lót tưz yênhx iz chuôz zis bluô nux, chiê tsôngv pêx xênhv hâur thax tsav cơưv shâuv, uô trơưk:“Jok muôx 158 chuôz zis, yuôr 10 chuôz zis pluôs cux zos ban seiz jok li tsưr ziv xar njôngr, zuôr sir jos paz chiê lơưr muôx luz nênhx truôx tuk li luôs lưv tus. Pêz heik têx chuôz zis vav mênhx mê njik sik đros paz têx ziv chuôz zis pluôs, zuôr xar pluôs; yax kriê 10 chuôz zis ntơư hlôngr yiêz zuz nôngz tsoz chos, tsiêx tu zus, muôz têx liêx têz chos poz cưk, kok ntông hlôngr chos txir lưv tsiz sôngz, mo môngk, txir khơưz; tu zus yis, keiz buô…., max mav uô iz kro jux juk chiê huôv tsar uô tâu trơưk tsưr ziv xar, muôx phênhv sâu tâu siêz”.

Đhâu iz shông ntâu, xã Hát Lót tưz uô tâu tiêr Ban thường vụ huyện ủy Mai Sơn 12 luôs hâux lưv tso tơưv; hâur co muôx 9 luôs hâux lưv uô tâu jông. Hur si têx nuv phiv liv cux sir jos uô tâu trơưk tsưr ziv, uô tâu têx li heik co zos khov chor canr bôv, đảng viên, lênhx nênhs sơưr thơưx muôx tsưr ziv jông, uô ntêx nyuôs hâur cxuô luôs hâux lưv. Zơưv Đào Vă Hiền, Bí thư đảng ủy xã Hát Lót heik:“Đros thiêz tsưr ziv max mav uô iz kro jux juk chiê pêx xênhv pâuz tsênhz, pâuz cxuô, jông siêz, thôngx ziv uô trơưk, lar heik zos lênhx nênhs sơưr thơưx tsuv uô ntêx nyuôs chiê pêx xênhv cơưv shâuv, uô trơưk. Pêx xênhv luz nênhx tâu gra siêz, zos xưk li shông 2015 chor chuôz zis pluôs hâur xã muôx 12% mak txos nhiv no tưz txo grêk tsơưs xar muôx 4%. Phênhv sâu tâu txix 12 tsov đeiv, nhiv no tưz ndê muôx 47 tsov đeiv iz lênhx nênhs iz shông”.

Iz chas xã Hát Lót uô tâu tiêr ntâu luôs hâux lưv tso tơưv, cux muôx ntâu xã hâur thax tsav qơư Mai Sơn tưz hlôngr yiêz ntâu, khov hâu nov ntơưv qơư muôx têx tsênhv chêi paz uô huv đros thiêz tâu tsôngv pêx xênhv jông siêz, thôngx ziv uô trơưk. Iz zav li txox cêr muk lol hâur jok Vựt Bon, xã Chiềng Mai nhiv no tưz krêz uô đar muôx 6 thiêr ntâu. 60 chuôz zis tưz jông siêz, thôngx ziv ruôr yêv zuk têx nja vax, lax caz chiê kriz uô cêr cov đar zôngx ziv muk lol. Pos Lò Thị Soi, Bí thư chi bộ, tsar jok Vựt Bon, xã Chiềng Mai heik pâuz:“Đhâu thâuv muôx tsưr ziv krêz uô cêr jêx jok cov đar zôngx ziv muk lol, pêz jok Vựt Bon uô lơưr Chi bộ nghị quyết cơưv pêx xênhv, yax kriê, vênhv tôngv pêx xênhv muôz ar liêx têz, ntor txiêr têx shôngz ntông, ruôr yêv njax vax….chiê uô cêr. Cxuô lênhx sơưr đơưk jông siêz, thôngx ziv uô trơưk, gôngr nhiêx txiêx, paz hnuz côngz cxiv uô cêr”.

Đros trâu têx hâux lưv uô tsênhv tsênhz, kriê mênhx trâu pêx xênhv, Ban thường vụ huyện ủy Mai Sơn 12 hâux lưv tso tơưv tưz uô tâu tiêr trơưk Nghị quyết Đại hội Đảng bộ cxuô cấp, six cxiv 2020-2025. Zơưv Hà Văn Bình, Phưv Bí thư thường trực huyện ủy Mai Sơn, tỉnh Sơn La khav tinhv:“12 hâux lưv tso tơưv zos heik mênhx lok canr bôv, đảng viên, tiv zix zos têx lênhx sơưr thơưx li cêr uô ntêx nyuôs hâur cxuô luôs hâux lưv. Têx lênhx hâur Ban thường vụ tâu phênhz côngz iz lênhs car seiz iz hâux lưv, đros trâu huyện 12 tổ côngz xưv, tổ piêr kriê. Chor xã, thị trấn tưz yênhx lix 200 ntâu tổ côngz xưv seiz car têx luôs hâux lưv ntơưv qơư; choz hâux lưv tsênhz mênhx trâu yênhx lênhx nênhs, têx lênhx sơưr thơưx chiê lês uô jông hâux lưv zok muôz….”.

Hâur iz shông ntâu, tưz muôx 400 ntâu chuôz zis pluôs nhoz 10 xã txov nhêv hâur thax tsav huyện Mai Sơn hla đhâu chuôz zis pluôs; xav kror đruôz đraz iz xã txo grêk tsơưs 4% ntâu chuôz zis pluôs; zuôr xar 90 chuôz zis uô nênhx nhoz têx xã txov nhêv tâu paz cxiv uô tsêr nhoz, xav hur si têx nhiêx txiêx uô luôs hâux lưv co tas muôx 9 tyv đeiv ntâu.

Co zos têx luôs hâux lưv uô tâu khov fuô uô têx hâux lưv huv đros tsênhv tsênhz, huv đros pêx xênhv thiêz huyện ủy Mai Sơn hlôngr yiêz tsưr ziv chox car, sir jos uô jông luôs hâux lưv zok muôz; canr bôv, đảng viên uô ntêx nyuôs chox kriê tsôngv pêx xênhv huôv tsar uô nox, muôx luz nênhx truôx tuk tsâu sor./.

                                           Thanh Thủy-Lê Hạnh-Riê Lâux cxeik, nhênhv

Grê 11. Xưv lik siz zuôr tsik trơưk chêi têz qơưk

1. Xưv lik siz zuôr tsik zos cêr chêi têz qơưk tâu Tòa anr kriz uô lơưr chêi no thiêz chêi lok tố tụng dân sự li cui tênhv.

2. Hâur ntu Tòa anr hêik cov tso tsês kror siz uôr zuôr tsik zos trơưk cêr chêi têz qơưk mak oz tos siz zuôr tưz muôx txâuk cxuô kror chiê siz zuôr huv zos lơưr cêr chêi têz qơưk li cui tênhv ntơưv Grê 8 thiêz oz tos hêik cov côngz jênhv coangz siv siz zuôr no mak Tòa anr zuôr côngz jênhv coangz siv siz zuôr co. Coanzg siv siz zuôr no zuôr tâuv xav txix thâuv oz tos muôx txâuk cxuô kror chiê siz zuôr lơưr cêr chêi têz qơưk li cui tênhv.

3. Toàn anr li cuêz tênhv lok tso tsês siz zuôr tsik zos chêi lok sik côngv jênhv siz zuôr tsuv tâu xa trâu cơ quan tưz uô đăngk cir siz zuôr chiê sâu trâu hâur ntơưr hộ tịch; oz tos siz zuôr tsik zos chêi; tiz nênhs, cơ quan, tsưr tsix cik txos lơưr cêr chêi lok tố tụng dân sự li têx cui tênhv.

4. Tòa anr thênhv siêz sêiz shuôk sik côngv đros Viện Kiểm sát thênhv siêz thiêz Bôv Tư pháp hêik kriê Grê no.

Grê 12. Cxuô kror tsuv uô trơưk hâux lưv tso tsês siz zuôr tsik zos chei

1. Thâuv siz zuôr tsik zos chêi trâus tso tsês mak oz tos tsuv tso tsês coangz siv uô nênhx nhoz uô cê xưk li niêv txir.

2. Niêv, txir, mê nhuôv li qênhx, jênhv vưv tâu đơưk tu lơưr cui tênhv lok niêv, txir, mê nhuôv li qênhx, jênhv vưv đhâu thâuv siz đrâux.

3. Lok cxuô zav, jênhv vưv thiêz hux thôngx nhoz cxuô tos tâu đơưk tu lơưr Chêi no li cui tênhv ntơưv Grê 16.

Grê 13. Xưv lik hâux lưv đăngk cir siz zuôr tsik huv zos vax huôv

Zos tiêk đăngk cir siz zuôr tsik huv zos vax huôv mak thâuv tâu hêik pâuz, cơ quan têz qơưk muôx vax huôv sâu tsês ntơưr côngz jênhv siz zuôr lơưr chêi têz qơưk li cui tênhv lok hộ tịch thiêz hêik oz tos tror uô đuô đăngk cir siz zuôr ntơưv cơ quan têz qơưk muôx vax huôv uô ntơưr chiê siz zuôr. Li no mak coangz siv siz zuôr tâu xav txix jiês đăngk cir uô ntêx co.

Grê 14. Đơưk tu hâux lưv txir nênhx, pox niêv uô nênhx nhoz uô cê xưk li niêv txir taz sik tsik đăngk cir siz zuôr

1. Txir nênhx, pox niêv muôx txâuk cxuô kror siz zuôr lơưr Chêi no li cui tênhv uô nênhx nhoz uô cê xưk li niêv txir sik tsik đăngk cir siz zuôr mak tsik uô muôx yưv qênhx, jênhv vưv nhoz oz niêv txir. Qênhx, jênhv vưv trâu têx mê nhuôv, vax tsêr cxuô zav thiêz hux thôngx nhoz cxuô tos tâu đơưk tu lơưr cui tênhv ntơưv Grê 15 thiêz Grê 16 hâur Chêi no.

2. Zos tiêk txir nênhx, pox niêv uô nênhx nhoz uô cê xưk li niêv txir lơưr cui tênhv ntơưv ntu 1 Grê no taz sik lơưr co ho đăngk cir siz zuôr lơưr chêi têz qơư li cui tênhv mak coangz siz siz zuôr tâu xav txix thâuv uô ntơưr đăngk cir siz zuôr./.

Tuyết Lan-Lik Thox cxêik nhênhv