Sik tưr thik uô kôngz nuv hur, hữu cơ nhoz Sơn La

          Krêz uô nghị quyết no, UB tỉnh tưz tso tơưv 10 tsưr ziv, 6 đề án; yênhx lix Tuêv côngz xưv seiz car, krêz uô Nghị quyết; thôngx cxix paz cxơưz phongz yaox tưr thik, cxơưz cxiz, zaz zâuv doanh nghiệp, HTX, tsôngv box cxaz chuôz yưv pênhr lok huôv tsar kôngz nuv, nôngx cxênhz.       Zơưv Trần Văn Hồng- Giám đốc HTX Tiến Đạt, xã Lóng Phiêng (Sơn La) puz pâuz, HTX Tiến Đạt tâu yênhx lix shông 2019, muôx 8 lênhx nênhs, tsiv uô 38 hecta ntông nox txir, hâur co, phênhv ntâu huôv tsar chos txir khơưz nyar. Ban chấp hành Đảng bộ tỉnh li Nghị quyết 08 yênhxx lix tưz muôx tsưr ziv huôv tsar trâu HTX, co zos huôv tsar chos tsoz chos lơưr tsưr ziv VietGap, hữu cơ, sir zôngv cxix luôk zưs đêx yênhx ndok, côngv đros tsưr ziv txiêr chês, đê txir... Đhâu co, tưz paz muôx têx luz txir khơưz lox jông, tâu niêv ciêz nhiêv txos:“Pêz tsov cưv sir zôngv công nghệ siêz chiê hlôngr yiêz tsưr ziv tsiv uô kuz, yưv pênhr uô cxix luôk zưs đêx, qir zuôv, kỹ thuật...chiê hlôngr yiêz tsưr ziv chos txir khơưz yênhx shông, chox lok phênhv sâu siêz trâu pox nhuôk”

          Giám đốc HTX kôngz nuv Ngọc Hoàng nhoz xã Tà Hộc, Sơn La- zơưv Nguyễn Quang Vinh cux puz pâuz, txix Ban chấp hành Đảng bộ tỉnh li Nghị quyết 08, têx lênhx nênhs hâur zơưv li HTX tưz yênhx trus hlôngr yiêz tsưr ziv tsêz chos thiêz tsoz phưz txir thanh long- HTX li iz zav txir ntông tsênhv, đhâu co, tsơưr lươngv xiv huv tsi so tâu muôz siêz, tsi taz tuôv zênhv zoz qơưx hâur têz qơưk mak tsênhv phưx vưv muôs tơưv saz đrâuv têz qơưk:“Têx lênhx nênhs chos txir thanh long tưz tso tơưv iz tsưr ziv uô tsênhz mênhx chiê muôs tơưv. Tâu tỉnh paz txưv uô 5 hecta hữu cơ, txos nhiv no têx lênhx nênhs hâur HTX puôr lênhx uô lơưr tsưr ziv hữu cơ sik côngv chiê muôx txâuk xiv huv muôs tơưv”

          Chiê krêz uô muôx chêx cuk têx jênhv vưv huôv tsar tsiv uô kôngz nuv lơưr tsưr ziv VietGap, hữu cơ, zôngv công nghệ siêz, Sơn La cux tspv cưv uô phongz yaox tưr thik hâur cxuô doanh nghiệp, HTX, uô li chas chiê chox lok hâur niêv ciêz têx xiv huv muôx tsơưr lươngv jông tiv zix, tuôv zênhv niêv ciêz li zoz qơưx ziv hnuz ziv siêz, taz por tênhx qơư thiêz huôv tsar truôx vênhs. Tix lâuk Lã Thành Trung- HTX Njês niêv đêx Đas Sơn La, xã Mường Khiêng, tỉnh Sơn La heik:   “Nhiv no HTX tsênhv krêz uô tsưr ziv xiv huv hữu cơ. Pêz tsênhv zôngv xiv huv hur, tênhx qơư tu zus njês thiêz iz phênhv zôngv krâur têx công ty lox sâuv niêv ciêz chiê tu zus. Pêz sir jos tsi zôngv tsơưr kháng sinh lok sik tễ xxiv huv chiê paz cxơưz njês lox sei”.Đhâu 5 shông uô Nghị quyết Đại hội Đảng bộ tỉnh jiês tiv 15, six cxiv 2020-2025, mak Nghị quyết số 08 zos iz hâur têx paz cxơưz, hlôngr yiêz nganhx kôngz nuv Sơn La tưz muôx têx hlôngr yiêz jông, gôngr phênhv muôz siêz yar lengx, chox lok  chêx cuk jông.

          Nhiv no, mênhv chêx ntông nox txir thiêz txir tuz ziz hâur tỉnh tưz tax 85 cxênhz hecta ntâu, sâu tâu fênhx pheiz muôx nhos 450 cxênhz tênhr iz shông. Tas nro tỉnh tưz muôx 99 qơư chos zôngv tsưr ziv tsiv uô kôngz nuv VietGap, Global Gap đros tas nro mênhv chêx zos 2 cxênhz 200 hecta ntâu, côngz jênhv 9 thax tsav kôngz nuv zôngv công nghệ siêz, tuôr truôx 216 mã số thax tsav chos; 196 mã số têx zav txir lưv tsiz sôngz, txir trâuv nhux, txir tsơưz, txir khơưz.... phưx vưv muôs tơưv saz đrâuv têz qơưk. Zơưv Nguyễn Thành Công, Phưv Chủ tịch UB tỉnh Sơn La puz pâuz:“Pêz pov tsênhz đrâuv krêz thôngz huôv tsar kôngz nuv, chuôz cxaz siêz txưv haox lok kôngz nuv tỉnh Sơn La, Nghị quyết 08 tâu krêz uô tưz chox têx xiv huv kôngz nuv muôx têx hlôngr yiêz jông chiê cxiv tsa yênhx xiv huv jông. Thôngx cxix, tsôngv box, doanh nghiệp, HTX li cêr moz siêz uô cux chuôz ndê siêz. Iz zênhx liv thiêz zos kôngz nuv Sơn La uô lơưr tsưr ziv huôv tsar truôx venhs, chox kôngz nuv hữu cơ, kôngz nuv yiêz, ndar txos têx thax tsav tsiv uô lox, têx xiv huv jông, muôx tsiv grê kinh têr siêz”.Đros co, hâux lưv zôngv công nghệ siêz, kôngz nuv hur, hữu cơ tưz thiêz tsênhv khav tênhv zos tsưr ziv uô jông, krêz tơưv têx trus yiêz chox Sơn La yênhx tsênhv qơư kôngz nuv zôngv công nghệ siêz nhoz thax tsav Tây Bắc li nghị quyết Đại hội Đảng bộ tỉnh jiês tiv 15, six cxiv 2020-2025 tưz tso tơưv./.

                                                                                               Thu Thùy-Txâur Vax cxeik nhênhv

                                                                     PHÊNHV CXƠƯZ CXIZ UÔ KÔNGZ

                                                                  Phax tar caz moz trâu njêl hâur ntu hlôngr chêix

- Kho đuô pak njêl bax nôngz njêl zus:

Thoz huk, gruk têx cuô ar hâur kaz pak njêl chiê tuô chor caz moz uô ntêx zuôr piz zus fâuv njêl yiêz.

Mfông hmôngr jêz siz tuô chor caz moz txix 7-10 cir iz thiêr ndis.

- Khov lơưr thax tsav pak đêx zus njêl xêir tsov njêl zus cov huv đros. Zos zus ntâu hênhr mak zuôr uô phiv liv txos chor fâuv njêl zus.

- Uô ntêx tso chor njêl nông zus tsuv muôz njêl tso trâu hâur chor đêx cuô njêr txix 2-3 gam iz lir.

Zav nox trâu njêl:

- Tsik muôz trâu njê nox têx zav no tưz tsik jông, puz trâu njêl nox oz jiês hâur iz hnuz: thâuv têis cik thiêz zar zuôr tsâuk ntux (thâuv ntux lax).

- Nzuôr cov hur si têx chuôz zênhx puz trâu njêl nox.

- Đêi chor hnaz hmôngr jêz siz 3-5 cir iz hnaz iz ndis qơư puz trâu njêl nox.

- Cxaz nzir Vitamin C hâur zav nox chiê paz trâu njêl muôx jos (40 gam trâu 100 cir njêl, 2 jiês hâur iz ciêz).

Paz trâu njêl muôx jos txix puz têx yuôx đrox njuôz trâu njêl nox:

- Tsơưz: Muôz tsơưz lok cxôngr cov mok, muôz txiêr cov zâu puz trâu njêl nox.

- Chor nhọ nồi: Muôz jov uô cuô thiêz puz trâu njêl nox (3 cir trâu 100 cir njêl iz hnuz).

- Kix: Jov kix cov mok, tor shơư trâu chor zav nox txix 100-300 gam puz trâu 100 cir njêl, puz nox tsik so hâur iz ciêz.

- Chor jâuz sam: Muôz puz trâu njêl nox lơưr 1,5-3 cir trâu 100 cir njêl (Tsuv nzuôr chor jâuz no cov hur txix cuô njêr uô ntêx thâuv zuôr muôz puz trâu njêl nox).

                                                                                                                 Thanh Thủy-Lik Thox cxêik nhênhv