Sik côngv truôx jông tuz lênhv thiêz pêx xênhv nhoz thax tsav ntus đriv faz Tây

                 Tsêr cơưv Huổi Chạ Cxênhx iz xar Nậm Vì tưz trâus puôk tsuôx tas đhâu 20 shông sir zôngv kriê ntơưr, yar tiêx tsêr cơưv tưz tơưs puôk tsuôx, nja vax cux tsik jông tas. Thâuv muk txos xar, chor tuz lênhv Trung đoàn 741 Bôv tuz lênhv Pênhz phax tỉnh Điện Biên tưz chox car chiê kho đuô luz tsêr cơưv no. Hâur co, kho hur si têx faz nja tsêr, kho đuô nja vax thêir tsêr cơưv truôx jông… Nhiv no tsêr cơưv co xưk li tâu uô yiêz jông đuô. Cưk kriê Nguyễn Thị Hồng Thắm, Phưv thơưx seiz car Tsêr cơưv Cxênhx iz xar Nậm Vì phêiz kênh:

             “Muôx chor tuz lênhv paz mak txos nhiv no tsêr cơưv cux tưz muôx faz nja, lớp cơưv lok six jông. Tuz lênhv sir tas đas jos tsưr ziv paz; Lok six shir phaz đhâu tsiêz no chor nhuôs tuôx cơưv ntơưr zuôr muôx qơư cơưv yiêz jông jav đuô”.

             Uô tsaz yênhx sir jos paz trâu pêx xênhv thiêz uô jông hâux lưv yax kriê, Đại đôiv 3, Tiểu đoàn 1, Trung đoàn 741, lok trâu xar Nậm Vì hâur xar muôx 1 hliz đhâu tưz paz trâu pêx xênhv hâur xar bax tâu jông chiê tok tsiêz Têz qơưk Jax shông 2024.

                Iz chas yax kriê lok Đảng; Têz qơưk têx chêi, chor tuz lênhv tsênhv sir jos kho đuô ntâu ntu cêr hâur jêx jok, hâur xar, kho đuô pêx xênhv têx vax tsêr, paz trâu pêx xênhv huôv tsar uô nox, phax tar caz moz gênhk, phax tar ntux no njiv trâu tsiêx cxu…

                 Zơưv Lò Văn Nưa, nhoz jok Nậm Vì ziv chuôz zis, zos iz hâur chor ziv chuôz zis nhoz hâur thax tsav muôx tuk đêx ntưk lok đhâu thiêz muôx tuk qox ntông hla đhâu đêx tưz trik jông tas. Pâuz tâu têx phiv liv no, chor tuz lênhv Trung đoàn 741 tưz sik đros uô đuô tuk qox ntông cov khor jông chiê pêx xênhv muk lok tâu zôngx ziv thiêz ngaz tuk đuô. Zơưv Nưa shir phaz hêik:

                  “Nhiv kruôr đhâu cux kho tiêr tuk qox thiêz qêz suô têx vuôz tsuôz hâur jêx jos hur si. Zuôr txos tsiêz muôx tuz lênhv paz, pox nhuôs cux shir phaz hênhr. Chor tuz lênhv sir jos paz trâu pêx xênhv ntâu zav, viv li lênhx tưs cux shir phaz lul”.

                  Nậm Vì zos xar tox siêz txov nhêv nhoz huyện Mường Nhé, tas nro xar muôx 7 jêx jok, 720 ziv chuôz zis, 4.300 ntâu lênhx nênhs, Phênhv ntâu zos tsôngv box mênhx cxưx Hmôngz thiêz Poz ziz. Pêx xênhv luz nênhx tsênhv yuôr ntâu txov nhêv, chor ziv chuôz zis pluôs yuôr muôx 60% ntâu.

                 Đại tá Trần Đức Sinh, Chinhr ủy Bôv tuz lênhv tỉnh Điện Biên puz pâuz: Đhâu xar muôx iz luz hli nhoz hâur jêx jok đros tsôngv box, chor tuz lênhv hluôk tưz paz trâu jêx jok hur jông đuô chiê tok tsiêz, pox nhuôs cux shir phaz thiêz sir jos huôv tsar uô nox, txo grêk yêiz pluôs đuô.

                 Iz chas uô hâux lưv paz trâu pêx xênhv đros uô jông côngz xưv yax kriê, Bôv tuz lênhv tỉnh Điện Biên tsênhv tsưr tsix tsaz yênhx uô muôx liv paz trâu chor pox niêv, vir ndâuk nhoz thax tsav ntus đriv thiêz Hôiv Pox niêv Bôv tuz lênhv tỉnh tsênhv khơưk muôz ntâu huv puz trâu chor pox niêv, vivrr ndâuk muôx luz nênhx txov nhêv hâur thax tsav xar; muôz học bổng paz trâu chor shux xênhz pluôs sir jos cơưv ntơưr. Đại tá Trần Đức Sinh hêik:

                “Đhâu têx hâux lưv uô tsênhv tsênhz thiêz têx huôx tôngv vênhx huôv thể thao đros yax kriê Đảng, têz qơưk têx chêi tưz paz trâu pêx xênhv jux juk cxiv tsa luz nênhx hlôngr yiêz, tso tsês têx phongx cxưx pôngz kaz sâuv thax tsav. Thiêz tiv zix zos paz trâu pêx xênhv pâuz tâu thiêz tso tsês siz zuôr nzor tsik uô cxâuv chêi têz qơưk, tưz paz trâu pêx xênhv thiêz tuz lênhv muôx cêr côngv siêz đuô”./.

Vũ Lợi-Lik Thox cxêik nhênhv

Cxuô faz tsưr ziv phax tar moz gênhk hâur cheix ntux no

                    Cxax yuôx phax moz gênhk cxix cxuô- phax têx zav moz lơưr six hơưv, tiv zix zos têx lênhx nênhs tsik muôx jông đas jos li mê nhuôk (đros têx zav yuôx vắc xin phax moz li: moz kruô piêk, rubella, hnôngk hơưz, moz hlưz hâu, kruô tâuv, khâuz thuôk…).

               Tsưx phưv luz chêr sor so thâuv ntux no njiv; muôz trik yo sor trâu mê nhuôk hnar thâuv muk yêz meir, tơưv đrâuv jôngr; thâuv uô hâux lưv đrâuv jôngr, tơưv đrâuv jôngr thâuv hmo ntux, sơưr nzor tsuv hnar sor, muôz fuôv câur chax đaz, tâuz hâu sor so.

                    Tsik nhoz jê đros têx lênhx nênhs muôx moz gênhk lok cêr uô pa.

                   Nox siêr hâuk bâu, taz por vêv xênhz zav nox, nox hâuk txâuk tsơưr pưr chiê muôx jông đas jos.

               Taz por vêv xênhz lênhx nênhs, zôngv yuôx phongx nzuôr tês, zôngv cuô njêr zâus ndâux. Vêv xênhz tênhx qơư, chuôz zis, sir zôngv tsêr vêv xênhz huv đros.

                  Thâuv muôx yưv moz gênhk tsuv ciêr chênhr thôngz pov trâu qơư y tế jê tiv zix chiê tâu heik kriê, seiz njuôs thiêz kho moz zênhx max./.

SK&ĐS- Txâur Vax cxeik nhênhv