Yên Bái sir jos cxiv tsa jêx jok yiêz

Uô têx tsưr ziv no, cấp ủy, chinhr quyền cxuô thax tsav qơư hâur tas nro tỉnh tưz kriz uô cxix cxuô ntâu tsưr ziv thiêz hêik pêx xênhv sơưr đơưk đros uô. Pos Hoàng Thị Xuân Hương, Bí thư Đảng bôv xar Đồng Khê, huyện Văn Chấn puz pâuz:“Chiê uô cov Đồng Khê zos yênhx xar jêx jok yiêz jông trâu kaz shông 2022 mak đros tas nro chor luôs hâux lưv tưz tâu cấp ủy, chinhr quyền thax tsav qơư sir jos kriz uô ciês txix thâuv hâur shôngk shông. Lơưr co luôs hâux lưv lok gra siêz phênhv sâu trâu pêx xênhv, nhiv no tsêx trung trâu chor tsoz chos chênhr ntơưv thax tsav qơư thiêz kriz uô têx đề án cik txos tsiv gri…”.

Xav jênhv cxiv tsa jêx jok yiêz mak muôx kriz uô taz sik tsik muôx suôv câuv, ntu 2021-2025, tỉnh Yên Bái tưz tso tơưv iz bôv luôs hâux lưv uô yiêz hâur cxiv tsa jêx jok yiêz, đros muôx ntâu luôs hâux lưv tưz tâu gra siêz đuô. Xar Minh Quán, huyện Trấn Yên zos iz hâur 3 xar tax tâu tsưr ziv uô tiêr jêx jok yiêz jông hâur shông 2022. Xav lơưr bôv tsưr ziv ntu yiêz no mak Minh Quán muôx ntâu luôs hâux lưv trâus pôngz kaz pir li ntu uô ntêx thiêz muôx iz cxiê luôs hâux lưv uô yiêz tsuv tâu uô cov tiêr. Iz zav li luôs hâux lư lok Y têr, xar tsuv muôx chor nênhs cxaz chuôz thiêz sir zôngc dịch vụ njuôk kho moz txix đêz siêz đuô 40%. Taz sik, six hơưv tsênhv yuôr hâur shông 2022 lok six lur, hok chôngz lênhx pêx xênhv sâuv thax tsav cux tsênhv tsik tâu pâuz sir zôngv dịch vụ no. Zơưv Lương Văn Hùng, Chủ tịch Ủy ban xar Minh Quán puz pâuz:“Đros luôs hâux lưv hlôngr đuô sôr mak đrâuv hạ tầng tsuv taz por pêx xênhv pâiz sir zôngv thiêz jênhv pâuz tâu. Iz zav li zuôr hax huv sâuv App zos pêx xênhv tsik pâuz mak zuôr uô tsik tâu, lok sik njuôk shuôk moz mak pêx xênhv tsuôk xar hêik pâuz ciês xưz, tsik zos hêik njuôk shuôk đhâu sâuv App, iz zav li co. Co zos têx luôs hâux lưv pêz tsênhv hêik cov pêx xênhv sir jos uô…”.

Pluôs xav lơưr ntâu kror zos kror hâux lưv ntâu thax tsav qơư nhoz Yên Bái lok six lax uô nhiv no. Lơưr Bôv Lox tôngv-Saz pênhz thiêz Xar hôiv li Cuêz tênhv mak chor nênhs pluôs xav lơưr ntâu kror đros xar jêx jok yiêz zos 13%, xar jêx jok yiêz jông zos 8% (muôx tas nro chuôz zis pluôs thiêz zuôr xar pluôs). Taz sik, nhiv no, chor xar sâuv thax tsav tỉnh Yên Bái phênhv ntâu muôx chor chuôz zis pluôs xav lơưr ntâu kror siêz, iz zav li Ngọc Chấn (Yên Bình) xar muôx 24%; Bình Thuận (Văn Chấn) xar muôx 41%, Lâm Thượng (Lục Yên) 36%... viv li chiê txo grêk tsơưs tâu chor chuôz zis pluôs txos yuôr muôx 13% mak lok six lax uô tâu.

Iz kror tsưr ziv lax uô txơưr thiêz zos đros chor xar nhoz Yên Bái zos tsưr ziv tênhv qơư. Hâur luôs hâux lưv no muôx ntâu kror tsưr ziv uô yiêz tâu cxaz nzir thiêz tsuv sir jos kriz uô đuô; viv li, ntâu xar tưz tsik tâu pâuz uô li chak thiêz tsik tâu qênhz yuôx, ntâuk gri tâu yênhx kror luôs hâux lưv uô. Đuô li, kriz uô cxiv tsa jêx jok yiêz lơưr bôv tsưr ziv yiêz, ntâu xar tsênhv njiz ntâu phiv liv hâur cxiv tsa sik côngv uô nox, tsaz yênhx OCOP, hlôngr đuô cơ cấu kinh têr; hợp tác xã, tôv sik côngv li huôx tôngv tsênhv kik, tsik tâu muôx sik côngv hâur sâu zuôr muôs têx hax huv…

Phiv liv li co, taz sik nhiv no cấp ủy, chinhr quyền thiêz pêx xênhv cxuô mênhx cxưx sâuv thax tsav tỉnh Yên Bái tưz thiêz tsênhv tsêx trung kriz uô cxix cxuô ntâu tsưr ziv chiê uô cov tiêr têx luôs hâux lưv tưz tso tơưv. Zơưv Lã Tuấn Hưng, Phưv Chủ tịch Ủy ban huyện Yên Bình hêik:“Iz chas hâux tsưr tsix kriz uô jông cux zuôr qênhz yuôx, ntâuk gri cov jông, tsênhz mênhx chor xar uô tiêr cxiv tsa jêx jok yiêz, jêx jok yiêz jông chiê cov taz por tâu têx tsưr ziv kriz uô co…”./.

(Đinh Tuấn-Lik Thox cxêik nhênhv)