Chiê tsênhv chêi cungz pov chir trâu tsôngv box mênhx cxưx tsơưs nênhs phuôx huiz tâu truôx jông

Iz chas têx uô tâu hâur côngz xưv yax kriê, cux tsênhv yuôr iz cxiê kror phiv liv, li: Tsôngv box tâu sơưv tsênhv chêi phênhv ntâu zos uô nênhx nhoz ntơưv têx qơư nhoz đêz, tox siêz, thax tsav cêr muk lok tsênhv đaz tuôs, txov nhêv, vax tsêr cxuô zav tsênhv muôx tsik tâu txâuk thiêz tsik tâu jông, viv li hâux lưv cungz muôz pov chir têx thâuv tsênhv kênhz, tiv zix zos thâuv muôx ntux nas chuô. Tsênhv njiêz hâur iz cxiê pov chir tsênhv tsik tâu huv đros lơưr yênhx thax tsav qơư thiêz cxuô kror hâux lưv; iz cxiê jax sâu, xor mông…tsik tâu huv đros trâu tsôngv box li jênhv pâuz thiêz siêz xar.

Bôv trưởng, Chủ nhiệm Ủy ban Mênhx cxưx Hầu A Lềnh phêiz kênhz, zoz qơưx yưv pênhr tsênhv tsênhz trâu thax tsav tsôngv box mênhx cxưx tsơưs nênhs thiêz tox siêz zos lok six ntâu, taz sik thâuv kriz uô mak cux njiz trâus tsik tsơưs têx phiv liv uô trâu hâux lưv kriz uô kênhz. Đros tsênhv chêi uô siv cungz muôz radio trâu thax tsav mênhx cxưx tsơưs nênhs tox siêz, thax tsav txov nhêv tiv zix, ntus đriv, zơưv Hầu A Lềnh hêik:

“Dự án no tâu Thủ tướng Chinhr phuv cir cuêz tênhv tso tơưv trâu shông 2017, txos shông 2018 Thủ tướng Chinhr phuv cir cuêz tênhv muôz pênhr, taz sik đhâu thâuv muôz pênhr txos hli 8/2019, Ủy ban mênhx cxưx thiêx li uô tiêr ntâuz ntơưr tsưr tsix đấu thầu, mak đhâu thâuv chấm thầu ntâuz ntơưr, tsik muôx kror qơư tưz txâuk cxuô kror chiê uô hlo. Thôngx cxix hâur ntu co, Ủy ban mênhx cxưx muôz trâu Côx hôiv tso tơưv tsaz yênhx cxuô nro huôv tsar kinh têr-xar hôiv thax tsav tsôngv box mênhx cxưx thiêz tox siêz, hâur co tưz hêik muôz paz chuôz zênhx sêiz mnôngs trâu tsôngv box mênhx cxưx tsơưs nênhs trâu dự án 10, cux xưk li têx tsênhv chêi txơưr tsik tâu kriz uô. Shông 2020-2021, Bôv Tài chính tsik muôz nhiêx pênhr chiê uô dự án uô siv no lơưv, mak pêz tsuv tok trâu Tsaz yênhx tsưr ziv têz qơưk li Cuêz tênhv choz zok pênhr nhiêx. Txos trâu nhiv no, tưz choz zok tsaz yênhx tsưr ziv têz qơưk li chor pênhr nhiêx lơưv, hâur co muôx hợp phần 10, Ủy ban Mênhx cxưx chox kriê chor cơ quan uô hâux lưv no qênhz shuôk thiêz kriz uô ciês dự án no txix chor pênhr nhiêx têz qơưk shông 2022”.

Nhiv no, ntâu qơư nhoz thax tsav tsôngv box mênhx cxưx tsơưs nênhs thiêz tox siêz tưz muôx ntâuz ntơưr chox kriê kriz uô tsênhv chêi cungz iz cxiê zav pov chir nhoz Tsaz yênhx tsưr ziv Têz qơưk huôv tsar kinh têr-xar hôiv thax tsav tsôngv box mênhx cxưx tsơưs nênhs thiêz tox siêz, ntu 2021-2030, ntu 1: Txix shông 2021-2025.

Nhiv kruôr no, Ủy ban Mênhx cxưx sik côngv đros iz cxiê bôv, ban, nganhx nhoz Trung ương đros Ủy ban têx tỉnh, thành phố tsưr tsix cơưv trực tuyến tas nro têz qơưk tso ziv chênhv trâu dự thảo Đề án “Tror uô tsênhv chêi cungz iz cxiê zav pov chir thiêz nhênhz chơưv hlôngr yiêz tsưr ziv cungz xor mông huv đros trâu thax tsav tsôngv box mênhx cxưx tsơưs nênhs thiêz tox siêz, thax tsav txov nhêv tiv zix” ntu 2023-2025. Ntơưv jiês cơưv, chor têiv plor khav tênhv: Cuêz tênhv 45/QĐ-TTg zos tsênhv chêi paz hêik pâuz lok Đảng, Têz qơưk têx cêr chêi, zos qơư chiê pox nhuôs sik cơưv shâuv, mnôngs, txêik tok pox nhuôs têx ziv chênhv chiê kho đuô, cxaz nzir, cxiv tsa tsênhv chêi trâu thax tsav tsôngv box mênhx cxưx tsơưs nênhs thiêz tox siêz.

Lơưr pos Hoàng Thị Hạnh-Thứ trưởng, Phưv Chủ nhiệm Ủy ban Mênhx cxưx, nhiv no Ủy ban mênhx cxưx tưz hêik pâuz têx hlôngr yiêz lok tsênhv njiêz, tsưr ziv cungz xor mông cov huv đros trâu yênhx thax tsav mênhx cxưx tsơưs nênhs thiêz tox siêz, thax tsav txov nhêv tiv zix. Lok tsênhv njiêz, chor pov chir tsuv khov trâu têx kror zuk chor pov chir uô cov huv đros trâu chor nênhs tâu sơưv tsênhv chêi, chiê khưx phưx tâu hâux lưv têx xor mông siz yôngx, muôx ntâu kror, lax qênhz yuôx, txo grêk tsơưs tiv zix pox nhuôs tsik nhiêv sêiz, uô tuôr xuôv têz qơưk têx nhiêx txiêx. Lok tsưr ziv cungz têx xor mông: hêik cov cxiv tsa App trang điện tử mênhx cxưx tsơưs nênhs thiêz tox siêz chiê xa têx xor mông jông txix têx pov chir txos trâu chor nênhs sêiz. Iz chas co, jax sâu, xor mông hâur chor pov chir tâu sir zôngv ứng dụng công nghệ sêiz nhênhv txix luk Tsoz tsiz thiêz iz cxiê luk mênhx cxưx tsơưs nênhs chiê cungz têx xor mông co ndar six hơưv txos trâu têx thax tsav txov nhêv, txos trâu yênhx lênhx pêx xênhv, cơ quan sêiz car thôngz đhâu têx điện thoại, mêir tính thiêz têx chuôz zênhx sêiz mnôngs txơưr đuô:

“Pêz li côngz xưv yax mông tsuv tâu sir jos kriz uô đuô, zôngx ziv đuô, sưv jê đuô, huv đros đuô trâu tsôngv box li phongx cxưx, chiê lơưr phêiz kênh. Thiêz phêiz kênh txix oz tos no mak tsuv sir jos uô cov jông đuô. Nhiv no Đaix nta đuôz Việt Nam, Đaix nta suôz Việt Nam muôx tsôngv box mênhx cxưx tsơưs nênhs kror kênh, hok yuôr pov chir in mak tsuv muôx ntâu tsưr ziv uô sik txơưr, tiv zix zos đuôz thiêz luk hêik…”

Khov trâu pov chir ntâu zav li huôv tsar, ntu zuôr txos, tsênhv chêi cungz pov chir trâu tsôngv box mênhx cxưx tsơưs nênhs tsuv sir jos uô trâu kror tsênhv tsênhz, khưx phưx qênhx shênhx pov chir kênhz tuôx txos trâu chor nênhs sêiz nhênhv, uô trâu nênhs sêiz pâuz tsik sêi txos têx xor xưv zov chênhr, lok sik tsês ntêr ntơưv qơư txêik pov chir li muôx yưv ntơưv iz cxiê qơư. Tưz tsik zos cungz têx xor mông txos trâu tsôngv box mênhx cxưx tsơưs nênhs, mak tsênhv chêi tsênhv zos paz trâu chor nênhs hâur têz qơưk thiêz ntiêx têz pâuz tâu nzir têx xor mông lok tsôngv box mênhx cxưx tsơưs nênhs cov sêi tiv zix, huv đros, huv zos tsênhv njiêz thiêz côngz xưv yax mông tâu chuôz cxaz./.

(VOV4-Lik Thox cxêik nhênhv)

POX NIÊV BẮC YÊN SIK CÔNGV TÊS HUÔV TSAR UÔ NOX

          Txix 4 shông no, chuôz zis niêv lâuk Lò Thị Mai nhoz tiểu khu Văn Ban, thị trấn Bắc Yên, huyện Bắc Yên tưz muôz chuôz zis li 1 hecta ntâu ar chiê uô qơư tu zus thiêz chos txir lưs jôngr, chos dâu tây. Têx hnuz xuz thơưx krêz uô trâur nuv, niêv lâuk chuôz zis njiz ntâu phêv liv. Taz sik, đros siêz sir jos truôx siêz chiê hla đhâu cêr pluôk ciês sâuv zuk chuôz zis li mênhv chêx ar têz, niêv lâuk tưz sir jos nriêr pâuz têx yênhx tưv lok tsêz chos, tu zus. Txix co, niêv lâuk yưv pênhr chos cxaz jâuz nox, jâuz tsư kaz lur hnuz thiêz chos pax. Zôngx ziv chos, zôngx ziv tsoz phưz, têx zav jâuz lur hnuz tưz qir chox lok phênhv sâu ngaz tul trâu chuôz zis; nhiv no phênhv sâu txix tsêz chos thiêz tu zus tax txix 110-130 tsov đeiv iz shông. Niêv lâuk Lò Thị Mai puz pâuz:

          “Cur njuôs xav zuôr krêz đar trâur nuv tsêz chos thiêz tu zus. Xar njôngr tâu chính quyênx paz txưv cxaz nôngz tsoz chos thiêz uô tsêr chiê tsêz chos”.

          Txix thâuv moz Covid-19 huôv xênhz, niêv lâuk Lò Thị Cương 2 niêv txir nhoz jos Khoa, xã Mường Khoa (Bắc Yên) li hâux lưv trâur zênhr shar ntâu, phênhv sâu tsi ngaz tul.

          Hli 4/2020, đhâu iz ntu ntêr tsês six hơưv nhênhz chơưv, nriêr pâuz, niêv lâuk 2 niêv txir cuiz tênhv zuôr 2,3 gơưv nas cok lok tu zus siv. Qir thơưx pov zôngx ziv tsoz phưz, tsi pôngz ntâu nhiêx txiêx uô qơư tu zus....niêv lâuk 2 niêv txir zuôr cxaz nas cok lok tu zus, txos nhiv no tưz muôx zuôr xar 200 tul. Niêv lâuk Cương puz pâuz, nas cok li zov nox zos têx xiv huv kôngz nuv muôx nhoz tiv phaz li: kruôr cưk, poz cưk....Têx zav nox no tsuv taz por kruôr jông, hur chiê nas cok nox tsi trâus thox plaz, no zos zav moz nas cok khênhr njiz trâus. Thâuv zus txix 6-7 luz hlik mak txơưv muôz tso tơư tâu. Đhâu co, tâu 1 đraz hlik txơưv muôz niêv nas cok tso nưs iz kro chiê sha nhuôs. Chungz fênhx iz shông nas cok sha 3 jas, iz jas txix 3-4 tul mê nhuôk. Nhuôv nas cok sha tâu 3 luz hlik txơưv muôs tâu chiê uô nôngz đros grê muôs zos 1 txos 2,5 tsov đeiv iz gơưv nas cok uô nôngz.

          “Hâur qênhx shênhx li nhiv no, cur pov hâux lưv tu zus nas cok cux huv đros, viv nas cok nox têx zav nox muôx nhoz nôngx cxênhz li poz cưk, shôngz, kok ntông...Tsi pôngz ntâu six hơưv tsoz phưz, huv đros pox niêv thiêz nênhs muôx hnuz nhôngs”.

          Niêv lâuk Mai, niêv lâuk Cương nhiv kruôr zos 2 hâur lok six ntâu lênhx hội viên pox niêv sir jos hla đhâu cêr pluôk chiê uô bluô nux. Pos Nguyễn Thị Dung, Chủ tịch Hội liên hiệp pox niêv huyện Bắc Yên puz pâuz, đros siêz xar paz têx ziv chuôz zis hội viên muôz siêz luz nênhx, muôx phênhv sâu ngaz tul, txix co khav tênhv tâu zuk li qơư sơưr, têx shôngk đhâu, Hội liên hiệp pox niêv huyện Bắc Yên tsi so hlôngr yiêz njiêz luv, tsưr ziv huôx tôngv thiêz ndaz txos tiv phaz. 5 shông tror lok no, Hội tưz jênhv paz txeik pênhr Zênhx hangx chính sách xã hôiv zuôr xar 100 tỷ đeiv trâu 2 cxênhz 200 ntâu ziv chuôz zis txeik đhâu 58 tuêv pox niêv. Têx tsưr tsix Hội cux tưz paz 200 ntâu ziv chuôz zis pox niêv hla đhâu cêr pluôk, yênhx lix 53 trâur nuv pox niêv huôv tsar kinh têr, paz 64 pox niêv huôv tsar cêr uô nox:

          “Pêz cux krêz uô thiêz têx pox niêv cux đăng cir iz cxiê trâur nuv huôv tsar kinh têr ziv chuôz zis, pir li tu zus, tsêz chos....viv li iz cxiê ziv chuôz zis cux sik côngv đros Hội nôngx mênhx têx xã, têx hội viên hội nôngx mênhx, ntâu hội viên pox niêv cux xưk li Hội nôngx mênhx tưz sik côngv thiêz muôx iz cxiê trâur nuv li chos txir lưv tsiz zâu, chos txir trâuv nhux thiêz iz cxiê trâur nuv tu zus tsiêx cxu, keiz ok chox lok chêx cuk trâu chuôz zis”.

          Cux lơưr pos Dung, ntu zuôr txos, Hội liên hiệp pox niêv huyện Bắc Yên zuôr tror vênhv tôngv, paz txưv pox niêv huôv tsar kinh têr ziv chuôz zis, kinh tế tập thể, chuv tôngv cxaz chuôz têx jênhv vưv huôv tsar kinh têr tiv phaz. Paz cán bộ hội viên pox niêv tâu txeik pênhr chiê cơưv ntơưr, uô lox tôngv xênhz yar, gôngr phênhv chuôz cxaz phênhv sâu, sir jos hla đhâu cêr pluôk, uô bluô nux; gôngr phênhv uô jông tsưr ziv têz qơưk lok fênhx zav cxênhx txir nênhx thiêz pox niêv ntu 2021-2030 mak chính phuv tưz tso tơưv./.

(Thu Thùy-Txâur Vax cxeik nhênhv)