Lớp cơưv hâur pâuk ntơưr nhoz thax tsav tox siêz

Hmo tưs cux li, thâuv txos 8 six tsâuk ntux hâur niêx hmo, chor pox niêv vir ndâuk nhoz jok Lạng Xua, xã Chiềng Ân, huyện Mường La, tỉnh Sơn La siz zâuv tuôx muôx njêx muôs cxix cxuô chiê cơưv hâur pâuk ntơưr. Lớp cơưv no muôx 50 ntâu lênhx zos têx pox niêv vir ndâuk Hmôngz, hnuz nhôngs txix 15-45 shông, tsi tâu pâuz nhênhv, pâuz sâu lok sik tưz pâuz ntơưr taz sik tsi ndo kaz têx bê ntơưr. Thâuv xuz thơưx, chor pox niêv vir ndâuk shâuv seiz, shâuv nhênhv ntơưr cov sưv, jux juk pâuz nhênhv mê njik li muôz lok uô yênhx iz lo heik..... Niêv lâul Tsu Xênhv Zax, cơưv lớp hâur pâuk ntơưr co heik pâuz:

“Tsi pâuz ntơưr phiv liv cơưk, uô đaz tsi cux tsi pâuz, chênhr viv li cur sir jos cơưv hâur pâuk ntơưr chiê pâuz nhênhv, pâuz sâu, pâuz xav têx nhiêx txiêx, pâuz tsưr ziv huôv tsar uô nox”.

Chor pox niêv vir ndâuk co muôx kênh lênhx lơưr tưz yênhx pos, niêv têik, muôx xênhz lênhx xênhz nzưr, taz sik viv ntâu qir tiv txos nhiv no thiêx tâu cơưv ntơưr. Chor pox niêv iz txưv têk tuôr co hlâu, co txuôk, khưr uô liêx têz mak nhiv no ho tâu cơưv txux chi, shâuv sâu ntơưr. Txơưv txov nhêv thiêz phiv liv, taz lênhx tưs cux sir jos, moz siêz lus cơưv hâur pâuk ntơưr cov pâuz tsưr ziv đros luôs lưv tus huôv tsar uô nox. Đhâu chor cưk kriê ntơưr moz siêz kriê têx txux chi tsưr ziv, hâur pâuk ntơưr, ntâu lênhx pox niêv vir ndâuk tưz pâuz nhênhv, pâuz sâu thiêz xav fax têx zôngx ziv. Niêv lâul Lu Xênhv Hav, nhoz jok Lạng Xua, xã Chiềng Ân, huyện Mường La heik:

“Cur tưz cơưv tâu 6 luz hlik, nhiv no cur tưz pâuz nhênhv, pâuz sâu mê njik, muk ciêz cux tsi yuô cxơưx lơưv, uô tsâus lok six ntâu têx lênhx cưk kriê”.

Lớp cơưv hâur pâuk ntơưr ntơưv xã Chiềng Ân qir cơưv txix hli 5 nhiv kruôr đhâu thiêz tâu cơưv lok zar tsâus ntux yênhx ciêz, zos 2 lênhx cưk kriê ntơưr hâur tsêr cơưv cxênhx iz thiêz cxênhx 2 xã Chiềng Ân kriê. Cưk kriê Cà Văn Dương heik:

“Chor pox niêv vir ndâuk nhoz no zos heir nênhs tsơưs, lơưr tưz puôr lênhx muôx hnuz nhôngs, tsi tâu pâuz luk Choz Tsiz ntâu viv li cơưv cux lok six phiv liv cơưk. Đhâu iz ntuk kriê thiêz cơưv, chor pox niêv co cux pâuz mê njik lơưv, lơưr pâuz sâu, pâuz nhênhv jux juk”.

Zơưv Tuôv Xênhv Shôngx, Chủ tịch Ủy ban xã Chiềng Ân, huyện Mường La, tỉnh Sơn La heik:

“Đhâu lớp cơưv hâur pâuk ntơưr cux gra siêz tâu tsôngv box txux chi tsưr ziv jênhv pâuz, txix ntơư pâuz huôv tsar uô nox uô hnar, ntâu lênhx pox niêv gâux muôv cux tưz uô lơưr tâu têx tsưr ziv yiêz hâur uô kôngz lôngk, tu zus tsiêx cxu....”./.

Nhoz ntâu thax tsav tsôngv box heir nênhs tsơưs hâur huyện Mường La, tỉnh Sơn La, chor nênhs tsi pâuz ntơưr thiêz tror tsi ndo kaz tas têx ntơưr cơưv cux tsênhv yuôr, lar heik zos têx lênhx nhoz hnuz nhôngs txix 40-50 shông ntơư. Têx lớp cơưv hâur pâuk ntơưr li no chênhr zos six hơưv jông chiê tsôngv box tox siêz tâu buôk ti têx txux chi, gra siêz tsưr ziv jênhv pâuz, paz tsôngv box muôx tsưr ziv đros luôs lưv tus siz tưr huôv tsar uô nox, cxuz cêr yeiz pluôs. Luôs hâux lưv cơưv txux chi muôx têx tsênhv zuôr njiz trâul ntâu phiv liv, taz sik txix têx lênhx nênhs cơưv li tsưr ziv, siêz xar sir jos hla đhâu têx phiv liv co, lơưr zuôr pâuz nhênhv, pâuz sâu, jux juk hlôngr yiêz tâu luz nênhx xênhz huôx./.

Thanh Thủy-Riê Lâux cxeik, nhênhv

Muôx liv txix ntơưr BHYT shux xênhz

          BHXH Việt Nam li thôngz sâu tso pov, shux xênhz cxaz chuôz BHYT shux xênhz hâur têx shông ziv hnuz ziv ngaz tul thiêz chuôz ndê. Ntâu tsêr cơưv, tiv phaz tax 100% shux xênhz cxaz chuôz BHYT. Hâux lưv no tso pov hluôk nênhs ziv hnuz ziv tsoz phưz đas jos cxix cxuô thiêz tas nro, hâur co zos hmôngr tsi jông muôx moz gênhs têx shux xênhz tâu Cuiv BHYT thêv chor nhiêx txiêx seiz njuôs thiêz kho moz lơưr phênhv tâu sơưv, muôx têx ndê txos yênhx tỷ đeiv iz shông.

          Thâuv cxaz chuôz BHYT, zos shux xênhz muk seiz njuôs thiêz kho moz trơưk tuyến zuôr tâu cuiz BHYT thêv 80% nhiêx txiêx seiz njuôs thiêz kho moz lơưr phênhv tâu sơưv. Zos seiz njuôs thiêz kho moz tsi trơưk tuyến têx shux xênhz tâu sơưv lơưr phênhv BHYT li: 40% thêv nhiêx kho moz nhoz kho moz hâur tsêr kho moz TW; 100% thêv nhiêx kho moz hâur tsêr kho moz tỉnh; 100% thêv nhiêx kho moz nhoz tsêr kho moz huyện.

          Tsênhz mênhx, chor shux xênhz cxaz chuôz BHYT tsi so chuôz ndê đhâu têx shông tso pov, têx lênhx uô niêv uô txir thiêz shux xênhz li jênhv pâuz lok BHYT li kror coaz tsôngv, ziz njiêz tưz tâu muôz siêz.

          Taz sik, tsênhv muôx iz pưv phênhv mê chor shux xênhz tsi tâu jênhv pâuz cxix cxuô lok chính sách BHYT shux xênhz li qênhx liv, ziz njiêz viv li tsi cxaz chuôz BHYT, hâux lưv no uô trâu têx mê nhuôk shux xênhz tsi tâu sơưv têx qênhx liv tsoz phưz đas jos txix chính sách BHYT. Đrâuv co, zos hmôngr tsi jông trâus têx moz hnhar, zuôr trâus ntâu nhiêx txiêx, tsi muôx ntơưr BHYT, chuôz zis cux tsuv tuiv flu đros têx phênhv nhiêx txiêx kho moz siêz, uô zênhr shar txos chuôz zis li kinh têr cux xưk li hâur ntu mê nhuôk kho moz.

Thôngz sâu txix hâur shôngk shông 2023 txos nhiv no, nênhs cxaz chuôz BHYT, hâur co muôx muôx nhos 20 tsov lênhx shux xênhz tâu sơưv ntâu chính sách yiêz, lơưr co qênhx tâu seiz njuôs thiêz kho moz BHYT tâu taz por ziv hnuz ziv jông đuô.

          Tiv zix, đrâuv hâux lưv tâu têz qơưk paz 30% phênhv gôngr BHYT shux xênhz, chiê tax 100% shux xênhz cxaz chuôz BHYT hâur shông cơưv 2022-2023, iz cxiê tỉnh, thành phố tror paz cxaz phênhv gôngr BHYT trâu shux xênhz txix tiv phaz li phênhv nhiêx txiêx, viv li chor nhiêx txiêx shux xênhz gôngr tror tâu txu grês.

          Viv li, chiê tax tâu tsưr ziv 100% shux xênhz cxaz chuôz BHYT viv zaoz zux tas nro, chiê cxuô lênhx shux xênhz puôr lênhx tâu tsoz phưz đas jos txix ciês hâur tsêr cơưv, đrâuv têx tsov cưv, chox kriê txix chính phuv, sik côngv jông hâur BHXH VN thiêz Bộ zaoz zux cux tsuv muôx tas nro xã hội sik côngv uô, coaz tsôngv đuô zos iz lênhx shux xênhz thiêz têx lênhx uô niêv uô txir li chuv tôngv cxaz chuôz BHYT./.

          Thu Thùy-Txâur Vax cxeik nhênhv