Têx lênhx cưk kriê ntơưr nhoz tox siêz Lai Châu

10 ntâu shông đrav ntêx, sơưr cêr txix Phú Thọ tuôx uô hâux lưv trâu Lai Châu, cưk kriê ntơưr Nguyễn Thị Thu Hà tsuôk xar zôngx ziv tiêk, tuôx kriê têx nhuôs zâu cơưv sênhr chêr hu gâux, heik cưr cxiêx uô si, cơưv sâu ntơưr, nhênhv ntơưr xưz. Taz sik tuôx trâu tox siêz njiz trâus lok six phiv liv, cêr muk lol bluô, qơư nhoz kriê, cơưv ntơưr đaz pêk tuôs, ndo vax tsêr, ndo mê nhuôv….

“Thâuv xuz thơưx cur nhiv kruôr tuôx Lai Châu xar tsi txos tiêk zuôr txov nhêv tas bâuv, cêr muk lol phiv liv ntơư. Shông xuz thơưx, mak cêr muk trâu tsêr cơưv cux tsi tâu uô, muk tơư iz ntuk lok six đêz thiêz buô cơưk. Thâuv ntơư chor txir tuz tsênhv nhoz đrav tsêr, lênhx nhuôv hloz  tsênhv zâu, viv li ndo tsêr, ndo mê nhuôv cơưk”.

10 shông nhoz đreiv pêv tox siêz, têx shông tov kaz no zos cưk kriê qơư cơưv cxênhx nhuôs zâu C5-C7, tsêr cơưv cxênhx nhuôs zâu jok Lang, xã ntus đriv Khổng Lào, Lai Châu, nhoz sưv jux juk cux tsi yuô ndo tsêr, hlôngr trâu co zos hluz txos têx nhuôs zâu nhoz tox siêz tsênhv yuôr ntâu txov nhêv. No zos đas jos cxơưz cưk kriê Hà ziv truôx siêz, sir jos hla đhâu phiv liv chiê uô luôs hâux lưv kriê txux chi.

“Kror uô trâu moz siêz lês uô jông hâux lưv zok muôz thiêz cux zos qênhv cur nhoz tox siêz kriê txux chi chênhr zos têx nhuôs shux xênhz nhiêv hluz ntơưv thax tsav no. Têx mê nhuôv txơưv tsênhv yuôr ntâu txov nhêv, muôx tsi txâuk cxuô zav, taz sik lơưr lok six moz siêz cơưv ntơưr, ciêz, mnôngs luk cơưk”.

Tsi tiêk zos cưk kriê Hà iz lênhs, têx lênhx cưk kriê ntơưr txơưr đuô nhoz tiêx đras cux xeir thiêz tuôx trâu thax tsav ntus đriv Lai Châu-suôv qơư tsênhv yuôr ntâu txov nhêv no uô hâux lưv kriê txux chi. Lơưr tuôx trâu thax tsav no muôx ntâu qir tiv, taz phênhv chôngz cux iz siêz nhoz uô hâux lưv trâu tox siêz viv têx nhuôs shux xênhz thiêz thax tsav txov nhêv  no. Cưk kriê Phạm Thị Yến, uô hâux lưv hâur tsêr cơưv Phổ thông Dân tộc niêv txir zus mor cxênhx iz thiêz cxênhx 2 Hua Bum, zos iz hâur têx lênhx li heik sâuv:

“Cur cux tưz kriê ntơưr nhoz Hà Nội lơưv, taz sik cur tuôx no uô hâux lưv, cur pov têx nhuôs shux xênhz muôx tsi txâuk cxuô zav. Têx nhuôs cêr xênhz huôx, nox nhoz cux tsi thôngx li tiêx đras. Cur lok six hluz têx nhuôs shux xênhz nhoz tox siêz”.

Cưk kriê Yến xênhz thiêz hloz lox nhoz thị trấn Quất Lâm, huyện Giao Thủy, tỉnh Nam Định kuz, nhiv zos tỉnh Ninh Bình. Thâuv nhiv kruôr tuôx trâu Lai Châu, cưk kriê Yến uô hâux lưv kriê txux chi nhoz thax tsav txov nhêv Nậm Ban, đhâu ntơư yêik lok trâu Hua Bum. Đros thiêz cưk kriê Yến, têx nhuôs shux xênhz nênhs Mạng, nênhs Hmôngz lok sik nênhs Cho luz nênhx txov nhêv, cêr nziv hluz  zos kror uô trâu cưk kriê Yến truôx siêz sir jos lês uô jông luôs hâux lưv kriê ntơưr nhoz thax tsav tox siêz.

“Têx nhuôs nhoz no phênhv chôngz zos heir nênhs tsơưs, lênhx nhuôv tưs chuôz zis cux txov nhêv. Tas cik chor nhuôs tuôx cơưv ntơưr, taz sik zar hnuz kêix đhâu ccơưv tas ho tsuv muk paz niêv txir uô liêx têz. Chor nhuôs cux tsi muôx six hơưv uô si lok sik cơưv txux chi li luôs lưv tus”.

Pâuz tsênhz txos têx nhuôs shux xênhz cêr txov, cưk kriê Yến đros chor cưk kriê ntơưr txơưr đuô nhoz no thâuv tưs tưz sir jos zok nriêr cxuô faz tsưr ziv paz thiêz cxơưz cxiz têx nhuôs sir jos hla đhâu phiv liv, moz siêz tuôx cơưv txux chi hâur niêx hnuz.

Xã ntus đriv Hua Bum tâu muôz 2 xã Vàng San (huyện Mường Tè) thiêz Hua Bum (huyện Nậm Nhùng kuz) lok uô cê. No zos thax tsav phênhv ntâu tsôngv box Poz Ziz, Mảng, Hmôngz, Cho thiêz Hà Nhì uô nênhx nhoz. Nhiv no tas nro xã muôs 4 tsêr cơưv, 1500 ntâu lênhx shux xênhz.

Tsêr cơưv nội trú 2 cấp nhiv kruôr tâu yưv pênhr cxiv uô yiêz trơưk Bộ Chính trị tsưr ziv paz têx xã ntus đriv cxiv uô tsêr cơưv ntơưr, zuôr zos chor cưk kriê ntơưr thiêz shux xênhz xã ntus đriv Hua Bum cêr vav, chiê siêz tok njôngr. Thâuv uô tiêr, muôz lok sir zôngv, têx lênhx cưk kriê ntơưr thiêz shux xênhz nhoz no zuôr muôx qơư kriê thiêz cơưv ntơưr jông đuô nhoz thax tsav txov nhêv. Zơưv Nguyễn Đức Hiền, Chủ tịch Ủy ban xã Hua Bum, tỉnh Lai Châu heik pâuz:

“Pêz zuôr moz siêz txos chor nhuôs shux xênhz nox nhoz hâur tsêr cơưv, cơưv txux chi niêv txir zus mor thiêz têz qơưk zus mor têx pluôk nox hâur niêx hnuz cux li cêr xênhz huôx. Sir jos qênhz yuôx thiêz yax kriê, hux jos đros chor cưk kriê ntơưr chiê gra siêz tsơưr lươngv zoz zux. Niêx hnuz, xã zuôr choz trâu têx cơ quan li: Phongx vênhx huôv tso lênhx nênhs qênhz yuôx shuôs chiê uô truôx jông luôs hâux lưv zoz zux hâur xã”.

          Têx lênhx cưk kriê ntơưr li cưk kriê Hà, cưk kriê Yến thiêz yênhx cxênhz lênhx cưk kriê txơưr đuô cux tsênhv niêx hnuz hmo sir jos moz siêz lus uô hâux lưv kriê ntâuz ntơưr nhoz tox siêz ntus đriv. Lơưr gra têx txux chi, cêr vav, chiê siêz cxơưz gra têx nhuôs nhoz thax tsav txov nhêv cov ziv hnuz ziv muôx luz nênhx jông, vav mênhx đros luôs lưv lênhx lênhx tus, lưv heir nênhs./.

Khắc Kiên-Riê Lâux cxeik, nhênhv

Xeir tsov, hêik pâuz nênhs chiê nhoz hâur Bôv Chinhr triv, Ban Bí thư khoar XIV

Hêik txos tsênhv njiêz lok côngz xưv bax, xêir tsov, hêik pâuz nênhs chiê nhoz hâur Bôv Chinhr  triv, Ban Bí thư Đảng khoar XIV, haur hêik kriz cơưv jiês tiv 14 Ban Chấp hành Trung ương Đảng khoar 13 tâu kriz cơưv têis sik 5/11 nhiv kruôr đhâu ntơưv Thủ đô Hà Nội, Tổng Bí thư Tô Lâm puz pâuz, ntơưv jiês cơưv Trung ương 13, lơưr Bôv Chinhr triv hêik pâuz, Ban Chấp hành Trung ương Đảng khoar XIII tưz biểu quyết thôngx ziv, tsêx trung siêz, hêik pâuz lênhx nênhs nhoz hâur Ban Chấp  hành Trung ương Đảng khoar XIV (Tsik tâu xav txos chor Ủy viên Bôv Chinhr triv, Ủy viên Ban Bí thư txâuk cxuô kror chiê tror uô hâux lưv thiêz têx nênhs txơưr) zos txâuk chor nênhs, ploz tsênhr, thax tsav, hâux lưv uô lơưr tsưr ziv bax nênhs trâu Đại hôiv Đảng XIV, Chêi bâux xêir hâur Đảng thiêz lơưr Tiểu Ban Nhân sự Đại hôiv Đảng XIV li Tsưr ziv huôx tôngv.

Tổng Bí thư Tô Lâm hêik tiêk, đrâuv têx ploz tsênhr xêir tsov lơưr cui tênhv li đros chor nênhs zos ủy viên Trung ương tâu hêik pâuz ntơưv Hôiv nghị Trung ương 12 thiêz 13 nhiv kruôr đhâu, hâux lưv xêir tsov hêik pâuz nênhs chiê nhoz hâur Bôv Chinhr triv, Ban Bí thư khoar XIV tsuv hêik nzir iz cxiê kror zov chênhr huv đros trâu Đảng, têz qơưk li ntu cách mạng yiêz.

Hâur qênhx shênhx ntiêx têz hlôngr yiêz ntâu, tsav txênhz phiv liv, phênhv cungz sâuv ntiêx têz tsik so txơưr txar, hâur têz qơưk tsuv kriz uô hlôngr yiêz sôr, hlôngr yiêz hur jông, hlôngr yiêz tsưr ziv tsar ndê… chiê uô tâu tsar ndê oz tuk sôr truôx đrênhk hâur ntâu shông chiê uô tâu oz tsưr ziv 100 shông mak pêz Đảng tưz tso tơưv thiêz pêx xênhv vav tok njôngr, Đảng li hâux lưv lênhx tov zos kror lok six zov chênhr. Viv li, txơưx jênhv “xêir tsov huv lênhx nênhs, huv zos hâux lưv”, tiv zix zos chor nênhs uô hâux lưv thênhv siêz, chor nênhs lênhx tov têz qơưk, zos kror zov chênhr chiê uô tâu jông têx hâux lưv, uô tâu trơưk têx tsưr ziv tso tơưv. Tsuv xêir tsov, hêik pâuz chor nênhs muôx txâuk txux chi, siêz xar jông, sir jos, txâuk cxuô kror tiv zix chiê nhoz hâur Bôv Chinhr triv, Ban Bí thư. Chor nênhs co tsuv muôx txâuk txux chi, siêz xar jông thiêz zos chor nênhs uô ntêx hlo, sir jos uô hâux lưv viv têz qơưk-mênhx cxưx, viv pêx xênhv; tsuz pâuz njiê đêz thiêz muôx txux chi chiê đơưk kho têx phiv liv, paz muôx tâu pênhr jos, cxơưz cxiz têx đas jos lok uô cê.

Zov chênhr đuô, tsuv muôx txux chi tsưr tsix kriz uô: Têx luôs hâux lưv tsênhv tsênhz, xav jênhv tâu txơưx jênhv nhoz tiz nênhs, njuôk xav txix têx hâux lưv uô tâu, paz uô cov tâu jông têx chêi, tsưr ziv tso tơưv đros kỷ luật uô hâux lưv siêz.  Hâur ntu kỷ nguyên sôr, kror tsuv muôx zos txux chi sôr thiêz njuôk xav tâu, pâuz tsênhz lok kinh têr sổ, kinh têr hur jông, kinh têr tuần hoàn, sêiz car phiv liv thiêz muôx txux chi chiê uô tâu sêiz car sik côngv nganhx-sik côngv thax tsav-sik côngv cấp.

Nênhs lênhx tov tsuv txơưx huiz tôngv pênhr jos xar hôiv, uô tâu jông coangz siv sik côngv công-tư, paz muôx siêz njênhs; uô tâu jông hôiv nhập ntiêx têz, ngoại ngữ thiêz vênhx huôv sik thav chiê kriz đar tâu huôv tsar.

Tiv zix zos sêiz tsiv gri txos tsơưr lươngv canr bôv, têx uô tâu thiêz gôngr côngv, moz siêz txos chor canr bôv muôx têx côngz trinhx, tsưr ziv, dưv anr paz tâu jông tsênhv tsênhz; muôx txux chi xưv lik têx phiv liv (ntux têz ruôr hiêv, caz moz, tài chính, ngaz tuk); truôx siêz uô taz sik pâuz mnôngs, kho đuô têx kror tsik jông, tsik zos, khov trâu pêx xênhv, viv pêx xênhv.

Nênhs tâu xêir tsov hêik pâuz zos nênhs huv đros tiv zix trâu tsưr ziv huôv tsar hâur ntu yiêz, txâuk njênhs, sir jos, paz uô tâu tsar ndê kinh têr oz tuk sôr chiê têz qơưk uô tâu 2 tsưr ziv, luôs hâux lưv 100 shông.

Tổng Bí thư Tô Lâm hêik mênhx: Iz chas têx ploz tsênhr cxuô tâu hêik pâuz hâur Đảng têx cui tênhv, hâur xêir tsov, hêik pâuz lênhx nênhs nhoz hâur Bôv Chinhr triv, Ban Bí thư khoar XIV, tsuv moz siêz txos 5 kror, co zos: Tsuv pâuz njiê đêz paz trâu têz qơưk, tuôr truôx tâu tsưr qênhx têz qơưk. Muôx txux chi lênhx tov, chỉ huy nhoz cấp têz qơưk. Txơưx lok chinhr triv, siez jông, sir jos chiê sơưr đơưk cơưv shâuv, uô trơưk. Uô tâu jông têx Nghị quyết yênhx têx hâux lưv uô tâu tsênhv tsênhz. Muôx đas jos jông chiê uô tâu cxuô kror hâux lưv hâur six cxiv XIV thiêz hâur chor six cxiv zuôr txos./.

Bích Thủy-Lik Thox cxêik nhênhv