Hêir nênhs La Chí tuôr tsês thiêz huôv tsar truôx luôs hâux lưv chos pax ntok ntâuz cxôngx nzor

          Hâur têx hnuz khưr uô kôngz lôngk tas, niêv lâuk Lý Thị Hương đros têx pos, têx niêv lâuk hâur jos Mà Phố, xã Nậm Khánh, huyện Bắc Hà, tỉnh Lào Cai ho ntok ntâuz, xơưk pax ntâuz. Cê uô, cê cơưv shâuv, niêv lâuk Hương xar njôngr hâur ntu zuôr txos no zuôr txơưx uô tas têx luôs hâux lưv li chos pax, ntok ntâuz, xơưk pax ntâuz chiê uô tâu nênhs La Chí li têx chêr tsôngs yo chax chês: “Chiê tuôr tsês tâu hâux lưv ntok ntâuz mak tsuv muôx ntâuz ntơưr sâu têx tsưr ziv uô co. Jông đuô thiêz mak tsuv tsov têx đuôz shav lok hâux lưv co tsês chiê chiê kriê txos têx cxênhx hluôk nênhs pâuz”.

          Pos Lý Thị Nề zos lênhx nênhs muôx ntâu chênhz zênhv lok nênhs La Chí li hâux lưv chos pax ntok ntâuz nhoz xã Nậm Khánh. Txơưv tưz muôx hnuz nhôngs siêz, taz sik pos lok six sei đrơưv thâuv ntok ntâuz, xơưk pax ntâuz. Pos xar njôngr zuôr kriê trâu cxênhx hluôk nênhs pâuz chiê tuôr tsês mênhx cxưx li hâux lưv uô chax chês no. Pos Nề pheiz kênh: “Cxênhx nênhs tov ntêx kriê trâu zuk lơưv mak zuk zuôr tror kriê trâu tuz nhuôk, chiê cxuô cxênhx nênhs puôr lênhx tuôr tsês tâu zuk mênhx cxưx li vênhx huôv jông no”

          Zơưv Lý Văn Tiến, tsar jos Mà Phố puz pâuz cxaz: “Tsuv yax mông chiê pox niêv vir ndâus, têx cxênhx nênhs lâuk tror tuôr tsês mênhx cxưx La Chí li tsôngs yo chax chês”.

          Nênhs La Chí nhoz Nậm Khánh muôx luz nênhx tsi xưk li têx mênhx cxưx txơưr, taz sik hâur luz nênhx vênhx huôv mak tsênhv tuôr tsês tâu jông hâux lưv chos pax ntok ntâuz. Chiê tuôr tsês, phuôx huiz cêr vênhx huôv jông co, nganhx vênhx huôv-thiv thao tỉnh Lào Cai tưz seiz shuôk, hôx phưx hâux lưv chax chês no yênhx xiv huv ju lix, chiê zaz zâuv tsôngv kruô, txix co muôz siêz phênhv sâu trâu tsôngv box tiv phaz. Zơưv Dương Tuấn Nghĩa, Tsar phongx seiz car di sản, Sở vênhx huôv thiv thao tỉnh Lào Cai puz pâuz: “Pêz nhênhz chơưv, cxiv tsa jông tsưr ziv uô hôx phưx txix đuôz shav, phim cxeix laov thiêz txix ntâuz ntơưr chiê phưx vưv trâu côngz xưv xuz thơưx zos tuôr tsês, đhâu co zos phưx vưv uô têx xiv huv phưx vưv tsôngv kruô ndis shuôk uô si”.

          Hâux lưv chos pax ntok ntâuz tsênhv tâu hêir nênhs La Chí nhoz Lào Cai tuôr tsês thiêz huôv tsar truôx. Chênhr zos li hêik ntơư, hâur ntu nhiv no, pox nhuôs tưz uô tâu têx xiv huv chiê phưx vưv chuôz zis. Đros nganhx muôx txơưx jênhv li sik côngv, njênhs njôngr hâur ntu zuôr txos no, tsôngv box nhoz no li têx tsiv grê vênhx huôv zuôr tâu chôngz lênhx ntâu tul nhoz cxuô thax tsav qơư pâuz txos./.

TTTB-Txâur Vax cxeik nhênhv

Tsuv uô li chas tuôr cov tâu tsês cxuô hêir nênhs tsơưs têx txux chi, vênhx huôv jông

Bộ vênhx huôv du lix tưz tso tơưv quyết tênhv lok cxiv tsa luôs hâux lưv tuôr tsês thiêz huôv tsar truôx cxuô hêir nênhs tsơưs têx txux chi, vênhx huôv jông cxôngx nzor txuôk đros huôv tsar du lix ntu 2021-2030. Hâur iz hêir nênhs, iz suôz sênhr cưr cxiêx, nhiêk muôx nhiêk jông txơưr tsik siz thôngx đros đrêiv hâur luz nênhx cxôngx nzor.

          Trơưk li Bộ vênhx huôv-du lix, luôs hâux lưv cxiv tsa thiêz huôv tsar truôx cxuô hêir nênhs tsơưs têx txux chi, vênhx huôv jông cxôngx nzor txuôk đros huôv tsar du lix. Txix ntơư, tưz tso tơưv cxuô faz tsưr ziv huôv tsar uô huv đros. Pos Nguyễn Thị Hải Nhung, vụ tsar vụ vênhx huôv-Bộ vênhx huôv-du lix hêik pâuz: “Viv cxuô hêir nênhs tsơưs txux chi tsik si txis, luôs hâux lưv khơưk tsês thiêz huôv tsar cxuô hêir nênhs tsơưs têx txux chi, vênhx huôv jông cxôngx nzor tsênhv njiz ntâu phiv liv. Taz sik, cux tâu hâu nov ntơưv qơư moz siêz cxơưz cxiz paz max txos, cxuô hêir nênhs tsơưs têx txux chi, vênhx huôv jông cxôngx nzor cux iz thênh jux juk uô huôv tsar tâu truôx”

          Huôv tsar truôx cxuô hêir nênhs tsơưs têx txux chi, vênhx huôv jông cxôngx nzor txuôk đros huô tsar du lix, tâu xav zos iz faz tsưr ziv jông. Viv li, cxuô hêir nênhs tsơưs têx suôz gâux, suôz sênhr cưr cxiêx cxôngx nzor cux muôx đros đrêiv luz nênhx niêx hnuz huv đros hâur ntu têz qơưs hlôngr yiêz nhiv no: “Paz trâu cxuô lênhx muôx suôz nto bê hâur côngv thôngx chiê uô ntêx nyuôk khơưk tsês thiêz huov tsar zuk hêir nênhs têx txux chi, vênhx huôv jông-txuôk đros huôv tsar du lix os iz luôs hâux lưv muôx liv trâu sđ”

          Ntơưv tỉnh tái Nguyên, hêir nênhs Cho tưz muôx chôngz lênhx ntâu tus tuz nxêik hluôk nhoz Xã Yên Ninh, huyện Phú Lương, tưz cơưv shâuv pâuz tâu zuk hêir nênhs li luk hêik đros trâu têx suôz sênhr cưr cxiêx, suôz gâux nthuôr uô cêr lov jêv. Ntơư zos hêir nênhs Cho suôz gâux Pả Dung, huv bđros hêir nênhs co li luz nênhx nhoz muk lok hâur niêx hnuz: “Cur xar cov zuk pâuz hêik zuk hêir nênhs têx suôz gâux, suôz sênhr cưr cxiêx”

“Cur cux pâuz oz pêz jax cưr cxiêx hêik lok zơưv hloz Hôx, hêik lok cxiv kho têz qơưs”

          Đros trâu cxuô lớp kriê cơưv suôz sênhr cưr cxiêx Pả Dung, zos faz tsưr ziv khơưk tsês thiêz huôv tsar truôx hêir nênhs Cho nhoz Thái Nguyên têx txux chi, vênhx huôv jông cxôngx nzor. Ntơư zos iz qơư khơưk tsês thiêz huôv tsar hêir nênhs Cho têx txux chi, vênhx huôv jông muôx đros đrêiv hâur luz nênhx niêx hnuz. Pos Phạm thị Lan Anh, Tsar phôngx vênhx huôv huyện Phú Lương, tỉnh Thái Nguyên hêik pâuz: “Thôngz đhâu cxiv tsa cxuô qơư khơưk tsês têx txux chi, vênhx huôv jông ntơư, pêz tưz tror cxiv tsa têx txux chi, vênhx huôv jông cxôngx nzor tsik chiê pôngz plox”

          Suôz sênhr cưr cxiêx Pả Dung, muôx tsiv grê lok vênhx huôv thiêz muôx liv lox hâur hêir nênhs Cho luz nênhx. Cưr cxiêx Pả Dung, muôx ntâu suôz sênhr hêik jông txơưr tsik siz thôngx. Zơưv Đặng Phúc Lương nhoz Thái Nguyên shir phaz lul hêik: “Hêir nêns Cho têx suôz gâux, suôz sênhr cưr cxiêx Pả Dung cux muôx ntâu zav jông txơưr tsik siz thôngx. Tsuôk muôx hêir nênhs Cho Quý Lâm thiêz Cho Liêz thiêx mêx njik jông iz zav”

          Hâur têx shông đhâu, tâu ngênhx vênhx huôv paz max txos, tsôngv px hêir nênhs Cho têx txux chi, vênhx huôv jông pir li suôz gâux Pả Dung, tưz tâu sâu trâu têz qơưs ntâuz ntơưr côngz jênhv zos iz zav txux chi, vênhx huôv jông./.

                                            Tsu cxêik nhênhv-VOV4