Sir jos phax tir thêir moz hâur têx tsêr cơưv niêv txir zus mor nhoz tox siêz Lào Cai

  Tsi so sox seiz, qênhz njuôk shuôs đal jos, tsơưs uô têx hâux lưv uz no saz đrâuv jôngr, chuôz tsar tso iz tus nhoz kuôk đêz iz tus zos tsưr ziv jông chor cưk kriê ntơưr thiêz shux xênhz tsêr cơưv phưv thôngz mênhx cxưx niêv txir zus mor cxênhx iz thiêz cxênhx 2 xã A Mú Sung, huyện Bát Xát, tỉnh Lào Cai fuô uô hâur six hơưv  đhâu.

Txơưv tiêk têx shux xênhz nox nhoz hâur tsêr cơưv, cơưv ntơưr tsav 50% ntâu chor shux xênhz hâur tsêr cơưv, têx nhuôs vax tsêr puôr lênhx nhoz đêz viv li thâuv moz Covid-19 hâur côngv thôngx huôv xênhz phiv liv, chor nhuôs tâu phênhz qơư nox nhoz, xênhz huôx ciês ntơưv tsêr cơưv tsi muk tsêr chiê phax txar jav moz siz cik tâu. Cưk kriê Vi Hoài Thanh, thơưx seiz car tsêr cơưv heik:

“Chor shux xênhz nox nhoz, xênhz huôx hâur tsêr cơưv thiêz shux xênhz nhoz saz đrâuv tuôx cơưv mak zuôr muôz pheiz uô 2 saz nhiêk jâuv nhiêk, kuôk cêv ciês li co hâur lớp cơưv. Txơưv tsi tâu muôx lênhx tưs trâul moz, taz sik thâuv uô têx hâux lưv uz no hâur lớp, chor cưk kriê lơưr tsi muôz chiê shux xênhz nhoz uô yênhx paz, jâuv yênhx pơưs, nhiêk jâuv nhiêk iz kro qơư cơưv xưz”.

Nhoz têx tsêr cơưv niêv txir zus mor, kuôk cêv shux xênhz li heik sâuv tsênhv uô thâuv têx nhuôs nox mor hur si thiêz, pheiz iz paz muk nox tas li txos iz paz; hok têx jâuz mor trâu shux xênhz nox cux tâu cxaz nzir ntâu đuô têx zav nox chiê paz têx nhuôs muôx đas jos phax tir thêir moz gênhk. Tsưr ziv đơưk uô thâuv muôx lênhx nênhs trâul moz Covid-19, cux tâu chor tsêr cơưv cxiv uô lok six jông. Zơưv Nguyễn Đức Vinh, thơưx seiz car tsêr cơưv phưv thôngz mênhx cxưx niêv txir zus mor cxênhx iz thiêz cxênhx 2 xã Nậm Chạc, huyện Bát Xát heik:

“Shux xênhz zos lênhx tưs trâul hnôngk, uô cuz uô no mak tsêr cơưv tưz muôx têx faz tsưr ziv uô zênhx max ciês thâuv xuz thơưx, zos chox shux xênhz mul kuôk cêv nưk nhoz nưk iz kro, đhâu ntơư li qênhz yuôx, njuôk shuôs đas jos xuz thơưx  thiêz shux xênhz tâu nhoz kuôk cêv ntơưv qơư cêv kuôk chor nênhs tâu xav tiêk trâul moz Covid-19. Kror qơư co nưk nhoz nưk iz kro tu nro, tsi nhoz jê trâu têx qơư shux xênhz nhoz thiêz cơưv ntơưr”.

Tas nro tỉnh Lào Cai nhiv no muôx 115 luz tsêr cơưv shux xênhz nox nhoz hâur tsêr cơưv, cơưv ntơưr niêv txir zus mor, zuôr xar 47 cxênhz lênhx shux xênhz. Tiv tênhx qơư muôx chôngz lênhx nênhs, hur si chor nox nhoz, xênhz huôx hâur tsêr cơưv thiêz chor nhoz saz đrâuv tuôx cơưv, têx chuôz zênhx uz no lok muôx tsi txâuk, tsênhv thâuv muôx kênh hnuz ntơưv Lào Cai muôx zuôr xar 5 cxênhz lênhx nênhs trâul moz yiêz, viv li têx tsêr cơưv tsuv bax tsưr ziv, uô huv đros têx hâux lưv kriê thiêz cơưv ntơưr reik đros trâu phax tar moz gênhk. Zơưv Nguyễn Thế Dũng, Phưv Giám đốc Sở Zoz zux tỉnh Lào Cai heik pâuz:

“Hâur ntu nhiv no, têx tsêr cơưv tâu xav tinhv zos muôx moz huôv xênhz phiv liv mak lơưr tso kriê thiêz cơưv ntơưr đhâu hâur meir hu xor tôngx, meir tính. Shux xênhz nox nhoz hâur tsêr cơưv, cơưv ntơưr mak buôk ti muk cơưv. Tsưr ziv no cux uô tâu jông chiê taz por truôx tuk trâu shux xênhz, seiz car tâu têx nhuôs shux xênhz nox nhoz, xênhz huôx hâur tsêr cơưv; iz chas ntơư, chor cưk kriê ntơưr cux kriê trâu shux xênhz cơưv li cxiê hnuz”.

Đros trâu têx sir jos taz por tâu trơưk tsưr ziv kriê thiêz cơưv ntơưr hâur shông cơưv, iz jiês no, luôs hâux kriê nzir têx txux chi trâu chor shux xênhz cơưv zuôr tas ntơưr, zuôr tơưv tsêr cơưv ntơư cux tâu têx tsêr cơưv tox siêz sir jos cxơưz tiês uô. Ngênhx zoz zux Lào Cai cux tưz uô tiêr hâux lưv qênhz shuôs chor shux xênhz txix 5-11 shông chiê bax cxax yuôx vắc xin; iz chas co, tror heik, hu zâuv têx lênhx nênhs siêz jông sik đros paz trâu tsaz yênhx “Cxơưz paz sóng thiêz meir tính trâu têx nhuôs” chiê shux xênhz muôx luz nênhx txov nhêv tâu đros luôs lưv tus cơưv ntâuz cơưv ntơưr cxix cxuô./.

(An Kiên-Riê Lâux cxeik, nhênhv)

Chuôz cxaz têx cêr jông siêz txix têx luôs hâux lưv tsênhv tsênhz hâur luz nênhx

          “Hâur chuôz zis muôx cur iz lênhx zos txir nênhx, cur muôx 3 tul nhuôv nxeik. Muôx têx thâuv tsi pâuz pheiz kênh đros lênhx tưs, pir li tsưr ziv nox hâuk...Taz sik cur pox niêv thiêz chor mê nhuôs jông siêz mak cur cux jông siêz lơưv”

          Co zos tix lâuk Nguyễn Mạnh Tuấn nhoz phường Chiềng Sinh, thành phố Sơn La li pheiz kênh. Zos lênhx txir nênhx hâur chuôz zis, tsuv cxơưx lok kinh têr, tix lâuk Tuấn thâuv tưs cux sir jos nriêr pâuz thiêz pheiz kênh cxuô luôk hâux lưv đros 4 niêv tuz hâur tsêr. Đros tix lâuk Tuấn, jông siêz tiv zix zos chuôz zis tâu nhoz uô cê, sik đros pheiz kênh cxuô phêv liv, sir jos cov chuôz zis thâuv tưs cux shir phaz, tsâu sor. Tix lâuk Nguyễn Mạnh Tuấn heik:

          “Thâuv ntêx cur yax six muk uô côngz xưv đêz, six hơưv tsês trâu mê nhuôs muôx tsi ntâu. Txos iz ntu cur pov tsuv hlôngr yiêz tênhx qơư, viv li cur 2 niêv txir cuiz tênhv nhoz tsêr muôv muôs”.

          Tâu tul txir thôngx siêz thiêz pheiz kênh cxuô luôk hâux lưv, niêv lâuk Đinh Thanh Thiện ziv muôx cxaz siêz njênhs, đas jos chiê sir jos đuô hâur luz nênhx. 2 niêv txir sik đros huôv tsar kinh têr chuôz zis, sik đros kruôz kriê tuz nhuôs yênhx nênhs jông. Niêv lâuk Thiện pheiz kênh:

          “Cur tul txir zos iz lênhx nênhs jông, thâuv tưs cux tsov cưv moz siêz thiêz paz max pox niêv, mê nhuôs, cxơưx trâu chuôz zis. Têx hnuz so ntênhs nưs cux khênhr zuôr pax, zuôr thax nduôr lok tsưr tsix hâur tsêr lok six lov jêv”.

          Tsi taz hâur yênhx ziv chuôz zis, têx siêz jông thiêz sik pheiz kênh hâur luz nênhx cux zos txox hluô paz sik côngv hâur côngv thôngx sđ. Tiv zix, hâur têx hnuz moz Covid-19 huôv xênhz phêv liv, thâuv mak nhoz thax tsav tưs cux muôx chuôz zis trâus cêv kuôk, kho moz, jêx jos li têx pheiz kênh, siz paz ho ziv tâu tso pov tsênhz mênhx đuô. Niêv lâuk Ngô Thị Anh Thư, nhoz phường Tô Hiệu, TP Sơn La puz pâuz:

          “Thâuv qir cêv kuôk, cux lok six cxơưx viv li cur bax tsi tâu tul tsi, cux njiz phêv liv. Môngr jông muôx jêx jos, fôngx zưs paz cur chuôz zis, txix zuôr têx chuôz zênhx xênhz huôx txos chuôz zênhx phax tar moz. Muôx têx thâuv paz tês jâuz, hnaz txir ntông đei ntơưv trôngx vas. Cur lok six jông siêz thiêz cux tso siêz chiê kho moz”

          Moz huôv xênhz uô zênhr shar cux uô trâu hnuz ntênhs luz nênhx jông siêz 20/3 shông no tsi tâu tsưr tsix lov jêv li niêx shông, tsi muôx têx pluôk mor nox uô cê đros cxuô lênhx nênhs hâur chuôz zis viv muôx têx lênhx nênhs tsênhv uô hâux lưv phax tar moz, lok sik tsênhv cev kuôk phax tar moz...taz sik iz lênhx nênhs, iz chuôz zis thiêz tas nro côngv thôngx tsênhv tsês têx phênhv huv trâu chuôz zis, trâu côngv thôngx, co zos cêr siz hluz, siz paz thiêz sik pheiz kênh hâur luz nênhx./.

(Lê Hạnh-Txâur Vax cxeik nhênhv)