Lào Cai: Uô jông lơưr cêv kuôk, jux juk huôv tsar njuôz, truôx đrênhk

Đhâu iz ntu ntêr uô jông bax, nus chôngz lênhx nênhs nhênhz chơưv, chor nênhs khoa học đros chôngz pêx xênhv têx ziv chênhv, Cêv kuôk cxuô thax tsav qơư du lịch Têz qơưk Sa Pa txos shông 2040 tưz tâu tso tơưv. No zos chôngz lênhx nênhs li vav tok njôngr chiê Sa Pa ntu tov ntêx no jông đuô. Zơưv Nguyễn Toán Hoán, Tôv tsar Tôv dân phố sôr 4, phường Sa Pa, thiv xar Sa Pa puz pâuz: “Sa Pa zos iz thax tsav qơư du lịch lok six nto bê nhoz tỉnh thiêz Việt Nam. Pêx xênhv vav tiêk cêv kuôk li chak cov muôx tâu truôx jông; thôngx cxix, tuôr tsês chiê têx kror cxôngx nzor, iz zav li têx liêx ntêir, hâur trôngx Fansipan… cov jông li kuz, paz trâu Sa Pa ziv hnuz ziv huôv tsar”.

Qơư du lịch Têz qơưk Sa Pa tâu cêv kuôk cxuô sâuv thax tsav đar xar muôx 70.000 héc ta, zos thax tsav đô thị đros trâu 4 thax tsav qơư thiêz têx jêx jok, đros trâu tsưr ziv kriz uô, tuôr tsês chiê, phuôx huiz têx đrox tsuôs, chiv xênhz thiêz vênhx huôv chor jêx jok cov truôx jông, cê hlôngr yiêz jông cov huv đros trâu ntiêx têz. Lơưr zơưv Tô Ngọc Liễn, Chủ tịch Ủy ban thị xar Sa Pa, đhâu cêv kuôk cxuô, Sa Pa yuôr lok six ntâu kror hâux lưv tsuv uô: “Pêz tsêx trung qênhz shuôk đuô tas nro têx đồ anr cêv kuôk tsênhz mênhx. Đồ anr tưs huv đros trâu cêv kuôk cxuô mak zuôr tror kriz uô cov huv li tsưr ziv; đồ anr tưs tsik huv đros mak zuôr muôx tsưr ziv kho đuô cov huv đros trâu tsưr ziv cêv kuôk cxuô cux xưk li cxuô thax tsav qơư. Đuô li, đros têx thax tsav qơư tsik tâu muôx cêv kuôk tsênhz mênhx pêz zuôr hêik cov cxiv tsa têx bêx ntơưr chiê cêv kuôk cov tsênhz mênhx, txix nhiv no txos kaz shông 2023 mak cêv kuôk zuôr tâu uô cov taz por”.

Đrâuv cêv kuôk cxuô Sa Pa, iz côngz trinhx lox txơưr đuô zos cêv kuôk cxuô tỉnh Lào Cai ntu 2021-2030, tsưr ziv uô txos shông 2050 cux nhiv kruôr tâu tso tơưv. Lơưr zơưv Hoàng Quốc Khánh, Phưv Chủ tịch Ủy ban tỉnh Lào Cai, khov muôx cêv kuôk jông tưz paz trâu Lào Cai zos yênhxqơư chi cax nhoz thax tsav đhâu 30 shông piz yênhx lix txix iz luz tỉnh pluôs. Viv li jênhv vưv no tsik so tâu Lào Cai tsov cưv txos xuz thơưx: “Cêv kuôk tỉnh Lào Cai muôx tsiv gri lok six zov chênhr, cê paz muôx pênhr jos, cê zaz zâuv tâu chor nênhs yưv pênhr trâu thax tsav qơư. Txix co paz trâu huôv tsar kinh têr-xar hôiv jông đuô, paz tâu jông đuô trâu côngz xưv txo grêk cêr yêiz pluôs, paz trâu Lào Cai zos yênhx qơư huôv tsar nhoz thax tsav thiêz tas nro têz qơưk”.

Cxaz chuôz ziv chênhv trâu Lào Cai hâur ntu kriz uô cêv kuôk, Bôv trưởng Bôv Tsưr ziv thiêz Yưv pênhr Nguyễn Chí Dũng – Chủ tịch Hôiv đồng thẩm định Têz qơưk hêik mênhx: “Tsuv uô cov huv đros nhoz huôv tsar kinh têr đros trâu taz por côx phax, ngaz tuk. Gra siêz luz nênhx, vênhx huôv, xar hôiv trâu tsôngv box cxuô mênhx cxưx, tiv zix zos tsiv tuôr tsês chiê, phuôx huiz têx tsiv gri vênhx huôv. Tsuv paz muôx tâu ntâu kror jông chiê huôv tsar truôx jông đuô. Tsưr ziv uô nox nhiv no tưz hlôngr yiêz lok six sêi, lok six yiêz lơưv, zos fênhx six uô lơưr tsưr ziv kuz mak zuôr tsik tâu, zuôr muôx tsik tâu têx tsiv gri yiêz”.

Lào Cai zos thax tsav qơư tiv 6 tâu Thủ tướng chinhr phuv tso tơưv cêv kuôk tỉnh. Nhiv no, thax tsav qơư no tsênhv muôx tsưr ziv uô tsênhv tsênhz cêv kuôk lơưr yênhx nganhx, yênhx kror hâux lưv. Uô ntêx, xav jênhv tsov cưv txos huôv tsar kinh têr trôngx đriv thiêz têx qơư công nghiệp; chor thax tsav du lịch zov chênhr; huôv tsar zoz thôngz. Thôngx cxix, sir jos zaz zâuv yưv pênhr, tas nro zos paz trâu Lào Cai zos yênhx qơư huôv tsar, zos tsênhv qơư txuôk đros nhoz Việt Nam thiêz têx têz qơưk ASEAN đros thax tsav Tây Nam-Trung Quốc./.              

An Kiên-Lik Thox cxêik nhênhv