Tsuv uô truôx jông luôs hâux lưv tir thêir txo grêk tsơưs têx trâus ntux têz uô ruôr hiêv nhoz faz Bắc

5 lênhx nênhs zos chor nênhs sik cxênhz jê zos pos thiêz chor nhuôs xênh nzưr trâus đêx cuôr yôngz thâuv fuôx trâus nzênhr sâuv tuk đêx Chảy; 3 hnuz tov kaz, lưx lươngv muôx vax huôv thiêz li zok nriêr tâu tas nro 5 lênhx nênhs co. No zos kror pôngz siêz lox nhoz tỉnh Lào Cai viv muôx ntux lok nas lox tiv phiv liv txix coz chuô sôr 2 nhiv kruôr no. Kror tsuv hêik, luz fuôx trâus nzênhr no tsik zos fuôx chiê thâux xa kruô; sâuv fuôx cux tsik muôx têx yo hnar muk hâur đêx. Lơưr zơưv Hoàng Văn Dương, Chủ tịch Ủy ban huyện Si Ma Cai, tỉnh Lào Cai, txuz txiêz nanv no muôx yưv zos iz jiês thiêz paz trâu chinhr quyền thiêz pêx xênhv pâuz tsuv uô jông phax uô ntêx, cux li muôx têx tsưr ziv chiê tir tar ntux têz ruôr hiêv: “Lơưr cur muôx oz pêz kror tsuv uô, iz zos tsuv tror yax kriê thiêz tsik so hêik trâu pêx xênhv pâuz uô jông sêiz shuôk thâuv muk hla đhâu têx ntu sâuv tuk đêx Chảy. Oz zos txơưv zos pêx xênhv chor fuôx muk uô nox xưz lok chinhr quyền cux tsuv sêiz car; muk ntêr mak tsuv kruôz kriê trâu lơưr pâuz cov muôx tâu tsưr ziv thiêz txux chi lok tsar fuôx gox muk lok sâuv têx đêx, thâuv ntêx txos nhiv no mak tsuôk zos tsov cưv txos chor fuôx gox thâux xa kruô xưz”.

Ntơưv tỉnh Yên Bái, phiv liv txix coz chuôz sôr 2 cux uô muôx yưv chor coz nas chuô lox ntơưv cxuô thax tsav qơư hâur tỉnh. Taz sik, trâus hiêv cux tsik ntâu luôx tưs. Lơưr thôngz sâu, tas nro tỉnh tsuôk muôx 4 luz tsêr nhoz xar Xà Hồ, huyện Trạm Tấu trâus puôk tsuôx zâu tiv têx ar poz jêz nhoz saz kâuv tsêr poz lok trâus tsêr; 8 héc ta blêx, poz cưk thiêz cuêv fix trâus hiêv; muôx ar poz zâuv sâuv iz cxiê ntu cêr zoz thôngz…njuôk xav têx trâus hiêv tas muôx nhos 110 triệu đêiv.

Zơưv Trần Anh Văn, Phưv chi cục trưởng Chi cục Đêx liv tỉnh Yên Bái puz pâuz: thax tsav qơư li kror tsov cưv txos xuz thơưx hâur côngz xưv phax tar ntux têz ruôr hiêv zos uô jông côngz xưv thôngz mông yax kriê txix ciês thâuv hêik pâuz. Thâuv ntêx no, hâux lưv no tâu uô txix luk hêik, lok sik đhâu têx chuôz zênhx xa mông li pov chir, loa đaix… Txix 2-3 shông lok no, thâuv pov tâu tso tơưv têx xor mông hêik pâuz no sâuv chor mạng xar hôiv taz por tâu sêiz đuô, ndar six hơưv đuô, taz viv tưz kriz uô hêik pâuz xor mông sâuv mạng, chiê paz hêik txos trâu pêx xênhv pâuz cov sêiz tiv zix. Lơưr njuôk xav, iz kror xor mông tsuôk muôx txos 300 lênhx nênhs sêiz, mak đhâu co zuôr paz muôz têx xor mông co xa txos trâu yênhx châuv cxênhz lênhx nênhs txơưr đuô đros pâuz txos… Đhâu co, paz trâu pêx xênhv jênhv pâuz tâu kror qơư zuk uô nênhx nhoz puôk zuôr trâus phiv liv txos lok tsik trâus chiê muôx tâu têx tsưr ziv phax tir tar: “Thâuv txêik tâu Ban chox kriê phax tar ntux têz ruôr hiêv li têx xor mông hêik pâuz lok ntux yar ntux nas li txơưr txar mak đhâu ciês co huyện, xar tưz pâuz tâu đhâu zalo chiê hêik tas nro têx xor mông co txos trâu xar, jêx jok pâuz. Thôngx cxix, cux zos hêik thiêz xa ciês têx kror trâus hiêv ntơưv têx jêx jok, xar muk trâu huyện, tỉnh pâuz txos…” 

Ntơưv tỉnh Sơn La, hlôngr yiêz đô thị sêi cux tsênhv uô phiv liv tsik tsơưs txos trâu pêx xênhv luz nênhx thâuv muôx ntux nas lox. Ciês ntơưv thành phố Sơn La, têx shông jê lok no, thâuv muôx yưv đêx ngaz cuôr ntơưv ntâu kror qơư; muôx têx qơư đêx ngaz toz txos đuôr lênhx nênhs, uô trâu cêr muk lok tsik tâu, lưx lươngv muôx vax huôv uô hâux lưv chơưv paz cux njiz trâus ntâu phiv liv… Phưv Chủ  tịch Ủy ban thành phố Sơn La-zơưv Nguyễn Thế Phương puz pâuz, khov bax uô jông “phax”, viv li chor coz ntux nas lox jê lok no, xav ciês ntux lok nas ntêr hnuz tiv phiv liv txix coz chuô sôr 2, qênhx shênhx đêx ngaz tưz tsik muôx yưv ntâu lơưv: “Qơư tso đêx ntưk trâu hâur têx kror tso đêx ntâu ziv chuôz zis hêik tiêk tsư hênhr viv li tưz muôz têx qơư co lo cov ntov. Pêz tưz yax kriê tsik chiê pêx xênhv lo, vor têx qơư no. Zuôr txos no, thành phố kho đuô đô thị cux zuôr kho đuô chor qơư tso đêx ntưk muk hâur têx kror tso đêx no; cov đêx nas tsik ntưk ntâu trâu sâuv plas cêr, chiê chor đêx ntưk trâu hâur têx kror tso đêx cov truôx tuk”. 

Ntux têz ruôr hiêv nhoz thax tsav tox siêz Tây Bắc tsik so txơưr txar phiv liv. Chinhr viv li, cxuô cấp chinhr quyền thiêz yênhx lênhx pêx xênhv tsuv bax uô cov jông thiêz tsik cxoz tso siêz; cux xưk li bax phax tar tâu jông zos kror lok six zov chênhr. Zos uô tâu jông têx kror no mak zuôr paz txo grêk tsơưs tâu têx phiv liv tsik jông tiv ntux nas chuô, đêx ngaz cuôr uô ruôr hiêv txos./.

(Thu Thùy-Lik Thox cxêik nhênhv)

Sơn La chuôz tsar cxax yuôx vắc xin phax moz Covid-19

Xav txos hnuz 17/8, lênhx nênhs txix 18 shông ndê muk nhoz Sơn La tâu cxax côngz tiv 4 nhiv kruôr tax 65% ntâu; mê nhuôk txix 12 txos tsi tâu nto 18 shông cxax côngz tiv 3 zos 43% ntâu; mê nhuôk txix 5 txos 11 shông cxax côngz tiv 2 zos 58% ntâu. Li ntơưv, lênhx nênhs tsênhv zuôr trâus cxax yuôx nhoz tas nro têx hov hnuz nhôngs tsênhv siêz. Tiv ntâu qir tiv, têx tiv phaz nhoz Sơn La tsênhv njiz ntâu phêv liv thâuv cxax yuôx phax moz. Zơưv Quàng Văn Châu, Giám đốc Tsênhv qơư y tế huyện Thuận Châu, tỉnh Sơn La puz pâuz: “Phêv liv tiv zix đros huyện zos cxênhx nênhs txix 18 shông ndê muk nhoz thax tsav 1,2 phênhv ntâu muk uô nox đêz. Thôngz sâu muôx 15 cxênhz ntâu lênhx nênhs tsi muôx nhoz tiv phaz, lok six lax chiê tax tâu tsưr ziv cxax yuôx. Tiv 2 zos iz cxiê pưv phênhv tsôngv box muôx siêz xar tiêk tưz cxax côngz tiv 2, tiv 3 lơưv tsi xar cxax côngz tiv 4 thiêz. Đrâuv co, cán bộ y tế tsênhv njiz ntâu phêv liv hâur hâux lưv tsưr tsix cxax yuôx, li tsi muôx txâuk meir tính, meir trâus liêv ntâu, cxix luôk mạng nhoz têx xã tox siêz tsơưs... hâux lưv yưr lir dữ liệu txix phần mềm tsênhv kênhz” 

          Khưx phưx têx tsi tâu nhoz tỉnh tox siêz, Sơn La tsênhv krêz uô uô cê ntâu tsưr ziv, sir jos uô tiêr tsưr ziv cxax côngz tiv 3 tas trâu lênhx nênhs txix 18 shông ndê muk uô ntêx hnuz 30/8. Nhiv no nganhx y tế tsênhv đros têx huyện, thành phố krêz uô uô cê hâux lưv cxã yuôx sâuv tas nro tỉnh. Pos Đàm Thị Chuấn, giám đốc Tsênhv qơư y tế huyện Quỳnh Nhai, tỉnh Sơn La puz pâuz: “Pêz tror heik trâu UB huyện chox kriê trạm ytế, côngv đros têx ban, nganhx seiz car lênhx nênhs tưz cxax txâuk têx côngz chiê tror cxax cxaz côngz tiv 4...Tiv zix tsov cưv txos lênhx nênhs muk uô hâux lưv đêz chiê lơưr lok cxax yuôx thiêz têx lênhx nênhs muôx moz gênhs, nênhs lâuk chiê muk cxax ciês ntơưv tsêr, jêx jos”

          Tsi taz lưx lươngv y tế, ntơưv têx qơư cxax yuôx tsênhv muôx ntâu nganhx, đoanx thêv, txix hluôk nênhs, hội pox niêv, cán bộ, cưk kriê...poz têx hâux lưv tos, yax mông, muôz ntơưr, sâu xor mông...Cưk kriê Nguyễn Thị Thanh Tuyền, tsêr cơưv cxênhx 1 thiêz cxênhz 2 Bon Phặng, huyện Thuận Châu, tỉnh Sơn La pheiz kênh: “Pêz pov têx cán bộ qơư y tế lok six khưr, thâuv pêz paz max tsôngv box tuôx cxax yuôx mak tsi zuôr tos ntêr, têx hâux lưv tâu uô sei đuô”

          Đros hâux lưv “muk txos yênhx qơư nhoz, yênhx ziv chuôz zis, qênhz yuôx yênhx lênhx nênhs” côngv đros yax mông lok hâux lưv cxax txâuk yuôx phax moz thiêz tror cxax nzir côngz tiv 4 li liv zix. Nganhx y tế Sơn La cux tưz chox kriê têx qơư y tế chuôz tsar têx qơư cxax yuôx ntơưv tsêr cơưv ntơưr, tsêr meir, qơư công nghiệp, qơư tsôngv box nhoz uô nênhx, tsêr vênhx huôv tuêv, jêx jos... Thôngx cxix, tsưr tsix têx đoanx qênhz yuôx, seiz car côngz xưv cxax yuôx ntơưv têx tiv phaz krêz uô kênhz.

          Lơưr thôngz sâu, nhiv no Sơn La tsênhv muôx yênhx châuv lênhx nênhs trâus moz Covid-19 hâur iz hnuz. Hâux lưv cxax cxaz têx côngz txơưr zos tsưr ziv jông tiv zix chiê phax tar thiêz txu grês moz siz cik. Viv li, iz lênhx tsôngv box tsuv muôz siêz siêz xar, txơưx jênhv hâur hâux lưv cxax yuôx phax moz Covid-19, por vêv zuk, chuôz zis thiêz côngv thôngx li đas jos./.

(Lê Hạnh-Txâur Vax cxeik nhênhv)