Hlôngr yiêz sâuv thax tsav qơư tir ntâuk tros châuz đrav ntêx nhoz Cổ Văn

Hmo xiêz 9/5/1945, sâuv trôngz ndeik tox Cổ Văn, xã Mường Lai, Huyện Lục Yên, tỉnh Yên Bái, tuêv du kích Cổ Văn tâu yênhx lix. Tâu tsôngv box thôngx ziv, tuêv du kích tsi so muôx chôngz lênhx nênhs cxaz chuôz tuêv sơưr chiê tir ntâuk tros châuz.

          Hnuz xiêz 4/7/1945, Tuêv du kích jênhv tâu lênhv sơưr cêr muk tir ntâuk tros nhoz Lục Yên thiêz txos hnuz xiêz 8/7, Lục Yên tâu tiêx tul. Đhâu co UB kháng chiến Lục Yên tâu yênhx lix chiê tror lênhs tov phongz yaox cơưx mênhv nhoz tiv phaz.

          Tuêv du kích Cổ Văn đhâu co sik côngv đros tuz lênhv cxaz chuôz ntâu jiês sơưr tơưv txênhz tir ntâuk tros châuz, hâur co muôx jiês tsav txênhz Điện Biên Phuv- jiês tsav txênhz tâu zênhx liv, tas nro ntiêx têz pâuz thiêz kruôk txos.

          Txix thax tsav qơư muôx lix xưv tsav txênhz tir ntâuk tros châuz Pháp thiêz đế quốc Nhật thâuv ntêx, nhiv no, Mường Lai tưz huôv tsar yênhx iz qơư chi cax lul hâur huôv tsar Kinh tế- xã hôiv, txu yeiz cxuôv pluôs, zos qơư chiê zaoz zux cêr chax chês nhiêv têz nhiêv qơư trâu cxênhx hluôk nênhs thiêz tuz nhuôk tov kaz no. Tul mê nhuôk Nông Thúy Niềm, đoàn viên hluôk nênhs xã Mường Lai, huyện Lục Yên puz pâuz: "Txix ciês thâuv tsênhv zâu cur tưz tâu mnôngs cxênhx pos zơưs, niêv txir piêr lok têx zênhz shôngx li têx côngz tir ntâuk tros châuz, tiv zix zos tuêv du kích Cổ Văn. Đros thiêz cur, têx lênhx zênhz shôngx tsi pâuz nyei, iz siêz sir tas đas jos trox nya tir ntâuk tros châuz chiê têz qơưk tâu tiêx tul thâuv tưs cux nhoz trơưr hâur cur siêz tsi plox. Viv li, txơưv muk hor tưs cur cux ndo njôngr zuk têz qơưk li cêr chax chês cơưx mênhv".

          Đros cxênhx pos zơưs li cêr chax chês zênhz shôngx, sir tas đas jos trox nya viv têz qơưk li tiêx tul, nhiv no têx cxênhx nênhs nhoz Cổ Văn cux truôx siêz sir jos huôv tsar cêr uô nox, cxuôv yeiz thiv pluôs. Txix co ntâu trâur nuv huôv tsar uô nox hâur xã tâu yênhx lix li: qơư tsiv uô thưx chiz, qơư cơư ntông, qơư txâuk uô têx poz jêz jông gâux...Trâur nuv Tuêv sik hux jos hiêz shôngz zos niêv lâuk Linh Thị Hoa, nhoz jos 4, xã Mường Lai uô tsưr zos iz qơư jông lok huôv tsar cêr uô nox. Tsi taz gôngr phênhv hôx phưx hâux lưv uô chax chês mak tsênhv chox lok phênhv sâu ngaz tul trâu têx lênhx nênhs lox tôngv muôx hnuz nhôngs siêz nhoz no: "Hâux lưv lok six huv đros pox niêv muôx hnuz nhôngs siêz viv nhoz nôngx cxênhz uô tsi tâu tul tsi, tsi muôx công ty mak uô tsi tâu hâux lưv tul tsi. Viv li uô cxaz hâux lưv no cov muôx tâu phênhv sâu ngaz tul"

          Bí thư Đảng ủy xã Triệu Văn Huấn puz pâuz: Đhâu iz đraz six cxiv uô Nghị quyết Đại hội Đảng bộ xã jiês tiv 22, six cxiv 2020-2025, txos nhiv no, xã tưz muôx 13/23 ploz tsênhr tax tâu thiêz hla đhâu tsưr ziv tso tơưv. Hâur co, muôx ntâu ploz tsênhr lok six coaz tsôngv li: tas nro chor kôngz krâur muôx njiêr tax 110 phênhv puô, mênhv chêx ntông nox txir tax 135 phênhv puô; chor ziv chuôz zis tâu zôngv đêx xênhz huôx huv vêv xênhz tax 96 phênhv puô, chuôz ndê 6 phênhv puô ntâu pir đros Nghị quyết....Têx ploz tsênhr tsênhv yuôr puôr lênhx njuôs xav zuôr uô tiêr hâur six cxiv no. Chor ziv chuôz zis pluôs nhiv no tsuôk yuôr 22 phênhv puô ntâu. Lok cxiv tsa nôngx cxênhz yiêz, cux uô tiêr 10/19 ploz tsênhr thiêz truôx siêz uô tiêr hâur shông 2024: "Xã chuôz tsar cxiv tsa, muôz siêz cấp ủy Đảng li pưs txux lênhs tov thiêz phuôx huiz cán bộ, đảng viên li pưs txux uô ntêx nyuôk hâur uô jênhv vưv huôv tsar KTXH tiv phaz. Cxiv tsa chor cán bộ iz siêz viv tsôngv box li luz nênhx shir phaz. Tuôr truôx, phuôx huiz vênhx huôv mênhx cxưx jông thiêz muôz siêz tsơưr lươngv tsưr tsix têx ntênhs phêv chax chês jông reik đros huôv tsar uô ju lix. Tsov cưv cxoz cxơux luz nênhx chinhz yênhx trâu tsôngv box".

          Xã Mường Lai, huyện Lục Yên, tỉnh Yên Bái- Tuêv du kích Cổ Văn li têz qơưk thâuv ntêx, nhiv no tưz hlôngr yiêz jông. Hâux lưv co tso pov tsênhz mênhx đhâu tsôngv box, cán bộ đangv viên li têx siêz xar, tsưr ziv uô tâu hlôngr yiêz; têx luz tsêr tâu cxiv uô jông, xã li đras liêx thâuv tưs cux chos 2 chiv. No zos têx chiê xã Mường Lai ndar txos tsưr ziv uô tiêr hâux lưv cxiv tsa nôngx cxênhz yiêz lok shông 2024 thiêz uô tiêr Nghị quyết đại hội đảng bộ xã six cxiv 2020-2025 li tas nro têx tsưr ziv tso tơưv./.

Thừa Xuân-Txâur Vax cxeik nhênhv

Qơư chi cax lok “Chuôz xênhv sêiz car” ntơưv Lạng Sơn

Nhoz xar Hữu Kiên, huyện Chi Lăng, tỉnh Lạng Sơn, chuôz xênhv Nguyễn Văn muôx 40 ziv chuôz zis đros muôx 100 ntâu lênhx nênhs. No zos iz hâur chor chuôz xênhv tsik so sir jos cxaz chuôz côngz xưv tuôr truôx ngaz tuk jêx jok; muôx têx chêi hâur jêx jok sir jos yax kriê cêr chêi têz qơưk, hêik chor nênhs hâur chuôz xênhv uô truôx jông lơưr Đảng, Têz qơưk têx cêr chêi… đros tsưr ziv “Chuôz xênhv chiv chir sêiz car”. Zơưv Nguyễn Văn Vít, nênhs sơưr thơưx chuôz xênhv Nguyễn Văn hêik tiêk: Tsưr ziv no paz tuôr tsês chiê, phuôx huiz tsiv gri cxôngx nzor jông nhoz chuôz zis nênhs Việt. Thiêz kror zov chênhr tiv zix zos tso tsês têx phongx cxưx pôngz kaz, kriz uô luz nênhx vênhx huôv jông: “Thâuv kriz uô “Chuôz xênhv chiv chir sêiz car” mak sik côngv siêz nhoz cxuô lênhx nênhs hâur chuôz xênhv tâu uô jông đuô. Zos hâur jok, hâur chuôz xênhv muôx hâux lưv đaz tsi mak nênhs sơưr thơưx chuôz xênhv zuôr zos nênhs đơưk tu uô ntêx, zuôr hu chor chuôz zis muôx ndâux luk co tuôx chiê hêik, đơưk tu cov suôv câuv ciês, tsik thav muôx chinhr quyền tuôx paz đơưk tu. Iz zav li shông 2021 muôx oz ziv chuôz zis siz txênhz hâur đêx. Chuôz xênhv hu tas nro sơưr đơưk thiêz chor nênhs hnuz nhôngs siêz tuôx sêiz shuôk, hêik kriê tos tưs uô zuôv, tos tưs uô zos mak cux paz đơưk tu tâu kror hâux lưv no trâu cxuô tos”.

Uô truôx jông tsưr ziv “Chuôz xênhv chiv chir sêiz car” cux paz muôx hlôngr yiêz jông lok canr bôv thiêz pêx xênhv li jênhv pâuz, huôx tôngv hâur côngz xưv tuôr truôx ngaz tuk ntơưv thax tsav; đhâu co paz taz por ngaz tuk xar hôiv, tuôr truôx ngaz tuk lok chinhr triv; phưx vưv huôv tsar kinh têr xar hôiv ntơưv thax tsav qơư. Zơưv Nguyễn Văn Tin, Chủ tịch Ủy ban xar Hữu Kiên, huyện Chi Lăng hêik: “Chuôz xênhv no lok sik chuôz xênhv txơưr puôr lênhx siz hêik cov sik thôngx siêz, sik đros uô nênhx nhoz thiêz uô nox, paz trâu hâux lưv por vêv ngaz tuk Têz qơưk sâuv thax tsav lok six jông, pêz ntâuk gri lok six siêz tsưr ziv no. Thâuv ntêx ntơưv xar cux muôx yưv ntâu txuz hâux lưv xưk li sik txênhz ar têz, tuz saz tuz nhiês… taz sik thâuv chuôz xênhv chiv chir sêiz car tâu kriz uô huv zos lơưr cui tênhv tso tơưv tưz paz uô tâu jông hâux lưv taz por ngaz tuk hâur jêx jok, txo grêk têx phiv liv trâu Công an chính quy”.

Tsưr ziv “Chuôz xênhv chiv chir sêiz car”  nhoz xar Hữu Kiên hêik taz thiêz huyện Chi Lăng hêik cxuô tưz paz uô tâu tas nro pêx xênhv tuôr truôx ngaz tuk thiêz sik côngv siêz hâur côngv thôngx qơư pêx xênhv nhoz; cxiv tsa, tuôr tsês chiê têx kror jông hâur chuôz xênhv, taz por truôx tuk hâur yênhx jêx jok. Trung tá Nguyễn Ngọc Toản, Phưv Trưởng Công an huyện Chi Lăng ntâuk gri: “Tsưr ziv “Chuôz xênhv chiv chir sêiz car” nhoz Chi Lăng tưz paz yax kriê piêr pâuz cêr chêi têz qơưk, pêx xênhv sơưr đơưk sir jos cxaz chuôz phongz yaox. Đhâu co tưz muôx ntâu xor mông jông paz trâu lưx lươngv công an, paz uô tâu truôx jông ngaz tuk. Chor nênhs fêv, txiêz nanv tâu txo grêk tsơưs, paz trâu huôv tsar kinh têr-xar hôiv ntơưv thax tsav qơư, tâu cấp ủy, chinhr quyền ntơưv thax tsav qơư thiêz pêx xênhv sơưr đơưk ntâuk gri siêz”.

Muôx Công an cxuô cấp thiêz chinhr quyền thax tsav qơư li têx sir jos hâur côngz xưv yax kriê đros muôx chor chuôz xênhv thôngx ziv đros sir jos uô, tsưr ziv “Chuôz xênhv chiv chir sêiz car” tsênhv tror tâu sir jos kriz uô. Tsưr ziv no tưz tsik zos paz tuôr truôx tâu ngaz tuk trâu têx jêx jok mak tsênhv paz lok six lok trâu côngz xưv huôv tsar kinh têr-xar hôiv ntơưv cxuô thax tsav qơư nhoz Lạng Sơn./.

TTĐB-Lik Thox cxêik nhênhv