Chêix dâu tây nhoz Sơn La

Tsoz dâu tây tâu chox lok chos ntơưv jok Tân Quế, Xuân Quế, Nong Quỳnh, tiểu khu Huổi Dương… thax tsav Tân Thảo, xar Cò Nòi, huyện Mai Sơn txix ntâu shông lok no. Dâu tây tâu chos sâuv têx ar têz lox đar iz ndis têx vax tsêr, hlôngr trâu têx poz cưk, kuôr njuôk thiêz kok ntông thâuv ntêx no.

Chor hnuz xuz thơưx chos siv, pox nhuôs Tân Thảo tsik xar tiêk dâu tây ho huv đros trâu thax tsav ar ntơưv no li co. Đêx ar thiêz qiv hơưv nhoz ntơưv no tưz paz trâu chor dâu tây huôv tsar jông, txir siêz mak kaz jiz, muôx ntâu cuô, jông gâux, tâu chôngz nênhs nhiêv zuôr. Têx txir dâu tây tâu muôs trâu ntâu thax tsav qơư hâur tas nro têz qơưk, tâu muôs ntơưv têx siêu thị lox nhoz Hà Nội. Zav tsoz chos no tsênhv paz muôx tâu kinh têr jux juk đhâu yênhx chêi txi txir. Tix lâus Lê Trung Toàn, jok Nong Quỳnh, xar Cò Nòi hêik: “Pir li têx tsoz chos txơưr mak tsiv gri txir dâu tây lok six siêz. Iz zav li 1.000 thiêr ndis chos poz cưk, kok ntông tsuôk sâu tâu 4 txos 5 triệu đêiv xưz, taz sik chos dâu tây mak sâu tâu muôx 50 triệu đêiv, siêz đuô 10 jiês. Cur chuôz zis nhiv no tsênhv chos iz héc ta dâu tây, sau tâu muôx 15 tấn iz héc ta. Iz shông sâu tâu muôx 1 tiv đêiv ntâu iz héc ta”.

Chiv dâu tây tâu chos trâu thâuv hli 10 zax lix yênhx shông; piz sâu đê tâu txir txix kaz hli 12 shông uô ntêx txos iz đraz hlik hli 4 shông tov kaz. Taz sik txix hli 1 txos hli 3 zos six hơưv txir kaz jiz thiêz tsơưr lươngv siêz tiv zix. Tưz tsik zos muôs txir nhiv kruôr đê tâu, iz cxiê chuôz zis, HTX sâuv thax tsav tsênhv yưv pênhr uô txir dâu tây zos yênhx ntâu zav hax huv.

Zơưv Nguyễn Văn Nam, Giám đốc HTX dâu tây Xuân Quế, xar Cò Nòi, huyện Mai Sơn puz pâuz: “Pêz tưz cxiv uô qơư txiêk chiê tsês chiê chor txir dâu tây, uô yênhx siro dâu tây, chơưr dâu tây, dâu tây kra kruôr muôs. Thiêz shông no HTX tưz muôs trâu ciêz đrôngs xar muôx 300 tấn dâu tây tsês txiêk chiê phưx vưv trâu sinh tố ntơưv ntus đêx hiêr”.

Nhiv no, sâuv thax tsav xar Cò Nòi muôx 70 ntâu héc ta chos dâu tây, hâur co tsêx trung ntơưv thax tsav Tân Thảo xar muôx 50 héc ta. Lơưr zơưv Phạm Bá Tính, Chủ tịch Ủy ban xã Cò Nòi, huyện Mai Sơn, iz héc ta dâu tây sâu tâu muôx 10-15 tấn txir iz chiv, đros gri muôs txix 100-200 cxênhz đêiv iz cir. Xav luz đraz, iz héc ta dâu tây xav tas cxuô kror sâu tâu liv txix 400-500 triệu đêiv iz chiv, paz muôx tâu phênhv sâu siêz trâu pêx xênhv. Muôx tâu têx shir phaz li co zos pâuz uô jông cêv kuôk thiêz sir zôngv têx tsưr ziv, kỹ thuật huv đros hâur chor thiêz tu têx dâu tây: “Dâu tây ntơưv Cò Nòi mak tâu chos jông lơưr tsưr ziv VietGAP, chos têx zav nôngz txix Hàn Quốc, Nhật Bản. Pêz tưz cêv kuôk têx thax tsav tsêx trung ntơưv Tân Thảo, taz por huv đros thax tsav, tsưr ziv uô, cxơưz cxiz chor HTX sik côngv uô cov huv zos lơưr têx tsưr ziv tưz cir jênhv đros chor nênhs sâu zuôr. Cxơưz cxiz sir jos uô cov jông, tsơưr lượng siêz, tsiv gri hax huv, uô chak cov ntu zuôr txos, cxiv tsa tâu côngz bê trâu chor dâu tây Mai Sơn, Sơn La”.

Tưz tsik zos paz muôx tâu têx chêi txir kaz jiz trâu pox nhuôs, yênhx jiês txir dâu tây siêr liêz sâuv têx ar têz tsênhv zos qơư zaz zâuv tsôngv kruô tuôx ndis shuôk, uô si, đêx têx txir thiêz cxêik têx đuô jông gâux tsês tâu sêiz. No zos qơư jông jav trâu tsôngv kruô nhoz đêz jê tuôx ndis shuôk, uô si thâuv tuôx trâu Sơn La hâur chêix ntux yiêz no./.

(Lê Hạnh-Lik Thox cxêik nhênhv)