Trâur nuv chos txir thênhx caz zâu tsi yênhx côngz, lênhx tưs muôx txơưx jênhv lok luôs hâux lưv no?

Hli 5/2016, thâuv cán bộ xã tuôx yax mông, vênhv tôngv cxaz chuôz trâur nuv txir thênhx caz zâu lok zos txir quýt chum, chuôz zis zơưv Vũ Văn Lương nhoz jos Lò Suối Tủng, xã San Thàng, TP Lai Châu tưz hlôngr zuôr xar 7 cxênhz yiv ndis ar chos kuôr njuôk chiê chos txir thênhx caz zâu. Tâu paz txưv nôngz tsoz chos, qir zuôv, zơưv chuôz zis tưz yưv pênhr muox 10 tsov đeiv ntâu chiê tiêr meir zơưv ar khơưz kror thiêz gôngr côngz chos, tsoz phưz. Taz sik, đhâu 2,3 shông chos, tsoz txir thênhx caz tsi huôv tsar, viv li chuôz zis tsuv ruôr por tsês chiê hlôngr chos tsoz chos txơưr. Zơưv Vũ Văn Lương heik: “Txir thênhx caz yưv pênhr trâu pox nhuôs, dự án muôz tsoz chos, qir zuôv, chuôz zis chiv chir chos. Cur chuôz zis chos muôx nhos 7-8 cxênhz yiv ndis. Thâuv chos, tsoz phưz mak cux xưk li têx tsoz chos txơưr, zuôv qir, zưs đêx cxix cxuô, taz sik tsoz chos tsi huôv tsar. 2,3 shôngk co chuôz zis sâu tsi tâu tul tsi, dự án tsuôk puz chos shơư lôngx xôngz. Chos lôngx xôngz shông xuz thơưx mak dự án lơưr cungz nôngz, shông tiv 2 mak pox nhuôs chos poz cưk taz sik lơưr tsi puz chos”.

Jos Lò Suối Tủng muôx 37 ziv chuôz zis cxaz chuôz trâur nuv chos txir thênhx caz zâu, tas nro mênhv chêx chos zos 12 hecta ntâu. Thax tsav chos txir thênhx caz shông tưs nhiv no tâu hlôngr yênhx chos têx zav yuôx zêx, poz cưk, tâuv pâur...thiêz shơư mê njik tsoz txir thênhx caz tsi khênhr hloz, blôngx đax tas. Zơưv Nguyễn Văn Tuế, Tsar jos Lò Suối Tủng puz pâuz: “2,3 shông lơưv, tsoz chos tsi huôv tsar. Đhâu trâur nuv co mak pox nhuôs tưz muôx ziv chênhv đros tsar jos thiêz HĐ xã thix ziv TP puz chos yuôx zêx, taz sik thành phố tsi thôngx ziv thiêz tsênhv muôx tsưr ziv zuôr krêz uô hâux lưv chos txir lưs jôngr. Taz sik chos txir thênhx caz tưz tsi tâu chos txir lưs jôngr mak cux tsi muôx lênhx tưs xar uô, iz cxiê ziv chuôz zis tưz tror chos yuôx zêx, iz cxiê ziv mak tror chos poz cưk. Nhiv kruôr đhâu thành phố heik tiêk chox dự án chos mắc ca lok chos, cur cux xar lok six ntâu, viv tsoz txir thênhx caz tưz chos tsi yênhx côngz lơưv, nhiv no zuk muk vênhv tôngv pox nhuôs mak lok six lax”.

Trâur nuv chos txir thênhx caz zâu tâu Trạm cxiz kôngz (nhiv no zos tsênhv qơư jix vuv kôngz nuv) TP Lai Châu krêz uô txix hli 5/2016 ntơưv xã San Thàng; tas nro pênhr krêz uô zos 400 tsov đeiv ntâu. Trâur nuv tưz huiz tôngv tâu 50 ntâu ziv chuôz zis ntơưv 4 jos zos Lò Suối Tủng, Séo Xin Chải, Thành Công thiêz Pha Lìn cxaz chuôz, đros tas nro mênhv chêx chos zos 16 hecta. Đrâuv 8 cxênhz 400 tsoz zuz tâu cungz, têx ziv chuôz zis tsênhv tâu paz txưv têx zav qir zuôv, môngr jêz siz, yuôx por vêv đrox tsuôk chiê uô trâur nuv.

Chiê muôx đêx zưs trâu mênhv chêx chos txir thênhx caz zâu tưz chos thiêz iz cxiê mênhv chêx tsoz chos txơưr, hli 6/2016 UB TP Lai Châu muôx cuiz tênhv thôngz đhâu phênhv yưv pênhr uô côngz tsinhx đêx liv Sin Câu ntơưv jos Lò Suối Tủng, xã San Thàng. Côngz tsinhx muôx tas nro pênhr yưv uô zos 1,6 tỷ đeiv...Taz sik tiv trâur nuv chos txir thênhx caz zâu tsi yênhx côngz, viv li thâuv uô tiêr txos nhiv no, côngz tsinhx đêx liv Sin Câu cux tsi zôngv txos. Lơưr zơưv Nguyễn Tiến Khánh, Giám đốc Tsênhv qơư jix vuv kôngz nuv TP Lai Châu: “Đhâu zuôr xar 1 shôngk krêz uô, pov tsoz chos huôv tsar thiêz hloz lox kênhz, tsi hlar chas viv li pêz tưz heik têx chiz coaz chuyên môn sik côngv muk qênhz yuôx, ntâuk grê mak pov ar têz, qiv hơưv tsi huv đros chiê chos. Thiêz đoanx cux thix ziv chính quyênx thành phố tso tsês krêz uô trâur nuv no chiê hlôngr chos têx zav tsoz chos txơưr. Đhâu krêz uô tsi muôx chêx cuk iz phênhv txơưx jênhv zos chiz coaz chuyên môn li”.

Tsi nhênhz chơưv, chos siv mak ciêr chênhr max krêz uô trâur nuv ndê txos yênhx châuv hecta, chiê 4-5 shông tsi muôx tâu chêx cuk. Têx taz viv nhoz UB thành phố Lai Châu li luôk hâux lưv co tsi taz uô tuôr xuôv têz qơưk li nhiêx txiêx 2 tỷ đeiv ntâu mak tsênhv uô tsôngv box tsi muôx phênhv sâu, uô zênhr shar txos tsôngv box luz nênhx. Thiêz đrâuv co, trâur nuv chos txir thênhx caz zâu tsi yênhx côngz tưz uô txu grês tsôngv box li siêz njênhs lok tsưr ziv huôv tsar kôngz nuv hax huv lơưr Đảng bộ thành phố li Nghị quyết tso tơưv./.

(Khắc Kiên-Txâur Vax cxeik nhênhv)

Niêv hluôk Pax sir jos hâur cêr khưr huôv tsar uô nox

Têx shông thâuv ntêx, niêv hluôk Pax chuôz zis tsuôk uô mê njik têx blêx, poz cưk, tu zus tsiêx cxu viv li luz nênhx lok six txov nhêv. Niêv hluôk thâuv tưs cux xar njôngr, zok nriêr tsưr ziv huôv tsar uô nox yiêz chiê hla đhâu cêr pluôs, txov nhêv. Đhâu zok nriêr, cơưv shâuv luôs lưv tus txơưx huôv tsar uô nox li tsưr ziv, niêv hluôk Pax pov têx yuôx đrox njuôz jông chos trâu zuk thax tsav qơư nhoz, ntâu chuôz zis nhoz Sìn Hồ lơưr tưz chos tâu yênhx côngz zav yuôx đrox njuôz đương quy. Shông 2018, niêv hluôk Pax tưz gra lok chos siv hâur chuôz zis li 5 cxênhz xưv phaz liêx têz.

Nhạc cắt

Shông xuz thơưx thâuv chos têx yuôx đrox njuôz đương quy tiv tsi tâu muôx tsưr ziv, viv li têx yuôx đương quy tsi yuô jông thiêz sâu tsi tâu nju. Tsi tas li, niêv hluôk Pax tror sir jos cơưv shâuv têx tsưr ziv chos thiêz tu, khov uô trơưk tsưr ziv kriê, têx chiv txuôk lơưr co chor yuôx đrox njuôz đương quy tưz puôr lênhx hloz lox jông, khơưz sâu tâu nju, iz chiv tâu txix 3-3,5 tênhr hâur pâuk, muôs hâur ciêz đrôngs 50 cxênhz txos 60 cxênhz đeiv iz cir. Yưx tas têx nhiêx txiêx ntiêr nênhs đros khơưz sâu, thâux xa, iz shông niêv hluôk chuôz zis muôx phênhv sâu txix 130-150 tsov đeiv nhiêx. Đros trâu têx li heik co, niêv hluôk Pax sir jos huôv tsar tu zus iz cxiê têx tsiêx cxu muôs tâu gri li: Tưv, buô thiêz nôngk gruôz. Khov sir jos chos, tu têx yuôx đrox njuôz thiêz zus tsiêx cxu tưz paz niêv hluôk chuôz zis luz nênhx iz hnuz hlôngr yiêz, tsâu sor jux juk. Niêv hluôk Pax Xênhv Hav shir phaz heik: Khov sir jos huôv tsar chos têx yuôx đrox njuôz, zus nôngz tsiêx cxu jông tưz paz chuôz zis luz nênhx truôx tuk đuô. Txos nhiv no, chuôz zis chos 5 cxênhz xưv phaz têz yuôx đrox njuôz đương quy, zus iz tus tưv, 40-60 gơưv nôngk gruôz, iz chas ntơư tsênhv uô blêx, poz cưk, chos têx tsoz chos ntông nox txir  chiê muôx nzir phênhv sâu tâu. Kinh tế truôx tuk, luz nênhx jux juk hlôngr yiêz, txoz cxơưx tâu trâu chor tuz nhuôs muk đros luôs lưv tus cơưv ntâuz cơưv ntơưr.

Nhạc cắt

Tsi tiêk gruôs khưr huôv tsar uô nox uô hnar, txơưx xar tơưv têx tsưr ziv jông, niêv hluôk Pax tsênhv zos iz hâur têx lênhx pox niêv vir ndâuk sir jos đros chi hội pox niêv uô têx hâux lưv uz no thiêz. Niêv hluôk cux tsi so sik pheiz kênh têx tsưr ziv huôv tsar uô nox trâu chor pox niêv vir ndâuk hâur chi hội, đros cxaz chuôz têx nuv qêz suô cêr muk lol jêx jok, sir jos yax kriê, vênhv tôngv têx lênhx pox niêv vir ndâuk thiêz tsôngv niêv txir cưr tix nênhx tsa bax tsưr ziv phax tir thêir moz Covid-19.

Niêv lâuk Hầu Thị Mỷ-Chủ tịch Hội Liên hiệp pox niêv xã Nùng Nàng heik pâuz: Niêv hluôk Pax Xênhv Hav zos iz hâur têx lênhx pox niêv vir ndâuk sir jos khưr huôv tsar uô nox, moz siêz trâu cxuô luôs hâux lưv, zos lênhx uô ntêx nyuôs hâur chi hội pox niêv jok Sáy San 3 li phôngz yaox huôv tsar uô nox uô hnar heik taz thiêz Hội pox niêv vir ndâuk xã Nùng Nàng heik cxuô. Khov têx sir jos, txơưx xar tơưv li heik sâuv, niêv hluôk Pax tưz huôv tsar tâu têx yuôx đrox njuôz, gra lok kinh tế truôx tuk. Txix tsưr ziv uô nox co, ntâu lênhx pox niêv vir ndâuk hâur xã tưz cơưv shâuv thiêz uô trơưk niêv hluôk Pax.

Nhạc cắt

Phênhv “Nôngx mênhx zuôr tsuv pâuz” hnuz no zos Đeix nta suôz Việt Nam iz suôv faz Tây Bắc sik côngv đros tsênhv qơư cxiz kôngz têz qơưk uô./.

(Lik Thox-Riê Lâux cxeik, nhênhv)