Đăk Lăk: Kok liêz pôngz grê, taz sik cux tsi muôx lênhx nênhs sâu zuôr

          Tix lâuk Nguyễn Ngọc Ánh chuôz zis (nhoz jos Mê Linh 2, xã Buôn Triết, huyện Lăk, tỉnh Đăk Lăk) shông no chos 7,5 hecta ntâu kok liêz. Tix lâus lok six cxơưx thâuv kok liêz tưz txos chêix sâu, grê muôs txu grês tsuôk yuôr 4-5 cxênhz đeiv iz cir, tsi muôx lênhx nênhs tưs nus zuôr. Lơưr tix lâuk Ánh li njuôs xav đros grê muôs chiv kok liêz shông no chuôz zis trâus pôngz lơưv 700 tsov đeiv ntâu:“Xưk li niêx shông grê cux txu grês kis taz sik tsênhv tâu 7 txos 8 cxênhz đeiv iz cir, nôngx mênhx muôs cux yuôr côngz uô. Shông no mak tsi pov lênhx tưs sâu zuôr. Tsôngv box shông no njuôs xav njiz ntâu phêv liv, viv phênhv sâu tsi txâuk thêv nhiêx ntiêr ar têz chos, tsi tâu heik txos pênhr yưv tsêz chos thiêz côngz uô”.

          Cux xưk li ntơưv, tix lâuk Trần Văn Thanh, nhoz xã Buôn Tría, huyện Lăk cux chos 5 hecta ntâu kok liêz, pênhr yưv uô zos 500 tsov đeiv ntâu taz sik chiv no mak zuôr sâu tsi tâu tul tsi:“Kok liêz tưz zuôr xar 5 luz hlik lơưv tsi pov lênhx tưs tuôx zuôr, nhiv no muôs tsi tâu, grê mak lok six kis. Ntâu lênhx xar tso tsês taz sik ho khur xiv, taz sik sâu mak cux tsi txâuk pâux nhiêx côngz. Yưv pênhr chos kok liêz siêz đuô blêx 2,3 jiês. Shông no iz hecta trâus pôngz lơưv 100 txos 150 tsov đeiv”

          Yuôr tix lâuk Trần Văn Nghĩa, nhoz xã Quảng Điền, huyện Krông Na shông no cux ntiêr ar chos 5 hecta kok liêz. Ntâu ciêz đhâu tix lâuk hu tênhv trâu tuz luôv mak cux tsi muôx lênhx tưs tuôx sâu zuôr:  “Niêx shông txos six hơưv sâu kok mak tuz luôv chiv chir nriêr tuôx sâu zuôr, taz sik shông no tưz txos six hơưv sâu mak tsi muôx lênhx tưs tuôx sâu zuôr. Pêz hu tênhv mak lơưr tsi zuôr viv nriêr tsi tâu qơư sâu zuôr viv li lơưr tsi tuôx sâu zuôr pox nhuôs chor kok liêz, lok six phêv liv. Shông no trâus pôngz pênhr, njuôs xav pêz zuôr seiz shuôk tror chos đuô tsoz chos txơưr, tsiêx tu zus txơưr, tsi li mak luz nênhx lax ngaz tul tâu”.

          Zơưv Đoàn Văn Trường nhoz TP Buôn Ma Thuột, iz lênhx tuz luôv khênhr sâu zuôr kok liêz ntơưv têx tỉnh Tây Nguyên chiê muôs tơưv saz đrâuv têz qơưk puz pâuz: Txix kaz hli 4 txos nhiv no, kok liêz mak muôx ntâu, taz sik zoz qơưx sâu zuôr mak tsơưs viv li grê muôs kok liêz tsi so txu grês. Têx tuz luôv saz Trung Quốc zuôr kok liêz tsơưs viv li cux uô grê muôs txu grês kis:“Nhiv no niêv ciêz tsuôk li tsi huôx tôngv. Li pêz lok sik ntâu lênhx nênhs sâu zuôr txơưr nhiv no tsi pâuz uô li chas đros chor kok liêz no. Viv kok liêz mak yuôr ntâu. Cux muôx ntâu chuôz zis hu tênhv tuôx trâu pêz chiê sâu zuôr kok, taz sik pêz cux tsi car shor pok muôs tâu viv li tsi car sâu zuôr kok trâu pox nhuôs”.

          Lơưr Chi cục tsêz chos thiêz por vêv đrox tsuôs (Sở kôngz nuv thiêz huôv tsar nôngx cxênhz tỉnh Đăk Lăk) li thôngz sâu, tas nro tỉnh muôx nhos 2 cxênhz 500 hecta kok liêz. Hâur co, huyện Lăk muôx 1 cxênhz 200 hecta. Zơưv Nguyễn Viết Quang, Tsar phongx kôngz nuv thiêz huôv tsar nôngx cxênhz huyện Lăk puz pâuz: Nhiv no pox nhuôs li 500 hecta ntâu kok liêz tsi tâu sâu, viv tsi muôx lênhx nênhs tưs zuôr:       “Nhiv no phongx kôngz nuv tsênhv đros têx xã Buôn Tría, Buôn Triết thôngz xor mông txos iz cxiê tuz luôv cux xưk li doanh nghiệp paz sâu zuôr pox nhuôs têx kok liêz. Nganhx kôngz nuv tưz muôx ntâuz ntơưr chox kriê têx xã heik pox nhuôs nôngx mênhx tsuv chos kok liêz sâuv têx mênhv chêx nganhx muôx tsưr ziv chos, tsi cxoz chos ntâu”./.

(VOVTN-Txâur Vax cxeik nhênhv)

PHÊNHV SEIZ CAR THIÊZ TSƯX PHƯV JÔNGR

Uỷ ban xã, phường, thị trấn luôs hâux lưv tsưx phưv jôngr

-Têz qơưk li têx heik kriê, chox car uô lơưr chei têz qơưk, tsênhv chei lok seiz car, tsưx phưv, ntor cơư têx jôngr ntông hâur zuk thax tsav qơư.

-Chox kriê têx jêx jok thiêz taz viv iz zav li jêx jok cxiv tsa thiêz uô trơưk cui tinhv, tsưx phưv thiêz huôv tsar jôngr hâur thax tsav huv đros trâu chei têz qơưk cui tinhv.

-Đros cxuô lưv lươngv yuôx jôngr, Công an, tuz lênhv, tsưr tsix têx lênhx nênhs lês uô hâux lưv tsưx phưv jôngr ntông hâur thax tsav; qênhz pov thiêz phax tir thêir zênhx max têx lênhx tiz nênhs ntor cơư, uô ruôr hiêv jôngr ntông tsi trơưk chei.

-Tsưr tsix yax kriê têz qơưk têx chei lok tsưx phưv jôngr, kriê tsôngv pêx xênhv uô trơưk têx tsưr ziv phax cuz tuô cuz jôngr, huiz tôngv têx lênhx uô hâux lưv phax cuz tuô cuz jôngr hâur thax tsav.

-Heik trâu Uỷ ban thênhv siêz muôz têx jôngr ntông têz qơưk tsi tâu choz, tsi tâu muôz ntiêr ntơư lok sir zôngv.

-Heik kriê tsôngv pêx xênhv uô lơưr tsưr ziv njuôk hov, tsưx phưv thiêz huôv tsar jôngr, tsiv uô têx kôngz-jôngr-siz shơưk uô cê, uô liêx têz, hlôngr tsưr ziv huôv tsar uô nox, hlôngr zuz nôngz tsoz chos, tu zus tsiêx cxu trơưk tsưr ziv, cui tinhv tsưx phưv thiêz huôv tsar jôngr trơưk ntâuz ntơưr tưz tâu sâu tsês.

-Qênhz yuôx luôs hâux lưv uô lơưr chei têz qơưk, tsênhv chei, cui tinhv lok seiz car, tsưx phưv jôngr đros thiêz têx tsưr tsix, chuôz zis, lênhx nênhs, côngv thôngx tsôngv pêx xênhv sơưr đơưk jêx jok hâur thax tsav qơư nhoz; xưv bluô cov txos qơư têx lênhx uô cxâuv lok sâuv seiz car, tsưx phưv jôngr trơưk chei têz qơưk cui tinhv.

Lênhx tsưr jôngr hâur hâux lưv tsưx phưv jôngr:

Cxiv tsa thiêz uô lơưr tsưr ziv tsưx phưv têx shôngz ntông, đrox tsuôs; phax tar tsi chiê ntor cơư uô ruôr hiêv jôngr ntông; zok tuô, chuôz têx tsiêx kuk tsi trơưk chei; phax cuz tuô cuz jôngr; phax tar, yưx têx đrox tsuôs tsi jông lơưr Chei tsưx phưv thiêz huôv tsar jôngr li cui tinhv, chei têz qơưk lol ar têz, lok phax cuz tuô cuz, lok tsưx phưv thiêz qênhz njuôk shuôs têx đrox tsuôs, shôngz ntông; chei têz qơưk lol têx tsiêx kuk thiêz chei têz qơưk têx cui tinhv txơưr đuô cik txos./.

(Tuyết Lan-Riê Lâux cxeik, nhênhv)