Tsaz yênhx luk Khmer-Thâuv tưs tưz đros đreiv tsôngv box Khmer nhoz Bạc Liêu

Tsaz yênhx nta suôz luk Khmer tâu tso nta suôz lok hnuz 15/7/1999, tso 15 phênhz, iz ciêz 3 jiês. Txix hli 2/2005 txos hli 02/2009 tsaz yênhx nta suôz-xa đuôz luk Khmer niêx hnuz tso nta suôz 30 phênhz, iz hlik uô 2 tsaz yênhx chuyên đề. Tsaz yênhx muôx ntâu phênhv tso nta suôz kriê tsôngv box Khmer têx tsưr ziv huôv tsar uô kôngz cux iz zav li tsoz phưz đas jos côngv thôngx. Zơưv Trần Mích-kuz thơưx seiz car chor uô tsaz yênhx luk Khmer, Phongx xor xưv, Đeix nta suôz-xa đuôz Bạc Liêu heik:“Chiê yênhx lix tâu Đeix xa đuôz Bạc Liêu li tsaz yênhx luk Khmer, thâuv xuz thơưx njiz trâul lok six ntâu phiv liv. Thâuv co tsi tâu muôx meir tính phưx vưv uô hâux lưv cxeik têx ntơưr, tsi tâu huôv tsar li nhiv no, phênhv ntâu zos sơưr đơưk sâu têk thiêz cux tsi tâu tâu muôx têx ntơưr trâu chor nênhs uô tsaz yênhx nta suôz luk Khmer seiz, shâuv cxeik trơưk, chênhr viv li zos kror tưs tsi pâuz cxeik, tsi pâuz mênhx mak hu nuk Đeix nta suôz Việt Nam ntơưv TP HCM xưz. Cur seiz hur si têx tsaz yênhx luk Khmer, cur pov, tsaz yênhx Khmer nhiv no uô tâu lok six jông thiêz jông đuô pir li thâuv ntêx cur tsênhv uô hâux lưv lơưv”.

Đros thiêz hâux lưv tâu choz, siêz nhiêv, sir jos uô hâux lưv, chor nênhs uô tsaz yênhx nta suôz luk Khmer tưz uô tiêr cxuô luôs hâux lưv zok muôz. Iz chas ntơư, niêx luz hlik lơưr tsênhv uô 2 tsaz yênhx chuyên đề, côngv đros Đeix nta suôz Việt Nam uô 4 tsaz yênhx xor xưv 50 phênhz iz tsaz yênhx. Phênhv ntâu têx tsaz yênhx puôr lênhx muôx tsôngv box sư sãi Khmer ntơưv qơư têx lul heik, uô trâu tsaz yênhx ziv hnuz ziv uô tâu huv đros tsôngv box siêz nhiêv mnôngs Đeix. Thạch Đờ Ni-tuz sâu xor xưv, thơưx seiz car têx lênhx uô tsaz yênhx Khmer, Phongx xor xưv Đeix nta suôz-xa đuôz Bạc Liêu heik:“Têx lênhx uô tsaz yênhx nta suôz thiêz xa đuôz luk Khmer, Đeix nta suôz-xa đuôz Bạc Liêu thâuv tưs tưz sir jos lês uô jông têx luôs hâux lưv zok muôz, yax xa têx mông, txux chi vênhx huôv, xor xưv txos sơưr đơưk pâuz; sir jos zok kriêr têx lul heik, ntơưr sâu, cơưv shâuv tsưr ziv uô nuv cux iz zav li cxeik, nhênhv têx ntơưr li chas cov huv đros chiê ziv hnuz ziv uô tâu jông đuô trơưk tsôngv box siêz nhiêv”.

Đros thiêz muôx 5 lênhx nênhs uô hâux lưv, tso 60 phênhz hur si nta suôz thiêz xa đuôz hâur niêx hnuz, no cux zos iz hâux lưv hnhar, hâur tsôngv box têx hnuz tsiêz, hnuz ntênhs mak hâux lưv ziv ntâu đuô. Taz sik, têx lênhx uô hâux lưv nta suôz luk Khmer thâuv tưs tưz sir jos uô tiêr tâu jông cxuô luôs hâux lưv thiêz khav tinhv tsaz yênhx uô huv đros tsôngv box-têx lênhx nhiêv mnôngs Đeix hâur tỉnh thiêz luôs 2 chas tỉnh đrâuv li siêz nhiêv. Zơưv Thạch Si Phol nhoz phường 7, TP Bạc Liêu, iz lênhx nhiêv mnôngs Đeix heik:“Trơưk li cur, tsaz yênhx luk Khmer Đeix xa đuôz Bạc Liêu tsi lox cux tsi mê, huv đros trâu lênhx nênhs nhiêv seiz thiêz mnôngs, luôs hâux lưv cxeik têx xor xưv txix lul Choz Tsiz uô luk Khmer cux huv đros, mnôngs tâu lok six jông, no zos tsaz yênhx jông cơưk. Trơưk li cur, zos pêz chiv chir uô tâu tsaz yênhx cêr lov jêv zuôr paz trâu chor tuz nxeik nhuôs zâu nhoz jê tsêr mnov Khmer, têx tuz nxeik hluôk nthuôr uô lov jêv muôx têx pâuz thiêz tuôr tâu tsês ntâu txux chi vênhx huôv jông, yênhx Đeix xa đuôz Bạc Liêu li tsaz yênhx cêr lov jêv heik taz, lơưr cur zos uô tâu li heik co, tsaz yênhx luk Khmer zuôr jông đuô”.

Muôx têx heik, Đeix nta suôz-xa đuôz tỉnh Bạc Liêu li tsaz yênhx luk Khmer thâuv tưs tsôngv box ntơưv qơư tưz krêz mnôngs đreiv, tsaz yênhx paz zov chênhr trâu tsưx phưv chính trị, truôx tuk xã hội cux iz zav li cxơưz tsôngv box Khmer hâur thax tsav huôv tsar kinh tế./.

                              KT Đài PT-TH Bạc Liêu-Riê Lâux cxeik, nhênhv