Đại hội đại biểu Đảng bộ tỉnh Lai Châu (six cxiv 2025-2030): Vav chiê siêz muôx ntâu chei jông paz trâu ntơưv qơư

Đại hội Đảng bộ tỉnh Lai Châu jiês tiv 15 tưz tsix uô tâu jông đros trâu cêr shir phaz hâur 2 hnuz 18 thiêz 19/9 nhiv kruôr đhâu, muôx 350 lênhx đại biểu, hlôngr njêx muôs trâu 31 cxênhz ntâu lênhx đảng viên nhoz 42 đảng bộ hâur tỉnh cxaz chuôz dưv; hâur co muôx 45% ntâu zos đại biểu heir nênhs tsơưs, no zos têx lênhx hlôngr njêx muôs trâu sơưr đơưk thiêz heik mênhx txos iz tỉnh tox siêz ntus đriv cêr sik thôngx siêz.

Đhâu muôz iz cxiê xã, phường lok uô cê thiêz lês uô cxuô luôs hâux lưv lơưr 2 cấp, Lai Châu tưz txo grêk txix 106 xã, phường, thị trấn yuôr 38 xã, phường. Phênhz đuô thax tsav, iz cxiê xã, phường tưz zôngx ziv đuô trâu xeir nênhs lês uô têx hâux lưv zok muôz tâu truôx jông, taz sik cux njiz tsi tsơưs têx phiv liv trâu chor thax tsav lox đar, tsôngv pêx tsi nhoz jê uô cê, luz nênhx tsênhv yuôr ntâu txov nhêv.

Chênhr viv li, đros trâu canr bôv, đảng viên, pêx xênhv cxuô heir nênhs, đại biểu dưv Đại hội jiês no tưz xa ntâu tsưr ziv, siêz xar txos trâu têx hâu nov yiêz-ntu hlôngr yiêz siêz xar, tsưr ziv, sir jos lês uô jông đuô cxuô luôs hâux lưv zok muôz, moz siêz txos ntơưv qơư, paz tsôngv niêv txir lax pêx xênhv muôx luz nênhx tsâu sor, vav mênhx đuô. Đại biểu Meir Zênhz Xênhv Vưx, Bí thư đoanx Lai Châu heik pâuz:

“Đại hội li no pêz cux vav chiê siêz, njênhs njôngr trâu Nghị quyết, têx chei BCH Đảng bộ tỉnh tưz tso tơưv. Thiêz pêz cux xar njôngr, chiê siêz zuôr tâu paz hluôk nênhs côngz đas jos, tsưr ziv, txux chi trâu lês uô tâu têx hâux lưv lơưr Đại hội Đảng bộ tỉnh Nghị quyết”.

Hlôngr njêx muôs trâu tsôngv pêx xênhv cxuô heir nênhs hâur tỉnh, đại biểu Hoàng Kiều Anh, Phưv Chủ tịch Ủy ban MTTQ Việt Nam tỉnh Lai Châu heik li no:“Đros thiêz hâux lưv tâu zok muôz zos xa tsôngv niêv txir lax pêx xênhv cxuô heir nênhs hâur tỉnh têx tsưr ziv, siêz xar txos trâu hâu nov cxuô cấp, cur njênhs njôngr thiêz chiê siêz Đại hội zuôr tror uô trơưk têx hâux lưv tưz uô tâu jông thiêz xav tinhv tsênhz mênhx tsưr ziv, hâux lưv chiê tso tơưv têx tsưr ziv uô huv đros lok sâuv paz pêx xênhv huôv tsar uô nox, cxuz cêr yeiz pluôs, kriê txux chi, tsoz phưz đas jos trâu pêx xênhv. Đros trâu cêr thôngx ziv, sik thôngx siêz hâur tas nro Đảng bộ, tâu tsôngv pêx xênhv jông siêz, thôngx ziv zuôr zos qơư chuôz jos chiê uô tsênhz mênhx têx hâux lưv tso tơưv, cxơưz paz Lai Châu yênhx tỉnh huôv tsar truôx jông”.

Đại biểu mai Thị Hồng Sim thiêz đại biểu Trịnh Văn Tám, nhoz xã ntus đriv Khổng Lào thiêz Nậm Mạ tuôx heik lok chor đảng viên hâur cxuô đảng bộ ntơưv qơư têx tsưr ziv, siêz xar đhâu iz ntuk uô hâux lơưr 2 cấp li no:“Têx mak đại biểu xã Khổng Lào moz siêz txos zos, gra siêz tsơưr lươngv zoz zux, cxiv uô tsêr cơưv 2 cấp ntơưv xã ntus đriv shux xênhz nox nhoz hâur tsêr cơưv, cơưv ntơưr thiêz cxiv tsa jêx jok yiêz; huôv tsar uô kôngz, ju lix. Jiês no Đại hội Đảng bộ tỉnh Lai Châu cux uô tâu jông lok huôv tsar kôngz nuv, cux li huôv tsar ju lix reik đros por hưv, tuôr tsês têx txux chi vênhx huôv tsi chiê pôngz plox. Pêz xã Khổng Lào cux zuôr uô tsênhz mênhx nghị quyết lok huôv tsar hax huv, đros trâu cxiv tsa suôz bê thiêz sir jos huôv tsar uô têx kôngz chênhr li: Yuôx zêx, blêx, mắc ca”.

“Đhâu seiz shuôs têx tsưr ziv, hâux lưv cur pov phênhv ntâu cux muôx iz cxiê têx zôngx ziv, phiv liv. Lar heik zos Đảng bộ hâur pêz xã zuôr tsuv sir jos fuô jông đuô cxuô luôs hâux lưv, têx dự thảo nghị quyết tưz tso tơưv. Tiv zix zos têx hâux lưv zov chênhr thiêz tsưr ziv hâur dự thảo pov cov chính trị tưz heik ntơư; cur njênhs tiêk, hâur six cxiv Đại hội 2025-2030, Đảng bộ tỉnh cux li tsôngv pêx xênhv zuôr sir jos uô tiêr tâu jông têx hâux lưv nghị quyết tưz tso tơưv”./.

                                                               Khắc Kiên-Riê Lâux cxeik, nhênhv

Moz khâuz thuôk thiêz tsưr ziv phax tar

Qir tiv uô moz khâuz thuôk chuôz ndê hâur shông.

(Hlôngr suôz): Lơưr têx chuyên gia dịch tễ, muôx ntâu qir tiv uô moz khâuz thuôk nhiv no tsi zos huôv xênhz lơưr chiv cheix li thâuv ntêx thiêz, mak huôv moz hâur yênhx shông, co zos: Jêx tưv muôx ntâu txơưr txar, uô caz moz huôv xênhz thiêz siz cik sei hâur yênhx shông; ju lix, muôv muôs sâuv ntiêx têz thiêz têx huôx tôngv chêx chôngk chôngz lênhx nênhs cux uô trâu caz moz khâuz thuôk zôngx ziv siz cik đêz đar đuô; đhâu jiês moz Covid-19, cêr cor cav cxax yuôx phax moz khâuz thuôk nhoz ntâu têz qơưk txu grês, uô têx lênhx nênhs zôngx ziv trâus cik moz li (têx mê nhuôk zâu, nênhs lâuk, pox niêv xênhz tuz ci hâur chêr) ziv zôngx ziv trâus cik moz đuô; caz moz khâuz thuôk huôv xênhz thiêz muôx têx txơưr txar ntâu, huôv yênhx têx zav caz moz yiêz riêz nênhs đuô, viv li uô lênhx nênhs trâus cik moz cux chuôz ndê.

Moz yưv thiêz tsuv tsưv ziv đros têx moz hnhar:

Moz khâuz thuôk thâuv nhiv kruôr trâus moz mak muôx têx moz yưv li: uô cuz, nôngk, lok njưk, điês tâuz hâu, iz chêr gênhs gênhs, moz têx lênhs … Taz sik, đros chor mê nhuôk zâu thiêz lênhx nênhs zênhx muôx moz gênhs mak moz zuôr huôv sei đuô, uô moz hnhar li: moz njưk hnhar, uô tsi tâus pa, moz siêz plơưr, hlưz tâuz hâu. Uô cuz, chơưk lênhs…

Tsưr ziv phax tar moz khâuz thuôk:

(Hlôngr suôz): Yuôx vắc xin phax moz zos tsưr ziv uô jông tiv zix. Têx chuyên gia y tế heik, cxax yuôx vắc xin phax moz khâuz thuôk hâur yênhx shông zos tsưr ziv uô muôx chêx cuk tiv zix chiê paz txu grês lênhx nênhs trâus moz thiêz tsuv muk tsêr kho moz chiê tâu chơưv kho thâuv trâus moz.

CDC thix ziv tas nro têx mê nhuôk txix 6 luz hlik hnuz nhôngs, têx lênhx nênhs lâuk txix 65 shông ndê muk, pox niêv tsênhv xênhz tuz ci hâur chêr thiêz têx lênhx nênhs zênhx muôx moz gênhs iz shông tsuv muk cxax yuôx phax moz khâuz thuôk iz jiês.

Đrâuv cxax yuôx phax moz, têx lênhx uô niêv uô txir, côngv thôngx sđ tsuv tsưv ziv uô têx tsưr ziv li đrav kaz no thiêz:

Tsuv yax six zôngv yuôx phongx nzuôr tês cov hur si.

Thâuv cxuz, nôngk tsuv pok kror ndâux, tsi nhoz jê lênhx nênhs muôx têx moz yưv njuôs xav zos moz khâuz thuôk.

Chox đeiv bos kror ndâux thâuv muk têx qơư muôx chôngz lênhx nênhs, tiv zix zos mê nhuôk thâuv muk cơưv ntơưr lok sik uô si ntơưv têx qơư chôngz lênhx nênhs.

Vax tsêr tsuv qêz suô hur đu, mê nhuôk li têx chuôz zênhx uô si tsuv yax six tâu uô vêv xênhz cov hur si.

Taz por nox hâuk txâuk tsơưr pưr, chuôz cxaz đas jos trâu mê nhuôk.

Lơưr Bộ y tế li heik kriê, têx lênhx uô niêv uô txir tsuv chox mê nhuôk muk ciês tsêr kho moz thâuv muôx têx moz yưv li đrav kaz no:

- Uô cuz siêz đuô 39 tưv, txu grês tsi tâu.

- Lax uô pa, iz chêr xiêr tas.

- Tsi so trâus ntuôr, tsi nox mis, hâuk tsi tâus đêx.

- Gênhs gênhs, pư jôngx jiêz, hu tsi sênhr.

- Muk tsêr kho moz chiê chơưv kho nzor zuôr paz jav tâu têx moz yưv hnhar, riêz nênhs trâu mê nhuôk.

Cheix ntux lax shông no, tưz muôx chôngz lênhx nênhs trâus moz thiêz tsuv muk tsêr kho moz chiê chơưv kho, tiv zix zos mê nhuôk zâu, qênhx shênhx no tso pov, chuôz zis thiêz tas nro cxix luôk y tế tsuv tsưv ziv siêz. Cxuô lênhx tsôngv box tsuv chuv tôngv muk cxax yuôx vắc xin phax moz, tuôr jông vêv xênhz tuz nênhs thiêz seiz njôngr têx moz yưv thâuv trâus moz khâuz thuôk chiê por vêv jông mê nhuôk thiêz cxuô lênhx nênhs li đas jos./.

                                                                                                                Bích Thủy-Txâur Vax cxeik nhênhv