Tsôngv pêx xênhv Khun Há sir jos hla đhâu phiv liv, huôv tsar uô bluô nux txix chos yuôx đrox njuôs hâur xuz jôngr

           Zuôr xar 10 shông đrav ntêx, thâuv iz cxiê lênhx pêx xênhv nhoz xã Khun Há gra tâu 2, 3 luz hâur pâuk yuôx đrox njuôz pêv har jôngr lok chos siv, tsơưs lênhx xar tsi txos tiêk, co zos tsưr ziv krêz iz hâu cêr yiêz huôv tsar uô nox. Cinh Xênhv Cưr-iz lênhx uô ntêx nyuôs chos chor yuôx đrox njuôz heik sâuv hâur thax tsav heik: “Xar chos chor yuôx ntơư mak xuz thơưx zuk tsuv nhiêv, thâuv nhiêv lơưv tsuv moz siêz, tsuv sir jos tu. Têx yuôx đrox njuôz iz txưv zênhx tuôx hâur xuz tsuôs, chiê hloz lox jông, muôs tâu gri mak cux tsuv seiz chor yuôx co chos trâu têx qơư li chas cov huv đros thiêx uô tâu yênhx côngz”.

          Tsi tiêk huôv tsar uô zuz, tsôngv pêx xênhv tsênhv cơưv shâuv tsưr ziv tu thiêz por hưv têx yuôx đrox njuôz lok six jông. Lơưr zơưv Mang Xênhv Shôngx, Phưv seiz car HTX yuôx đrox njuôz Lai Châu-Khun Há, no zos têx yuôx đrox njuôz nưk tuôx nưk hâur xuz jôngr taz sik jông huôv tsar chos hâur thax tsav qơư. “Đros thiêz tsôngv pêx xênhv Lao Chải 2 mak lơưr qir huôv tsar chor yuôx đrox njuôz heik sâuv txix shông 2018. Pêz tưz yênhx lix iz tổ sik côngv đros chos, hâur co muôx 58 chuôz zis chiê huôv tsar uô xuz thơưx. Đhâu thâuv chos tas, pov têx yuôx đrox njuôz ntơư hloz lox jông, uô tâu trơưk têk. Vav chiê siêz, tov kaz no têx yuôx đrox njuôz co zuôr paz tsôngv pêx xênhv hla đhâu yeiz pluôs, muôx luz nênhx tsâu sor. Tsi tas li, sơưr đơưk cux zuôr sir jos por hưv tsês, chiê huôv tsar uô ntâu têx yuôx đrox njuôz muôx grik, tsi trâus pôngz nôngz”.

            Nhiv no HTX yuôx đrox njuôz Lai Châu-Khun Há tưz huôv tsar chos tâu iz cxênhz ntâu xưv phaz têx yuôx đrox njuôz, muôx 6 cxênhz tsoz, xav hur si chor zuz thiêz têx tsoz lox. Iz chas por hưv jông têx yuôx đrox njuôz muôx 3-20 shông, chor nênhs uô hâux lưv hâur HTX tsênhv sir jos huôv tsar uô zuz chiê krêz đar liêx têz chos.

          Iz chas HTX yuôx đrox njuôz Lai Châu, ntâu chuôz zis pêx xênhv thiêz tổ sik hux jos nhoz cxuô jêx jok ntơưv Khun Há cux tưz sik đros chos cxuô zav yuôx đrox njuôz. Tix lâus Lưr Xênhv Zax, seiz car tổ sik côngv chos yuôx đrox njuôz jok Lao Chải 2, xã Khun Há khav tinhv, luôs hâux lưv heik sâuv tsênhv huôv tsar uô tâu lok six jông. “Têx shông đhâu, pêz pêx xênhv chos siv mak pov hloz lox jông. Tsôngv niêv txir cưr tix nênhx tsa cux tưz gra muk chos trâu iz cxiê thax tsav cux pov huôv tsar thiêz hloz lox jông cơưk. Seiz lok tsênhv tsênhz hâur thax tsav qơư, tsôngv lax pêx xênhv cux tưz siz zâuv, sik côngv đros chos. Nhiv no uô lơưr tỉnh đêx anr, pêz cux huôv tsar chos tâu 5 ha ntâu yuôx đrox njuôz thiêz phênhv ntâu zos chos ntơưv cxuô jok”.

            Chiê têx yuôx đrox njuôz, hâur co muôx yuôx đrox njuôz Sâm Lai Châu khav tinhv tâu suôz bê thiêz ziv hnuz ziv muôx chôngz lênhx ntâu tus pâuz txos, nhiv no Công ty Tập đoanx Bình Châu-Đại Dương tưz yưv pênhr huôv tsar chos 7 ha yuôx đrox njuôz ntơưv Khun Há. Đhâu 3 shông chos, têx yuôx đrox njuôz tsênhv hloz lox jông, muôx têx zuôr gra lok phênhv sâu siêz, paz cxơưz yuôx đrox njuôz Lai Châu muôs tâu trâu chor ciêz đrôngs lox. Seiz pov yuôx đrox njuôz têx muôx liv, hâu nov xã Khun Há tưz njuôk hov, cêv kuôk qơư huôv tsar chos, sir jos kriê tsưr ziv tu, uô zuz, paz pênhr thiêz zok nriêr qơư sâu zuôr trâu pêx xênhv. Pos Bùi Thị Hòa, Phưv Chủ tịch Ủy ban xã Khun Há, tỉnh Lai Châu heik pâuz: Yuôx đrox njuôz Lai Châu tưz tâu nhênhz chơưv muôx txos 52 zav jông trâu đas jos thiêz nhiv no tsênhv yênhx tsoz chos chiê pêx xênhv ntơưv qơư huôv tsar uô bluô nux. “Xã Khun Há thiêx muôx ntâu qơư jông huôv tsar chos yuôx đrox njuôz, viv muôx har jôngr lox đar, đêx ar jông, huôz chuô lax nziês, jông trâu ntâu zav đrox tsuôs, yuôx đrox njuôz uz no huôv tsar, hloz lox. Iz chas ntơư, tsôngv pêx xênhv hâur thax tsav cux lok six sir jos, tsưx phưv tâu truôx har jôngr, gra lok têx jông, muôx liv trâu luz nênhx. Chiê uô tâu têx muôx jông ntơư, xã xav tsưr ziv huôv tsar yuôx đrox njuôz, hâur co muôx yuôx đrox njuôz Sâm Lai Châu zos iz hâur têx xiv huv chênhr”.

            Chiê huôv tsar chos yuôx đrox njuôz truôx tuk, hâu nov xã Khun Há cux tsênhv hux jos đros cxuô taz viv muôx vax huôv chiê njuôk hov, cêv kuôk qơư chos, jux juk muôz ntơưr côngk nhav thax tsav chos chiê pâuz tsênhz qơư, muôs trâu 2 chas thax tsav. Zơưv Đoàn Đình Hùng, Phưv tsar phongx Kinh tế xã Khun Há, tỉnh Lai Châu heik: “Txix Đảng bộ xã nghị quyết thiêz tỉnh têx tsênhv chei, Phongx kinh tế xã tưz nhênhz chơưv cxiv tsa tsưr ziv, sir jos huôv tsar đar thax tsav chos, hu zâuv doanh nghiệp đros yưv pênhr uô hâur thax tsav qơư. Txix ntơư, cux nhênhz chơưv trâu Ủy ban xã, li: Hạt yuôx jôngr, Ban seiz car jôngr phax phưv đros paz têx tsưr tsix, lênhx nênhs, chuôz zis chos yuôx đrox njuôz hâur thax tsav”.

           Đros trâu muôx jông qơư, huôz chuô lax nziês thiêz hâu nov ntơưv qơư têx sir jos, tsôngv pêx xênhv moz siêz huôv tsar chos, Khun Há tsênhv jux juk cxiv tsa thax tsav chos ntâu yuôx đrox njuôz chiê muôs, paz cxơưz tox siêz Lai Châu huôv tsar truôx./.

Khắc Kiên-Riê Lâux cxeik, nhênhv

Lênhx nênhs tror khơưk tsês hêir nênhs M'nông luôs hâux lưv ntok ntâuz cxôngx nzor        

          Hâur luz tsêr côngv thôngx jos Lê, xã Liên Sơn Lắk, tỉnh Đắk Lắk, hêir nênhs M'nông 10 ntâu lênhx pox niêv vir ndâuk tsênhv shir phaz lul ntok ntâuz. Ntâu zav ntâu ntâuz ntok ntâu txêix pax jông txơưr tsik siz thôngx. Tsênhz tiês, đhâu iz ntu ntêr, txos trâu nhiv no, tsôngv pox niêv vir ndâuk hêir nênhsa Mnông thiêx tror ntok zuk hêir nênhs têx ntâuz txêix pax jông jav cxôngx nzor huv đros hâur luz nênhx. Pos H’Bum Long Ying, nhoz jos Lê cux hêik pâuz tiêk, hâur oz shông đhâu, tưz sir tas đas jos tsưr ziv yax kriê, cxuô lênhx vir ndâuk sđ tưz tror zok nriêr zuk hêir nênhs têx pax ntâuz cxôngx nzor chox lok tsês chiê cov muôx đros đrêiv hâur luz nênhx. 15 lênhx vir ndâuk cơưv shâuv luôs hâux lưv ntok ntâuz thiêz xơưk zuk hêir nênhs têx pax ntâuz; muôx 5 lênhx pâuz tsiv uô tâu zos đrêiv tsưr ziv kriê: “Xuz thơưx cơưv cux phiv liv cơưs, jux juk cux sưv, zôngx ziv uô tâu. Taz sik cxuô zav pax txêix jông jav, tsuv max mav xơưk thiêx uô tâu txêix pax jông jav thiêz tsuv muôx txos 221 txox xor. Viv ntâu zav pax, zuk cux tsik ndo cxix, têx jiês xar ntâu cux pư tsik tsâus jos. Ntơư zos pax Mnong, Ê Đê muôz chox lok xơưk uô cê”.

          Iz chas huôv tsar truôx têx pax ntâuz cxôngx nzor, tsôngv pox niêv, vir ndâuk tsênhv xơưk uô yiêz nrâu zav pax jông jav txơưr tsik siz thôngx. Pos H’Kim Hoa, kuz tsar Ban vênhv tôngv Tỉnh ủy Đắk Lắk cux zos iz lênhx sir tas ntâu đas jos tsưr ziv zok nriêr, khơưk tsês hêir nênhs Mnông Rlăm luôs hâux lưv ntok ntâuz cxôngx nzor.

         Shông 2023, muôx iz jiês muk uô côngz xưv trâu huyện Lắk, tưz sêiz pov tsôngv pox niêv vir ndâuk hâur thax tsav qơư co tsênhv tuôr tsês tâu zuk hêir nênhs luôs hâux lưv ntok ntâuz, txix ntơư Pos H’Kim Hoa thiêx đros hâu nov ntơưv qơư co huôv tsar truôx luôs hâux lưv ntok ntâuz cxôngx nzor tsik chiê pôngz plox thiêz zok nriêr qơư muôs cxuô zav ntâuz ntok tâu txêix pax jông jav co. Pos H’Kim Hoa shir phaz lul hêik pâuz: “Nhiv no tsênhv taz tov nhênhz chơưv xor cà phê, cxuô zav xor uô co tsuv huv đros tênhx qơư, xav hur si têx hlôngr yiêz muôz máy ntok thiêz trâuk tsuv uô li chas cov huv đros. Têx njiêz luk xa trâu sđ zos têx hax huv tsiv grê cxôngx nzor”

            Txix têx luôs hâux lưv uô tâu tiêr co, tưz paz trâu hâu nov ntơưv qơư truôx siêz zok nriêr, khơưk tsês cxuô hêir nênhs sđ têx txux chi, vênhx huôv jông cxôngx nzor. Tsênhz tiês, zos tsêr côngv thôngx jos Lê tưz tâu cxiv kho đuô chiê uô qơư ntok ntâuz txêix ntâu zav pax jông jav chiê muôs trâu tsôngv kruô ndis shuôk têz qơưs. Zơưv Nguyễn Anh Tú, Chủ tịch UB xã Liên Sơn Lắk, tỉnh Đắk Lắk hêik pâuz: “Đhâu qênhz yuôx, tsôngv pox niêv, vir ndâuk Mnông kror qơư ntok ntâuz no ziv hnuz ziv huôv tsar, muôx chôngz lênhx kruô tuôx zuôr chox muk sir zôngv. Lar hêik, muôx chôngz lênhx kruô oz chas têz qơưs cux tênhv uô ntêx cov muôx txâuk têx ntâuz ntok tâu txêix pax jông jav huv đros tsôngv kruô siêz nhiêv. Đros co, xã Liên Sơn Lắk cux nhiv kruôr cxiv tsa tâu yiêz; zos chiê huôv tsar cov tâu truôx, pêz tsênhv zuôr tso tơưv ntâu luôs hâux lưv uô yiêz trâu hâur ntu zuôr txos, tsik chiê cxuô hêir nênhs sđ têx txux chi, vênhx huôv jông cxôngx nzor trâus pôngz plox".

        Txix têx luôs hâux lưv uô cxôngx nzor txuôk đros hâur ntu nhiv no, hêir nênhs M'nông nhoz Đắk Lắk tsôngv pox niêv, vir ndâuk luôs hâux lưv ntok ntâuz tưz tror huôv tsar tâu truôx, muôx đros đrêiv hâur luz nênhx tsik chiê pôngz plox./.

                                                    VOVTN-Tsu cxêik nhênhv