Ntênhs tưr gruôv gox thiêz nthuôr uô cêr lov jêv vênhx huôv đruôs tôngx nxêz tôngx Ia Grai 2023

          Ntênhs phêv thik gruôv gox sâuv tul đêx Pô Cô  thiêz thuôr uô cêr lov jêv vênhx huôv đruôs tôngx nxêz tôngx tâu huyện ntus đriv Ia Grai tsưr tsix hâur niêx shông chiê tuôr tsês, phuôx huiz tsôngv box li cêr chax chês, vênhx huôv jông. Thôngx cxix tror ndo njôngr têx mênhx cxưx sâuv thax tsav huyện li cêr chax chês jông hâur tơưv txênhz por vêv têz qơưk, đhâu co cxơưz tiês huôv tsar uô ju lix, muôz hâux lưv uô, gôngr phênhv huôv tsar kinh têr-xã hội tiv phaz. Zơưv Đào Lân Hưng, Phưv Chủ tịch UB huyện Ia Grai, tsar ban tsưr tsix Hội thik puz pâuz:

          “Shông no pêz muôx cxaz huôx tôngv piêr kriê têx mênhx cxưx li tsôngs yo thiêz thik đhiê pax vuôs viv li muôx ntâu vênhx huôv jông tâu piêr kriê. Huyện muôx tsưr ziv huôv tsar huyện Ia Grai huôv tsar truôx vênhs, jông jav, xar njôngr tsôngv kruô nhoz cxuô qơư tsov cưv txos huyện Ia Grai thiêz zos iz qơư tâu tsôngv kruô njênhs njôngr xeir tuôx ndis seiz”.

          Đros thiêz hnuz ntênhs thik gruôv gox, muôx 39 tuêv cxaz chuôz, 1 cxênhz ntâu lênhx nghệ nhân nhoz 13 tuêv ntâuk đruôs tôngx nxêz tôngx, 14 tuêv đhiê pax vuôs nhoz 13 xã, thị trấn, chiz coaz, taz viv hâur huyện Ia Grai, huyện Đức Cơ tỉnh Gia Lai thiêz huyện Ia H’Drai (tỉnh kon Tum) tưz muôx têx tiết mục jông hâur hnuz ntênhs. Nghệ nhân ưu tú Rơ Chăm Tih, nhoz jos Jut 1, xã Ia Sao, huyện Ia Grai heik:

          “ Cur lok six jông siêz tâu tuôx dưv jiês thuôr uô cêr lov jêv no, pêz tưz bax jông trâu hnuz ntênhs no chiê pox nhuôk tâu seiz pêz ntâuk cưr lok. Heik kriê trâu têx jêx jos hâur huyện lơưr pâuz, tâu sik njiz ntâu lênhx tuôx txix ntâu qơư cxaz chuôz hnuz ntênhs no”.

          Hnuz ntênhs cux zos jiês chiê huyện Ia Grai heik kriê txos tsôngv kruô nhoz cxuô qơư têx vênhx huôv jông, têx qơư jông chiê tuôx ndis shuôk uô si li: jos chài, tsas đêx mơ, qơư di tích ntâuk zênhx chư Nghé, tsas đêx 3 yôngx, 9 yôngx…tâu njiz têx lênhx nênhs nhoz no, tâu nox têx zav nox kaz jông. Niêv lâuk Đinh Thanh Huyền , nhoz xã Ia O, huyện Ia Grai gra xiv huv njês cơm kruôr Sê San tuôx heik kriê ntơưv ntênhs phêv hnuz no heik:

          “Njês cơm kruôr Sê San zos zav nox nto bê nhoz tul đêx Pô Cô- Sê San, txuôk 2 tỉnh Gian Lai thiêz Kon Tum. No cux zos xiv huv OCOP nto bê nhoz Ia O. Njês hur thiêz tâu ntês sâuv pas Sê San, tsi muôx tsơưr por coar, tâu pox nhuôk ntês thiêz cungz trâu niêv ciêz. Hâur têx ntênhs phêv tov ntêx mak kruô tuôx tsi chôngz li ntênhs phêv no, kruô tuôx seiz cur qơư piêr muôs hax huv cux chôngz, lok six nhiêv xiv huv nto bê no”.

          Đros tsôngv box tiv phaz nhoz uô nênhx ntêr đros tul đêx Pô Cô, fuôx gox zos phaz pênhv chiê paz tsôngv box muk lok ntês shuôz njês sâuv tul đêx. Hâur jiês tsav txênhz tir ntâuk tros châuz Mỹ, pox nhuôk li têx luz fuôx gox tâu zôngv chiê thâux kôngz krâur, vưv qiv thiêz thâux yênhx cxênhz lênhx bộ đội muk đhâu đêx chiê tir ntâuk tros, gôngr phênhv uô zênhx li cxiv tsav txênhz tir ntâuk tros châuz Mỹ, faz Nam tâu tiêx tul, têz qơưk tâu thôngx ziv./.

(VOVTN-Txâur Vax cxeik nhênhv)

Tox siêz Mộc Châu jông jav hâur chêir txir hồng siêr

Ntơưv oz saz ntus cêr lox txix tsênhv qơư huyện muk trâu thax tsav tsôngv px qơư nhoz, lar hêik zos oz saz ntus cêr txix đrôngl Nông trường muk trâu xã Tân Lập, tsôngv kruô pov ntâu tsoz chos txir hồng tsik muôx blôngx, taz sik txi ntâu txir siêr đax, uô trâu thax tsav tox siêz ziv jông jav đuô. Pos Đoàn Thị Thoan, iz lênhx kruô nhoz Hà Nội tuôx ndis uô si txos Mộc Châu shir phaz lul hêik pâuz:

“Thơưx jiês cur tuôx ndis uô si trâu Mộc Châu ndax trâu luz chêix ntux lax, tâu sêiz pov têx txir hồng siêr đax, jông jav hênhr thiêz nox siv chor txir co cux nziv siêz cơưs”

Chiê muôx têx qơư jông jav trâu tsôngv kruô tuôx ndis shuôk uô si, ntâu chuôz zis chos tsoz chos txir hồng nhoz Mộc Châu tưz ntiêr lênhx nênhs tuôx txiêr, yik têx chêk tsoz chos hồng, chiê tsês têx chês txi txir siêr đax jông jav. Đros co, cux uô thax tsav qơư co zôngx ziv trâu tsôngv kruô ndis uô si, cxêik đuôz muk lok hâur 4 luz hli kaz shông. Pos Hoàng Hà, nhoz Hà Nội tuôx ndis uô si, sêiz shuôk têz qơưs shir phaz lul hêik pâuz nzir:

“Txix Hà Nội tuôx trâu Mộc Châu, sêiz pov têx txir hồng hâur thax tsav qơư no jông jav hênhr. Cur xêir chor fôngx zưs Hmôngz hâur thax tsav iz chêr trik yo jông jav chiê hnar cxêik đuôz”

Txir hồng Mộc Châu siêr txix hli 9 txos hli 12 hâur niêx shông. Pos Hà Thị Cẩm Hương, nhoz qơư chox tsôngv kruô ndis uô si huyện Mộc Châu, tỉnh Sơn La cux hêik pâuz tiêk: Nhiv no hâur thax tsav huyện Mộc Châu muôx ntâu qơư chos tsoz chos txir hồng chiê tsôngv kruô tuôx sêiz shuôk thiêz muôs trau ciêz đrôngl. Grê nhiêx muk sêiz shuôk têx txir hồng ntơưv Pa Khen đrôngl Nông trường Mộc Châu txix 10.000 txos 30.000 iz lênhx. 

“Mộc Châu hâur luz chêix no muôx ntâu qơư jông jav trâu tsôngv kruô ndis uô si. Ntơư zos trôngz chos tsoz chos yuôx zêx, tsoz chos pax jâuz njuôz đơưz jông jav, zôngx ziv trâu tsôngv kruô tuôx ndis uô si cxêik đuôz”

Hâur hli 11 shông 2023 no, hâur thax tsav huyện Mộc Châu muôx chuô txiêk lax nziês đros trâu têx txir hồng, pax jâuz đơưz, tsoz chos yuôx zêx, ziv uô trâu têx  tox trôngz, câuv har hâur thax tsav huyện Mộc Châu ziv jông jav đuô./

Tsu cxêik nhênhv-TTTB