Têx lênhx nênhs “cxiv tsa”cêr uô nênhx yiêz trâu jêx jos nhoz

 tox siêz Sơn La

         Tsi fêv phưx luz nênhx yeiz pluôk ntâu cxênhx nênhs lok no, zơưv Di Xênhv Thox nhoz jos Suối Cù, xã Phù Yên, tỉnh Sơn La tưz tsês 10 shông chiê cơưv shâuv thiêz cxiv tsa trâur nuv huôv tsar uô nox trâu chuôz zis. Jux jus, hâux lưv tu zus paz niêv tsiêx cxu đros yênhx châuv tul nhux tưv nhux đas, chos jâuz, tu zus keiz chiê muôs trâu niêv ciêz, tsi taz paz zơuv chuôz zis muôx phênhv sâu truôx tul, txu grês têx phêv liv mak tsênhv yênhx chênhz zênhv jông chiê pox nhuôk hâur jos cơưv shâuv uô lơưr. Zơưv Sồng A Chờ, tsôngv box nhoz jos Suối Cù heik:

          “Zơưv Di zos iz lênhx txir ndâux txir luk, yax six tuôx paz cur chuôz zis, heik kriê tsưr ziv uô, tôngv vênhx pêz sir jos hla đhâu cxuô phêv liv”.

          Nhoz jêx jos tox siêz tsênhv yuôr ntâu phêv liv, 100% zos tsôngv box mênhx cxưx Hmôngz nhoz uô nênhx li Suối Cù, lênhx nênhs uô tâu li zơưv Di Xênhv Thox muôx tsi ntâu, viv li, pox nhuôk lok six njênhs njôngr thiêz cơưv shâuv uô lơưr zơưv. Yênhx jos li iz lênhx txir ndâux txir luk txix shông 2020, zơưv Di txix zuk li siêz jông tưz paz pox nhuôk hlôngr yiêz siêz xar, tsưr ziv uô, txix huôv tsar uô nox txos cxiv tsa cêr uô nênhx yiêz. Zơưv Trang Xênhv Muôk, Bí thư chi bộ, Tsar jos Suối Cù, xã Phù Yên puz pâuz:

          “Đồng chí Di Xênhv Thox zos iz lênhx txir ndâux txir luk hâur jos, heik kriê pox nhuôk huôv tsar uô nox truôx tul. Tiv zix zos đros iz cxiê phongz qơưx pôngz kaz tsi huv đros nhiv no lơưv, đồng chí tưz heik kriê pox nhuôk uô thiêz pêz sik đros uô lơưr, pir li nênhs tuôs mak tsuv muôz tso hâur hux txiês, tsi tsês chiê li thâuv ntêx lơưv thiêz”.

          Luz nênhx yiêz jux jus pov muôx yưv nhoz Suối Cù, thâuv têx cêr uô nênhx vav mênhx tâu krêz uô, luz nênhx yeiz pluôk txu grês, chor ziv chuôz zis pluôk hâur jos txu grês yênhx shông. Lơưr zơưv Di Xênhv Thox- lâuk jos, lênhx txir ndâux txir luk nhoz Suối Cù, tsưr ziv vênhv tôngv pox nhuôk uô jông co zos zuk tsuv zos lênhx nênhs uô uô ntêx, chuôz zis, xênhv nênhs tsuv zos lênhx nênhs uô uô ntêx chiê tsôngv pox nhuôk pov thiêz uô lơưr.

          “Cur kriê tuz nhuôk, tsuv sir jos muk cơưv ntơưr, têx phongz qơưx pôngz kaz mak cxuôv por tsês thiêz jux jus tâu hlôngr yiêz, nhiv no xã hội hlôngr yiêz tsuv muôx tsưr ziv nhoz uô nênhx hlôngr yiêz cov jông đuô”.

          Yuôr ntơưv xã Mường Bang, Sơn La, têx lênhx lâuk jos, txir ndâux txir luk tsi taz gôngr phênhv cxiv tsa cêr uô nênhx yiêz, mak tsênhv zos têx lênhx nênhs muôx ntu uô cxâuv cêr chei, uô zuôv cêr li qơư khov txos. Li tix lâuk Lò Văn Xoa nhoz jos Suối Han, lênhx nênhs tưz hla đhâu ntu uô nênhx zuôv cêr chiê tror sir jos đuô hâur luz nênhx, khov muôx têx cấp chính quyênx txix xã txos jêx jos li tôngv vênhx, paz max, tiv zix zos têx lênhx txir ndâux txir luk, tưz seiz tix lâuk Xoa jông li iz lênhx nênhs cxênhz jê hâur chuôz zis:

          “ Cur muôx ntu uô nênhx zuôv cêr, trâus tik cêr cxâuv. Ntu tâu tror lok tsêr, cur tâu tiv phaz tsov cưv, tiv zix zos tsar jos. Zơưv zos iz lênhx txir nzơưv, iz lênhx txir ndâux txir luk hâur jos, khênhr tuôx tôngv vênhx cur, paz cur sir jos đuô hâur luz nênhx”.

          Lênhx txir nzơưv mak tix lâuk Xoa thav txos zos zơưv Đinh Công Trưởng, lênhx txir ndâux txir luk nhoz jos Suối Han 10 shông đhâu. Tsi taz sik côngv siêz paz max tix lâuk Xoa thiêz pox nhuôk hâur jos, zơưv Trưởng tsênhv yax six đros lưx lươngv por vêv txiv ngaz jêx jos thiêz công an xã, muk txos yênhx ziv chuôz zis yax mông, vênhv tôngv pox nhuôk tơưv txênhz đros têx tiv nanv xã hội, car chêx txos qơư têx txuz plâuz muôx yưv, tuôr truôx txiv ngaz jêx jos, gôngr phênhv por vêv jêx jos tâu truôx tul…

          “ Cê uô côngz xưv mặt trận, cê zos iz lênhx txir ndâux txir luk hâur jos, cur thâuv tưs cux sik côngv đros têx đoanx thêv, tuêv por vêv txiv ngaz jêx jos seiz car pâuz tâu pox nhuôk li têx siêz xar njôngr, yax mông chiê sđ muôz siêz tsưr ziv siêz xar, uô trơưk Đảng, têz qơưk li chủ trương, cêr chei”.

          Iz lênhx nênhs nhiês muôx nhiês têx gôngr côngv, hâux lưv uô tâu jông, têx lênhx lâuk jos, txir ndâux txir luk nhoz têx jêx jos tox siêz, ntus đriv tsôngv box mênhx cxưx tsơưs nênhs nhoz Sơn La tsênhv chuôz cxaz siêz njênhs njôngr trâu pox nhuôk thiêz cấp uỷ chính quyênx tiv phaz viv lơưr thâuk tưs cux truôx siêz bo hla đhâu cxuô phêv liv, cxiv tsa luz nênhx hlôngr yiêz, vav mênhx ciês sâuv thax tsavqơư zuk nhoz./.

(Lê Hạnh-Txâur Vax cxeik nhênhv)

PHÊNHV SÊIZ CAR THIÊZ POR VÊV JÔNGR

Grê 41. Tsưr jôngr chor lưx lươngv por vêv jôngr

1. Ban sêiz car jôngr tsês trâu cxuô zav tsiêx kuk, cxuô zav shôngz ntông tsiv grê, ban sêiz car jôngr nzôngr tox trôngz câuv har tsik yênhx lix kiểm lâm; doanh nghiệp têz qơưk, tsưr tsix tsik zos lưx lươngv vũ trang tâu têz qơưk choz jôngr, muôz ntiêr jôngr tâu tsưr tsix chor lưx lươngv chiê uô hâux lưv por vêv jôngr.

2. Lưx lươngv uô hâux lưv por vêv jôngr muôx jênhv vưv thiêz vax huôv li đrav kaz:

- Qênhz yuôx, sêiz jor por vêv jôngr, ar jôngr cêv kuôk uô jôngr nuv

- Kriz uô têx tsưr ziv phax cuz tuô cuz jôngr;

- Uô têx tsưr ziv phax tar uô cxâuv cui tênhv lok sêiz car, por vêv, huôv tsar jôngr; tâu sir zôngv têx chuôz zênhx paz lơưr chêi têz qơưk têx cui tênhv.

3. Tsưr jôngr muôx txơưx jênhv sêiz car, chox kriê chor lưx lươngv uô hâux lưv por vêv jôngr li huôx tôngv; paz cxuô kror trâu chor lưx lươngv por vêv jôngr no lơưr chêi têz qơưk têx cui tênhv.

4. Chinhr phuv cui tênhv tsênhz mênhx Grê no.

Grê 43. Tas nro pêx xênhv li txơưx jênhv por vêv jôngr:

1. Cơ quan têz qơưk, tsưr tsix, ziv chuôz zis, tiz nênhs, côngv thôngx pêx xênhv muôx txơưx jênhv por vêv jôngr lơưr chiê no li cui tênhv, chêi têz qơưk lok phax cuz tuô cuz, por vêv tênh qơư, por vêv thiêz qênhz yuôx đrox tsuôs, thú y thiêz chêi têz qơưk cik txos li cui tênhv txơưr.

2. Tsưr tsix, ziv chuôz zis, lênhx nênhs, côngv thôngx pêx xênhv muôx txơưx jênhv hêik pâuz ndar six hơưv trâu cơ quan têz qơưk muôx vax huôv lok sik tsưr jôngr lok cuz jôngr, cxuô zav uô hiêv txos jôngr thiêz têx uô cxâuv cui tênhv lok sêiz car, por vêv jôngr; uô lơưr cơ quan têz qơưk muôx vax huôv li huiz tôngv lok lênhx nênhs, chuôz zênhx thâuv muôx yưv cuz jôngr./.

Tuyết Lan-Lik Thox cxêik nhênhv