Jok Hmôngz nhoz tox siêz muôx tênhv tênhz tơưk pov cêr tok shông yiêz

Hnuz tik xor tênhv tênhz tuôx txos zos hnuz tas nro cxuô ziv chuôz zis hâur jok lênhx tưs cux shir phaz lus tok muôx tênhv chis pov cêr. Cux xav txix thâuv co, tsi yuôr chuôz zis tưs tsuv tơưk tênhz trox a, tơưk tênhz đêx li thâuv ntêx lơưv. Zơưv Du Xênhv Lik, 2, 3 hnuz no hnuz tưs cux muk cxuô chuôz zis hâur jok seiz lơưr chaz xor tênhv, kho têx xor tênhv uô shir phaz lus heik: “Muôx tênhv tơưk pov cêr lơưv, lok six jông siêz cơưk. Thâuv ntêx tsi tâu muôx tênhv mak txov nhêv cơưk, hmo ntux tơưk tênhz trox a xưz, tsi pov cêr hlo. Muôx tênhv, tsôngv box sơưr đơưk tsi trâul txov lơưv, nzênh trâu shông yiêz jok Giàng zuôr sir jos huôv tsar uô nox đuô”.

Jok Bản Giàng zos jok nhoz đêz xã Pa Cheo đuô hur si, nhoz tu nro hâur har jôngr lâul, đêz tsênhv qơư xã muôx 15 cêik.

Chiê chaz tâu xor tênhv tuôx txos jok Bản Giàng tsi zos zôngx ziv, viv tsuv hla đhâu têx trôngz siêz, cưx ha toz phiv liv muk lol; iz đraz têx xor tênhv lox tsuv chaz qơưs đhâu trôngz ntêr muôx 4 cêik ntâu; đros trâu ntux txơưr txar phiv liv, cheix ntux nas mak kror cxiêx qơư gok njuôr, bluô, ar xưz poz; cheix ntux no huôz jis niêz, nas yâur njuôs njêz.

Đhâu zuôr xar 3 shông, dưv anr zuôr xar 11 tyv đeiv zos Sở Công thương tỉnh Lào Cai uô tsưr yưv pênhr tưz uô tâu tiêr, muôz cêr shir phaz, chi cax trâu hur si jok Bản Giàng thiêz xã Pa Cheo. Xav lok sâuv ziv chuôz zis mak iz chuôz zis yưv pênhr uô tas nhos 200 tsov đeiv, taz sik muôx liv lok six jông.

Kuôk no 2, 3 ciêz, txox cêr luôv suôz jêz xi măng uô tuôx hâur jok cux tưz cxiv uô tâu. Têx tsưr ziv, siêz xar njôngr lok iz thax tsav qơư (3 tsi muôx) li:Tsi muôx cêr jông muk lol, tsi muôx tênhv tênhz tơưk pov cêr, tsi muôx sóng xor tôngx tsênhv jux juk tâu uô tiêr. Zơưv Hầu A Chư, Phưv Chủ tịch Ủy ban xã Pa Cheo heik pâuz: “Nhoz tox siêz, xar cơưv jêx jok puôr lênhx tsuv cơưv lok zar tsâuk ntux, tsôngv pêx xênhv sơưr đơưk thiêx tuôx cxix. Thâuv ntêx tsi muôx tênhv tênhz mak tsuv tơưk têznhz trox a, tơưk tsưv chiêz xưz lok six phiv liv, nhiv no muôx tênhv tơưk pov cêr lơưv zuôr zôngx ziv đuô. Iz chas ntơư, muôx tênhv cux zuôr uô tâu luôs hâux lưv yax kriê đhâu sâuv loa nta suôz jêx jok, paz tsôngv pêx xênhv pâuz tâu zênhx max têx mông uz no”.

Luz hlik kaz shôngk shôngk cux zos ngênhx tênhv tênhz li hli paz tsôngv pêx xênhv lok sâuv iz cxiê têx uz no ndax hnuz chax chês. Shông no ntơưv Lào Cai tsênhv chiv nhênhv 65 shông hnuz Lâul Hôx tuôx seiz yuô tsêr meir tênhv thâuv ntêx.

Lơưr zơưv Lưu Ngọc Phước, Phưv Giám đốc tênhv tênhz Bát Xát, seiz pov phênhv ntâu têx chuôz zis hâur jok Bản Giàng puôr lênhx zos chuôz zis pluôs, zuôr xar pluôs viv li luz hlik hâur kaz shôngk shông no taz viv zuôr chiê 100% tsôngv box muôx tênhv sir zôngv uô ntêx shông yiêz; iz chas ntơư, bax kriê trâu tsôngv pêx xênhv pâuz lok têx tsưr ziv sir zôngv tênhv truôx tuk: “Chiê chaz kho tâu têx xor tênhv ntơưv qơư tso tênhv lok txos chuôz zis cux tas ntâu nhiêx txiêx. Luz hli paz tsôngv pêx xênhv no, Công ty tênhv tênhz Lào Cai cux xưk li tênhv tênhz Bát Xát quyết tinhv zuôr paz tas nro trâu 54 chuôz zis pêx xênhv nhoz no, tsi chiê sơưr đơưk trâul pôngz nhiêx txiêx chaz xor tênhv”.

Muôx tênhv tuôx txos, tsi tiêk paz pov cêr, paz txux chi tsưr ziv, tsênhv krêz ntâu hâu cêr trâu tsôngv box huôv tsar uô nox uô hnar. Iz chas xar njôngr tâu zuôr, sir zôngv têx chuôz zênhx jông phưx vưv luz nênhx niêx hnuz li: Ti vi, lâux câuz uô mor sir zôngv tênhv...., ntâu chuôz zis Bản Giàng cux tưz xar txos zuôr bax zuôr têx meir hav, meir jov cxur, meir tsuôk jâuz buô uz no.   

Cux tsênhv nhoz tox siêz đêz đrôngs, huôz pok niêz hâur niêx shông, taz sik muôx tênhv tênhz tuôx txos, cheix ntux yiêz shông no tsôngv box sơưr đơưk hâur jok Bản Giàng zuôr muôx cêr shir phaz thiêz sor siêz đuô./.

An Kiên-Riê Lâux cxeik, nhênhv