Krêz trôngx ju lix- Sa Pa cê shir phaz cê cxơưx

          Nhiv kuôr 2 shôngk đhâu, tix lâuk Phạm Tiến Dũng, tsưr 4 tsêr so nhoz Sa Pa khênhr phưx vưv kruô zos nênhs saz đrâuv têz qơưk nhiv no tsuôk yuôr 1 qơư gra bê Eden Boutique. Pir đros ntâu lênhx nênhs yưv pênhr txơưr ntơưv qơư ju lix no, tix lâuk Dũng cux xar tiêk tix lâuk môngr jông tsênhv sir jos tâu txos nhiv no đhâu jiês moz huôv xênhz.

          Txix thâuv tâu mông Chính phuv thôngx ziv krêz trôngx ju lix, iz cxiê kruô saz đrâuv têz qơưk tưz chuv tôngv tênhv qơư đros tix lâuk Dũng qơư so, shir phaz ntâu mak cux cxơưx lok six ntâu viv tsênhv yuôr cxuô luôk hâux lưv zuôr trâus uô, txix cxiv tsa tsưr ziv kho đuô qơư so txos xeir zuôr lênhx nênhs uô hâux lưv...Tix lâuk Dũng heik:

          “Cur xar mak nhiv no tsi tâu tâu muôx chôngz kruô viv zoz qơưx txơưv muôx taz sik tsênhv khov txos ntâu hâux lưv txơưr thiêz. Njuôs xav cux muôx iz cxiê paz kruô zos nênhs muôv muôs thiêz uô hâux lưv ntơưv Việt Nam; yuôr kruô ndis shuôk uô si mak xar njôngr hli 10 zuôr muôx chôngz kruô tênhv qơư so”.

          Krêz trôngx ju lix cux zos xor mông jông đros 20 ntâu taz viv uô ju lix nhoz Sa Pa, tiv zix zos têx paz tos kruô saz đrâuv têz qơưk, viv phênhv tnâu ntu đhâu tsi huôx tôngv, tsuv cơư trôngx. Kruô saz đrâuv têz qơưk khênhr muk ndis shuôk uô si muôx tsưr ziv viv li tưz tênhv nzor, têx taz viv cux tưz qir muôx kruô đăng cir tuôx Sa Pa phênhv ntâu zos hâur hli 4-5 thiêz chuôz ndê lok thâuv kaz shôngk shông. Tix lâuk Phạm Tất Đạt, hlôngr njêx muôk Công ty TNHH iz thành viên sik côngv siêz pheiz kênh:

          “Nhiv no ntơưv taz viv cux tsênhv ntiêr qơư, zos nriêr qơư yiêz mak cux lok six phêv liv, viv nhiêx sê nhoz Sa Pa siêz. Taz sik, pêz cux muôx têx kror jông zos nênhs heik kriê ju lix 100% zos nênhs Hmôngz, Cho pox nhuôs tưz uô hâux lưv ntơưv no cxôngx nzor, moz huôv xênhz lơưr tsi muk heik kriê ju lix mak nhoz tsêr uô kôngz, ntu zuôr txos muôx kruô mak tsuôk hu xor tôngx lơưr txơưv tuôx uô hâux lưv”.

          Chor nênhs paz heik kriê ju lix ntơưv qơư txơưx heik luk saz đrâuv têz qơưk, nhoz uô nênhx ciês ntơưv têx jêx jos zos Sa Pa li iz hâux lưv jông viv zôngx ziv tror huôx tôngv tâu. Taz sik lênhx nênhs uô hâux lưv txơưr mak cux tsênhv zos iz luôk hâux lưv phêv liv đros tiv phaz no thâuv krêz trôngx ju lix. Lơưr pos Hoàng Thị Vượng, Tsar phongx vênhx huôv thôngz xor mông thị xã Sa Pa, đrâuv zuôr trâus ntâu lênhx nênhs uô hâux lưv ntơưv têx qơư nox so, tiv zix zos nênhs tos kruô mak têx lênhx nênhs paz heik kriê ju lix ntiêx têz nhoz Sa Pa cux muôx tsi txâuk. Thâuv ntêx, têx lênhx nênhs heik kriê ju lix ntiêx têz nhoz Sa Pa muôx 100 ntâu lênhx mak nhiv no tsuôk yuôr muôx nhos 20 lênhx:

          “Cux zuôr trâus muôx six hơưv chiê têx qơư ju lix tror hôx phưx thiêz Sa Pa cux zuôr paz txưv têx taz viv bax cxuô lok hâux lưv hâur ntu zuôr txos, phênhv ntâu zos thôngz đhâu têx lớp thox cxov, kriê cxaz; pêz cux tsênhv cxiv uô iz fâu ntơưr ju lix trâu chor nênhs heik kriê ju lix, chiê heik kriê jông tiv zix têx tsiv grê vênhx huôv, lix xưv thiêz qênhx shênhx huôv tsar KTXH ntơuv tiv phaz txos tsôngv kruô zos nênhs saz đrâuv têz qơưk”

          Lơưr zơưv Vương Trinh Quốc, Chủ tịch UB thị xã Sa Pa, têx jông tiv zix zaz zâuv tâu chôngz kruô zos nênhs saz đrâuv têz qơưk tuôx Sa Pa zos viv têz qơưk jông jav thiêz lok vênhx huôv, lênhx nênhs nhoz no. 2 shông ntâu moz huôv xênhz, Sa Pa tsi côngz fur cơư trôngx ju lix, hâux lưv no tso pov tiv phaz li siêz xar njôngr krêz trôngx ju lix thiêz tsênhv tsênhz cxuô luôk hâux lưv tưz tâu bax uô tiêr lok six ntâu. Txix tênhx qơư, coar lik cxiv tsa txos tuôr tsês, por hưv thiêz hôx phưx vênhx huôv...tas nro puôr lênhx muôx têx hlôngr yiêz jông, taz sik phêv liv mak cux tsênhv muôx. Zơưv Quốc heik:

          “ Co zos cxix luôk zaoz thôngz, qơư tsav yêz, têx qơư heik kriê vênhx huôv, tsêr vênhx huôv, qar shâuv thiv thao...Sa Pa zuôr trâus muôx six hơưv cxiv tsa thiêz uô. Iz hâux lưv phêv liv đros tiv phaz thiêz zos tsuv coar lik, uô trơưk tsưr ziv, chiê uô tâu hâux lưv no mak tas nro chính quyênx, doanh nghiệp thiêz tsôngv box tsuv sik thôngx siêz uô”.

          Nhiv no, njuôs xav lok cxiv tsa qơư ju lix têz qơưk Sa Pa txos shông 2040 cux tưz uô tiêr têx luôs hâux lưv uô kaz ciês chiê muôz trâu Thủ tướng thôngz đhâu. No zuôr txos hâux lưv coaz tsôngv chiê cxiv tsa iz Sa Pa huôv tsar, hlôngr yiêz hâur ntu zuôr txos./.

(An Kiên-Txâur Vax cxeik nhênhv)

Sơn La: Pov muôx ntâu jiês thâux xa, chaz tsiêx cxu đhâu ntus đriv tsik zos chei

Nhiv kruôr đhâu, thâuv qênhz yuôx, tôv côngz xưv Zênhx Pênhz phax Chiềng Khương, Bôv Chỉ huy Bôv đôiv Pênhz phax Sơn La tưz pov 2 paz nênhs tsênhv chaz chor tsiêx cxu txix saz têz qơưk Lào đhâu ntus đriv lok hâur têz qơưk Việt Nam. Thâuv tôv côngz xưv qênhz yuôx, 2 paz nênhs no tưz tso têx tsiêx cxu tsês khiêr tror muk trâu saz têz qơưk Lào, muôx 8 tuk nênhl tas nro tsiv gri xar muôx 100 triệu đêiv. Thiếu tá Hoàng Văn Thành, Phưv Zênhx tsar Zênhx Pênhz phax trôngx đriv Chiềng Khương, huyện Sông Ma, tỉnh Sơn La puz pâuz:

“Têis cik sơưr nzor hnuz 11/3, pêz tsưr tsix sêiz jor cxov oz txuz, tâu 8 tuk nênhl, thâuv sêiz jok cxov co mak zos hmo ntux, thax tsav phiv liv, chor nênhs co thâuv pov pêz mak tso têx tsiêx cxu tsês thiêz khiêr gâuv trâu hâur har jôngr. Sâuv thax tsav ntus đriv thâuv hmo ntux thiêz têis cik sơưr nzor mak muôx huôz tsâuk, ntux no, lok six phiv liv lax ntêk cxov tâu chor nênhs co. Pêz chor nênhs cux tsênhv muôx tsơưs thiêz tsênhv tsuv uô têx hâux lưv txơưr thiêz…”.

Xar Chiềng Khương, huyện Sông Ma (Sơn La) muôx zuôr xar 27 cêik cêr ntus đriv, buôs ti đros têz qơưk Lào, muôx ntâu txox cêr zâu, cêr lus, zôngx ziv trâu muk lok đhâu ntus đriv. Chor nênhs nhoz oz saz ntus đriv cux siz pâuz, siz nus, sik côngv uô cê, muôx ntâu tsưr ziv chiê thâux xa, chaz têx tsiêx cxu li nhux, tưv, nênhl lok đhâu ntus đriv chiê muôs… Cxuô kror puôr lênhx tâu siz nus, hêik pâuz đhâu zalo, facebook thiêz chaz lok đhâu ntus đriv thâuv hmo ntux. Chiê pov tâu nzor thiêz phax tir tar tâu qênhx shênhx no, Zênhx Pênhz phax trôngx đriv Chiềng Khương tưz sir jos uô côngz xưv, qênhz yuôx truôx jông cxuô thax tsav qơư sâuv ntus đriv, pov thiêz xưv lik truôx chor nênhs uô cxâuv. Thiếu tá Hoàng Văn Thành, Phưv Zênhx tsar Zênhx Pênhz phax trôngx đriv Chiềng Khương, huyện Sông Mã, tỉnh Sơn La hêik pâuz nzir:

“Pêz taz viv tsik so chox kriê chor Đôiv uô jông hâux lưv nriêr pâuz thax tsav qơư, qênhz yuôx, zos pov chor nênhs zuôr muôs tsiêx cxu đhâu ntus đriv mak pêz zuôr tsưr tsox sêiz jor thiêz ntêk cxov. Pêz tso nênhs uô hâux lưv cov nzor, phênhv ntâu zos thâuv hmo ntux. Pêz cux zuôr sik thav nzir đros têx lưx lươngv saz têz qơưk Lào chiê tsưr tsix ntêk cxov”.

Lơưr thôngz sâu, hâur 1 shông đhâu, Zênhx Pênhz phax Chiềng Khương, huyện Sông Mã tưz pov thiêz cxov tâu 12 txuz, 6 lênhx nênhs thâux xa, chaz têx tsiêx cxu đhâu ntus đriv, cxov tsês tâu 22 tuk nhux đas, 4 tuk tưv thiêz 10 tuk nênhl. Zênhx Pênhz phax Chiềng Khương cux tưz sik côngv đros chor công an xar xav jênhv, qênhz yuôx, uô tsênhz mênhx chor txuz hâux lưv thiêz uô têx ntâuz ntơưr xưv lik chor tsiêx cxu no lơưr chêi têz qơưk li cui tênhv, Đại úy Vì Văn Thỏa, Phưv trưởng Công an xar Chiềng Khương, huyện Sông Mã, tỉnh Sơn La hêik:

“Công an tưz sik côngv đros Zênhx Pênhz phax trôngx đriv Chiềng Khương qênhz yuôx, xav jênhv chor nênhs cik txos, nhiv no mak tsênhv zok nriêr tsik tâu pov chor nênhs co. Tiv chor nênhs co muk lok thâuv hmo ntux, viv li zos pov chor nênhs muôx vax huôv mak zuôr tso têx tsiêx cxu tsês chiê khiêr gâuv. Cơ quan công an nhiv no tsênhv tror sik côngv đros chiê qênhz yuôx chor txuz hâux lưv no”.

Cux lơưr Phưv Công an xar Chiềng Khương Vì Văn Thỏa, ntu zuôr txos, chor lưx lươngv muôx vax huôv sâuv thax tsav zuôr tror sik côngv đros chính quyền cxuô thax tsav qơư sir jos uô côngz xưv qênhz yuôx, phax tar, tsik chiê chor nênhs uô cxâuv chêi thâux xa, chaz tsiêx cxu muk lok đhâu ntus đriv tsis zos chêi, paz tuôr truôx tâu ngaz tuk sâuv thax tsav./.

(TTTB-Lik Thox cxêik nhênhv)