Sơn La bax jông cxuô luôs hâux lưv trâu shông cơưv yiêz

Shông cơưv no, tỉnh Sơn La muôx 610 qơư zoz zux, 370.000 ntâu lênhx shux xênhz cxuô cấp cơưv. Ntơưv cxuô thax tsav qơư nhoz Sơn La, côngz xưv bax trâu shông cơưv yiêz cux tsênhv tâu chor tsêr cơưv ntơưr sir jos kriz uô sêi.

Uô ntêx shông cơưv yiêz 2022-2023, huyện Mộc Châu tưz qênhz yuôx vax tsêr cxuô zav hâur têx tsêr cơưv ntơưr thiêz tsês chiê nhiêx txiêx muôx 28 tiv đêiv, yưv pênhr cxiv uô yiêz chor côngz trinhx cxuô zav li lớp cơưv ntơưr, qar nhoz uô hâux lưv, qơư nhoz trâu chor shux xênhz niêv txir zus mor… trâu 10/43 luz tsêr cơưv ntơưr sâuv thax tsav. Đros muôx 27.000 ntâu lênhx shux xênhz, huyện Mộc Châu tưz phênhv tưs tax tâu zoz qơưx tsaz yênhx zoz zux phôv thông yiêz, muôx 35-40 lênhx shux xênhz iz lớp, chor tsêr cơưv puôr lênhx muôx qar uô hâux lưv, chuôz zênhx cxuô zav taz por uô tâu jông hâux lưv kriê thiêz cơưv ntơưr. Cưk kriê Lương Văn Linh, Hiệu trưởng Tsêr cơưv cxênhx oz 8/4, thị trấn Nông Trườn Mộc Châu, huyện Mộc Châu hêik: “Tsêr cơưv ntơưr tsênhv sir jos sik côngv đros huyện chor phongx ban uô hâux lưv no sêiz shuôk hêik chor taz viv uô cov uô chak lok uô  tâu huv zos li tsưr ziv trâu hâur shôngk shông cơưv yiêz. Chor côngz trinhx đhâu thâuv muôz lok sir zôngv zuôr tax tâu tsêr cơưv ntơưr li zoz qơưx phưx vưv trâu hâux lưv kriê thiêz cơưv ntơưr, paz trâu chor shux xênhz, chor cưk kriê ntơưr tâu cơưv ntơưr thiêz kriê ntơưr hâur kror qơư jông tiv zix”.

Đros tsêr cơưv ntơưr thiêz cưk kriê ntơưr, chor shux xênhz hâur tas nro tỉnh cux tsênhv bax cxuô zav cov cxix cxuô trâu zuk chiê hla trâu shông cơưv yiêz; chor qơư muôs têx ntơưr cơưv thiêz chuôz zênhx cơưv ntơưr tsik so muôx chôngz lênhx nênhs tuôx zuôr. Hoàng Thị Thùy Linh, Tsêr cơưv cxênhx pêz Chuyên Sơn La puz pâuz: “Thâuv txêik tâu bê ntơưr lok têx ntơưr cơưv tsuv muôx, cur tưz tuôx trâu chor qơư muôs ntơưr chiê zuôr ntơưr, tuôx ntơưv no mak chor nênhs muôs ntơưr cux sir jos paz trâu zuk, txos nhiv no mak cur tưz zuôr tâu zuôr xar txâuk têx ntơưr cơưv lơưv, thiêz cur cux tưz bax tâu jông chiê piz hla trâu shông cơưv yiêz lơưv thiêz”.

Shông cơưv 2022-2023, tsaz yênhx zoz zux phôv thông 2018 tror tâu kriz uô nhoz lớp 3, lớp 7 thiêz lớp 10. Kror tsuv tsov cưv txos, zos tsaz yênhx yiêz lớp 3 zuôr muôx oz môn cơưv yiêz tsuv cơưv zos Luk Anh thiêz Tin học. Đros tỉnh tox siêz Sơn La, hâux lưv kriz uô kriê oz môn cơưv no ntơưv têx tsêr cơưv nhoz đêz, tox siêz, muôx tsik tâu txâuk cxuô zav thiêz chor cưk kriê ntơưr… mak zuôr njiz trâus tsik tsơưs têx phiv liv.

Lơưr pos Điêu Thị Dân, Phưv Giám đốc Sở Zoz zux Sơn La, tas nro tỉnh nhiv no tsênhv muôx tsik tâu txâuk nhos 300 lênhx cưk kriê ntơưr kriê môn luk Anh thiêz Tin học, iz chas co, chor qar kriê ntơưr, uô hâux lưv, chuôz zênhx, mạng internet nhoz ntâu tsêr cơưv ntơưr, tiv zix zos chor tsêr cơưv ntơưr thax tsav tox siêz đêz đrôngs cux tsênhv tax tsik tâu tâu zoz qơưx kriê thiêz cơưv ntơưr. Đros qênhx shênhx co, nganhx tưz cxiv tsa iz cxiê tsưr ziv uô ntêx chiê taz por 100% shux xênhz tâu cơưv ntơưr huv zos lơưr tsaz yênhx  yiêz: “Chiê taz por 100% shux xênhz lớp 3 sâuv thax tsav tâu cơưv môn luk Anh hiêz Tin học, Sở Zoz zux tưz sir jos tsov cưv txos chor cưk kriê ntơưr kriê luk Anh thiêz Tin học nhiv no muôx hâur têx taz viv tsêr cơưv ntơưr thiêz sâuv thax tsav; tiv 2 zos zuôr chiê chor cưk kriê luk Anh thiêz Tin học kriê ntơưv ntâu luz tsêr cơưv thiêz kriê nzir six hơưv lơưr cui tênhv; thôngx cxix chor sở zoz zux zuôr khov trâu qênhx shênhx tsênhv tsênhz chiê muôx tâu tsưr ziv uô jông, huv đros thiêz uô cov tâu truôx jông tiv zix./.

(Trấn Long-Lik Thox cxêik nhênhv)

Sir jos lês uô jông têx luôs hâux lưv viv cêr truôx tuk trâu tsôngv pêx xênhv

Luôs hâux lưv phax tir thêir têx tsi jông, nênhs fêv thâuv hmo ntux tsi chuôs li hâur ntâu đrôngs lox, taz sik cux tsi zos tsơưs nhoz Lào Cai-iz thax tsav qơư muôx trôngx đriv, muôx ntâu kruô muk lol ndis shuôs têz qơưk uô si. Tiểu đoanx Cảnh sát cơ động, Công an tỉnh Lào Cai li chor tổ côngz xưv thâuv tưs cux bax jông cxuô faz tsưr ziv, siêz truôx bo lês uô têx luôs hâux lưv zok muôz, taz por truôx tuk. Đại uý Lê Xuân Đoàn heik: “Đhâu qênhz yuôx, chor nênhs sir zôngv têx chơưr, bia, zax zênhz…., muôx kênh lênhx tso têk khiêr, chêv têx lưv lươngv công an li uz li no, pêz tưz zênhx max tir thêir, xưv bluô trơưk cui tinhv”.

Viv tox trôngz hâur pêk nxaz, phiv liv muk lol, Lào Cai tsênhv zos qơư têx nênhs zuôr muôs uô luôv zax zênhz khênhr thâux gra zax zênhz muk đhâu trâu Trung Quốc. Chor nênhs co lơưr lok six txơưx jêik, sik tuôr tsưr ziv đros luôs 2 chas tỉnh, têz qơưk đrâuv, zôngv hur si công nghệ siêz viv li têx txuz nuv ntơư tsuv fuô uô têx faz tsưr ziv nhiêk txơưr nhiêk tsi siz thôngx. Hâur ntu đhâu, Lào Cai tưz ruôr por tsês tâu ntâu txuz zuôr muôs, uô luôv zax zênhz lox, muôx kênh txuz sâu tsês tâu 2, 3 puôk poz zênhz đơưz, 2, 3 cxênhz njiêr yuôx shơư zênhz. Hâur hlik hli 8 nhiv kruôr đhâu, muôx nzir iz lênhx nênhs thâux gra tsi trơưk chei 120 cxênhz njiêr yuôx shơư zênhz trâul ntêk tâu.

Nhoz hâur qơư lox đar, đros trâu ntâu thax tsav tox siêz, ntus đriv, Lào Cai tưz nzor uô tiêr luôs hâux lưv tso, phênhz Công an chính quy muk lês uô têx hâux lưv hâur xã ntơưv 100% xã . Tsơưr lươngv txux chi, tsưr ziv tâu gra siêz cux paz đơưk uô tâu ntâu txuz nuv li: Phax tar moz Covid-19; uô têx ntơưr đas cir yêz, biển số yêz ntơưv xã, tsưx phưv truôx tuk thax tsav ntuus đriv….. Trung tá Vũ Thành Trung, Tsar Công an xã Nậm Chảy, huyện Mường Khương heik: “Lưv lươngv công an xã cux hux jos truôx đros chor tuz lênhv pênhz phax, cxuô ban, ngênhx đoanx thêv sir jos muk yax kriê trâu tsôngv pêx xênhv chiê lơưr pâuz tsênhz txos chei têz qơưk têx cui tinhv. Uô cxâuv chei têz qơưk li têx tsi jông, lar heik zos muk lol đhâu đriv têz tsi trơưk chei zuôr buôk ti uô tsi jông txos tsôngv pêx xênhv li chei, vax huôv”.

Trơưk li Đại tá Lưu Hồng Quảng, Giám đốc Công an tỉnh Lào Cai, lês uô jông cxuô luôs hâux lưv zok muôz viv tsôngv lax pêx xênhv; sir jos cxiv tsa lưv lươngv truôx njês, phênhz têx nuv uô, hlôngr yiêz tsưr ziv uô hâux lưv, phax tar chor nênhs uô cxâuv chei têz qơưk hâur thax tsav tưz uô tâu jông. Txix shông 2015 txos nhiv no tưz muôx 3 cxênhz ntâu txuz uô cxâuv chei tâu xưv bluô, hâur co tsi tsơưs txuz nuv lox, cuz nxor, paz tir thêir tâu chor nênhs fêv, tsưx phưv truôx thax tsav qơư: “Choz hâux lưv trâu chor hloz hâur cxuô phongx, taz viv lês uô têx hâux lưv zok muôz, lar heik zos têx nuv lox, zov chênhr. Taz por truôx tuk thax tsav, tôngv zênhx sơưr đơưk sik tưr lês uô jông cxuô luôs hâux lưv zok muôz hâur jiês sơưr tơưv txênhz, phax tar têx nênhs fêv uô cxâuv chei têz qơưk”.

Hâur 75 shông cxiv tsa thiêz lês uô têx luôs hâux lưv zok muôz lok phax tar nênhs fêv, nênhs uô cxâuv chei têz qơưk xav txix hnuz yênhx lix Công an tỉnh thiêz Đảng bộ Công an tỉnh li chi bộ Đảng xuz thơưx lok hli 8/1947 txos nhiv no, Công an tỉnh Lào Cai tưz tâu Đảng, têz qơưk muôz ntâu ntơưr kruôs. Muôx 03 taz viv tâu muôz côngz bê Zênhz shôngx lưv vũ trang lês uô tâu jông cxuô luôs hâux lưv zok muôz./.

                              (An Kiên-Tống Huệ-Riê Lâux cxeik, nhênhv)