Nox hâuk siv têx zav nox kaz hâur ntênhs hội cà phê  lox yax faz Bắc

39 taz viv, doanh nghiệp, thax tsav hâur Sơn La thiêz luôs 2 chas tỉnh li: Hưng Yên, Ninh Bình, Yên Bái, Hà Nội, Đăk Lăk, Gia Lai....100 qơư muôs têx xiv huv cà phê, kôngz nuv, têx zav nox kaz ntơưv Hội ciêz piêr kriê “cà phê Sơn La-sik côngv, sik đros huôv tsar”. Pos Vi Thị Tâm, Phưv Giám đốc Công ty cà phê Sơn La heik:“Pêz têx xiv huv cà phê li: Cà phê nôngz, cà phê ciz, jov uô hmôngr...tâu tsiv uô txix 100% têx nôngz cà phê Arabica muôx suôz bê to ntơư, uô tâu trơưk li cui tinhv xiv huv hur jông . Đhâu co, pêz vav chiê siêz zuôr muôx ntâu tus chôngz lênhx hâur côngv thôngx, nênhs sir zôngv hâur têz qơưk thiêz sâuv ntiêx têz pâuz txos têx xiv huv cà phê Sơn La heik sâuv”.

Gra xiv huv cà phê Arabica txix Tuần Giáo, tỉnh Điện Biên tuôx đros côngv ntênhs hội uô lov jêv, zơưv Nguyễn Quốc Tế, Giám đốc công ty cà phê Hồng Kỳ Quốc tế heik pâuz:“Pêz gra ntâu xiv huv tuôx, hâur co muôx cà phê Arabica tax xiv huv OCOP zos chênhr tsôngv box Hmôngz nhoz huyện Tuần Giáo, tỉnh Điện Biên huôv tsar chos, tsoz phưz. Co zos thax tsav tox siêz, jông huôv tsar chos têx cà phê Arabica no. Vav chiê siêz, ntênhs hội zuôr zos six hơưv jông chiê paz doanh nghiệp, cux li tsôngv box muôx cêr huôv tsar uô nox, lax luôv”.

Hâur ntênhs hội muôx ntâu tsar zav jông, lênhx nênhs uô cà phê thiêz nênhs hâuk siv cà phê tưz tâu siz chuôs njiz, sik thav, sik tưr thik uô têx nuv li: Đo cà phê hâuk, muôz têx fuôk hmôngr cà phê cok uô đuôz.....Tsi tas li tsôngv kruô thiêz cưr tix nênhx tsa sơưr đơưk tsênhv tâu hâuk siv têx cà phê  tsi tas nhiêx txiêx thiêz đros thav, sik pheiz kênh têx tsưr ziv chos, tsiv uô cà phê Sơn La, Tây Bắc. Zơưv Nguyễn Văn Thủy, nhoz huyện Mộc Châu, tỉnh Sơn La heik:“Thâuv ntêx cur nhoz Đắk Lắk khênhr hâuk têx cà phê nhoz thax tsav ntơư, nhiv no lok nhoz ntơưv no thiêz uô hâux lưv tâu 5 shông lơưv. Cur pov cà phê Sơn La cux lok six kaz, jông hâuk cơưk”.

Đros đoanx đại biểu têz qơưk Lol Tsuôk ndis seiz, côngv uô têx cêr lov jêv ntơưv ntênhs hội cà phê Sơn La, zơưv Hin Thong Đuông Chăn Súc, seiz car Ủy ban qênhz yuôx tỉnh Hủa Phăn heik:“Pêz lok six shir phaz thiêz pov xiv huv cà phê cux li tỉnh Sơn La têx xiv huv kôngz nuv jông cơưk. Lar heik zos pov tâu pêx xênhv nhoz no siêz jông thiêz lok six nhiêv kruô. Cur pov tỉnh Sơn La huôv tsar sei, muôx ntâu hlôngr yiêz đuô pir li thâuv ntu cur tuôx seiz shuôs kuôk no 10 ntâu shông ntơư”.

Ntênhs hội cà phê tỉnh Sơn La đros trâu ntâu hâux lưv, txux chi uô jông tưz uô tsôngv kruô sơưr đơưk ndo njôngr hâur đruôz siêz tsi plox, zos xor xưv ntâuk hov zuôr xar 80 shông cà phê Sơn La txix zav tsoz chos hlôngr yiêz cêr huôv tsar uô nox txos muôx suôz bê to sâuv ntiêx têz, tâu chôngz lênhx ntâu tus nhoz ntâu têz qơưk thiêz hâur thax tsav nhiêv zuôr hâuk txos.

 Txix co, Sơn La zuôr tror huôv tsar uô truôx jông ngênhx cà phê. Iz chas ntơư, zos six hơưv chiê yax xa txos tsôngv fôngx zưs sơưr đơưk sâuv ntiêx têz “thâuv tưs xar txos têx cà phê mak zos xar txos Việt Nam”, hâuk cà phê Sơn La zos ndo txos tox siêz Tây Bắc”-No zos têx luk Bộ trưởng Bộ Kôngz nuv thiêz huôv tsar tox siêz Lê Minh Hoan heik mênhx txos ntơưv tsaz yênhx krêz uô ntênhs hội cà phê Sơn La nhiv kruôr đhâu./.

                              Long Hạnh-Riê Lâux cxeik, nhênhv

Pok gra ntơưr bảo hiểm y tế thâuv muk seiz njuôs thiêz kho moz?

    Niêv lâuk Huyền nhoz (huyện Tuần Giáo-Điện Biên) nus, pok gra ntơưr bảo hiểm y tế thâuv muk seiz njuôs thiêz kho moz?

          Ntơưv Công văn 1493 shông 2021, BHXH VN muôx cui tênhv lok six tsênhz mênhx lok hâux lưv sir zôngv đuôz shav ntơưr BHYT sâuv ứng dụng VssID chiê seiz njuôs thiêz kho moz BHYT. Hâur co, cui tênhv thâuv muk seiz njuôs thiêz kho moz ntơưv têx qơư y tế, nênhs moz tsi zuôr trâus gra lơưr ntơưr BHYT. Hlôngr co, nênhs moz zôngv tâu BHYT sâuv ứng dụng VssID chiê uô ntâuz ntơưr seiz njuos thiêz kho moz.

   Taz sik, zos nênhs moz tsi cài ứng dụng VssID sâuv điện thoại mak tsuv gra lơưr ntơưr BHYT.

Ntu ntơưr BHYT muôx txux zôngv sir zôngv tâu zos thâuv tưs?

 Ntơưv khoản 3 Grê 16 Chei BHYT 2008 tâu kho đuô yênhx khoản 10 Grê 1 Chei BHYT kho đuô shông 2014 muôx cui tênhv lok six tsênhz mênhx lok ntơưr BHYT li đrav kaz:

Ntơưr BHYT muôx tsiv grê sir zôngv txix hnuz gôngr BHYT đros:

+ Nênhs lox tôngv;

+Sĩ quan, hạ sĩ quan nghiệp vụ thiêz sĩ quan chuyê môn, kỹ thuật tsênhv uô côngz xưv hâur lưx lươngv Công an;

+Nênhs sơưv nhiêx shar so lâuk, paz txưv pôngz đas jos uô lox tôngv hâur yênhx hli;

-Nênhs cxaz chuôz BHYT tsi so txix jiês tiv 2 ndê muk mak ntơưr BHYT muox tsiv grê sir zôngv siz lơưr liês đros hnuz ntơưr BHYT uô ntêx co tas six hơưv sir zôngv;

-Ntơưr BHYT muôx tsiv grê sir zôngv đhâu 30 hnuz, txix hnuz gôngr BHYT đros nênhs cxaz chuôz BHYT txix hnuz xiêz 1/7/2009, lok sik cxaz chuôz tsi cxix cxuô txix 3 luz hlik ndê muk hâur shông nhiêx txiêx muôx:

+Nênhs tsênhv sơưv phênhv paz BHXH yênhx hli tiv txiêz nanv lox tôngv, moz tiv hâux lưv uô;

+ Nênhs tưz so tsi sơưv phênhv paz txưv pôngz đas jos uo lox tôngv tsênhv tâu sơưv yênhx hli txix nhiêx txiêx têz qơưk.

-Đros mê nhuôk tsi tâu nto 6 shông hnuz nhôngs mak ntơưr BHYT muôx tsiv grê sir zôngv txos hnuz mê nhuôk txâuk 72 luz hlik hnuz nhôngs. Zos mê nhuok txâuk 72 luz hlik mak tsi tâu muk cơưvb ntơưr mak ntơưr BHYT muôx tsiv grê sir zôngv txos hnuz 30/9 shông co.

 Thâuv tưs ntơưr BHYT tsi muôx tsiv grê sir zôngv thiêz?

Ntơưv khoản 4 Grê 16 Chei BHYT shông 2008 muox cui tênhv lok têx thâuv ntơưr BHYT tsi muôx tsiv grê sir zôngv zos:

-Ntơưr tas six hơưv sir zôngv

-Ntơưr trâus kho đuô, trâus cxuôv kho đuô xor mông…

-Nênhs muôx bê ntơưr đeiv ntơưr tsi tror cxaz chuôz BHYT./.

Thu Thùy-Txâur Vax cxeik nhênhv