Sơn La bax jông cxuô luôs hâux lưv trâu Festival txir ntông thiêz xiv huv OCOP VN shông 2022

Têx hnuz no, HTX Kôngz nuv truôx tuk Chiềng Hặc nhoz Yên Châu, tỉnh Sơn La tsênhv max bax cxuô luôs hâux lưv trâu Festival txir ntông thiêz xiv huv OCOP VN shông 2022. Tas nro têx têz txir mo môngk tưz tâu chor nênhs hâur HTX muôz hnaz ntơưr krưr lôngx iz luz jux juk chiê tsi trâul caz hmoz tho nox uô ruôr hiêv. Tu, krưr jông li heik co chiê taz por têx txir ntông jông gâux, muôs tâu gri.

Zơưv Hà Văn Sơn, Giám đốc HTX heik: HTX nhiv no muôx zuôr xar 15 ha têz txir mo môngk trơưk li cui tinhv VietGap thiêz muôz ntơưr côngk nhav thax tsav chos chiê muôs trâu luôs 2 chas têz qơưk đrâuv; iz chas co HTX tsênhv sik côngv đros 30 chuôz zis pêx xênhv chos txir mo môngk, muôx nhos 25 ha. Têx lênhx nênhs hâur HTX thiêz tsôngv pêx xênhv lênhx tưs cux shir phaz thâuv HTX têx txir mo môngk tâu xeir cxaz chuôz muôs ntơưv xor xưv no: “Pêz cux hmôngr jông viv zuôr txos no, HTX têx xiv huv tâu xeir cxaz chuôz Festival txir ntông Sơn La. Thôngz đhâu tsaz yênhx co, pêz cux xar cov muôx ntâu tus chôngz lênhx kruô pâuz txos pêz têx xiv huv hur jông. Zuôr txos no, pêz vav chiê siêz tâu cir ntơưr nzir đros luôs lưv tus txơưr đuô thiêz chiê muôs tâu têx xiv huv txir ntông trâu ntâu ciêz đrôngs đuô”.

Đros cxaz chuôz Festival txir ntông thiêz xiv huv OCOP shông 2022, huyện Thuận Châu, tỉnh Sơn La đas cir huyện li 24 xiv huv kôngz nuv jông li: Txir thanh long plơưr liêz, txir tuôz ziz, txir lưk hmaz, yuôx zêx Trọng Nguyên, grêix caz puôz kra kruôr thiêz tsôngv box Poz Ziz ntơưv qơư li têx xiv huv vênhx huôv jông……

Trơưk li zơưv Nguyễn Xuân Hoàng, Phưv Chủ tịch Ủy ban huyện Thuận Châu: Cxaz chuôz têx xor xưv heik sâuv, chor doanh nghiệp, HTX, chuôz zis huôv tsar uô kôngz hâur thax tsav zuôr muôx six hơưv tâu buôk ti têx txux chi tsưr ziv uô nox yiêz txix chor chuôz zis txơưx huôv tsar uô nox uô hnar sâuv tas nro têz qơưk, krêz đar ciêz đrôngs sâu zuôr têx xiv huv: “Huyện Thuận Châu cux pov, đhâu tsaz yênhx no zuôr krêz đar nzir hâu cêr yiêz trâu chor doanh nghiệp, HTX, têx chuôz zis pêx xênhv seiz pov ntâu xiv huv jông sâuv tas nro têz qơưk. Đhâu co cxaz nzir cêr chiê siêz trâu chor doanh nghiệp, HTX, chuôz zis pêx xênhv huôv tsar uô kôngz lơưr tsưr ziv yiêz, hur jông thiêz truôx vênhk”.

Sơn La zos iz hâur têx thax tsav uô ntâu kôngz nhoz faz Bắc. Tas nro tỉnh nhiv no muôx 84 cxênhz ntâu ha têx tsoz chos ntông nox txir cxuô zav, iz shông sâu đê tax zuôr xar 450 cxênhz tênhr; muôx 24 xiv huv kôngz nuv tâu Cục sở hữu trí tuệ muôz ntơưr côngk nhav por hưv; tâu muôz 220 têx ntơưr côngk nhav thax tsav chos, đros thiêz 4.800 ntâu ha tsoz chos ntông nox txir phưx vưv muôs trâu luôs 2 chas têz qơưk đrâuv; cxiv tsa, muôx đreiv thiêz huôv tsar 235 qơư zuôr muôs têx zav nox kôngz nuv, shuôz njêl truôx tuk.

Txos iz jiês no, tỉnh Sơn La tưz xeir tsov tâu 220 ntâu xiv huv kôngz-jôngr-đêx nuv hâur 12 huyện, TP cxaz chuôz Festival txir ntông thiêz xiv huv OCOP VN shông 2022. Hâur co, muôx 70 ntâu xiv huv OCOP, zos: Têx kôngz nhôngk, jông thiêz tsiv uô tâu; cxuô zav đêx hâuk, têx uô tâu txir chor yuôx đrox njuôz, pax, ntâuz xor, shôngz ntông, xơưs tsôngk tril yo……

Zơưv Nguyễn Thành Công, Phưv Chủ tịch Ủy ban tỉnh Sơn La heik pâuz: Têx xor xưv jiês cơưv Thủ tướng sik thav đros pêx xênhv VN, Festival txir ntông thiêz xiv huv OCOP VN shông 2022 ntơưv tỉnh Sơn La zos six hơưv jông chiê Sơn La piêr kriê, heik trâu tsôngv kruô, luôs 2 chas thax tsav, têz qơưk pâuz txos têx uô tâu jông hâur huôv tsar uô nox uô hnar, kôngz nuv, jux lix, lênhx nênhs Sơn La. Nhiv no tỉnh Sơn La tsênhv sir jos bax uô jông cxuô luôs hâux lưv, taz por uô tâu yênhx côngz têx li heik sâuv: “Txos iz jiês no, hâux lưv bax trâu xor xưv no tưz tâu chox kriê uô jông thiêz tsênhz mênhx. Txix tsưr tsix têx xor xưv co, pêz khav tinhv tỉnh Sơn La têx uô tâu hâur huôv tsar uô kôngz đhâu hlôngr yiêz tsưr ziv uô chiê uô tâu kôngz lôngk ntâu, sâu tâu nju muôs trâu ciêz đrôngs. Iz kro thiêz zos tror hu zâuv têx lênhx nênhs yưv pênhr  uô trâu ngênhx kôngz nuv heik taz thiêz hu zâuv yưv pênhr trâu ngênhx kinh tế tỉnh Sơn La heik cxuô”./.

                                    (Trấn Long-Riê Lâux cxeik, nhênhv)

Iz cxiê tsưr ziv jông paz phax tar moz suôz liêz (2 suôz)

Nam: Muôz cxuô zav zôngx ziv tâur đêx por tsês thâuv tsik sir zôngv lơưv. Zos tiêk muôx têx fiêz, thungz tsik tâu zôngv txos, mak tsuv muôz khưx tas hur si cov tsik tâur đêx.

Nữ: Tsik chiê têx đêx tâur tâu trâu cxuô qơư iz iz ndis vax tsêr lok sik chos ntông hâur têx fiêz, têik uz no muôx đêx. Co zos têx qơư zôngx ziv trâu chor zôngr huôv tsar thiêz têx jâuv zuôr zos iz kror qơư muôx têx caz moz Dengue.

Nam: Sir zôngv têx yuôx phax tar cxuô zav caz thiêz têx zôngr

Nữ: Lôngx đhok chor nzêik phax tar zôngr trâu têx kror trêi, thiêz kror trôngx. Uô li no zuôr paz phax tir tar zôngr jông đuô thiêz paz txo grêk tsơưs sir zôngv têx yuôx tsuôs chiê tuô lov thiêz phax tar zôngr.

Nam: Tsuv sêiz shuôk jông chor nênhs trâus moz suôz liêz. Zos tiêk hâur chuôz zis muôx nênhs trâus moz suôz liêz, tsuv uô jông sêiz shuôk thiêz uô jông cêv kuôk nênhs trâus moz đros thiêz chor nênhs hâur tsêr chiê chor zôngr uô cik tsik tâu caz moz trâu sơưr đơưk.

Nữ: Tsuv pư hâur vix tsav txơưv đruôz hnuz lok zos hmo ntux cov tsik trâus zôngr tov.

Nam: Zos tiêk tso têx chuôz zênhx trâu chor vuôz tsuôz hâur tsêr, kror zov chênhr zos tsuv muôz vor cov ntov nti thâuv sir zôngv tas.

Nữ: Chos ntông paz châuv zôngr. Zav ntông hêik no mak zuôr paz phax tar zôngr ntês kê, uô mê nhuôv, zos iz kror tsưr ziv jông chiê paz châuv chor zôngr hâur zuk vax tsêr muk trâu đrâuv jôngr.

Nam: Hlơưr trox txir cok lox. Txir cok lox xưk li zos iz zav yuôx đros njuôz paz phax tar zôngr lok six jông. Hlơưr txir cok lox hâur qar nhoz thiêz cơư kror trôngx, têx kror trêi cov ntov nti muôx 15-20 phênhz. Uô li co zuôr paz phax tir tar thiêz châuv têx zôngr muôx hâur qar nhoz co lok six jông./.

(SKĐS-Lik thox cxêik nhênhv)