Nênhs Cho nhoz Định Hóa tuôr tsês phongz cxưx uô ntênhs hloz tiêr nênhs

Jos Làng Gầy, xã Phúc Chu, huyện Định Hóa, tỉnh Thái Nguyên muôx 60 ziv chuôz zis, hâur co muôx 1/3 jênh số zos tsôngv box mênhx cxưx Cho, nhoz uô nênhx; phênhv ntâu zos khov txos hâux lưv uô kôngz thiêz chos jôngr. Luz nênhx tsi tâu zos bluô nux, taz sik hâux lưv tuôr tsês têx phongz cxưx chax chês jông cxôngx nzor tsênhv tâu pox nhuôs tsov cưv txos tiv zix. Zos qơư tso thax xưv caz xênhv nênhs, viv li chuôz zis zơưv Lý Hồng Phương zuôr tsưr tsix ntênhs hloz tiêr nênhs. Zơưv Phương 2 tul xênhz nzưr tâu uô ntênhs hloz tiêr nênhs jiês no iz lênhx tâu tik bê yiêz, iz lênhx tov kaz no njuôs xav zuôr cxaz chuôz nênhs cho li têx phongz cxưx chax chês hâur côngv thôngx. Zơưv Lý Hồng Phương pheiz kênh:     “Pox nhuôs mênhx cxưx Cho tsưr tsix ntênhs hloz tiêr nênhs đros siêz xar njôngr muôx jông đas jos, uô tâu nox tâu hnar”.

          Six hơưv no, zơưv Bàn Văn Xuân (nhoz Hoa Muồng, xã Bảo Linh) cux tâu uô ntênhs hloz tiêr nênhs. Hâux lưv bax trâu ntênhs coaz tsôngv bo tâu zơưv Xuân thiêz chuôz zis bax lok six jông, viv ntênhs hloz tiêr nênhs tsi taz zos iz phongz cxưx tsưr tsix trâu lênhx nênhs co mak tsênhv zos zaoz zux trâu cxênhx nênhs Cho lok mênhx cxưx li vênhx huôv chax chês:“Cur zos tsưr tsêr hâur chuôz zis, viv li tsuv kriê trâu mê nhuôs pâuz lok zuk li phongz cxưx viv li cur tsưr tsix ntênhs hloz tiêr nênhs trâu cur chiê tuz nhuôs cơưv shâuv thiêz tuôr tsês phongz cxưx pos zơưs tsês chiê”

          Thâuv ntêx, nênhs Cho nhoz Định Hóa li ntênhs hloz tiêr nênhs tsưr tsix hâur 3 hnuz hmo; taz sik nhiv no khênhr tâu tsưr tsix hâur 1 hnuz. Hâux lưv nox hâuk, zâuv chôngz kruô lok sik têx phongz cxưx pôngz kaz tưz tâu tso tsês ntâu chiê huv đros têx chuôz zis li kinh têr thiêz paz ntênhs hloz tiêr nênhs tuôr tsês tâu tsôngv box li vênhx huôv jông:“Nênhs Cho pêz mak tso tsês tsi tâu phongz cxưx no, tsuv tuôr tsês thiêz kriê trâu cxênhx tuz nhuôs. Viv li tsuv sir jos tuôr tsês phongz cxưx no”

          “Tiv phaz khênhr yax mông vênhv tôngv nênhs Cho tuôr tsês thiêz phuôx huiz zuk mênhx cxưx li vênhx huôv. Tsưr ziv tsưr tsix thiêz six hơưv tsưr tsix tâu txu grês, paz tsôngv box txu grês ntâu hâux lưv tsi zuôr trâus thiêz six hơưv, tsi uô lav phêv”.

          Ntênhs hloz tiêr nênhs tsi taz zos lênhx nênhs tâu tsưr tsix li cêr jông siêz mak tsênhv zos xênhv nênhs li iz cêr shir phaz. Ntênhs tso pov têx zaoz zux jông thâuv tsưr tsưr tsix ntênhs piêr têx jax pêv, piêr lok hâur pâuk xênhv nênhs; kruôz kriê lok têx luôs hâux lưv jông chiê uô lênhx nênhs jông. Ntênhs hloz tiêr nênhs cux zos jiês chiê têx cxênhx nênhs Cho nriêr pâuz, pov tâu têx phongz cxưx chax chês jông cxôngx nzor hâur zuk mênhx cxưx đhâu têx jax đhiê pax vuôs chax chês, suôz su pí lè, têx jax pêv lok côngv thôngx nênhs Cho li luz nênhx chax chês jông. Tsôngv box Cho xar tiêk, nênhs tưz tâu tsưr tsix ntênhs hloz tiêr nênhs thiêx zos nênhs muôx siêz xar, pâuz lok têx luôk hâux lưv jông hâur luz nênhx, ndar txos uô têx luôk hâux lưv jông thiêx tâu côngz jênhv zos zơưv Bàn Vương li tuz nhuôs xênhz nzưr. Iz lênhx txir nênhx hloz tiêr nênhs hâur côngv thôngx mênhx cxưx Cho zuôr tâu jênhv têx luk kruôz kriê hâur ntênhs tsưr tsix hloz tiêr nênhs. Thiêz ntênhs hloz tiêr nênhs zos txir nênhs nênhs Cho li iz hâux lưv coaz tsôngv hâur luz nênhx. Đros têx ntênhs phêv chax chês jông, têx jax cưr cxiêx trâur lâuk...Tsôngv box Cho nhoz huyện Định Hóa li ntênhs hloz tiêr nênhs tsênhv tso pov têx coaz tsôngv hâur tsiv grê vênhx huôv jông, gôngr phênhv huôv tsar ju lix côngv thôngx thax tsav ATK. Pos Hoàng Thị Ngà, Tsar phongx vênhx huôv thôngz xor mong huyện Định Hóa puz pâuz:“Ntu zuôr txos Định Hóa tror uô côngz xưv tuôr tsês têx vênhx huôv jông, hâur co muôx nênhs Cho li ntênhs hloz tiêr nênhs. Yax mông heik kriê têx tsiv grê phi vật thể têz qơưk reik đros đề án huôv tsar ju lix côngv thôngx huyện Định Hóa”.

          Đros têx kror jông thiêz tsuôk muôx hâur nênhs Cho nhoz Định Hóa li ntênhs hloz tiêr nênhs, Ntênhs phêv tâu côngz jênhv zos di sản vênhx huôv phi vật thể cấp têz qơưk. Hâux lưv no tso pov têz qơưk li tsov cưv đros thiêz vênhx huôv chax chês têx mênhx cxưx, gôngr phênhv uô côngv thôngx mênhx cxưx VN li vênhx huôv chax chês ziv jông đuô./.

(TTĐB-Txâur Vax cxeik nhênhv)

Buôn Ma Thuột-Đắc Lắc hlôngr yiêz huôv tsar du lix hâur ntu nhiv no

          Đrôngl Buôn Ma Thuột, tỉnh Đắc Lắc zos thax tsav qơư muôx chuô lax nziês hâur yênhx shông, muôx tox trôngz câuv har jông jav, ntâu qơư di tích lịch sử đros trâu ntâu zav kôngz nuv, ntâu zav nox nto bê, zôngx ziv huôv tsar du lix  trâu tsôngv kruô tuôx ndis shuôk uô si, sêiz shuôk têz qơưs. Trơưk li zơưv Phạm Thanh Tùng (Hiệp hội nhênhz chơưv cxiv uô vax tsêr VN), đrôngl Buôn Ma Thuột, tỉnh Đắc Lắc tsênhv yuôr ntâu zav uô tsik tâu huv đros hâur huôv tsar cxuô zav du lix; lar hêik zos huôv tsar du lix kôngz nuv tsik tâu huv đros:“Du lix kôngz nuv zos zav muôx phênhv sâu tâu lok kôngz nuv, zos huôv tsar uô tâu truôx, ntơư cux zos iz kror qơư tok txêik tsôngv kruô tuôx so uô si, sêiz shuôk têz qơưs. Ntơư tsuv zos côngv thôngx siz chos côngv đas jos tsưr ziv huôv tsar du lix kôngz nuv; tsuv uô li chas cov cxuô doanh nghiệp zok nriêr txos thiêz muôz pênhr nhiêx đros huôv tsar uô cov huv đros tsôngv kruô siêz nhiêv”

          Zơưv Nguyễn Tuấn Hà, phưv chủ tịch Thường trực uỷ ban tỉnh Đắc Lắc cux hêik pâuz tiêk: Chiê huôv tsar cov tâu truôx du lix, tỉnh tưz tso tơưv luôs hâux lưv huôv tsar du lix ntu 2021-2025 thiêz huôv tsar txos shông 2030; Thiêz tso tơưv Nghị quyết hội đôngx tỉnh paz huôv tsar du lix côngv thôngx trâu cxuô luz jêx jos muôx tsôngv px hêir nênhs tsơưs nhoz hâur thax tsav tỉnh ntu 2021-2025; tso tơưv luôs hâux lưv huôv tsar du lix jôngr ntông, du lix kôngz nuv txuôk đros cxiv tsa jêx jos yiêz tỉnh Đắc Lắc shông 2025; huôv tsar uô txos shông 2035; zos uô cov tâu tiêr cxuô luôs hâux lưv tso tơưv, tsuv hlôngr yiêz tsưr ziv huôv tsar uô du lix:“Pêz hlôngr yiêz tsưr ziv uô thiêx zuôr uô tâu truôx; taz sik, tsuv hlôngr yiêz tsưr ziv uô, txix têx doanh nghiệp, lênhx nênhs huôv tsar du lix thiêz txix cxuô tsênhv qơư, uỷ ban tỉnh. Zos pêz njuôk xav tsik truôx cux jông iz zav li têx đrôngl thành phố txơưr”

          Đros sik thav lok luôs hâux lưv huôv tsar du lix, iz cxiê faz tsưr ziv huôv tsar du lix kôngz nuv txuôk đros côngv thôngx nhoz Buôn Ma Thuột; cxuô lênhx đại biểu cux đros phêiz kênh têx tsưr ziv huôv tsar kinh tế du lix kôngz nuv, du lix côngv thôngx nhoz iz cxiê thax tsav qơư hâur têz qơưs, pir li du lix đrôngl Hội An tưz huôv tsar uô tâu yênhx côngz. Txix têx njiêz luk ntơư, tưz paz phênhv trâu đrôngl Buôn Ma Thuột, tỉnh Đắc Lắc cxaz nzir tsưr ziv huôv tsar du lix cov tâu zos đrêiv luôs hâux lưv tso tơưv, tsôngv px muôx luz nênhx truôx tuk tsâu sor./.

Tsu cxêik nhênhv-CQTT Tây Nguyên