Chôngz lênhx ntâu tus hluôk nhoz tox siêz Yên Bái siz zâuv muk cơưv kho yêz ô tô

Đros trâu cêr huôv tsar kinh tế-xã hội, muôx chôngz tsôngv pêx xênhv zuôr yêz ô tô tsar muk lok hâur niêx hnuz, chor doanh nghiệp hâur thiêz đrâuv luôs 2 chas têz qơưk tưz sir jos yưv pênhr trâu ngênhx đhok thiêz tsiv uô yêz ô tô ntơưv Việt Nam thiêz tsuv muôx ntâu nênhs lox tôngv uô têx hâux lưv kho yêz, đhok yêz ô tô. Đros trâu têx li heik co, zos hâux lưv por hưv, tsiv uô tâu têx chuôz zênhx, yêz jông huv đros sơưr đơưk siêz nhiêv lok six zov chênhr. Chênhr viv li zuôr muôx ntâu hâux lưv trâu chor hluôk nênhs nhiêv tsiv uô, kho yêz ô tô.

Têx shông jê lok no, chor tsêr cơưv cao đẳng kriê tsưr ziv uô nuv tưz huôv tsar, sir jos kriê txux chi trâu lênhx nênhs cơưv chiê muôx tsưr ziv uô nuv, iz kro lok six zuôr trâul txos thiêz tsêr cơưv Cao đẳng kriê nuv uô zos iz hâur têx tsêr cơưv uô jông luôs hâux lưv kriê txux chi li heik sâuv. Cưk kriê Đỗ Ngọc Thịnh, Tsar khoa Công nghệ yêz lox, tsêr cơưv Cao đẳng nuv uô Yên Bái heik pâuz, nhiv no, xav kror đruôz đraz iz shông, Khoa muôz muôx nhos 400 lênhx nênhs lês uô têx hâux lưv kho yêz lox trâu tênhx qơư lox tôngv hâur thiêz đrâuv luôs 2 chas tỉnh:“Iz shông chor shux xênhz tơưv tsêr cơưv puôr lênhx tsar ndê, shông kaz ntâu đuô shông uô ntêx. Đros thiêz tsaz yênhx cơưv mak shux xênhz cơưv 30% lok sâuv têx txux chi tsưr ziv, 70% cơưv hlê, đhok, kho; chor shux xênhz tâu cơưv lok six ntâu lok shâuv kho têx yêz”.

Lơưr Tổng cục kriê nuv uô li tsaz yênhx cơưv, đhâuv cơưv tiêr, shux xênhz tsêr cơưv Cao đẳng nuv uô Yên Bái cơưv kho yêz lox zuôr muôx txux chi tsưr ziv hlê kho têx meir tênhv, meir nzuôx chuô yêz lox, qênhz shuôs yêz.... Cưk kriê Lê Hữu Ngọc, Khoa công nghệ kho yêz lox heik pâuz:“Tuôx cơưv hâur tsêr cơưv no mak chor shux xênhz zuôr tâu buôk ti txos ntâu chuôz zênhx jông thiêz yiêz; tâu shâuv kho têx yêz lơưr tsưr ziv yiêz nhiv no. Yêz lox mak ziv hnuz ziv muôx ntâu zav thiêz hlôngr yiêz tsi so, viv li tsêr cơưv cux yưv pênhr trâu chor cưk kriê cơưv nzir lok têx txux chi tsưr ziv yuôr trâul, kriê kho têx yêz yiêz, txix ntơư gra siêz tsưr ziv jênhv, kriê txux chi huv đros trâu shux xênhz”.

Đros thiêz ngênhx công nghệ yêz lox, iz lênhx shux xênhz đhâu cơưv tas tơưv tsêr cơưv, zos cơưv têx txux chi tsưr ziv xưz, tsi shâuv hlê kho mak tsuv pôngz tsơưs tsơưs 3 shông thiêx pâuz kho têx yêz. Thâuv nhiv kruôr cơưv tiêr lok uô hâux lưv, chor qơư hlê kho yêz zuôr tsi chiê lơưr buôk ti hlê kho kruô têx yêz. Chiê đơưk uô têx hâux lưv li heik co, chor cưk kriê tsi so cxơưz cxiz têx shux xênhz moz siêz cơưv shâuv hlê kho cux li cxaz chuôz ntâu hội sik tưr thik têx txux chi tsưr ziv uô nuv chiê uô tâu jông đuô cxuô luôs hâux lưv. Đros thiêz cê cơưv cê shâuv hlê kho têx yêz tưz paz chor shux xênhz muôx nzir tsưr ziv uô hâux lưv thiêz muôx têx lênhk uô tâu ciês têx nuv đhâu cơưv tas tơưv tsêr cơưv.

Đros trâu têx li heik co, tsêr cơưv Cao đẳng nuv uô Yên Bái cux tưz hux jos đros iz cxiê doanh nghiệp uô lax luôv zuôr muôs yêz lox hâur thax tsav tỉnh cux li têx công ty nhoz TP Hải Phòng, tỉnh Vĩnh Phúc lok sâuv kriê txux chi, tsưr ziv uô nuv thiêz zok nriêr hâux lưv uô trâu chor nênhs đhâu cơưv tas. Iz chas ntơư, têx doanh nghiệp zuôr paz max kỹ thuật, lênhx nênhs trâu tsêr cơưv lok kriê tsưr ziv uô nuv, muôz jông six hơưv trâu shux xênhz cơưv shâuv, xeir zuôr têx lênhx muôx txux chi, txơưx uô hâux lưv....Khov li co, muôx nhos 90% lênhx nênhs đhâu cơưv tas tưz muôx hâux lưv uô đros thiêz phênhv sâu tâu txix 7 tsov đeiv tror zar sâuv iz hlik.  Đinh Xuân Tho thiêz Phạm Đức Thuận, cơưv kho yêz lox hâur tsêr cơưv Cao đẳng nuv uô Yên Bái heik:“Cur quyết định muk cơưv chiê tov kaz no cơưv tas muôx hâux lưv uô truôx, txoz cxơưx trâu luz nênhx. Tuôx cơưv ntơưv no cur tâu chor cưk kriê moz siêz kriê txux chi viv li cur tưz pâuz tâu ntâu đuô têx tsưr ziv lok kho yêz”.

“Cur pov cơưv uô luôs hâux lưv no huv đros zuk. Tsêr cơưv kriê têx txux chi tsưr ziv lok six jông thiêz muôx liv trâu pêz. Chor cưk kriê lơưr cux moz siêz kriê iz kro jux juk; têx meir, chuôz zênhx mak kror tưs cux kror jông”.

Tsênhv tsênhz, thâuv cơưv thiêz xar uô iz zav hâux lưv tưs tsi zos zôngx ziv. Chênhr viv li, lênhx nênhs cơưv tsuv truôx siêz thiêz sir jos cơưv, sir jos hla đhâu têx phiv liv thiêx tâu trơưk tsưr ziv xar./.

                                                                                                             Đinh Tuấn-Riê Lâux cxeik, nhênhv

Iz cxiê tsưr ziv tu zus hữu cơ

Kôngz nuv hữu cơ zos sik côngv tsưr ziv uô chax chês thiêz têx Khoa học yiêz, uô muôx liv trâu tênhx qơư, chiê muôx tâu têx xiv huv kôngz nuv hur, taz por đas jos, taz por por vêv tênhx qơư truôx tul.

          Kôngz nuv hữu cơ li iz cxiê tsưr ziv uô

          - Lok đas jos: Tsuv tuôr truôx thiêz por vêv ar têz, đrox tsuôk, tsiêx cxu, lênhx nênhs thiêz tas nro ntiêx têz.

          - Lok trôngz jôngr chiv xênhz đrox tsuôk: tsuv tsov lơưr têx trôngz jôngr chiv xênhz đrox tsuôk muôx ntơưv qơư, uô trơưk tsưr ziv chiê paz por vêv tas nro têx co.

          - Lok tsưr ziv côngz fênhx: Tsuv cxiv tsa thiêz uô li chas cov muôx tâu iz tênhx qơư jông, taz por chiê têx tsoz chos chiv xênhz đrox tsuôk huôv tsar jông.

          - Lok têx tsuv tsưv ziv: Tsuv tâu seiz car jông thiêz muôx txơưx jênhv chiê por vêv đas jos, por vêv tênhx qơư.

          Iz cxiê tsưr ziv tsênhz mênhx hâur tu zus hữu cơ

          - Tuôr truôx thiêz chuôz tsar uô li chas cov ar tsi tsuôs, muôx tâu ar tros jông tsêz chos.

          - Tsiv uô têx vuôz tsuôz, têx tsoz chos cxuô zav chiê tu zus tsiêx cxu.

          - Tuôr jông chiv xênhz đrox tsuôk, tênhx qơư ntơưv thax tsav qơư tsiv uô.

          - Tuôr truôx đas jos tsiêx cxu, cxơưz cxiz por vêv tsiêx cxu li đas jos cux xưk li xar nôngz tsiêx cxu jông thiêz muôx tsưr ziv tu zus huv đros.

          - Sir zôngv zav nox, krâur hữu cơ chiê tu zus.

          - Zôngv tsưr ziv, seiz car jông hâur hâux lưv tu zus lơưr ploz tsênhr huv đros, tsiêx cxu hloz lox jông, taz por tênhx qơư tu zus, taz por chiv xênhz đrox tsuôs./.

                                                                                                         Thanh Thủy-Txâur Vax cxeik nhênhv