Tsuv txar đêz zax zênhz viv cxuô chuôz zis  luz nênhx

            Tus nhuôv Loan Xênhv Vax, muôx 7 shông ntâu nhoz jok Pa Cốp, xar Vân Hồ, tỉnh Sơn La muôx iz ntu nênhx thâuv zâu lok six pôngz siêz thâuv txir trâus cơưv tux viv zuôr muôs zax zênhz, niêv khiêr muk zuôr txir tso nhuôv tsês thâuv tsênhv zâu, nhuôv Loan 2 nuk muôs tsuv đros pos zơưs thiêz chor nênhs cxênhz jê nhoz. Xar muôx 2 shông no, txir tơưv tsêr tux lok thiêz zuôr niêv zâu, Loan nhoz đros txir thiêz niêv zâu, taz sik cêr siz hluz nhoz nhuôv thiêz niêv zâu mak tsik jông xưk li niêv zus. Tiv zix, tiv niêv txir siz tso, tsik muôx ntơưr kriz xênhz viv li tưz muôx 7 shông ntâu,  Loan cux tsênhv tsik tâu muk cơưv ntơưr.

           Thâuv thav txos, niêv tix Say Xênhv Tsaz, nhoz đros hâur jok Pa Cốp, xar Vân Hồ, cux uô cuô muôs pôngz hlo hêik txos zuk luz nênhx. Nhoz qơư txơưr lok uô nhaz ntơưv Pa Cốp, oz niêv txir xênhz zus tâu 4 tuk mê nhuôv, xar tiêk zuôr muôx luz nênhx jông, taz sik niêv tix tuk txir zos Nênhz Xênhv Zax ho muôx zênhk zax zênhz txix thâuv tưs lok cux tsik pâuz. 2 shông no, niêv tix tuk txir tâu chox muk chiv zênhk zax zênhz, niêv tix iz lênhx tsuv sir jos tu zus chor mê nhuôv; taz sik tuk nhuôv hloz tưz tsuv tso ntơưr tsês tsik cơưv, viv chuôz zis luz nênhx txov nhêv hênhr:

           Đros nhuôv Loan thiêz niêv tix Say ziv chuôz zis, ntơưv jok Pa Cốp tsênhv yuôr ntâu chuôz zis txơưr luz nênhx cux puôk tsuôx tas viv zax zênhz. Bí thư Chi bôv, tsar jok Jêz Xênhv Vax cux hêik pâuz tiêk, jok Pa Cốp muôx 208 ziv chuôz zis, zuôr xar 1.200 lênhx nênhs, xar muôx 100% zos tsôngv box Hmôngz uô nênhx nhoz. Jok nhiv no muôx 17 lênhx tsênhv trâus cơư tux, 1 lênhx tsênhv taz tov zok nriêr cxov tiv cik txos zuôr muôs, tsês chiê, sir zôngv zax zênhz tsik trơưk chêi; iz cxiê lênhx nênhs txơưr tsênhv muk chiv xênhk zax zênhz. Zax zênhz uô trâu sơưr đơưk yêiz pluôs, nhiv no chor chuôz zis pluôs hâur jok yuôr 30%.

            Ntơưv jok Tà Dê, đros xar Vân Hồ, pos Mêiv Xênhv Zax 70 shông hnuz nhôngs, chuôs li tưz kuôx cuô muôs kruôr tas, viv 3 tus tuz đros trâu tus nhaz hloz cux trâus muk nhoz tux, tiv zax zênhz. Hâur co, tuk tuz hloz mak nhoz tux tas siv nênhx; tus nhaz hloz nhoz tux 16 shông; oz tuk tuz txơưr mak iz lênhx trâus tuô, iz lênhx tsuv nhoz tux 10 shông. Tas nro pos chor nhuôv xênhz nzưr zos pos iz lênhx tu zus. Pos siêz xar njôngr zos xar cov tas nro chuôz zis sik đros nox iz pluôs mor sor so, shir phaz, taz sik zuôr uô tsik tâu lơưv.

           Pos Nguyễn Thị Ngọc, Phưv Bí thư Thường trực Đảng ủy xar Vân Hồ puz pâuz, phiv liv tiv zix hâur côngz xưv tir tar chor nênhs fêv thiêz txiêz nanv zax zênhz nhoz Vân Hồ zos thax tsav đar, pêx xênhv tsik nhoz siz jê, cêr muk lok phiv liv; chor nênhs phamv cxâuv lok zax zênhz muôx ntâu tsưr ziv huôx tôngv; iz cxiê lênhx pêx xênhv cux tsênhv nyêi chor nênhs fêv co uô hiêv txos, viv li tsik car hêik pâuz chor nênhs fêv no trâu hâu nov ntơưv qơư pâuz. Taz sik, cấp ủy, chinhr quyền xar tưz sir jos uô txix ntâu tsưr ziv, hêik tas nro cxiv luôs chinhr triv sik đros uô.

            Chênhr zos li hêik ntơư, txix hnuz 1/7/2025 txos nhiv no, lưx lươngv muôx vax huôv xar Vân Hồ tưz cxov tâu 22 txuz, 24 lênhx nênhs uô cxâuv lok zax zênhz, sâu tsês xar muôx 500 njiêr yuôx shơư zax zênhz, 4,6 gam zênhz đơưz thiêz ntâu zav chuôz zênhx txơưr cik txos: “Ntu zuôr txos, pêz zuôr tror paz hâux lưv uô, paz trâu chor hluôk tsưr ziv huôv tsar uô nox, paz chor nênhs chiv zênhz zax zênhz tror lok uô nênhx đros côngv thôngx, jux juk txo grêk tsơưs chor nênhs phamv cxâuv lok zax zênhz, tuôr truôx ngaz tuk thiêz cxiv tsa xar Vân Hồ huôv tsar truôx jông”.

                                                                     Ly Thox cxêik nhênhv

Tập đoàn tênhv tênhz Việt Nam heik pâuz lok chor nênhs fêv têx tsưr ziv nziêk đas txix tin nhắn OTP

            Trơưk li Tập đoàn tênhv tênhz Việt Nammông heik pâuz, ntu jê lok no tưz muôx nênhs fêv uô tin nhắn OTP chuôr nziêk đas luôs lưv tus. Iz cxiê lênhx pêx xênhv sir zôngv tênhv heik pâuz, lơưr tưz txeik tâu têx tin nhắn muôx bê tiêk, zos Tênhv tênhz Việt Nam xa tuôx, hâur tin nhắn sâu mã OTP chuôr muôx 6 tus sôr, iz chas ntơư tsênhv muôx đros đường link “evn”, taz sik ho tsi thôngx li cxiê jiês. Tập đoàn tênhv tênhz Việt Nam khav tinhv, no zos nênhs fêv tsưr ziv nziêk đas, chiê pâuz tâu pêx xênhv têx mông, krêz gra nhiêx txiêx li uz li no.

            Đros thiêz Tênhv tênhz Việt Nam tsoz phưz, kriê tsôngv pêx xênhv uô têx ntâuz ntơưr uz no nhiv kruôr tâu fuô uô siv txix hnuz 15/6/2026, Tập đoàn tênhv tênhz Việt Nam heik pâuz, lênhx nênhs sir zôngv tsuôk txeik tâu tin nhắn muôx mã xav jênhv OTP thâuv krêz jiês xuz thơưx lok sik xav jênhv uô hâux lưv thâuv zôngv ngênhx tênhv tênhz ứng dụng tsoz phoz pêx xênhv. Iz chas ntơư, tin nhắn OTP mak pêx xênhv txeik tâu tsi sâu iz zav đaz tsi đros hlo.

             Chiê taz por truôx tuk têx mông, Tập đoàn tênhv tênhz Việt Nam heik tsôngv pêx xênhv sơưr đơưk sir zôngv tênhv tsuv chênhr phax lok nênhs fêv tsưr ziv nziêk đas li heik sâuv. Thiêz sơưr đơưk tsuv tsov cưv txos têx li đrav kaz:

            1.Tsi tâu krêz uô trơưk têx đường link tsi pâuz tsênhz xa đros tin nhắn, email, mạng xã hội lok sik ứng dụng tin nhắn chiv chir tiêk zos Tập đoàn tênhv tênhz Việt Nam.

             2.Tsi muôz mã OTP, têx tài khoản zênhx hax lok sik zuk têx mông trâu website, tsưr tsix, lênhx nênhs tưs đas tiêk zos nênhs uô hâux lưv hâur ngênhx tênhv tênhz lok sik Tập đoàn tênhv tênhz Việt Nam.

           3.Tsuôk uô trơưk li têx pâuz tsênhz txix krêz Goole Play thiêz Appp Store. Tsôngv pêx xênhv sơưr đơưk tsuv tiz jông qênhz shuôs, tsi mnôngs, tsi uô trơưk luôs lưv tus tsi pâuz tsênhz bê heik kriê.

           Tsôngv pêx xênhv muôx têx quét mã QR chiê tải Tập đoàn tênhv tênhz Việt Nam ứng dụng tsoz phưz pêx xênhv txix têx muôx tsênhz. Thâuv pov tin nhắn  tâu xav tiêk zos chuôr, zôngx ziv trâus nziêk đas mak sơưr đơưk hu ciês trâu Tổng đài tsoz phưz pêx xênhv têx Tổng Công ty tênhv chiê tâu paz max, xav jênhv tsênhz mênhx./.

Hồng Việt-Riê Lâux cxeik, nhênhv